TITUS
Rg-Veda: Rg-Veda-Samhita
Part No. 51
Previous part

Hymn: 51 
Verse: 1 
Halfverse: a    abʰí tyám meṣám puruhūtám r̥gmíyam índraṃ gīrbʰír madatā vásvo arṇavám /
   abʰí tyám meṣám puruhūtám r̥gmíyam
   abʰí tyám meṣám puruhūtám r̥gmíyam
   abʰí tyám meṣám puruhūtám r̥gmíyam

Halfverse: b    índraṃ gīrbʰír madatā vásvo arṇavám /
   índram gīrbʰíḥ madata+ vásvaḥ arṇavám /
   índraṃ gīrbʰír madatā vásvo arṇavám /

Halfverse: c    yásya dyā́vo ná vicáranti mā́nuṣā bʰujé máṃhiṣṭʰam abʰí vípram arcata //
   yásya dyā́vo ná vicáranti mā́nuṣā
   yásya dyā́vaḥ ná vicáranti mā́nuṣā
   yásya dyā́vo ná vicáranti mā́nuṣā

Halfverse: d    bʰujé máṃhiṣṭʰam abʰí vípram arcata //
   bʰujé máṃhiṣṭʰam abʰí vípram arcata //
   bʰujé máṃhiṣṭʰam abʰí vípram arcata //


Verse: 2 
Halfverse: a    abʰī́m avanvan svabʰiṣṭím ūtáyo 'ntarikṣaprā́ṃ táviṣībʰir ā́vr̥tam /
   abʰī́m avanvan svabʰiṣṭím ūtáyo
   abʰí īm avanvan svabʰiṣṭím ūtáyaḥ
   abʰī́m avanvan suabʰiṣṭím ūtáyo

Halfverse: b    'ntarikṣaprā́ṃ táviṣībʰir ā́vr̥tam /
   antarikṣaprā́m táviṣībʰiḥ ā́vr̥tam /
   antarikṣaprā́ṃ táviṣībʰir ā́vr̥tam /

Halfverse: c    índraṃ dákṣāsa r̥bʰávo madacyútaṃ śatákratuṃ jávanī sūnŕ̥tā́ruhat //
   índraṃ dákṣāsa r̥bʰávo madacyútaṃ
   índram dákṣāsaḥ r̥bʰávaḥ madacyútam
   índraṃ dákṣāsa r̥bʰávo madacyútaṃ

Halfverse: d    śatákratuṃ jávanī sūnŕ̥tā́ruhat \!\ //
   śatákratum jávanī sūnŕ̥tā ā́ aruhat //
   śatákratuṃ jávanī sūnŕ̥tā́ruhat //


Verse: 3 
Halfverse: a    tváṃ gotrám áṅgirobʰyo 'vr̥ṇor ápotā́traye śatádureṣu gātuvít /
   tváṃ gotrám áṅgirobʰyo 'vr̥ṇor ápa_
   tvám gotrám áṅgirobʰyaḥ avr̥ṇoḥ ápa
   tuváṃ gotrám áṅgirobʰyo 'vr̥ṇor ápa

Halfverse: b    _utā́traye śatádureṣu gātuvít /
   utá átraye śatádureṣu gātuvít /
   utā́traye śatádureṣu gātuvít /

Halfverse: c    saséna cid vimadā́yāvaho vásv ājā́v ádriṃ vāvasānásya nartáyan //
   saséna cid vimadā́yāvaho vásv
   saséna cit vimadā́ya avahaḥ vásu
   saséna cid vimadā́yāvaho vásu

Halfverse: d    ājā́v ádriṃ vāvasānásya nartáyan //
   ājaú ádrim vāvasānásya nartáyan //
   ājā́v ádriṃ vāvasānásya nartáyan //


Verse: 4 
Halfverse: a    tvám apā́m apidʰā́nāvr̥ṇor ápā́dʰārayaḥ párvate dā́numad vásu /
   tvám apā́m apidʰā́nāvr̥ṇor ápa_
   tvám apā́m apidʰā́nā avr̥ṇoḥ ápa
   tuvám apā́m apidʰā́nāvr̥ṇor ápa

Halfverse: b    _ádʰārayaḥ párvate dā́numad vásu /
   ádʰārayaḥ párvate dā́numat vásu /
   ádʰārayaḥ párvate dā́numad vásu /

Halfverse: c    vr̥tráṃ yád indra śávasā́vadʰīr áhim ā́d ít sū́ryaṃ divy ā́rohayo dr̥śé //
   vr̥tráṃ yád indra śávasā́vadʰīr áhim
   vr̥trám yát indra śávasā ávadʰīḥ áhim
   vr̥tráṃ yád indra śávasā́vadʰīr áhim

