TITUS
Rg-Veda: Rg-Veda-Samhita
Part No. 27
Previous part

Hymn: 27 
Verse: 1 
Halfverse: a    áśvaṃ ná tvā vā́ravantaṃ vandádʰyā agníṃ námobʰiḥ /
   áśvaṃ ná tvā vā́ravantaṃ
   áśvam ná tvā vā́ravantam
   áśvaṃ ná tvā vā́ravantaṃ

Halfverse: b    vandádʰyā agníṃ námobʰiḥ /
   vandádʰyai agním námobʰiḥ /
   vandádʰyā agníṃ námobʰiḥ /

Halfverse: c    samrā́jantam adʰvarā́ṇām //
   samrā́jantam adʰvarā́ṇām //
   samrā́jantam adʰvarā́ṇām //
   samrā́jantam adʰvarā́ṇām //


Verse: 2 
Halfverse: a    sá gʰā naḥ sūnúḥ śávasā pr̥tʰúpragāmā suśévaḥ /
   sá gʰā naḥ sūnúḥ śávasā
   sá gʰa+ naḥ sūnúḥ śávasā
   sá gʰā naḥ sūnúḥ śávasā

Halfverse: b    pr̥tʰúpragāmā suśévaḥ /
   pr̥tʰúpragāmā suśévaḥ /
   pr̥tʰúpragāmā suśévaḥ /

Halfverse: c    mīḍʰvā́m̐ asmā́kam babʰūyāt //
   mīḍʰvā́m̐ asmā́kam babʰūyāt //
   mīḍʰvā́n asmā́kam babʰūyāt //
   mīḍʰvā́m̐ asmā́kam babʰūyāt //


Verse: 3 
Halfverse: a    sá no dūrā́c cāsā́c ca ní mártyād agʰāyóḥ /
   sá no dūrā́c cāsā́c ca
   sá naḥ dūrā́t ca āsā́t ca
   sá no dūrā́c ca āsā́c ca

Halfverse: b    ní mártyād agʰāyóḥ /
   ní mártyāt agʰāyóḥ /
   ní mártiyãad agʰāyóḥ /

Halfverse: c    pāhí sádam íd viśvā́yuḥ //
   pāhí sádam íd viśvā́yuḥ //
   pāhí sádam ít viśvā́yuḥ //
   pāhí sádam íd viśvā́yuḥ //


Verse: 4 
Halfverse: a    imám ū ṣú tvám asmā́kaṃ saníṃ gāyatráṃ návyāṃsam /
   imám ū ṣú tvám asmā́kaṃ
   imám u+ sú tvám asmā́kam
   imám ū ṣú tvám asmā́kaṃ

Halfverse: b    saníṃ gāyatráṃ návyāṃsam /
   saním gāyatrám návyāṃsam /
   saníṃ gāyatráṃ návyāṃsam /

Halfverse: c    ágne devéṣu prá vocaḥ //
   ágne devéṣu prá vocaḥ //
   ágne devéṣu prá vocaḥ //
   ágne devéṣu prá vocaḥ //


Verse: 5 
Halfverse: a    ā́ no bʰaja paraméṣv ā́ vā́jeṣu madʰyaméṣu /
   ā́ no bʰaja paraméṣv
   ā́ naḥ bʰaja paraméṣu
   ā́ no bʰaja paraméṣu

Halfverse: b    ā́ vā́jeṣu madʰyaméṣu /
   ā́ vā́jeṣu madʰyaméṣu /
   ā́ vā́jeṣu madʰyaméṣu /

Halfverse: c    śíkṣā vásvo ántamasya //
   śíkṣā vásvo ántamasya //
   śíkṣa+ vásvaḥ ántamasya //
   śíkṣā vásvo ántamasya //


Verse: 6 
Halfverse: a    vibʰaktā́si citrabʰāno síndʰor ūrmā́ upāká ā́ /
   vibʰaktā́si citrabʰāno
   vibʰaktā́ asi citrabʰāno
   vibʰaktā́si citrabʰāno

Halfverse: b    síndʰor ūrmā́ upāká ā́ /
   síndʰoḥ ūrmaú upāké ā́ /
   síndʰor ūrmā́ upāká ā́ /

Halfverse: c    sadyó dāśúṣe kṣarasi //
   sadyó dāśúṣe kṣarasi //
   sadyáḥ dāśúṣe kṣarasi //
   sadyó dāśúṣe kṣarasi //


Verse: 7 
Halfverse: a    yám agne pr̥tsú mártyam ávā vā́jeṣu yáṃ junā́ḥ /
   yám agne pr̥tsú mártyam
   yám agne pr̥tsú mártyam
   yám agne pr̥tsú mártiyam

Halfverse: b    ávā vā́jeṣu yáṃ junā́ḥ /
   ávāḥ vā́jeṣu yám junā́ḥ /
   ávā vā́jeṣu yáṃ junā́ḥ /

