TITUS
Rg-Veda: Rg-Veda-Samhita
Part No. 23
Previous part

Hymn: 23 
Verse: 1 
Halfverse: a    tīvrā́ḥ sómāsa ā́ gahy āśī́rvantaḥ sutā́ imé /
   tīvrā́ḥ sómāsa ā́ gahy
   tīvrā́ḥ sómāsaḥ ā́ gahi
   tīvrā́ḥ sómāsa ā́ gahi

Halfverse: b    āśī́rvantaḥ sutā́ imé /
   āśī́rvantaḥ sutā́ḥ imé /
   āśī́rvantaḥ sutā́ imé /

Halfverse: c    vā́yo tā́n prástʰitān piba //
   vā́yo tā́n prástʰitān piba //
   vā́yo tā́n prástʰitān piba //
   vā́yo tā́n prástʰitān piba //


Verse: 2 
Halfverse: a    ubʰā́ devā́ divispŕ̥śendravāyū́ havāmahe /
   ubʰā́ devā́ divispŕ̥śā_
   ubʰā́ devā́ divispŕ̥śā
   ubʰā́ devā́ divispŕ̥śā

Halfverse: b    _indravāyū́ havāmahe /
   indravāyū́ havāmahe /
   indravāyū́ havāmahe /

Halfverse: c    asyá sómasya pītáye //
   asyá sómasya pītáye //
   asyá sómasya pītáye //
   asyá sómasya pītáye //


Verse: 3 
Halfverse: a    indravāyū́ manojúvā víprā havanta ūtáye /
   indravāyū́ manojúvā
   indravāyū́ manojúvā
   indravāyū́ manojúvā

Halfverse: b    víprā havanta ūtáye /
   víprāḥ havante ūtáye /
   víprā havanta ūtáye /

Halfverse: c    sahasrākṣā́ dʰiyás pátī //
   sahasrākṣā́ dʰiyás pátī //
   sahasrākṣā́ dʰiyáḥ pátī //
   sahasrākṣā́ dʰiyás pátī //


Verse: 4 
Halfverse: a    mitráṃ vayáṃ havāmahe váruṇaṃ sómapītaye /
   mitráṃ vayáṃ havāmahe
   mitrám vayám havāmahe
   mitráṃ vayáṃ havāmahe

Halfverse: b    váruṇaṃ sómapītaye /
   váruṇam sómapītaye /
   váruṇaṃ sómapītaye /

Halfverse: c    jajñānā́ pūtádakṣasā //
   jajñānā́ pūtádakṣasā //
   jajñānā́ pūtádakṣasā //
   jajñānā́ pūtádakṣasā //


Verse: 5 
Halfverse: a    r̥téna yā́v r̥tāvŕ̥dʰāv r̥tásya jyótiṣas pátī /
   r̥téna yā́v r̥tāvŕ̥dʰāv
   r̥téna yaú r̥tāvŕ̥dʰau
   r̥téna yā́v r̥tāvŕ̥dʰāv

Halfverse: b    r̥tásya jyótiṣas pátī /
   r̥tásya jyótiṣaḥ pátī /
   r̥tásya jyótiṣas pátī /

Halfverse: c    tā́ mitrā́váruṇā huve //
   tā́ mitrā́váruṇā huve //
   tā́ mitrā́váruṇā huve //
   tā́ mitrā́váruṇā huve //


Verse: 6 
Halfverse: a    váruṇaḥ prāvitā́ bʰuvan mitró víśvābʰir ūtíbʰiḥ /
   váruṇaḥ prāvitā́ bʰuvan
   váruṇaḥ prāvitā́ bʰuvat
   váruṇaḥ prāvitā́ bʰuvan

Halfverse: b    mitró víśvābʰir ūtíbʰiḥ /
   mitráḥ víśvābʰiḥ ūtíbʰiḥ /
   mitró víśvābʰir ūtíbʰiḥ /

Halfverse: c    káratāṃ naḥ surā́dʰasaḥ //
   káratāṃ naḥ surā́dʰasaḥ //
   káratām naḥ surā́dʰasaḥ //
   káratāṃ naḥ surā́dʰasaḥ //


Verse: 7 
Halfverse: a    marútvantaṃ havāmaha índram ā́ sómapītaye /
   marútvantaṃ havāmaha
   marútvantam havāmahe
   marútvantaṃ havāmaha

