TITUS
Rg-Veda: Rg-Veda-Samhita
Part No. 52
Previous part

Hymn: 52 
Verse: 1 
Halfverse: a    tyáṃ sú meṣám mahayā svarvídaṃ śatáṃ yásya subʰvàḥ sākám ī́rate /
   tyáṃ sú meṣám mahayā svarvídaṃ
   tyám sú meṣám mahaya+ svarvídam
   tiyáṃ sú meṣám mahayā suvarvídaṃ

Halfverse: b    śatáṃ yásya subʰvàḥ sākám ī́rate /
   śatám yásya subʰvàḥ sākám ī́rate /
   śatáṃ yásya subʰúvaḥ sākám ī́rate /

Halfverse: c    átyaṃ ná vā́jaṃ havanasyádaṃ rátʰam éndraṃ vavr̥tyām ávase suvr̥ktíbʰiḥ //
   átyaṃ ná vā́jaṃ havanasyádaṃ rátʰam
   átyam ná vā́jam havanasyádam rátʰam
   átyaṃ ná vā́jaṃ havanasyádaṃ rátʰam

Halfverse: d    éndraṃ vavr̥tyām ávase suvr̥ktíbʰiḥ //
   ā́ índram vavr̥tyām ávase suvr̥ktíbʰiḥ //
   éndraṃ vavr̥tyām ávase suvr̥ktíbʰiḥ //


Verse: 2 
Halfverse: a    sá párvato ná dʰarúṇeṣv ácyutaḥ sahásramūtis táviṣīṣu vāvr̥dʰe /
   sá párvato ná dʰarúṇeṣv ácyutaḥ
   sá párvataḥ ná dʰarúṇeṣu ácyutaḥ
   sá párvato ná dʰarúṇeṣu ácyutaḥ

Halfverse: b    sahásramūtis táviṣīṣu vāvr̥dʰe /
   sahásramūtiḥ táviṣīṣu vāvr̥dʰe /
   sahásramūtis táviṣīṣu vāvr̥dʰe /

Halfverse: c    índro yád vr̥trám ávadʰīn nadīvŕ̥tam ubjánn árṇāṃsi járhr̥ṣāṇo ándʰasā //
   índro yád vr̥trám ávadʰīn nadīvŕ̥tam
   índraḥ yát vr̥trám ávadʰīt nadīvŕ̥tam
   índro yád vr̥trám ávadʰīn nadīvŕ̥tam

Halfverse: d    ubjánn árṇāṃsi járhr̥ṣāṇo ándʰasā //
   ubján árṇāṃsi járhr̥ṣāṇaḥ ándʰasā //
   ubjánn árṇāṃsi járhr̥ṣāṇo ándʰasā //


Verse: 3 
Halfverse: a    sá hí dvaró dvaríṣu vavrá ū́dʰani candrábudʰno mádavr̥ddʰo manīṣíbʰiḥ /
   sá hí dvaró dvaríṣu vavrá ū́dʰani
   sá hí dvaráḥ dvaríṣu vavráḥ ū́dʰani
   sá hí dvaró dvaríṣu vavrá ū́dʰani

Halfverse: b    candrábudʰno mádavr̥ddʰo manīṣíbʰiḥ /
   candrábudʰnaḥ mádavr̥ddʰaḥ manīṣíbʰiḥ /
   candrábudʰno mádavr̥ddʰo manīṣíbʰiḥ /

Halfverse: c    índraṃ tám ahve svapasyáyā dʰiyā́ máṃhiṣṭʰarātiṃ sá hí páprir ándʰasaḥ //
   índraṃ tám ahve svapasyáyā dʰiyā́
   índram tám ahve svapasyáyā dʰiyā́
   índraṃ tám ahve suapasyáyā dʰiyā́

Halfverse: d    máṃhiṣṭʰarātiṃ sá hí páprir ándʰasaḥ //
   máṃhiṣṭʰarātim sá hí pápriḥ ándʰasaḥ //
   máṃhiṣṭʰarātiṃ sá hí páprir ándʰasaḥ //


Verse: 4 
Halfverse: a    ā́ yám pr̥ṇánti diví sádmabarhiṣaḥ samudráṃ ná subʰvàḥ svā́ abʰíṣṭayaḥ /
   ā́ yám pr̥ṇánti diví sádmabarhiṣaḥ
   ā́ yám pr̥ṇánti diví sádmabarhiṣaḥ
   ā́ yám pr̥ṇánti diví sádmabarhiṣaḥ

Halfverse: b    samudráṃ ná subʰvàḥ svā́ abʰíṣṭayaḥ /
   samudrám ná subʰvàḥ svā́ḥ abʰíṣṭayaḥ /
   samudráṃ ná subʰúvaḥ svā́ abʰíṣṭayaḥ /

