TITUS
Rg-Veda: Rg-Veda-Samhita
Part No. 25
Previous part

Hymn: 25 
Verse: 1 
Halfverse: a    yác cid dʰí te víśo yatʰā prá deva varuṇa vratám /
   yác cid dʰí te víśo yatʰā
   yát cit hí te víśaḥ yatʰā
   yác cid dʰí te víśo yatʰā

Halfverse: b    prá deva varuṇa vratám /
   prá deva varuṇa vratám /
   prá deva varuṇa vratám /

Halfverse: c    minīmási dyávi-dyavi //
   minīmási dyávi-dyavi //
   minīmási dyávi-dyavi //
   minīmási dyávi-dyavi //


Verse: 2 
Halfverse: a    mā́ no vadʰā́ya hatnáve jihīḷānásya rīradʰaḥ /
   mā́ no vadʰā́ya hatnáve
   mā́ naḥ vadʰā́ya hatnáve
   mā́ no vadʰā́ya hatnáve

Halfverse: b    jihīḷānásya rīradʰaḥ /
   jihīḷānásya rīradʰaḥ /
   jihīḷānásya rīradʰaḥ /

Halfverse: c    mā́ hr̥ṇānásya manyáve //
   mā́ hr̥ṇānásya manyáve //
   mā́ hr̥ṇānásya manyáve //
   mā́ hr̥ṇānásya manyáve //


Verse: 3 
Halfverse: a    ví mr̥ḷīkā́ya te máno ratʰī́r áśvaṃ ná sáṃditam /
   ví mr̥ḷīkā́ya te máno
   ví mr̥ḷīkā́ya te mánaḥ
   ví mr̥ḷīkā́ya te máno

Halfverse: b    ratʰī́r áśvaṃ ná sáṃditam /
   ratʰī́ḥ áśvam ná sáṃditam /
   ratʰī́r áśvaṃ ná sáṃditam /

Halfverse: c    gīrbʰír varuṇa sīmahi //
   gīrbʰír varuṇa sīmahi //
   gīrbʰíḥ varuṇa sīmahi //
   gīrbʰír varuṇa sīmahi //


Verse: 4 
Halfverse: a    párā hí me vímanyavaḥ pátanti vásyaïṣṭaye /
   párā hí me vímanyavaḥ
   párā hí me vímanyavaḥ
   párā hí me vímanyavaḥ

Halfverse: b    pátanti vásyaïṣṭaye /
   pátanti vásyaïṣṭaye /
   pátanti vásyaïṣṭaye /

Halfverse: c    váyo ná vasatī́r úpa //
   váyo ná vasatī́r úpa //
   váyaḥ ná vasatī́ḥ úpa //
   váyo ná vasatī́r úpa //


Verse: 5 
Halfverse: a    kadā́ kṣatraśríyaṃ náram ā́ váruṇaṃ karāmahe /
   kadā́ kṣatraśríyaṃ náram
   kadā́ kṣatraśríyam náram
   kadā́ kṣatraśríyaṃ náram

Halfverse: b    ā́ váruṇaṃ karāmahe /
   ā́ váruṇam karāmahe /
   ā́ váruṇaṃ karāmahe /

Halfverse: c    mr̥ḷīkā́yorucákṣasam //
   mr̥ḷīkā́yorucákṣasam //
   mr̥ḷīkā́ya urucákṣasam //
   mr̥ḷīkā́yorucákṣasam //


Verse: 6 
Halfverse: a    tád ít samānám āśāte vénantā ná prá yucʰataḥ /
   tád ít samānám āśāte
   tát ít samānám āśāte
   tád ít samānám āśate*

Halfverse: b    vénantā ná prá yucʰataḥ /
   vénantā ná prá yucʰataḥ /
   vénantā ná prá yucʰataḥ /

Halfverse: c    dʰr̥távratāya dāśúṣe //
   dʰr̥távratāya dāśúṣe //
   dʰr̥távratāya dāśúṣe //
   dʰr̥távratāya dāśúṣe //


Verse: 7 
Halfverse: a    védā yó vīnā́m padám antárikṣeṇa pátatām /
   védā yó vīnā́m padám
   véda+ yáḥ vīnā́m padám
   védā yó vīnâám padám

Halfverse: b    antárikṣeṇa pátatām /
   antárikṣeṇa pátatām /
   antárikṣeṇa pátatām /

Halfverse: c    véda nāváḥ samudríyaḥ //
   véda nāváḥ samudríyaḥ //
   véda nāváḥ samudríyaḥ //
   véda nāváḥ samudríyaḥ //