Halfverse: b    índram ā́ sómapītaye /
   índram ā́ sómapītaye /
   índram ā́ sómapītaye /

Halfverse: c    sajū́r gaṇéna tr̥mpatu //
   sajū́r gaṇéna tr̥mpatu //
   sajū́ḥ gaṇéna tr̥mpatu //
   sajū́r gaṇéna tr̥mpatu //


Verse: 8 
Halfverse: a    índrajyeṣṭʰā márudgaṇā dévāsaḥ pū́ṣarātayaḥ /
   índrajyeṣṭʰā márudgaṇā
   índrajyeṣṭʰāḥ márudgaṇāḥ
   índrajyeṣṭʰā márudgaṇā

Halfverse: b    dévāsaḥ pū́ṣarātayaḥ /
   dévāsaḥ pū́ṣarātayaḥ /
   dévāsaḥ pū́ṣarātayaḥ /

Halfverse: c    víśve máma śrutā hávam //
   víśve máma śrutā hávam //
   víśve máma śruta+ hávam //
   víśve máma śrutā hávam //


Verse: 9 
Halfverse: a    hatá vr̥tráṃ sudānava índreṇa sáhasā yujā́ /
   hatá vr̥tráṃ sudānava
   hatá vr̥trám sudānavaḥ
   hatá vr̥tráṃ sudānava

Halfverse: b    índreṇa sáhasā yujā́ /
   índreṇa sáhasā yujā́ /
   índreṇa sáhasā yujā́ /

Halfverse: c    mā́ no duḥśáṃsa īśata //
   mā́ no duḥśáṃsa īśata //
   mā́ naḥ duḥśáṃsaḥ īśata //
   mā́ no duḥśáṃsa īśata //


Verse: 10 
Halfverse: a    víśvān devā́n havāmahe marútaḥ sómapītaye /
   víśvān devā́n havāmahe
   víśvān devā́n havāmahe
   víśvān devā́n havāmahe

Halfverse: b    marútaḥ sómapītaye /
   marútaḥ sómapītaye /
   marútaḥ sómapītaye /

Halfverse: c    ugrā́ hí pŕ̥śnimātaraḥ //
   ugrā́ hí pŕ̥śnimātaraḥ //
   ugrā́ḥ hí pŕ̥śnimātaraḥ //
   ugrā́ hí pŕ̥śnimātaraḥ //


Verse: 11 
Halfverse: a    jáyatām iva tanyatúr marútām eti dʰr̥ṣṇuyā́ /
   jáyatām iva tanyatúr
   jáyatām iva tanyatúḥ
   jáyatām iva tanyatúr

Halfverse: b    marútām eti dʰr̥ṣṇuyā́ /
   marútām eti dʰr̥ṣṇuyā́ /
   marútām eti dʰr̥ṣṇuyā́ /

Halfverse: c    yác cʰúbʰaṃ yātʰánā naraḥ //
   yác cʰúbʰaṃ yātʰánā naraḥ //
   yát śúbʰam yātʰána+ naraḥ //
   yác cʰúbʰaṃ yātʰánā naraḥ //


Verse: 12 
Halfverse: a    haskārā́d vidyútas páry áto jātā́ avantu naḥ /
   haskārā́d vidyútas páry
   haskārā́t vidyútaḥ pári
   haskārā́d vidyútas pári

Halfverse: b    áto jātā́ avantu naḥ /
   átaḥ jātā́ḥ avantu naḥ /
   áto jātā́ avantu naḥ /

Halfverse: c    marúto mr̥ḷayantu naḥ //
   marúto mr̥ḷayantu naḥ //
   marútaḥ mr̥ḷayantu naḥ //
   marúto mr̥ḷayantu naḥ //


Verse: 13 
Halfverse: a    ā́ pūṣañ citrábarhiṣam ā́gʰr̥ṇe dʰarúṇaṃ diváḥ /
   ā́ pūṣañ citrábarhiṣam
   ā́ pūṣan citrábarhiṣam
   ā́ pūṣañ citrábarhiṣam

Halfverse: b    ā́gʰr̥ṇe dʰarúṇaṃ diváḥ /
   ā́gʰr̥ṇe dʰarúṇam diváḥ /
   ā́gʰr̥ṇe dʰarúṇaṃ diváḥ /