Halfverse: d    ā́d ít sū́ryaṃ divy ā́rohayo dr̥śé //
   ā́t ít sū́ryam diví ā́ arohayaḥ dr̥śé //
   ā́d ít sū́ryaṃ diví ā́rohayo dr̥śé //


Verse: 5 
Halfverse: a    tvám māyā́bʰir ápa māyíno 'dʰamaḥ svadʰā́bʰir yé ádʰi śúptāv ájuhvata /
   tvám māyā́bʰir ápa māyíno 'dʰamaḥ
   tvám māyā́bʰiḥ ápa māyínaḥ adʰamaḥ
   tuvám māyā́bʰir ápa māyíno 'dʰamaḥ

Halfverse: b    svadʰā́bʰir yé ádʰi śúptāv ájuhvata /
   svadʰā́bʰiḥ yé ádʰi śúptau ájuhvata /
   svadʰā́bʰir yé ádʰi śúptāv ájuhvata /

Halfverse: c    tvám pípror nr̥maṇaḥ prā́rujaḥ púraḥ prá r̥jíśvānaṃ dasyuhátyeṣv āvitʰa //
   tvám pípror nr̥maṇaḥ prā́rujaḥ púraḥ
   tvám píproḥ nr̥maṇaḥ prá arujaḥ púraḥ
   tuvám pípror nr̥maṇaḥ prā́rujaḥ púraḥ

Halfverse: d    prá r̥jíśvānaṃ dasyuhátyeṣv āvitʰa //
   prá r̥jíśvānam dasyuhátyeṣu āvitʰa //
   prá rjíśvānaṃ dasyuhátyeṣu āvitʰa //


Verse: 6 
Halfverse: a    tváṃ kútsaṃ śuṣṇahátyeṣv āvitʰā́randʰayo 'titʰigvā́ya śámbaram /
   tváṃ kútsaṃ śuṣṇahátyeṣv āvitʰa_
   tvám kútsam śuṣṇahátyeṣu āvitʰa
   tuváṃ kútsaṃ śuṣṇahátyeṣu āvitʰa

Halfverse: b    _árandʰayo 'titʰigvā́ya śámbaram /
   árandʰayaḥ atitʰigvā́ya śámbaram /
   árandʰayo atitʰigvā́ya śámbaram /

Halfverse: c    mahā́ntaṃ cid arbudáṃ ní kramīḥ padā́ sanā́d evá dasyuhátyāya jajñiṣe //
   mahā́ntaṃ cid arbudáṃ ní kramīḥ padā́
   mahā́ntam cit arbudám ní kramīḥ padā́
   mahā́ntaṃ cid arbudáṃ ní kramīḥ padā́

Halfverse: d    sanā́d evá dasyuhátyāya jajñiṣe //
   sanā́t evá dasyuhátyāya jajñiṣe //
   sanā́d evá dasyuhátyāya jajñiṣe //


Verse: 7 
Halfverse: a    tvé víśvā táviṣī sadʰryàg gʰitā́ táva rā́dʰaḥ somapītʰā́ya harṣate /
   tvé víśvā táviṣī sadʰryàg gʰitā́
   tvé víśvā táviṣī sadʰryàk hitā́
   tuvé víśvā táviṣī sadʰríag gʰitā́

Halfverse: b    táva rā́dʰaḥ somapītʰā́ya harṣate /
   táva rā́dʰaḥ somapītʰā́ya harṣate /
   táva rā́dʰaḥ somapītʰā́ya harṣate /

Halfverse: c    táva vájraś cikite bāhvór hitó vr̥ścā́ śátror áva víśvāni vŕ̥ṣṇyā //
   táva vájraś cikite bāhvór hitó
   táva vájraḥ cikite bāhvóḥ hitáḥ
   táva vájraś cikite bāhuvór hitó

Halfverse: d    vr̥ścā́ śátror áva víśvāni vŕ̥ṣṇyā //
   vr̥ścá+ śátroḥ áva víśvāni vŕ̥ṣṇyā //
   vr̥ścā́ śátror áva víśvāni vŕ̥ṣṇiyā //


Verse: 8 
Halfverse: a    ví jānīhy ā́ryān yé ca dásyavo barhíṣmate randʰayā śā́sad avratā́n /
   ví jānīhy ā́ryān yé ca dásyavo
   ví jānīhi ā́ryān yé ca dásyavaḥ
   ví jānīhi ā́riyān yé ca dásyavo

