TITUS
Rg-Veda: Rg-Veda-Samhita
Part No. 24
Previous part

Hymn: 24 
Verse: 1 
Halfverse: a    kásya nūnáṃ katamásyāmŕ̥tānām mánāmahe cā́ru devásya nā́ma /
   kásya nūnáṃ katamásyāmŕ̥tānām
   kásya nūnám katamásya amŕ̥tānām
   kásya nūnáṃ katamásyāmŕ̥tānām

Halfverse: b    mánāmahe cā́ru devásya nā́ma /
   mánāmahe cā́ru devásya nā́ma /
   mánāmahe cā́ru devásya nā́ma /

Halfverse: c    kó no mahyā́ áditaye púnar dāt pitáraṃ ca dr̥śéyam mātáraṃ ca //
   kó no mahyā́ áditaye púnar dāt
   káḥ naḥ mahyaí áditaye púnar dāt
   kó no mahyā́ áditaye púnar dāt

Halfverse: d    pitáraṃ ca dr̥śéyam mātáraṃ ca //
   pitáram ca dr̥śéyam mātáram ca //
   pitáraṃ ca dr̥śéyam mātáraṃ ca //


Verse: 2 
Halfverse: a    agnér vayám pratʰamásyāmŕ̥tānām mánāmahe cā́ru devásya nā́ma /
   agnér vayám pratʰamásyāmŕ̥tānām
   agnéḥ vayám pratʰamásya amŕ̥tānām
   agnér vayám pratʰamásyāmŕ̥tānām

Halfverse: b    mánāmahe cā́ru devásya nā́ma /
   mánāmahe cā́ru devásya nā́ma /
   mánāmahe cā́ru devásya nā́ma /

Halfverse: c    sá no mahyā́ áditaye púnar dāt pitáraṃ ca dr̥śéyam mātáraṃ ca //
   sá no mahyā́ áditaye púnar dāt
   sá naḥ mahyaí áditaye púnar dāt
   sá no mahyā́ áditaye púnar dāt

Halfverse: d    pitáraṃ ca dr̥śéyam mātáraṃ ca //
   pitáram ca dr̥śéyam mātáram ca //
   pitáraṃ ca dr̥śéyam mātáraṃ ca //


Verse: 3 
Halfverse: a    abʰí tvā deva savitar ī́śānaṃ vā́ryāṇām /
   abʰí tvā deva savitar
   abʰí tvā deva savitar
   abʰí tvā deva savitar

Halfverse: b    ī́śānaṃ vā́ryāṇām /
   ī́śānam vā́ryāṇām /
   ī́śānaṃ vā́riyāṇãam /

Halfverse: c    sádāvan bʰāgám īmahe //
   sádāvan bʰāgám īmahe //
   sádā avan bʰāgám īmahe //
   sádāvan bʰāgám īmahe //


Verse: 4 
Halfverse: a    yáś cid dʰí ta ittʰā́ bʰágaḥ śaśamānáḥ purā́ nidáḥ /
   yáś cid dʰí ta ittʰā́ bʰágaḥ
   yáḥ cit hí te ittʰā́ bʰágaḥ
   yáś cid dʰí ta ittʰā́ bʰágaḥ

Halfverse: b    śaśamānáḥ purā́ nidáḥ /
   śaśamānáḥ purā́ nidáḥ /
   śaśamānáḥ purā́ nidáḥ /

Halfverse: c    adveṣó hástayor dadʰé //
   adveṣó hástayor dadʰé //
   adveṣáḥ hástayoḥ dadʰé //
   adveṣó hástayor dadʰé //


Verse: 5 
Halfverse: a    bʰágabʰaktasya te vayám úd aśema távā́vasā /
   bʰágabʰaktasya te vayám
   bʰágabʰaktasya te vayám
   bʰágabʰaktasya te vayám

Halfverse: b    úd aśema távā́vasā /
   út aśema táva ávasā /
   úd aśema távā́vasā /

