TITUS
Rg-Veda: Rg-Veda-Samhita
Part No. 50
Previous part

Hymn: 50 
Verse: 1 
Halfverse: a    úd u tyáṃ jātávedasaṃ deváṃ vahanti ketávaḥ /
   úd u tyáṃ jātávedasaṃ
   út u tyám jātávedasam
   úd u tyáṃ jātávedasaṃ

Halfverse: b    deváṃ vahanti ketávaḥ /
   devám vahanti ketávaḥ /
   deváṃ vahanti ketávaḥ /

Halfverse: c    dr̥śé víśvāya sū́ryam //
   dr̥śé víśvāya sū́ryam //
   dr̥śé víśvāya sū́ryam //
   dr̥śé víśvāya sū́riyam //


Verse: 2 
Halfverse: a    ápa tyé tāyávo yatʰā nákṣatrā yanty aktúbʰiḥ /
   ápa tyé tāyávo yatʰā
   ápa tyé tāyávaḥ yatʰā
   ápa tyé tāyávo yatʰā

Halfverse: b    nákṣatrā yanty aktúbʰiḥ /
   nákṣatrā yanti aktúbʰiḥ /
   nákṣatrā yanti aktúbʰiḥ /

Halfverse: c    sū́rāya viśvácakṣase //
   sū́rāya viśvácakṣase //
   sū́rāya viśvácakṣase //
   sū́rāya viśvácakṣase //


Verse: 3 
Halfverse: a    ádr̥śram asya ketávo ví raśmáyo jánām̐ ánu /
   ádr̥śram asya ketávo
   ádr̥śram asya ketávaḥ
   ádr̥śram asya ketávo

Halfverse: b    ví raśmáyo jánām̐ ánu /
   ví raśmáyaḥ jánān ánu /
   ví raśmáyo jánām̐ ánu /

Halfverse: c    bʰrā́janto agnáyo yatʰā //
   bʰrā́janto agnáyo yatʰā //
   bʰrā́jantaḥ agnáyaḥ yatʰā //
   bʰrā́janto agnáyo yatʰā //


Verse: 4 
Halfverse: a    taráṇir viśvádarśato jyotiṣkŕ̥d asi sūrya /
   taráṇir viśvádarśato
   taráṇiḥ viśvádarśataḥ
   taráṇir viśvádarśato

Halfverse: b    jyotiṣkŕ̥d asi sūrya /
   jyotiṣkŕ̥t asi sūrya /
   jyotiṣkŕ̥d asi sūriya /

Halfverse: c    víśvam ā́ bʰāsi rocanám //
   víśvam ā́ bʰāsi rocanám //
   víśvam ā́ bʰāsi rocanám //
   víśvam ā́ bʰāsi rocanám //


Verse: 5 
Halfverse: a    pratyáṅ devā́nāṃ víśaḥ pratyáṅṅ úd eṣi mā́nuṣān /
   pratyáṅ devā́nāṃ víśaḥ
   pratyáṅ devā́nām víśaḥ
   pratyáṅ devā́nãaṃ víśaḥ

Halfverse: b    pratyáṅṅ úd eṣi mā́nuṣān /
   pratyáṅ út eṣi mā́nuṣān /
   pratyáṅṅ úd eṣi mā́nuṣān /

Halfverse: c    pratyáṅ víśvaṃ svàr dr̥śé //
   pratyáṅ víśvaṃ svàr dr̥śé //
   pratyáṅ víśvam svàr dr̥śé //
   pratyáṅ víśvaṃ súvar dr̥śé //


Verse: 6 
Halfverse: a    yénā pāvaka cákṣasā bʰuraṇyántaṃ jánām̐ ánu /
   yénā pāvaka cákṣasā
   yéna+ pāvaka cákṣasā
   yénā pavāka cákṣasā

Halfverse: b    bʰuraṇyántaṃ jánām̐ ánu /
   bʰuraṇyántam jánān ánu /
   bʰuraṇyántaṃ jánām̐ ánu /

Halfverse: c    tváṃ varuṇa páśyasi //
   tváṃ varuṇa páśyasi //
   tvám varuṇa páśyasi //
   tuváṃ varuṇa páśyasi //


Verse: 7 
Halfverse: a    ví dyā́m eṣi rájas pr̥tʰv áhā mímāno aktúbʰiḥ /
   ví dyā́m eṣi rájas pr̥tʰv
   ví dyā́m eṣi rájaḥ pr̥tʰú
   ví dyā́m eṣi rájas pr̥tʰú

Halfverse: b    áhā mímāno aktúbʰiḥ /
   áhā mímānaḥ aktúbʰiḥ /
   áhā mímāno aktúbʰiḥ /