Verse: 8 
Halfverse: a    véda māsó dʰr̥távrato dvā́daśa prajā́vataḥ /
   véda māsó dʰr̥távrato
   véda māsáḥ dʰr̥távrataḥ
   véda māsó dʰr̥távrato

Halfverse: b    dvā́daśa prajā́vataḥ /
   dvā́daśa prajā́vataḥ /
   duvā́daśa prajā́vataḥ /

Halfverse: c    védā yá upajā́yate //
   védā yá upajā́yate //
   véda+ yáḥ upajā́yate //
   védā yá upajā́yate //


Verse: 9 
Halfverse: a    véda vā́tasya vartaním urór r̥ṣvásya br̥hatáḥ /
   véda vā́tasya vartaním
   véda vā́tasya vartaním
   véda vā́tasya vartaním

Halfverse: b    urór r̥ṣvásya br̥hatáḥ /
   uróḥ r̥ṣvásya br̥hatáḥ /
   urór r̥ṣvásya br̥hatáḥ /

Halfverse: c    védā yé adʰyā́sate //
   védā yé adʰyā́sate //
   véda+ yé adʰyā́sate //
   védā yé adʰiā́sate //


Verse: 10 
Halfverse: a    ní ṣasāda dʰr̥távrato váruṇaḥ pastyā̀sv ā́ /
   ní ṣasāda dʰr̥távrato
   ní sasāda dʰr̥távrataḥ
   ní ṣasāda dʰr̥távrato

Halfverse: b    váruṇaḥ pastyā̀sv ā́ /
   váruṇaḥ pastyā̀su ā́ /
   váruṇaḥ pastíyāsu ā́ /

Halfverse: c    sā́mrājyāya sukrátuḥ //
   sā́mrājyāya sukrátuḥ //
   sā́mrājyāya sukrátuḥ //
   sā́mrājiyāya sukrátuḥ //


Verse: 11 
Halfverse: a    áto víśvāny ádbʰutā cikitvā́m̐ abʰí paśyati /
   áto víśvāny ádbʰutā
   átaḥ víśvāni ádbʰutā
   áto víśvāni ádbʰutā

Halfverse: b    cikitvā́m̐ abʰí paśyati /
   cikitvā́n abʰí paśyati /
   cikitvā́m̐ abʰí paśyati /

Halfverse: c    kr̥tā́ni yā́ ca kártvā //
   kr̥tā́ni yā́ ca kártvā //
   kr̥tā́ni yā́ ca kártvā //
   kr̥tā́ni yā́ ca kártuvā //


Verse: 12 
Halfverse: a    sá no viśvā́hā sukrátur ādityáḥ supátʰā karat /
   sá no viśvā́hā sukrátur
   sá naḥ viśvā́hā sukrátuḥ
   sá no viśvā́hā sukrátur

Halfverse: b    ādityáḥ supátʰā karat /
   ādityáḥ supátʰā karat /
   ādityáḥ supátʰā karat /

Halfverse: c    prá ṇa ā́yūṃṣi tāriṣat //
   prá ṇa ā́yūṃṣi tāriṣat //
   prá naḥ ā́yūṃṣi tāriṣat //
   prá ṇa ā́yūṃṣi tāriṣat //


Verse: 13 
Halfverse: a    bíbʰrad drāpíṃ hiraṇyáyaṃ váruṇo vasta nirṇíjam /
   bíbʰrad drāpíṃ hiraṇyáyaṃ
   bíbʰrat drāpím hiraṇyáyam
   bíbʰrad drāpíṃ hiraṇyáyaṃ

Halfverse: b    váruṇo vasta nirṇíjam /
   váruṇaḥ vasta nirṇíjam /
   váruṇo vasta nirṇíjam /

Halfverse: c    pári spáśo ní ṣedire //
   pári spáśo ní ṣedire //
   pári spáśaḥ ní sedire //
   pári spáśo ní ṣedire //


Verse: 14 
Halfverse: a    ná yáṃ dípsanti dipsávo ná drúhvāṇo jánānām /
   ná yáṃ dípsanti dipsávo
   ná yám dípsanti dipsávaḥ
   ná yáṃ dípsanti dipsávo

Halfverse: b    ná drúhvāṇo jánānām /
   ná drúhvāṇaḥ jánānām /
   ná drúhvāṇo jánānãam /

Halfverse: c    ná devám abʰímātayaḥ //
   ná devám abʰímātayaḥ //
   ná devám abʰímātayaḥ //
   ná devám abʰímātayaḥ //