Halfverse: c    mūrdʰā́naṃ rāyá ārábʰe //
   mūrdʰā́naṃ rāyá ārábʰe //
   mūrdʰā́nam rāyáḥ ārábʰe //
   mūrdʰā́naṃ rāyá ārábʰe //


Verse: 6 
Halfverse: a    nahí te kṣatráṃ ná sáho ná manyúṃ váyaś canā́mī́ patáyanta āpúḥ /
   nahí te kṣatráṃ ná sáho ná manyúṃ
   nahí te kṣatrám ná sáhaḥ ná manyúm
   nahí te kṣatráṃ ná sáho ná manyúṃ

Halfverse: b    váyaś canā́mī́ patáyanta āpúḥ /
   váyaḥ caná amī́ patáyantaḥ āpúḥ /
   váyaś canā́mī́ patáyanta āpúḥ /

Halfverse: c    némā́ ā́po animiṣáṃ cárantīr ná yé vā́tasya praminánty ábʰvam //
   némā́ ā́po animiṣáṃ cárantīr
   ná imā́ḥ ā́paḥ animiṣám cárantīḥ
   némā́ ā́po animiṣáṃ cárantīr

Halfverse: d    ná yé vā́tasya praminánty ábʰvam //
   ná yé vā́tasya praminánti ábʰvam //
   ná yé vā́tasya praminánti ábʰvam //


Verse: 7 
Halfverse: a    abudʰné rā́jā váruṇo vánasyordʰváṃ stū́paṃ dadate pūtádakṣaḥ /
   abudʰné rā́jā váruṇo vánasya_
   abudʰné rā́jā váruṇaḥ vánasya
   abudʰné rā́jā váruṇo vánasya

Halfverse: b    _ūrdʰváṃ stū́paṃ dadate pūtádakṣaḥ /
   ūrdʰvám stū́pam dadate pūtádakṣaḥ /
   ūrdʰváṃ stū́paṃ dadate pūtádakṣaḥ /

Halfverse: c    nīcī́nā stʰur upári budʰná eṣām asmé antár níhitāḥ ketávaḥ syuḥ //
   nīcī́nā stʰur upári budʰná eṣām
   nīcī́nāḥ stʰuḥ upári budʰnáḥ eṣām
   nīcī́nā stʰur upári budʰná eṣām

Halfverse: d    asmé antár níhitāḥ ketávaḥ syuḥ //
   asmé antár níhitāḥ ketávaḥ syuḥ //
   asmé antár níhitāḥ ketávaḥ syuḥ //


Verse: 8 
Halfverse: a    urúṃ hí rā́jā váruṇaś cakā́ra sū́ryāya pántʰām ánvetavā́ u /
   urúṃ hí rā́jā váruṇaś cakā́ra
   urúm hí rā́jā váruṇaḥ cakā́ra
   urúṃ hí rā́jā váruṇaś cakā́ra

Halfverse: b    sū́ryāya pántʰām ánvetavā́ u /
   sū́ryāya pántʰām ánvetavaí u /
   sū́ryāya pántʰām ánuetavā́ u /

Halfverse: c    apáde pā́dā prátidʰātave 'kar utā́pavaktā́ hr̥dayāvídʰaś cit //
   apáde pā́dā prátidʰātave 'kar
   apáde pā́dā prátidʰātave kar !
   apáde pā́dā prátidʰātave 'kar

Halfverse: d    utā́pavaktā́ hr̥dayāvídʰaś cit //
   utá apavaktā́ hr̥dayāvídʰaḥ cit //
   utā́pavaktā́ hr̥dayāvídʰaś cit //


Verse: 9 
Halfverse: a    śatáṃ te rājan bʰiṣájaḥ sahásram urvī́ gabʰīrā́ sumatíṣ ṭe astu /
   śatáṃ te rājan bʰiṣájaḥ sahásram
   śatám te rājan bʰiṣájaḥ sahásram
   śatáṃ te rājan bʰiṣájaḥ sahásram