Halfverse: b    barhíṣmate randʰayā śā́sad avratā́n /
   barhíṣmate randʰaya+ śā́sat avratā́n /
   barhíṣmate randʰayā śā́sad avratā́n /

Halfverse: c    śā́kī bʰava yájamānasya coditā́ víśvét tā́ te sadʰamā́deṣu cākana //
   śā́kī bʰava yájamānasya coditā́
   śā́kī bʰava yájamānasya coditā́
   śā́kī bʰava yájamānasya coditā́

Halfverse: d    víśvét tā́ te sadʰamā́deṣu cākana //
   víśvā ít tā́ te sadʰamā́deṣu cākana //
   víśvét tā́ te sadʰamā́deṣu cākana //


Verse: 9 
Halfverse: a    ánuvratāya randʰáyann ápavratān ābʰū́bʰir índraḥ śnatʰáyann ánābʰuvaḥ /
   ánuvratāya randʰáyann ápavratān
   ánuvratāya randʰáyan ápavratān
   ánuvratāya randʰáyann ápavratān

Halfverse: b    ābʰū́bʰir índraḥ śnatʰáyann ánābʰuvaḥ /
   ābʰū́bʰiḥ índraḥ śnatʰáyan ánābʰuvaḥ /
   ābʰū́bʰir índraḥ śnatʰáyann ánābʰuvaḥ /

Halfverse: c    vr̥ddʰásya cid várdʰato dyā́m ínakṣata stávāno vamró ví jagʰāna saṃdíhaḥ //
   vr̥ddʰásya cid várdʰato dyā́m ínakṣata
   vr̥ddʰásya cit várdʰataḥ dyā́m ínakṣataḥ
   vr̥ddʰásya cid várdʰato dyā́m ínakṣata

Halfverse: d    stávāno vamró ví jagʰāna saṃdíhaḥ //
   stávānaḥ vamráḥ ví jagʰāna saṃdíhaḥ //
   stávāno vamró ví jagʰāna saṃdíhaḥ //


Verse: 10 
Halfverse: a    tákṣad yát ta uśánā sáhasā sáho ví ródasī majmánā bādʰate śávaḥ /
   tákṣad yát ta uśánā sáhasā sáho
   tákṣat yát te uśánā sáhasā sáhaḥ
   tákṣad yát ta uśánā sáhasā sáho

Halfverse: b    ví ródasī majmánā bādʰate śávaḥ /
   ví ródasī majmánā bādʰate śávaḥ /
   ví ródasī majmánā bādʰate śávaḥ /

Halfverse: c    ā́ tvā vā́tasya nr̥maṇo manoyúja ā́ pū́ryamāṇam avahann abʰí śrávaḥ //
   ā́ tvā vā́tasya nr̥maṇo manoyúja
   ā́ tvā vā́tasya nr̥maṇaḥ manoyújaḥ
   ā́ tvā vā́tasya nr̥maṇo manoyúja

Halfverse: d    ā́ pū́ryamāṇam avahann abʰí śrávaḥ //
   ā́ pū́ryamāṇam avahan abʰí śrávaḥ //
   ā́ pū́ryamāṇam avahann abʰí śrávaḥ //


Verse: 11 
Halfverse: a    mándiṣṭa yád uśáne kāvyé sácām̐ índro vaṅkū́ vaṅkutárā́dʰi tiṣṭʰati /
   mándiṣṭa yád uśáne kāvyé sácām̐
   mándiṣṭa yát uśáne kāvyé sácā
   mándiṣṭa yád uśáne kāviyé sácām̐

Halfverse: b    índro vaṅkū́ vaṅkutárā́dʰi tiṣṭʰati /
   índraḥ vaṅkū́ vaṅkutárā ádʰi tiṣṭʰati /
   índro vaṅkū́ vaṅkutárā́dʰi tiṣṭʰati /

Halfverse: c    ugró yayíṃ nír apáḥ srótasāsr̥jad ví śúṣṇasya dr̥ṃhitā́ airayat púraḥ //
   ugró yayíṃ nír apáḥ srótasāsr̥jad
   ugráḥ yayím níḥ apáḥ srótasā asr̥jat
   ugró yayíṃ nír apáḥ srótasāsr̥jad

Halfverse: d    ví śúṣṇasya dr̥ṃhitā́ airayat púraḥ //
   ví śúṣṇasya dr̥ṃhitā́ḥ airayat púraḥ //
   ví śúṣṇasya dr̥ṃhitā́ airayat púraḥ //


