TITUS
Rg-Veda: Rg-Veda-Samhita
Part No. 22
Previous part

Hymn: 22 
Verse: 1 
Halfverse: a    prātaryújā ví bodʰayāśvínāv éhá gacʰatām /
   prātaryújā ví bodʰaya_
   prātaryújā ví bodʰaya
   prātaryújā ví bodʰaya

Halfverse: b    _aśvínāv éhá gacʰatām /
   aśvínau ā́ ihá gacʰatām /
   aśvínāv éhá gacʰatām /

Halfverse: c    asyá sómasya pītáye //
   asyá sómasya pītáye //
   asyá sómasya pītáye //
   asyá sómasya pītáye //


Verse: 2 
Halfverse: a    yā́ surátʰā ratʰī́tamobʰā́ devā́ divispŕ̥śā /
   yā́ surátʰā ratʰī́tamā_
   yā́ surátʰā ratʰī́tamā
   yā́ surátʰā ratʰī́tama

Halfverse: b    _ubʰā́ devā́ divispŕ̥śā /
   ubʰā́ devā́ divispŕ̥śā /
   ubʰā́ devā́ divispŕ̥śā /

Halfverse: c    aśvínā tā́ havāmahe //
   aśvínā tā́ havāmahe //
   aśvínā tā́ havāmahe //
   aśvínā tā́ havāmahe //


Verse: 3 
Halfverse: a    yā́ vāṃ káśā mádʰumaty áśvinā sūnŕ̥tāvatī /
   yā́ vāṃ káśā mádʰumaty
   yā́ vām káśā mádʰumatī
   yā́ vāṃ káśā mádʰumatī

Halfverse: b    áśvinā sūnŕ̥tāvatī /
   áśvinā sūnŕ̥tāvatī /
   áśvinā sūnŕ̥tāvatī /

Halfverse: c    táyā yajñám mimikṣatam //
   táyā yajñám mimikṣatam //
   táyā yajñám mimikṣatam //
   táyā yajñám mimikṣatam //


Verse: 4 
Halfverse: a    nahí vām ásti dūraké yátrā rátʰena gácʰatʰaḥ /
   nahí vām ásti dūraké
   nahí vām ásti dūraké
   nahí vām ásti dūraké

Halfverse: b    yátrā rátʰena gácʰatʰaḥ /
   yátra+ rátʰena gácʰatʰaḥ /
   yátrā rátʰena gácʰatʰaḥ /

Halfverse: c    áśvinā somíno gr̥hám //
   áśvinā somíno gr̥hám //
   áśvinā somínaḥ gr̥hám //
   áśvinā somíno gr̥hám //


Verse: 5 
Halfverse: a    híraṇyapāṇim ūtáye savitā́ram úpa hvaye /
   híraṇyapāṇim ūtáye
   híraṇyapāṇim ūtáye
   híraṇyapāṇim ūtáye

Halfverse: b    savitā́ram úpa hvaye /
   savitā́ram úpa hvaye /
   savitā́ram úpa hvaye /

Halfverse: c    sá céttā devátā padám //
   sá céttā devátā padám //
   sá céttā devátā padám //
   sá céttā devátā padám //


Verse: 6 
Halfverse: a    apā́ṃ nápātam ávase savitā́ram úpa stuhi /
   apā́ṃ nápātam ávase
   apā́m nápātam ávase
   apā́ṃ nápātam ávase

Halfverse: b    savitā́ram úpa stuhi /
   savitā́ram úpa stuhi /
   savitā́ram úpa stuhi /

Halfverse: c    tásya vratā́ny uśmasi //
   tásya vratā́ny uśmasi //
   tásya vratā́ni uśmasi //
   tásya vratā́ni uśmasi //


Verse: 7 
Halfverse: a    vibʰaktā́raṃ havāmahe vásoś citrásya rā́dʰasaḥ /
   vibʰaktā́raṃ havāmahe
   vibʰaktā́ram havāmahe
   vibʰaktā́raṃ havāmahe

Halfverse: b    vásoś citrásya rā́dʰasaḥ /
   vásoḥ citrásya rā́dʰasaḥ /
   vásoś citrásya rā́dʰasaḥ /

Halfverse: c    savitā́raṃ nr̥cákṣasam //
   savitā́raṃ nr̥cákṣasam //
   savitā́ram nr̥cákṣasam //
   savitā́raṃ nr̥cákṣasam //


Verse: 8 
Halfverse: a    sákʰāya ā́ ní ṣīdata savitā́ stómyo nú naḥ /
   sákʰāya ā́ ní ṣīdata
   sákʰāyaḥ ā́ ní sīdata
   sákʰāya ā́ ní ṣīdata