Halfverse: b    urvī́ gabʰīrā́ sumatíṣ ṭe astu /
   urvī́ gabʰīrā́ sumatíḥ te astu /
   urvī́ gabʰīrā́ sumatíṣ ṭe astu /

Halfverse: c    bā́dʰasva dūré nírr̥tim parācaíḥ kr̥táṃ cid énaḥ prá mumugdʰy asmát //
   bā́dʰasva dūré nírr̥tim parācaíḥ
   bā́dʰasva dūré nírr̥tim parācaíḥ
   bā́dʰasva dūré nírr̥tim parācaíḥ

Halfverse: d    kr̥táṃ cid énaḥ prá mumugdʰy asmát //
   kr̥tám cit énaḥ prá mumugdʰi asmát //
   kr̥táṃ cid énaḥ prá mumugdʰi asmát //


Verse: 10 
Halfverse: a    amī́ yá ŕ̥kṣā níhitāsa uccā́ náktaṃ dádr̥śre kúha cid díveyuḥ /
   amī́ yá ŕ̥kṣā níhitāsa uccā́
   amī́ yé ŕ̥kṣāḥ níhitāsaḥ uccā́
   amī́ yá ŕ̥kṣā níhitāsa uccā́

Halfverse: b    náktaṃ dádr̥śre kúha cid díveyuḥ /
   náktam dádr̥śre kúha cit dívā īyuḥ /
   náktaṃ dádr̥śre kúha cid díveyuḥ /

Halfverse: c    ádabdʰāni váruṇasya vratā́ni vicā́kaśac candrámā náktam eti //
   ádabdʰāni váruṇasya vratā́ni
   ádabdʰāni váruṇasya vratā́ni
   ádabdʰāni váruṇasya vratā́ni

Halfverse: d    vicā́kaśac candrámā náktam eti //
   vicā́kaśat candrámāḥ náktam eti //
   vicā́kaśac candrámā náktam eti //


Verse: 11 
Halfverse: a    tát tvā yāmi bráhmaṇā vándamānas tád ā́ śāste yájamāno havírbʰiḥ /
   tát tvā yāmi bráhmaṇā vándamānas
   tát tvā yāmi bráhmaṇā vándamānaḥ
   tát tvā yāmi bráhmaṇā vándamānas

Halfverse: b    tád ā́ śāste yájamāno havírbʰiḥ /
   tát ā́ śāste yájamānaḥ havírbʰiḥ /
   tád ā́ śāste yájamāno havírbʰiḥ /

Halfverse: c    áheḷamāno varuṇehá bodʰy úruśaṃsa mā́ na ā́yuḥ prá moṣīḥ //
   áheḷamāno varuṇehá bodʰy
   áheḷamānaḥ varuṇa ihá bodʰi
   áheḷamāno varuṇehá bodʰi

Halfverse: d    úruśaṃsa mā́ na ā́yuḥ prá moṣīḥ //
   úruśaṃsa mā́ naḥ ā́yuḥ prá moṣīḥ //
   úruśaṃsa mā́ na ā́yuḥ prá moṣīḥ //


Verse: 12 
Halfverse: a    tád ín náktaṃ tád dívā máhyam āhus tád ayáṃ kéto hr̥dá ā́ ví caṣṭe /
   tád ín náktaṃ tád dívā máhyam āhus
   tát ít náktam tát dívā máhyam āhuḥ
   tád ín náktaṃ tád dívā máhyam āhus

Halfverse: b    tád ayáṃ kéto hr̥dá ā́ ví caṣṭe /
   tát ayám kétaḥ hr̥dáḥ ā́ ví caṣṭe /
   tád ayáṃ kéto hr̥dá ā́ ví caṣṭe /