Halfverse: c    sá yántā śáśvatīr íṣaḥ //
   sá yántā śáśvatīr íṣaḥ //
   sá yántā śáśvatīḥ íṣaḥ //
   sá yántā śáśvatīr íṣaḥ //


Verse: 8 
Halfverse: a    nákir asya sahantya paryetā́ káyasya cit /
   nákir asya sahantya
   nákiḥ asya sahantya
   nákir asya sahantiya

Halfverse: b    paryetā́ káyasya cit /
   paryetā́ káyasya cit /
   parietā́ káyasya cit /

Halfverse: c    vā́jo asti śravā́yyaḥ //
   vā́jo asti śravā́yyaḥ //
   vā́jaḥ asti śravā́yyaḥ //
   vā́jo asti śravā́yiyaḥ //


Verse: 9 
Halfverse: a    sá vā́jaṃ viśvácarṣaṇir árvadbʰir astu tárutā /
   sá vā́jaṃ viśvácarṣaṇir
   sá vā́jam viśvácarṣaṇiḥ
   sá vā́jaṃ viśvácarṣaṇir

Halfverse: b    árvadbʰir astu tárutā /
   árvadbʰiḥ astu tárutā /
   árvadbʰir astu tárutā /

Halfverse: c    víprebʰir astu sánitā //
   víprebʰir astu sánitā //
   víprebʰiḥ astu sánitā //
   víprebʰir astu sánitā //


Verse: 10 
Halfverse: a    járābodʰa tád viviḍḍʰi viśé-viśe yajñíyāya /
   járābodʰa tád viviḍḍʰi
   járābodʰa tát viviḍḍʰi
   járābodʰa tád viviḍḍʰi

Halfverse: b    viśé-viśe yajñíyāya /
   viśé-viśe yajñíyāya /
   viśé-viśe yajñíyāya /

Halfverse: c    stómaṃ rudrā́ya dŕ̥śīkam //
   stómaṃ rudrā́ya dŕ̥śīkam //
   stómam rudrā́ya dŕ̥śīkam //
   stómaṃ rudrā́ya dŕ̥śīkam //


Verse: 11 
Halfverse: a    sá no mahā́m̐ animānó dʰūmáketuḥ puruścandráḥ /
   sá no mahā́m̐ animānó
   sá naḥ mahā́n animānáḥ
   sá no mahā́m̐ animānó

Halfverse: b    dʰūmáketuḥ puruścandráḥ /
   dʰūmáketuḥ puruścandráḥ /
   dʰūmáketuḥ puruścandráḥ /

Halfverse: c    dʰiyé vā́jāya hinvatu //
   dʰiyé vā́jāya hinvatu //
   dʰiyé vā́jāya hinvatu //
   dʰiyé vā́jāya hinvatu //


Verse: 12 
Halfverse: a    sá revā́m̐ iva viśpátir daívyaḥ ketúḥ śr̥ṇotu naḥ /
   sá revā́m̐ iva viśpátir
   sá revā́n iva viśpátiḥ
   sá revā́m̐ iva viśpátir

Halfverse: b    daívyaḥ ketúḥ śr̥ṇotu naḥ /
   daívyaḥ ketúḥ śr̥ṇotu naḥ /
   daívyaḥ ketúḥ śr̥ṇotu naḥ /

Halfverse: c    uktʰaír agnír br̥hádbʰānuḥ //
   uktʰaír agnír br̥hádbʰānuḥ //
   uktʰaíḥ agníḥ br̥hádbʰānuḥ //
   uktʰaír agnír br̥hádbʰānuḥ //


Verse: 13 
Halfverse: a    námo mahádbʰyo námo arbʰakébʰyo námo yúvabʰyo náma āśinébʰyaḥ /
   námo mahádbʰyo námo arbʰakébʰyo
   námaḥ mahádbʰyaḥ námaḥ arbʰakébʰyaḥ
   námo mahádbʰyo námo arbʰakébʰyo

Halfverse: b    námo yúvabʰyo náma āśinébʰyaḥ /
   námaḥ yúvabʰyaḥ námaḥ āśinébʰyaḥ /
   námo yúvabʰyo náma āśinébʰyaḥ /

Halfverse: c    yájāma devā́n yádi śaknávāma mā́ jyā́yasaḥ śáṃsam ā́ vr̥kṣi devāḥ //
   yájāma devā́n yádi śaknávāma
   yájāma devā́n yádi śaknávāma
   yájāma devā́n yádi śaknávāma

Halfverse: d    mā́ jyā́yasaḥ śáṃsam ā́ vr̥kṣi devāḥ //
   mā́ jyā́yasaḥ śáṃsam ā́ vr̥kṣi devāḥ //
   mā́ jyā́yasaḥ śáṃsam ā́ vr̥kṣi devāḥ //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.