Halfverse: b    savitā́ stómyo nú naḥ /
   savitā́ stómyaḥ nú naḥ /
   savitā́ stómiyo nú naḥ /

Halfverse: c    dā́tā rā́dʰāṃsi śumbʰati //
   dā́tā rā́dʰāṃsi śumbʰati //
   dā́tā rā́dʰāṃsi śumbʰati //
   dā́tā rā́dʰāṃsi śumbʰati //


Verse: 9 
Halfverse: a    ágne pátnīr ihā́ vaha devā́nām uśatī́r úpa /
   ágne pátnīr ihā́ vaha
   ágne pátnīḥ ihá ā́ vaha
   ágne pátnīr ihā́ vaha

Halfverse: b    devā́nām uśatī́r úpa /
   devā́nām uśatī́ḥ úpa /
   devā́nām uśatī́r úpa /

Halfverse: c    tváṣṭāraṃ sómapītaye //
   tváṣṭāraṃ sómapītaye //
   tváṣṭāram sómapītaye //
   tváṣṭāraṃ sómapītaye //


Verse: 10 
Halfverse: a    ā́ gnā́ agna ihā́vase hótrāṃ yaviṣṭʰa bʰā́ratīm /
   ā́ gnā́ agna ihā́vase
   ā́ gnā́ḥ agne ihá ávase
   ā́ gnā́ agna ihā́vase

Halfverse: b    hótrāṃ yaviṣṭʰa bʰā́ratīm /
   hótrām yaviṣṭʰa bʰā́ratīm /
   hótrāṃ yaviṣṭʰa bʰā́ratīm /

Halfverse: c    várūtrīṃ dʰiṣáṇāṃ vaha //
   várūtrīṃ dʰiṣáṇāṃ vaha //
   várūtrīm dʰiṣáṇām vaha //
   várūtrīṃ dʰiṣáṇāṃ vaha //


Verse: 11 
Halfverse: a    abʰí no devī́r ávasā maháḥ śármaṇā nr̥pátnīḥ /
   abʰí no devī́r ávasā
   abʰí+ naḥ devī́ḥ ávasā
   abʰí no devī́r ávasā

Halfverse: b    maháḥ śármaṇā nr̥pátnīḥ /
   maháḥ śármaṇā nr̥pátnīḥ /
   maháḥ śármaṇā nr̥pátnīḥ /

Halfverse: c    ácʰinnapatrāḥ sacantām //
   ácʰinnapatrāḥ sacantām //
   ácʰinnapatrāḥ sacantām //
   ácʰinnapatrāḥ sacantām //


Verse: 12 
Halfverse: a    ihéndrāṇī́m úpa hvaye varuṇānī́ṃ svastáye /
   ihéndrāṇī́m úpa hvaye
   ihá indrāṇī́m úpa hvaye
   ihéndrāṇī́m úpa hvaye

Halfverse: b    varuṇānī́ṃ svastáye /
   varuṇānī́m svastáye /
   varuṇānī́ṃ suastáye /

Halfverse: c    agnā́yīṃ sómapītaye //
   agnā́yīṃ sómapītaye //
   agnā́yīm sómapītaye //
   agnā́yīṃ sómapītaye //


Verse: 13 
Halfverse: a    mahī́ dyaúḥ pr̥tʰivī́ ca na imáṃ yajñám \.\ mimikṣatām /
   mahī́ dyaúḥ pr̥tʰivī́ ca na
   mahī́ dyaúḥ pr̥tʰivī́ ca naḥ
   mahī́ dyaúḥ pr̥tʰivī́ ca na

Halfverse: b    imáṃ yajñám mimikṣatām /
   imám yajñám mimikṣatām /
   imáṃ yajñám mimikṣatām /

Halfverse: c    pipr̥tā́ṃ no bʰárīmabʰiḥ //
   pipr̥tā́ṃ no bʰárīmabʰiḥ //
   pipr̥tā́m naḥ bʰárīmabʰiḥ //
   pipr̥tā́ṃ no bʰárīmabʰiḥ //


Verse: 14 
Halfverse: a    táyor íd gʰr̥távat páyo víprā rihanti dʰītíbʰiḥ /
   táyor íd gʰr̥távat páyo
   táyoḥ ít gʰr̥távat páyaḥ
   táyor íd gʰr̥távat páyo

Halfverse: b    víprā rihanti dʰītíbʰiḥ /
   víprāḥ rihanti dʰītíbʰiḥ /
   víprā rihanti dʰītíbʰiḥ /

Halfverse: c    gandʰarvásya dʰruvé padé //
   gandʰarvásya dʰruvé padé //
   gandʰarvásya dʰruvé padé //
   gandʰarvásya dʰruvé padé //