Verse: 15 
Halfverse: a    utá yó mā́nuṣeṣv ā́ yáśaś cakré ásāmy ā́ /
   utá yó mā́nuṣeṣv ā́
   utá yáḥ mā́nuṣeṣu ā́
   utá yó mā́nuṣeṣu ā́

Halfverse: b    yáśaś cakré ásāmy ā́ /
   yáśaḥ cakré ásāmi ā́ /
   yáśaś cakré ásāmi ā́ /

Halfverse: c    asmā́kam udáreṣv ā́ //
   asmā́kam udáreṣv ā́ //
   asmā́kam udáreṣu ā́ //
   asmā́kam udáreṣu ā́ //


Verse: 16 
Halfverse: a    párā me yanti dʰītáyo gā́vo ná gávyūtīr ánu /
   párā me yanti dʰītáyo
   párā me yanti dʰītáyaḥ
   párā me yanti dʰītáyo

Halfverse: b    gā́vo ná gávyūtīr ánu /
   gā́vaḥ ná gávyūtīḥ ánu /
   gā́vo ná gávyūtīr ánu /

Halfverse: c    icʰántīr urucákṣasam //
   icʰántīr urucákṣasam //
   icʰántīḥ urucákṣasam //
   icʰántīr urucákṣasam //


Verse: 17 
Halfverse: a    sáṃ nú vocāvahai púnar yáto me mádʰv ā́bʰr̥tam /
   sáṃ nú vocāvahai púnar
   sám nú vocāvahai púnar
   sáṃ nú vocāvahai púnar

Halfverse: b    yáto me mádʰv ā́bʰr̥tam /
   yátaḥ me mádʰu ā́bʰr̥tam /
   yáto me mádʰu ā́bʰr̥tam /

Halfverse: c    hóteva kṣádase priyám //
   hóteva kṣádase priyám //
   hótā iva kṣádase priyám //
   hóteva kṣádase priyám //


Verse: 18 
Halfverse: a    dárśaṃ nú viśvádarśataṃ dárśaṃ rátʰam ádʰi kṣámi /
   dárśaṃ nú viśvádarśataṃ
   dárśam nú viśvádarśatam
   dárśaṃ nú viśvádarśataṃ

Halfverse: b    dárśaṃ rátʰam ádʰi kṣámi /
   dárśam rátʰam ádʰi kṣámi /
   dárśaṃ rátʰam ádʰi kṣámi /

Halfverse: c    etā́ juṣata me gíraḥ //
   etā́ juṣata me gíraḥ //
   etā́ḥ juṣata me gíraḥ //
   etā́ juṣata me gíraḥ //


Verse: 19 
Halfverse: a    imám me varuṇa śrudʰī hávam adyā́ ca mr̥ḷaya /
   imám me varuṇa śrudʰī
   imám me varuṇa śrudʰi+
   imám me varuṇa śrudʰī

Halfverse: b    hávam adyā́ ca mr̥ḷaya /
   hávam adyá+ ca mr̥ḷaya /
   hávam adyā́ ca mr̥ḷaya /

Halfverse: c    tvā́m avasyúr ā́ cake //
   tvā́m avasyúr ā́ cake //
   tvā́m avasyúḥ ā́ cake //
   tuvā́m avasyúr ā́ cake //


Verse: 20 
Halfverse: a    tváṃ víśvasya medʰira diváś ca gmáś ca rājasi /
   tváṃ víśvasya medʰira
   tvám víśvasya medʰira
   tuváṃ víśvasya medʰira

Halfverse: b    diváś ca gmáś ca rājasi /
   diváḥ ca gmáḥ ca rājasi /
   diváś ca gmáś ca rājasi /

Halfverse: c    sá yā́mani práti śrudʰi //
   sá yā́mani práti śrudʰi //
   sá yā́mani práti śrudʰi //
   sá yā́mani práti śrudʰi //


Verse: 21 
Halfverse: a    úd uttamám mumugdʰi no ví pā́śam madʰyamáṃ cr̥ta /
   úd uttamám mumugdʰi no
   út uttamám mumugdʰi naḥ
   úd uttamám mumugdʰi no

Halfverse: b    ví pā́śam madʰyamáṃ cr̥ta /
   ví pā́śam madʰyamám cr̥ta /
   ví pā́śam madʰyamáṃ cr̥ta /

Halfverse: c    ávādʰamā́ni jīváse //
   ávādʰamā́ni jīváse //
   áva adʰamā́ni jīváse //
   ávādʰamā́ni jīváse //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.