Halfverse: c    táṃ vr̥trahátye ánu tastʰur ūtáyaḥ śúṣmā índram avātā́ áhrutapsavaḥ //
   táṃ vr̥trahátye ánu tastʰur ūtáyaḥ
   tám vr̥trahátye ánu tastʰuḥ ūtáyaḥ
   táṃ vr̥trahátye ánu tastʰur ūtáyaḥ

Halfverse: d    śúṣmā índram avātā́ áhrutapsavaḥ //
   śúṣmāḥ índram avātā́ḥ áhrutapsavaḥ //
   śúṣmā índram avātā́ áhrutapsavaḥ //


Verse: 5 
Halfverse: a    abʰí svávr̥ṣṭim máde asya yúdʰyato ragʰvī́r iva pravaṇé sasrur ūtáyaḥ /
   abʰí svávr̥ṣṭim máde asya yúdʰyato
   abʰí svávr̥ṣṭim máde asya yúdʰyataḥ
   abʰí svávr̥ṣṭim máde asya yúdʰyato

Halfverse: b    ragʰvī́r iva pravaṇé sasrur ūtáyaḥ /
   ragʰvī́ḥ iva pravaṇé sasruḥ ūtáyaḥ /
   ragʰvī́r iva pravaṇé sasrur ūtáyaḥ /

Halfverse: c    índro yád vajrī́ dʰr̥ṣámāṇo ándʰasā bʰinád valásya paridʰī́m̐r iva tritáḥ //
   índro yád vajrī́ dʰr̥ṣámāṇo ándʰasā
   índraḥ yát vajrī́ dʰr̥ṣámāṇaḥ ándʰasā
   índro yád vajrī́ dʰr̥ṣámāṇo ándʰasā

Halfverse: d    bʰinád valásya paridʰī́m̐r iva tritáḥ //
   bʰinát valásya paridʰī́n iva tritáḥ //
   bʰinád valásya paridʰī́m̐r iva tritáḥ //


Verse: 6 
Halfverse: a    párīṃ gʰr̥ṇā́ carati titviṣé śávo 'pó vr̥tvī́ rájaso budʰnám ā́śayat /
   párīṃ gʰr̥ṇā́ carati titviṣé śávo
   pári īm gʰr̥ṇā́ carati titviṣé śávaḥ
   párīṃ gʰr̥ṇā́ carati titviṣé śávo

Halfverse: b    'pó vr̥tvī́ rájaso budʰnám ā́śayat /
   apáḥ vr̥tvī́ rájasaḥ budʰnám ā́ aśayat /
   apó vr̥tvī́ rájaso budʰnám ā́śayat /

Halfverse: c    vr̥trásya yát pravaṇé durgŕ̥bʰiśvano nijagʰántʰa hánvor indra tanyatúm //
   vr̥trásya yát pravaṇé durgŕ̥bʰiśvano
   vr̥trásya yát pravaṇé durgŕ̥bʰiśvanaḥ
   vr̥trásya yát pravaṇé durgŕ̥bʰiśvano

Halfverse: d    nijagʰántʰa hánvor indra tanyatúm //
   nijagʰántʰa hánvoḥ indra tanyatúm //
   nijagʰántʰa hánuvor indra tanyatúm //


Verse: 7 
Halfverse: a    hradáṃ ná hí tvā nyr̥ṣánty ūrmáyo bráhmāṇīndra táva yā́ni várdʰanā /
   hradáṃ ná hí tvā nyr̥ṣánty ūrmáyo
   hradám ná hí tvā nyr̥ṣánti ūrmáyaḥ
   hradáṃ ná hí tvā nir̥ṣánti ūrmáyo

Halfverse: b    bráhmāṇīndra táva yā́ni várdʰanā /
   bráhmāṇi indra táva yā́ni várdʰanā /
   bráhmāṇi indra táva yā́ni várdʰanā /

Halfverse: c    tváṣṭā cit te yújyaṃ vāvr̥dʰe śávas tatákṣa vájram abʰíbʰūtyojasam //
   tváṣṭā cit te yújyaṃ vāvr̥dʰe śávas
   tváṣṭā cit te yújyam vāvr̥dʰe śávaḥ
   tváṣṭā cit te yújiyaṃ vāvr̥dʰe śávas

Halfverse: d    tatákṣa vájram abʰíbʰūtyojasam //
   tatákṣa vájram abʰíbʰūtyojasam //
   tatákṣa vájram abʰíbʰūtiojasam //