Verse: 15 
Halfverse: a    syonā́ pr̥tʰivi bʰavānr̥kṣarā́ nivéśanī /
   syonā́ pr̥tʰivi bʰava_
   syonā́ pr̥tʰivi bʰava
   siyonā́ pr̥tʰivi bʰava

Halfverse: b    _anr̥kṣarā́ nivéśanī /
   anr̥kṣarā́ nivéśanī /
   anr̥kṣarā́ nivéśanī /

Halfverse: c    yácʰā naḥ śárma saprátʰaḥ //
   yácʰā naḥ śárma saprátʰaḥ //
   yácʰa+ naḥ śárma saprátʰaḥ //
   yácʰā naḥ śárma saprátʰaḥ //


Verse: 16 
Halfverse: a    áto devā́ avantu no yáto víṣṇur vicakramé /
   áto devā́ avantu no
   átaḥ devā́ḥ avantu naḥ
   áto devā́ avantu no

Halfverse: b    yáto víṣṇur vicakramé /
   yátaḥ víṣṇuḥ vicakramé /
   yáto víṣṇur vicakramé /

Halfverse: c    pr̥tʰivyā́ḥ saptá dʰā́mabʰiḥ //
   pr̥tʰivyā́ḥ saptá dʰā́mabʰiḥ //
   pr̥tʰivyā́ḥ saptá dʰā́mabʰiḥ //
   pr̥tʰivyā́ḥ saptá dʰā́mabʰiḥ //


Verse: 17 
Halfverse: a    idáṃ víṣṇur ví cakrame tredʰā́ ní dadʰe padám /
   idáṃ víṣṇur ví cakrame
   idám víṣṇuḥ ví cakrame
   idáṃ víṣṇur ví cakrame

Halfverse: b    tredʰā́ ní dadʰe padám /
   tredʰā́ ní dadʰe padám /
   trayidʰā́ ní dadʰe padám /

Halfverse: c    sámūḷʰam asya pāṃsuré //
   sámūḷʰam asya pāṃsuré //
   sámūḷʰam asya pāṃsuré //
   sámūḷʰam asya pāṃsuré //


Verse: 18 
Halfverse: a    trī́ṇi padā́ ví cakrame víṣṇur gopā́ ádābʰyaḥ /
   trī́ṇi padā́ ví cakrame
   trī́ṇi padā́ ví cakrame
   trī́ṇi padā́ ví cakrame

Halfverse: b    víṣṇur gopā́ ádābʰyaḥ /
   víṣṇuḥ gopā́ḥ ádābʰyaḥ /
   víṣṇur gopā́ ádābʰiyaḥ /

Halfverse: c    áto dʰármāṇi dʰāráyan //
   áto dʰármāṇi dʰāráyan //
   átaḥ dʰármāṇi dʰāráyan //
   áto dʰármāṇi dʰāráyan //


Verse: 19 
Halfverse: a    víṣṇoḥ kármāṇi paśyata yáto vratā́ni paspaśé /
   víṣṇoḥ kármāṇi paśyata
   víṣṇoḥ kármāṇi paśyata
   víṣṇoḥ kármāṇi paśyata

Halfverse: b    yáto vratā́ni paspaśé /
   yátaḥ vratā́ni paspaśé /
   yáto vratā́ni paspaśé /

Halfverse: c    índrasya yújyaḥ sákʰā //
   índrasya yújyaḥ sákʰā //
   índrasya yújyaḥ sákʰā //
   índrasya yújiyaḥ sákʰā //


Verse: 20 
Halfverse: a    tád víṣṇoḥ paramám padáṃ sádā paśyanti sūráyaḥ /
   tád víṣṇoḥ paramám padáṃ
   tát víṣṇoḥ paramám padám
   tád víṣṇoḥ paramám padáṃ

Halfverse: b    sádā paśyanti sūráyaḥ /
   sádā paśyanti sūráyaḥ /
   sádā paśyanti sūráyaḥ /

Halfverse: c    divī̀va cákṣur ā́tatam //
   divī̀va cákṣur ā́tatam //
   diví iva cákṣuḥ ā́tatam //
   divī̀va cákṣur ā́tatam //


Verse: 21 
Halfverse: a    tád víprāso vipanyávo jāgr̥vā́ṃsaḥ sám indʰate /
   tád víprāso vipanyávo
   tát víprāsaḥ vipanyávaḥ
   tád víprāso vipanyávo

Halfverse: b    jāgr̥vā́ṃsaḥ sám indʰate /
   jāgr̥vā́ṃsaḥ sám indʰate /
   jāgr̥vā́ṃsaḥ sám indʰate /

Halfverse: c    víṣṇor yát paramám padám //
   víṣṇor yát paramám padám //
   víṣṇoḥ yát paramám padám //
   víṣṇor yát paramám padám //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.