Halfverse: c    ā́jā naṣṭáṃ yátʰā paśúm //
   ā́jā naṣṭáṃ yátʰā paśúm //
   ā́ aja+ naṣṭám yátʰā paśúm //
   ā́jā naṣṭáṃ yátʰā paśúm //


Verse: 14 
Halfverse: a    pūṣā́ rā́jānam ā́gʰr̥ṇir ápagūḷʰaṃ gúhā hitám /
   pūṣā́ rā́jānam ā́gʰr̥ṇir
   pūṣā́ rā́jānam ā́gʰr̥ṇiḥ
   pūṣā́ rā́jānam ā́gʰr̥ṇir

Halfverse: b    ápagūḷʰaṃ gúhā hitám /
   ápagūḷʰam gúhā hitám /
   ápagūḷʰaṃ gúhā hitám /

Halfverse: c    ávindac citrábarhiṣam //
   ávindac citrábarhiṣam //
   ávindat citrábarhiṣam //
   ávindac citrábarhiṣam //


Verse: 15 
Halfverse: a    utó sá máhyam índubʰiḥ ṣáḍ yuktā́m̐ anuséṣidʰat /
   utó sá máhyam índubʰiḥ
   utá u sá máhyam índubʰiḥ
   utó sá máhyam índubʰiḥ

Halfverse: b    ṣáḍ yuktā́m̐ anuséṣidʰat /
   ṣáṭ yuktā́n anuséṣidʰat /
   ṣáḍ yuktā́m̐ anuséṣidʰat /

Halfverse: c    góbʰir yávaṃ ná carkr̥ṣat //
   góbʰir yávaṃ ná carkr̥ṣat //
   góbʰiḥ yávam ná carkr̥ṣat //
   góbʰir yávaṃ ná carkr̥ṣat //


Verse: 16 
Halfverse: a    ambáyo yanty ádʰvabʰir jāmáyo adʰvarīyatā́m /
   ambáyo yanty ádʰvabʰir
   ambáyaḥ yanti ádʰvabʰiḥ
   ambáyo yanti ádʰvabʰir

Halfverse: b    jāmáyo adʰvarīyatā́m /
   jāmáyaḥ adʰvarīyatā́m /
   jāmáyo adʰvarīyatā́m /

Halfverse: c    pr̥ñcatī́r mádʰunā páyaḥ //
   pr̥ñcatī́r mádʰunā páyaḥ //
   pr̥ñcatī́ḥ mádʰunā páyaḥ //
   pr̥ñcatī́r mádʰunā páyaḥ //


Verse: 17 
Halfverse: a    amū́r yā́ úpa sū́rye yā́bʰir vā sū́ryaḥ sahá /
   amū́r yā́ úpa sū́rye
   amū́ḥ yā́ḥ úpa sū́rye
   amū́r yā́ úpa sū́riye

Halfverse: b    yā́bʰir vā sū́ryaḥ sahá /
   yā́bʰiḥ vā sū́ryaḥ sahá /
   yā́bʰir vā sū́riyaḥ sahá /

Halfverse: c    tā́ no hinvantv adʰvarám //
   tā́ no hinvantv adʰvarám //
   tā́ḥ naḥ hinvantu adʰvarám //
   tā́ no hinvantu adʰvarám //


Verse: 18 
Halfverse: a    apó devī́r úpa hvaye yátra gā́vaḥ píbanti naḥ /
   apó devī́r úpa hvaye
   apáḥ devī́ḥ úpa hvaye
   apó devī́r úpa hvaye

Halfverse: b    yátra gā́vaḥ píbanti naḥ /
   yátra gā́vaḥ píbanti naḥ /
   yátra gā́vaḥ píbanti naḥ /

Halfverse: c    síndʰubʰyaḥ kártvaṃ havíḥ //
   síndʰubʰyaḥ \!\ kártvaṃ havíḥ //
   síndʰubʰyaḥ kártvam havíḥ //
   síndʰubʰyaḥ kártuvaṃ havíḥ //


Verse: 19 
Halfverse: a    apsv àntár amŕ̥tam apsú bʰeṣajám apā́m utá práśastaye /
   apsv àntár amŕ̥tam apsú bʰeṣajám
   apsú antár amŕ̥tam apsú bʰeṣajám
   apsú antár amŕ̥tam apsú bʰeṣajám