Verse: 8 
Halfverse: a    jagʰanvā́m̐ u háribʰiḥ sambʰr̥takratav índra vr̥trám mánuṣe gātuyánn apáḥ /
   jagʰanvā́m̐ u háribʰiḥ sambʰr̥takratav
   jagʰanvā́n u háribʰiḥ sambʰr̥takrato
   jagʰanvā́m̐ u háribʰiḥ sambʰr̥takratav

Halfverse: b    índra vr̥trám mánuṣe gātuyánn apáḥ /
   índra vr̥trám mánuṣe gātuyán apáḥ /
   índra vr̥trám mánuṣe gātuyánn apáḥ /

Halfverse: c    áyacʰatʰā bāhvór vájram āyasám ádʰārayo divy ā́ sū́ryaṃ dr̥śé //
   áyacʰatʰā bāhvór vájram āyasám
   áyacʰatʰāḥ bāhvóḥ vájram āyasám
   áyacʰatʰā bāhuvór vájram āyasám

Halfverse: d    ádʰārayo divy ā́ sū́ryaṃ dr̥śé //
   ádʰārayaḥ diví ā́ sū́ryam dr̥śé //
   ádʰārayo diví ā́ sū́riyaṃ dr̥śé //


Verse: 9 
Halfverse: a    br̥hát sváścandram ámavad yád uktʰyàm ákr̥ṇvata bʰiyásā róhaṇaṃ diváḥ /
   br̥hát sváścandram ámavad yád uktʰyàm
   br̥hát sváścandram ámavat yát uktʰyàm
   br̥hát sváścandram ámavad yád uktʰíyam

Halfverse: b    ákr̥ṇvata bʰiyásā róhaṇaṃ diváḥ /
   ákr̥ṇvata bʰiyásā róhaṇam diváḥ /
   ákr̥ṇvata bʰiyásā róhaṇaṃ diváḥ /

Halfverse: c    yán mā́nuṣapradʰanā índram ūtáyaḥ svàr nr̥ṣā́co marútó 'madann ánu //
   yán mā́nuṣapradʰanā índram ūtáyaḥ
   yát mā́nuṣapradʰanāḥ índram ūtáyaḥ
   yán mā́nuṣapradʰanā índram ūtáyaḥ

Halfverse: d    svàr nr̥ṣā́co marútó 'madann ánu //
   svàr nr̥ṣā́caḥ marútaḥ ámadan ánu //
   súvar nr̥ṣā́co marútó 'madann ánu //


Verse: 10 
Halfverse: a    dyaúś cid asyā́mavām̐ áheḥ svanā́d áyoyavīd bʰiyásā vájra indra te /
   dyaúś cid asyā́mavām̐ áheḥ svanā́d
   dyaúḥ cit asya ámavān áheḥ svanā́t
   diyaúś cid asya ámavām̐ áheḥ svanā́d

Halfverse: b    áyoyavīd bʰiyásā vájra indra te /
   áyoyavīt bʰiyásā vájraḥ indra te /
   áyoyavīd bʰiyásā vájra indra te /

Halfverse: c    vr̥trásya yád badbadʰānásya rodasī máde sutásya śávasā́bʰinac cʰíraḥ //
   vr̥trásya yád badbadʰānásya rodasī
   vr̥trásya yát badbadʰānásya rodasī
   vr̥trásya yád badbadʰānásya rodasī

Halfverse: d    máde sutásya śávasā́bʰinac cʰíraḥ //
   máde sutásya śávasā ábʰinat śíraḥ //
   máde sutásya śávasā́bʰinac cʰíraḥ //


Verse: 11 
Halfverse: a    yád ín nv ìndra pr̥tʰivī́ dáśabʰujir áhāni víśvā tatánanta kr̥ṣṭáyaḥ /
   yád ín nv ìndra pr̥tʰivī́ dáśabʰujir
   yát ít nú indra pr̥tʰivī́ dáśabʰujiḥ
   yád ín nú indra pr̥tʰivī́ dáśabʰujir

Halfverse: b    áhāni víśvā tatánanta kr̥ṣṭáyaḥ /
   áhāni víśvā tatánanta kr̥ṣṭáyaḥ /
   áhāni víśvā tatánanta kr̥ṣṭáyaḥ /

Halfverse: c    átrā́ha te magʰavan víśrutaṃ sáho dyā́m ánu śávasā barháṇā bʰuvat //
   átrā́ha te magʰavan víśrutaṃ sáho
   átra áha te magʰavan víśrutam sáhaḥ
   átrā́ha te magʰavan víśrutaṃ sáho

Halfverse: d    dyā́m ánu śávasā barháṇā bʰuvat //
   dyā́m ánu śávasā barháṇā bʰuvat //
   diyā́m ánu śávasā barháṇā bʰuvat //


