TITUS
Rg-Veda: Rg-Veda-Samhita
Part No. 49
Previous part

Hymn: 49 
Verse: 1 
Halfverse: a    úṣo bʰadrébʰir ā́ gahi diváś cid rocanā́d ádʰi /
   úṣo bʰadrébʰir ā́ gahi
   úṣaḥ bʰadrébʰiḥ ā́ gahi
   úṣo bʰadrébʰir ā́ gahi

Halfverse: b    diváś cid rocanā́d ádʰi /
   diváḥ cit rocanā́t ádʰi /
   diváś cid rocanā́d ádʰi /

Halfverse: c    váhantv aruṇápsava úpa tvā somíno gr̥hám //
   váhantv aruṇápsava
   váhantu aruṇápsavaḥ
   váhantu aruṇápsava

Halfverse: d    úpa tvā somíno gr̥hám //
   úpa tvā somínaḥ gr̥hám //
   úpa tvā somíno gr̥hám //


Verse: 2 
Halfverse: a    supéśasaṃ sukʰáṃ rátʰaṃ yám adʰyástʰā uṣas tvám /
   supéśasaṃ sukʰáṃ rátʰaṃ
   supéśasam sukʰám rátʰam
   supéśasaṃ sukʰáṃ rátʰaṃ

Halfverse: b    yám adʰyástʰā uṣas tvám /
   yám adʰyástʰāḥ uṣaḥ tvám /
   yám adʰyástʰā uṣas tuvám /

Halfverse: c    ténā suśrávasaṃ jánam prā́vādyá duhitar divaḥ //
   ténā suśrávasaṃ jánam
   téna+ suśrávasam jánam
   ténā suśrávasaṃ jánam

Halfverse: d    prā́vādyá duhitar divaḥ //
   prá ava adyá duhitar divaḥ //
   prā́vādyá duhitar divaḥ //


Verse: 3 
Halfverse: a    váyaś cit te patatríṇo dvipác cátuṣpad arjuni /
   váyaś cit te patatríṇo
   váyaḥ cit te patatríṇaḥ
   váyaś cit te patatríṇo

Halfverse: b    dvipác cátuṣpad arjuni /
   dvipát cátuṣpat arjuni /
   dvipác cátuṣpad arjuni /

Halfverse: c    úṣaḥ prā́rann r̥tū́m̐r ánu divó ántebʰyas pári //
   úṣaḥ prā́rann r̥tū́m̐r ánu
   úṣaḥ prá āran r̥tū́n ánu
   úṣaḥ prā́rann r̥tū́m̐r ánu

Halfverse: d    divó ántebʰyas pári //
   diváḥ ántebʰyaḥ pári //
   divó ántebʰiyas pári //


Verse: 4 
Halfverse: a    vyucʰántī hí raśmíbʰir víśvam ābʰā́si rocanám /
   vyucʰántī hí raśmíbʰir
   vyucʰántī hí raśmíbʰiḥ
   viucʰántī hí raśmíbʰir

Halfverse: b    víśvam ābʰā́si rocanám /
   víśvam ābʰā́si rocanám /
   víśvam ābʰā́si rocanám /

Halfverse: c    tā́ṃ tvā́m uṣar vasūyávo gīrbʰíḥ káṇvā ahūṣata //
   tā́ṃ tvā́m uṣar vasūyávo
   tā́m tvā́m uṣar vasūyávaḥ
   tā́ṃ tvā́m uṣar vasūyávo

Halfverse: d    gīrbʰíḥ káṇvā ahūṣata //
   gīrbʰíḥ káṇvāḥ ahūṣata //
   gīrbʰíḥ káṇvā ahūṣata //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.