Verse: 12 
Halfverse: a    ā́ smā rátʰaṃ vr̥ṣapā́ṇeṣu tiṣṭʰasi śāryātásya prábʰr̥tā yéṣu mándase /
   ā́ smā rátʰaṃ vr̥ṣapā́ṇeṣu tiṣṭʰasi
   ā́ sma+ rátʰam vr̥ṣapā́ṇeṣu tiṣṭʰasi
   ā́ smā rátʰaṃ vr̥ṣapā́ṇeṣu tiṣṭʰasi

Halfverse: b    śāryātásya prábʰr̥tā yéṣu mándase /
   śāryātásya prábʰr̥tāḥ yéṣu mándase /
   śāryātásya prábʰr̥tā yéṣu mándase /

Halfverse: c    índra yátʰā sutásomeṣu cākáno 'narvā́ṇaṃ ślókam ā́ rohase diví //
   índra yátʰā sutásomeṣu cākáno
   índra yátʰā sutásomeṣu cākánaḥ
   índra yátʰā sutásomeṣu cākáno

Halfverse: d    'narvā́ṇaṃ ślókam ā́ rohase diví //
   anarvā́ṇam ślókam ā́ rohase diví //
   anarvā́ṇaṃ ślókam ā́ rohase diví //


Verse: 13 
Halfverse: a    ádadā árbʰām mahaté vacasyáve kakṣī́vate vr̥cayā́m indra sunvaté /
   ádadā árbʰām mahaté vacasyáve
   ádadāḥ árbʰām mahaté vacasyáve
   ádadā árbʰām mahaté vacasyáve

Halfverse: b    kakṣī́vate vr̥cayā́m indra sunvaté /
   kakṣī́vate vr̥cayā́m indra sunvaté /
   kakṣī́vate vr̥cayā́m indra sunvaté /

Halfverse: c    ménābʰavo vr̥ṣaṇaśvásya sukrato víśvét tā́ te sávaneṣu pravā́cyā //
   ménābʰavo vr̥ṣaṇaśvásya sukrato
   ménā abʰavaḥ vr̥ṣaṇaśvásya sukrato
   ménābʰavo vr̥ṣaṇaśvásya sukrato

Halfverse: d    víśvét tā́ te sávaneṣu pravā́cyā //
   víśvā ít tā́ te sávaneṣu pravā́cyā //
   víśvét tā́ te sávaneṣu pravā́ciyā //


Verse: 14 
Halfverse: a    índro aśrāyi sudʰyò nireké pajréṣu stómo dúryo ná yū́paḥ /
   índro aśrāyi sudʰyò nireké
   índraḥ aśrāyi sudʰyàḥ nireké
   índro aśrāyi sudʰíyo nireké

Halfverse: b    pajréṣu stómo dúryo ná yū́paḥ /
   pajréṣu stómaḥ dúryaḥ ná yū́paḥ /
   pajréṣu stómo dúriyo ná yū́paḥ /

Halfverse: c    aśvayúr gavyū́ ratʰayúr vasūyúr índra íd rāyáḥ kṣayati prayantā́ //
   aśvayúr gavyū́ ratʰayúr vasūyúr
   aśvayúḥ gavyúḥ ratʰayúḥ vasūyúḥ
   aśvayúr gavyū́ ratʰayúr vasūyúr

Halfverse: d    índra íd rāyáḥ kṣayati prayantā́ //
   índraḥ ít rāyáḥ kṣayati prayantā́ //
   índra íd rāyáḥ kṣayati prayantā́ //


Verse: 15 
Halfverse: a    idáṃ námo vr̥ṣabʰā́ya svarā́je satyáśuṣmāya taváse 'vāci /
   idáṃ námo vr̥ṣabʰā́ya svarā́je
   idám námaḥ vr̥ṣabʰā́ya svarā́je
   idáṃ námo vr̥ṣabʰā́ya svarā́je

Halfverse: b    satyáśuṣmāya taváse 'vāci /
   satyáśuṣmāya taváse avāci /
   satyáśuṣmāya taváse avāci /

Halfverse: c    asmínn indra vr̥jáne sárvavīrāḥ smát sūríbʰis táva śárman syāma //
   asmínn indra vr̥jáne sárvavīrāḥ
   asmín indra vr̥jáne sárvavīrāḥ
   asmínn indra vr̥jáne sárvavīrāḥ

Halfverse: d    smát sūríbʰis táva śárman syāma //
   smát sūríbʰiḥ táva śárman syāma //
   smát sūríbʰis táva śárman siyāma //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.