TITUS
Rg-Veda: Rg-Veda-Samhita
Part No. 26
Previous part

Hymn: 26 
Verse: 1 
Halfverse: a    vásiṣvā hí miyedʰya vástrāṇy ūrjām pate /
   vásiṣvā hí miyedʰya
   vásiṣva+ hí miyedʰya
   vásiṣvā hí miyedʰiya

Halfverse: b    vástrāṇy ūrjām pate /
   vástrāṇi ūrjām pate /
   vástrāṇi ūrjãam pate /

Halfverse: c    sémáṃ no adʰvaráṃ yaja //
   sémáṃ no adʰvaráṃ yaja //
   sá imám naḥ adʰvarám yaja //
   sémáṃ no adʰvaráṃ yaja //


Verse: 2 
Halfverse: a    ní no hótā váreṇyaḥ sádā yaviṣṭʰa mánmabʰiḥ /
   ní no hótā váreṇyaḥ
   ní naḥ hótā váreṇyaḥ
   ní no hótā váreṇiyaḥ

Halfverse: b    sádā yaviṣṭʰa mánmabʰiḥ /
   sáda+ ! yaviṣṭʰa mánmabʰiḥ /
   sádā yaviṣṭʰa mánmabʰiḥ /

Halfverse: c    ágne divítmatā vácaḥ //
   ágne divítmatā vácaḥ //
   ágne divítmatā vácaḥ //
   ágne divítmatā vácaḥ //


Verse: 3 
Halfverse: a    ā́ hí ṣmā sūnáve pitā́pír yájaty āpáye /
   ā́ hí ṣmā sūnáve pitā́_
   ā́ hí sma+ sūnáve pitā́
   ā́ hí ṣmā sūnáve pitā́

Halfverse: b    _āpír yájaty āpáye /
   āpíḥ yájati āpáye /
   āpír yájati āpáye /

Halfverse: c    sákʰā sákʰye váreṇyaḥ //
   sákʰā sákʰye váreṇyaḥ //
   sákʰā sákʰye váreṇyaḥ //
   sákʰā sákʰye váreṇiyaḥ //


Verse: 4 
Halfverse: a    ā́ no barhī́ riśā́daso váruṇo mitró aryamā́ /
   ā́ no barhī́ riśā́daso
   ā́ naḥ barhíḥ riśā́dasaḥ
   ā́ no barhī́ riśā́daso

Halfverse: b    váruṇo mitró aryamā́ /
   váruṇaḥ mitráḥ aryamā́ /
   váruṇo mitró aryamā́ /

Halfverse: c    sī́dantu mánuṣo yatʰā //
   sī́dantu mánuṣo yatʰā //
   sī́dantu mánuṣaḥ yatʰā //
   sī́dantu mánuṣo yatʰā //


Verse: 5 
Halfverse: a    pū́rvya hotar asyá no mándasva sakʰyásya ca /
   pū́rvya hotar asyá no
   pū́rvya hotar asyá naḥ
   pū́rviya hotar asyá no

Halfverse: b    mándasva sakʰyásya ca /
   mándasva sakʰyásya ca /
   mándasva sakʰiyásya ca /

Halfverse: c    imā́ u ṣú śrudʰī gíraḥ //
   imā́ u ṣú śrudʰī gíraḥ //
   imā́ḥ u sú śrudʰi+ gíraḥ //
   imā́ u ṣú śrudʰī gíraḥ //


Verse: 6 
Halfverse: a    yác cid dʰí śáśvatā tánā deváṃ-devaṃ yájāmahe /
   yác cid dʰí śáśvatā tánā
   yát cit hí śáśvatā tánā
   yác cid dʰí śáśvatā tánā

Halfverse: b    deváṃ-devaṃ yájāmahe /
   deváṃ-devam yájāmahe /
   deváṃ-devaṃ yájāmahe /

Halfverse: c    tvé íd dʰūyate havíḥ //
   tvé íd dʰūyate havíḥ //
   tvé ít hūyate havíḥ //
   tuvé íd dʰūyate havíḥ //


Verse: 7 
Halfverse: a    priyó no astu viśpátir hótā mandró váreṇyaḥ /
   priyó no astu viśpátir
   priyáḥ naḥ astu viśpátiḥ
   priyó no astu viśpátir

Halfverse: b    hótā mandró váreṇyaḥ /
   hótā mandráḥ váreṇyaḥ /
   hótā mandró váreṇiyaḥ /

Halfverse: c    priyā́ḥ svagnáyo vayám //
   priyā́ḥ svagnáyo vayám //
   priyā́ḥ svagnáyaḥ vayám //
   priyā́ḥ suagnáyo vayám //


Verse: 8 
Halfverse: a    svagnáyo hí vā́ryaṃ devā́so dadʰiré ca naḥ /
   svagnáyo hí vā́ryaṃ
   svagnáyaḥ hí vā́ryam
   suagnáyo hí vā́riyaṃ

Halfverse: b    devā́so dadʰiré ca naḥ /
   devā́saḥ dadʰiré ca naḥ /
   devā́so dadʰiré ca naḥ /

Halfverse: c    svagnáyo manāmahe //
   svagnáyo manāmahe //
   svagnáyaḥ manāmahe //
   suagnáyo manāmahe //


Verse: 9 
Halfverse: a    átʰā na ubʰáyeṣām ámr̥ta mártyānām /
   átʰā na ubʰáyeṣām
   átʰa+ naḥ ubʰáyeṣām
   átʰā na ubʰáyeṣãam

Halfverse: b    ámr̥ta mártyānām /
   ámr̥ta mártyānām /
   ámr̥ta mártiyānãam /

Halfverse: c    mitʰáḥ santu práśastayaḥ //
   mitʰáḥ santu práśastayaḥ //
   mitʰáḥ santu práśastayaḥ //
   mitʰáḥ santu práśastayaḥ //


Verse: 10 
Halfverse: a    víśvebʰir agne agníbʰir imáṃ yajñám idáṃ vácaḥ /
   víśvebʰir agne agníbʰir
   víśvebʰiḥ agne agníbʰiḥ
   víśvebʰir agne agníbʰir

Halfverse: b    imáṃ yajñám idáṃ vácaḥ /
   imám yajñám idám vácaḥ /
   imáṃ yajñám idáṃ vácaḥ /

Halfverse: c    cáno dʰāḥ sahaso yaho //
   cáno dʰāḥ sahaso yaho //
   cánaḥ dʰāḥ sahasaḥ yaho //
   cáno dʰāḥ sahaso yaho //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.