Verse: 12 
Halfverse: a    tvám asyá pāré rájaso vyòmanaḥ svábʰūtyojā ávase dʰr̥ṣanmanaḥ /
   tvám asyá pāré rájaso vyòmanaḥ
   tvám asyá pāré rájasaḥ vyòmanaḥ
   tvám asyá pāré rájaso víomanaḥ

Halfverse: b    svábʰūtyojā ávase dʰr̥ṣanmanaḥ /
   svábʰūtyojāḥ ávase dʰr̥ṣanmanaḥ /
   svábʰūtiojā ávase dʰr̥ṣanmanaḥ /

Halfverse: c    cakr̥ṣé bʰū́mim pratimā́nam ójaso 'páḥ svàḥ paribʰū́r eṣy ā́ dívam //
   cakr̥ṣé bʰū́mim \!\ pratimā́nam ójaso
   cakr̥ṣé bʰū́mim pratimā́nam ójasaḥ
   cakr̥ṣé bʰū́mim pratimā́nam ójaso

Halfverse: d    'páḥ svàḥ paribʰū́r eṣy ā́ dívam //
   apáḥ svàr paribʰū́ḥ eṣi ā́ dívam //
   apáḥ súvaḥ paribʰū́r eṣi ā́ dívam //


Verse: 13 
Halfverse: a    tvám bʰuvaḥ pratimā́nam pr̥tʰivyā́ r̥ṣvávīrasya br̥hatáḥ pátir bʰūḥ /
   tvám bʰuvaḥ pratimā́nam pr̥tʰivyā́
   tvám bʰuvaḥ pratimā́nam pr̥tʰivyā́ḥ
   tuvám bʰuvaḥ pratimā́nam pr̥tʰivyā́

Halfverse: b    r̥ṣvávīrasya br̥hatáḥ pátir bʰūḥ /
   r̥ṣvávīrasya br̥hatáḥ pátiḥ bʰūḥ /
   r̥ṣvávīrasya br̥hatáḥ pátir bʰūḥ /

Halfverse: c    víśvam ā́prā antárikṣam mahitvā́ satyám addʰā́ nákir anyás tvā́vān //
   víśvam ā́prā antárikṣam mahitvā́
   víśvam ā́ prāḥ ! antárikṣam mahitvā́
   víśvam ā́prā antárikṣam mahitvā́

Halfverse: d    satyám addʰā́ nákir anyás tvā́vān //
   satyám addʰā́ nákiḥ anyáḥ tvā́vān //
   satyám addʰā́ nákir anyás tuvā́vān //


Verse: 14 
Halfverse: a    ná yásya dyā́vāpr̥tʰivī́ ánu vyáco ná síndʰavo rájaso ántam ānaśúḥ /
   ná yásya dyā́vāpr̥tʰivī́ ánu vyáco
   ná yásya dyā́vāpr̥tʰivī́ ánu vyácaḥ
   ná yásya dyā́vāpr̥tʰivī́ ánu vyáco

Halfverse: b    ná síndʰavo rájaso ántam ānaśúḥ /
   ná síndʰavaḥ rájasaḥ ántam ānaśúḥ /
   ná síndʰavo rájaso ántam ānaśúḥ /

Halfverse: c    nótá svávr̥ṣṭim máde asya yúdʰyata éko anyác cakr̥ṣe víśvam ānuṣák //
   nótá svávr̥ṣṭim máde asya yúdʰyata
   ná utá svávr̥ṣṭim máde asya yúdʰyataḥ
   nótá svávr̥ṣṭim máde asya yúdʰyata

Halfverse: d    éko anyác cakr̥ṣe víśvam ānuṣák //
   ékaḥ anyát cakr̥ṣe víśvam ānuṣák //
   éko anyác cakr̥ṣe víśvam ānuṣák //


Verse: 15 
Halfverse: a    ā́rcann átra marútaḥ sásminn ājaú víśve devā́so amadann ánu tvā /
   ā́rcann átra marútaḥ sásminn ājaú
   ā́rcan átra marútaḥ sásmin ājaú
   ā́rcann átra marútaḥ sásmin ājaú

Halfverse: b    víśve devā́so amadann ánu tvā /
   víśve devā́saḥ amadan ánu tvā /
   víśve devā́so amadann ánu tvā /

Halfverse: c    vr̥trásya yád bʰr̥ṣṭimátā vadʰéna ní tvám indra práty ānáṃ jagʰántʰa //
   vr̥trásya yád bʰr̥ṣṭimátā vadʰéna
   vr̥trásya yát bʰr̥ṣṭimátā vadʰéna
   vr̥trásya yád bʰr̥ṣṭimátā vadʰéna

Halfverse: d    ní tvám indra práty ānáṃ jagʰántʰa //
   ní tvám indra práti ānám jagʰántʰa //
   ní tvám indra práti ānáṃ jagʰántʰa //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.