Halfverse: c    páśyañ jánmāni sūrya //
   páśyañ jánmāni sūrya //
   páśyan jánmāni sūrya //
   páśyañ jánmāni sūriya //


Verse: 8 
Halfverse: a    saptá tvā haríto rátʰe váhanti deva sūrya /
   saptá tvā haríto rátʰe
   saptá tvā harítaḥ rátʰe
   saptá tvā haríto rátʰe

Halfverse: b    váhanti deva sūrya /
   váhanti deva sūrya /
   váhanti deva sūriya /

Halfverse: c    śocíṣkeśaṃ vicakṣaṇa //
   śocíṣkeśaṃ vicakṣaṇa //
   śocíṣkeśam vicakṣaṇa //
   śocíṣkeśaṃ vicakṣaṇa //


Verse: 9 
Halfverse: a    áyukta saptá śundʰyúvaḥ sū́ro rátʰasya naptyàḥ /
   áyukta saptá śundʰyúvaḥ
   áyukta saptá śundʰyúvaḥ
   áyukta saptá śundʰyúvaḥ

Halfverse: b    sū́ro rátʰasya naptyàḥ /
   sū́raḥ rátʰasya naptyàḥ /
   sū́ro rátʰasya naptíyaḥ /

Halfverse: c    tā́bʰir yāti sváyuktibʰiḥ //
   tā́bʰir yāti sváyuktibʰiḥ //
   tā́bʰiḥ yāti sváyuktibʰiḥ //
   tā́bʰir yāti sváyuktibʰiḥ //


Verse: 10 
Halfverse: a    úd vayáṃ támasas pári jyótiṣ páśyanta úttaram /
   úd vayáṃ támasas pári
   út vayám támasaḥ pári
   úd vayáṃ támasas pári

Halfverse: b    jyótiṣ páśyanta úttaram /
   jyótiḥ páśyantaḥ úttaram /
   jyótiṣ páśyanta úttaram /

Halfverse: c    deváṃ devatrā́ sū́ryam áganma jyótir uttamám //
   deváṃ devatrā́ sū́ryam
   devám devatrā́ sū́ryam
   deváṃ devatrā́ sū́riyam

Halfverse: d    áganma jyótir uttamám //
   áganma jyótiḥ uttamám //
   áganma jyótir uttamám //


Verse: 11 
Halfverse: a    udyánn adyá mitramaha āróhann úttarāṃ dívam /
   udyánn adyá mitramaha
   udyán adyá mitramahaḥ
   udyánn adyá mitramaha

Halfverse: b    āróhann úttarāṃ dívam /
   āróhan úttarām dívam /
   āróhann úttarāṃ dívam /

Halfverse: c    hr̥drogám máma sūrya harimā́ṇaṃ ca nāśaya //
   hr̥drogám máma sūrya
   hr̥drogám máma sūrya
   hr̥drogám máma sūriya

Halfverse: d    harimā́ṇaṃ ca nāśaya //
   harimā́ṇam ca nāśaya //
   harimā́ṇaṃ ca nāśaya //


Verse: 12 
Halfverse: a    śúkeṣu me harimā́ṇaṃ ropaṇā́kāsu dadʰmasi /
   śúkeṣu me harimā́ṇaṃ
   śúkeṣu me harimā́ṇam
   śúkeṣu me harimā́ṇaṃ

Halfverse: b    ropaṇā́kāsu dadʰmasi /
   ropaṇā́kāsu dadʰmasi /
   ropaṇā́kāsu dadʰmasi /

Halfverse: c    átʰo hāridravéṣu me harimā́ṇaṃ ní dadʰmasi //
   átʰo hāridravéṣu me
   átʰa u hāridravéṣu me
   átʰo hāridravéṣu me

Halfverse: d    harimā́ṇaṃ ní dadʰmasi //
   harimā́ṇam ní dadʰmasi //
   harimā́ṇaṃ ní dadʰmasi //


Verse: 13 
Halfverse: a    úd agād ayám ādityó víśvena sáhasā sahá /
   úd agād ayám ādityó
   út agāt ayám ādityáḥ
   úd agād ayám ādityó

Halfverse: b    víśvena sáhasā sahá /
   víśvena sáhasā sahá /
   víśvena sáhasā sahá /

Halfverse: c    dviṣántam máhyaṃ randʰáyan mó aháṃ dviṣaté radʰam //
   dviṣántam máhyaṃ randʰáyan
   dviṣántam máhyam randʰáyan
   dviṣántam máhya* randʰáyan

Halfverse: d    mó aháṃ dviṣaté radʰam //
   mā́ u ahám dviṣaté radʰam //
   mó aháṃ dviṣaté radʰam //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.