Halfverse: b    apā́m utá práśastaye /
   apā́m utá práśastaye /
   apā́m utá práśastaye /

Halfverse: c    dévā bʰávata vājínaḥ //
   dévā bʰávata vājínaḥ //
   dévāḥ bʰávata vājínaḥ //
   dévā bʰávata vājínaḥ //


Verse: 20 
Halfverse: a    apsú me sómo abravīd antár víśvāni bʰeṣajā́ /
   apsú me sómo abravīd
   apsú me sómaḥ abravīt
   apsú me sómo abravīd

Halfverse: b    antár víśvāni bʰeṣajā́ /
   antár víśvāni bʰeṣajā́ /
   antár víśvāni bʰeṣajā́ /

Halfverse: c    agníṃ ca viśváśambʰuvam ā́paś ca viśvábʰeṣajīḥ //
   agníṃ ca viśváśambʰuvam
   agním ca viśváśambʰuvam
   agníṃ ca viśváśambʰuvam

Halfverse: d    ā́paś ca viśvábʰeṣajīḥ //
   ā́paḥ ca viśvábʰeṣajīḥ //
   ā́paś ca viśvábʰeṣajīḥ //


Verse: 21 
Halfverse: a    ā́paḥ pr̥ṇītá bʰeṣajáṃ várūtʰaṃ tanvè máma /
   ā́paḥ pr̥ṇītá bʰeṣajáṃ
   ā́paḥ pr̥ṇītá bʰeṣajám
   ā́paḥ pr̥ṇītá bʰeṣajáṃ

Halfverse: b    várūtʰaṃ tanvè máma /
   várūtʰam tanvè máma /
   várūtʰaṃ tanúve máma /

Halfverse: c    jyók ca sū́ryaṃ dr̥śé //
   jyók ca sū́ryaṃ dr̥śé //
   jyók ca sū́ryam dr̥śé //
   jiyók ca sū́riyaṃ dr̥śé //


Verse: 22 
Halfverse: a    idám āpaḥ prá vahata yát kíṃ ca duritám máyi /
   idám āpaḥ prá vahata
   idám āpaḥ prá vahata
   idám āpaḥ prá vahata

Halfverse: b    yát kíṃ ca duritám máyi /
   yát kím ca duritám máyi /
   yát kíṃ ca duritám máyi /

Halfverse: c    yád vāhám abʰidudróha yád vā śepá utā́nr̥tam //
   yád vāhám abʰidudróha
   yát vā ahám abʰidudróha
   yád vāhám abʰidudróha

Halfverse: d    yád vā śepá utā́nr̥tam //
   yát vā śepé utá ánr̥tam //
   yád vā śepá utā́nr̥tam //


Verse: 23 
Halfverse: a    ā́po adyā́nv acāriṣaṃ rásena sám agasmahi /
   ā́po adyā́nv acāriṣaṃ
   ā́paḥ adyá ánu acāriṣam
   ā́po adyā́nv acāriṣaṃ

Halfverse: b    rásena sám agasmahi /
   rásena sám agasmahi /
   rásena sám agasmahi /

Halfverse: c    páyasvān agna ā́ gahi tám mā sáṃ sr̥ja várcasā //
   páyasvān agna ā́ gahi
   páyasvān agne ā́ gahi
   páyasvān agna ā́ gahi

Halfverse: d    tám mā sáṃ sr̥ja várcasā //
   tám mā sám sr̥ja várcasā //
   tám mā sáṃ sr̥ja várcasā //


Verse: 24 
Halfverse: a    sám māgne várcasā sr̥ja sám prajáyā sám ā́yuṣā /
   sám māgne várcasā sr̥ja
   sám mā agne várcasā sr̥ja
   sám māgne várcasā sr̥ja

Halfverse: b    sám prajáyā sám ā́yuṣā /
   sám prajáyā sám ā́yuṣā /
   sám prajáyā sám ā́yuṣā /

Halfverse: c    vidyúr me asya devā́ índro vidyāt sahá ŕ̥ṣibʰiḥ //
   vidyúr me asya devā́
   vidyúḥ me asya devā́ḥ
   vidyúr me asya devâ

Halfverse: d    índro vidyāt sahá ŕ̥ṣibʰiḥ //
   índraḥ vidyāt sahá ŕ̥ṣibʰiḥ //
   índro vidyāt sahá rṣibʰiḥ //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.