Halfverse: c    śúnaḥśépo yám áhvad gr̥bʰītáḥ só asmā́n rā́jā váruṇo mumoktu //
   śúnaḥśépo yám áhvad gr̥bʰītáḥ
   śúnaḥśépaḥ yám áhvat gr̥bʰītáḥ
   śúnaḥśépo yám áhuvad gr̥bʰītáḥ

Halfverse: d    só asmā́n rā́jā váruṇo mumoktu //
   sáḥ \!\ asmā́n rā́jā váruṇaḥ mumoktu //
   só asmā́n rā́jā váruṇo mumoktu //


Verse: 13 
Halfverse: a    śúnaḥśépo hy áhvad gr̥bʰītás triṣv ā̀dityáṃ drupadéṣu baddʰáḥ /
   śúnaḥśépo hy áhvad gr̥bʰītás
   śúnaḥśépaḥ hí áhvat gr̥bʰītáḥ
   śúnaḥśépo hí áhuvad gr̥bʰītás

Halfverse: b    triṣv ā̀dityáṃ drupadéṣu baddʰáḥ /
   triṣú ādityám drupadéṣu baddʰáḥ /
   triṣú ādityáṃ drupadéṣu baddʰáḥ /

Halfverse: c    ávainaṃ rā́jā váruṇaḥ sasr̥jyād vidvā́m̐ ádabdʰo ví mumoktu pā́śān //
   ávainaṃ rā́jā váruṇaḥ sasr̥jyād
   áva enam rā́jā váruṇaḥ sasr̥jyāt
   ávainaṃ rā́jā váruṇaḥ sasr̥jyād

Halfverse: d    vidvā́m̐ ádabdʰo ví mumoktu pā́śān //
   vidvā́n ádabdʰaḥ ví mumoktu pā́śān //
   vidvā́m̐ ádabdʰo ví mumoktu pā́śān //


Verse: 14 
Halfverse: a    áva te héḷo varuṇa námobʰir áva yajñébʰir īmahe havírbʰiḥ /
   áva te héḷo varuṇa námobʰir
   áva te héḷaḥ varuṇa námobʰiḥ
   áva te héḷo varuṇa námobʰir

Halfverse: b    áva yajñébʰir īmahe havírbʰiḥ /
   áva yajñébʰiḥ īmahe havírbʰiḥ /
   áva yajñébʰir īmahe havírbʰiḥ /

Halfverse: c    kṣáyann asmábʰyam asura pracetā rā́jann énāṃsi śiśratʰaḥ kr̥tā́ni //
   kṣáyann asmábʰyam asura pracetā
   kṣáyan asmábʰyam asura pracetāḥ \!!\
   kṣáyann asmábʰyam asura pracetā

Halfverse: d    rā́jann énāṃsi śiśratʰaḥ kr̥tā́ni //
   rā́jan énāṃsi śiśratʰaḥ kr̥tā́ni //
   rā́jann énāṃsi śiśratʰaḥ kr̥tā́ni //


Verse: 15 
Halfverse: a    úd uttamáṃ varuṇa pā́śam asmád ávādʰamáṃ ví madʰyamáṃ śratʰāya /
   úd uttamáṃ varuṇa pā́śam asmád
   út uttamám varuṇa pā́śam asmát
   úd uttamáṃ varuṇa pā́śam asmád

Halfverse: b    ávādʰamáṃ ví madʰyamáṃ śratʰāya /
   áva adʰamám ví madʰyamám śratʰāya /
   ávādʰamáṃ ví madʰyamáṃ śratʰāya /

Halfverse: c    átʰā vayám āditya vraté távā́nāgaso áditaye syāma //
   átʰā vayám āditya vraté táva_
   átʰa+ vayám āditya vraté táva
   átʰā vayám āditiya vraté táva

Halfverse: d    _ánāgaso áditaye syāma //
   ánāgasaḥ áditaye syāma //
   ánāgaso áditaye siyāma //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.