TITUS
Rg-Veda: Rg-Veda-Samhita
Part No. 48
Previous part

Hymn: 48 
Verse: 1 
Halfverse: a    sahá vāména na uṣo vy ùcʰā duhitar divaḥ /
   sahá vāména na uṣo
   sahá vāména naḥ uṣaḥ
   sahá vāména na uṣo

Halfverse: b    vy ùcʰā duhitar divaḥ /
   ví ucʰa+ duhitar divaḥ /
   ví ucʰā duhitar divaḥ /

Halfverse: c    sahá dyumnéna br̥hatā́ vibʰāvari rāyā́ devi dā́svatī //
   sahá dyumnéna br̥hatā́ vibʰāvari
   sahá dyumnéna br̥hatā́ vibʰāvari
   sahá dyumnéna br̥hatā́ vibʰāvari

Halfverse: d    rāyā́ devi dā́svatī //
   rāyā́ devi dā́svatī //
   rāyā́ devi dâásvatī //


Verse: 2 
Halfverse: a    áśvāvatīr gómatīr viśvasuvído bʰū́ri cyavanta vástave /
   áśvāvatīr gómatīr viśvasuvído
   áśvāvatīḥ gómatīḥ viśvasuvídaḥ
   áśvāvatīr gómatīr viśvasuvído

Halfverse: b    bʰū́ri cyavanta vástave /
   bʰū́ri cyavanta vástave /
   bʰū́ri cyavanta vástave /

Halfverse: c    úd īraya práti mā sūnŕ̥tā uṣaś códa rā́dʰo magʰónām //
   úd īraya práti mā sūnŕ̥tā uṣaś
   út īraya práti mā sūnŕ̥tāḥ uṣaḥ
   úd īraya práti mā sūnŕ̥tā uṣaś

Halfverse: d    códa rā́dʰo magʰónām //
   códa rā́dʰaḥ magʰónām //
   códa rā́dʰo magʰónãam //


Verse: 3 
Halfverse: a    uvā́soṣā́ ucʰā́c ca nú devī́ jīrā́ rátʰānām /
   uvā́soṣā́ ucʰā́c ca nú
   uvā́sa uṣā́ḥ ucʰā́t ca nú
   uvā́soṣā́ ucʰā́c ca nú

Halfverse: b    devī́ jīrā́ rátʰānām /
   devī́ jīrā́ rátʰānām /
   devī́ jīrā́ rátʰānãam /

Halfverse: c    yé asyā ācáraṇeṣu dadʰriré samudré ná śravasyávaḥ //
   yé asyā ācáraṇeṣu dadʰriré
   yé asyāḥ ācáraṇeṣu dadʰriré
   yé asyā . ācáraṇeṣu dadʰriré

Halfverse: d    samudré ná śravasyávaḥ \!\ //
   samudré ná śravasyávaḥ //
   samudré ná śravasyávaḥ //


Verse: 4 
Halfverse: a    úṣo yé te prá yā́meṣu yuñjáte máno dānā́ya sūráyaḥ /
   úṣo yé te prá yā́meṣu yuñjáte
   úṣaḥ yé te prá yā́meṣu yuñjáte
   úṣo yé te . prá yā́meṣu yuñjáte

Halfverse: b    máno dānā́ya sūráyaḥ /
   mánaḥ dānā́ya sūráyaḥ /
   máno dānā́ya sūráyaḥ /

Halfverse: c    átrā́ha tát káṇva eṣāṃ káṇvatamo nā́ma gr̥ṇāti nr̥ṇā́m //
   átrā́ha tát káṇva eṣāṃ káṇvatamo
   átra áha tát káṇvaḥ eṣām káṇvatamaḥ
   átrā́ha tát káṇva eṣāṃ káṇvatamo

Halfverse: d    nā́ma gr̥ṇāti nr̥ṇā́m //
   nā́ma gr̥ṇāti nr̥ṇā́m //
   nā́ma gr̥ṇāti nr̥̄ṇâám //


Verse: 5 
Halfverse: a    ā́ gʰā yóṣeva sūnáry uṣā́ yāti prabʰuñjatī́ /
   ā́ gʰā yóṣeva sūnáry
   ā́ gʰa+ yóṣā iva sūnárī
   ā́ gʰā yóṣeva sūnárī

Halfverse: b    uṣā́ yāti prabʰuñjatī́ /
   uṣā́ḥ yāti prabʰuñjatī́ /
   uṣā́ yāti prabʰuñjatī́ /

Halfverse: c    jaráyantī vŕ̥janam padvád īyata út pātayati pakṣíṇaḥ //
   jaráyantī vŕ̥janam padvád īyata
   jaráyantī vŕ̥janam padvát īyate
   jaráyantī vŕ̥janam padvád īyata

Halfverse: d    út pātayati pakṣíṇaḥ //
   út pātayati pakṣíṇaḥ //
   út pātayati pakṣíṇaḥ //


Verse: 6 
Halfverse: a    ví yā́ sr̥játi sámanaṃ vy àrtʰínaḥ padáṃ ná vety ódatī /
   ví yā́ sr̥játi sámanaṃ vy àrtʰínaḥ
   ví yā́ sr̥játi sámanam ví artʰínaḥ
   ví yā́ sr̥játi sámanaṃ ví artʰínaḥ

Halfverse: b    padáṃ ná vety ódatī /
   padám ná veti ódatī /
   padáṃ ná veti ódatī /

Halfverse: c    váyo nákiṣ ṭe paptivā́ṃsa āsate vyùṣṭau vājinīvati //
   váyo nákiṣ ṭe paptivā́ṃsa \!\ āsate
   váyaḥ nákiḥ te paptivā́ṃsaḥ āsate
   váyo nákiṣ ṭe paptivā́ṃsa āsate

Halfverse: d    vyùṣṭau vājinīvati //
   vyùṣṭau vājinīvati //
   víuṣṭau vājinīvati //


Verse: 7 
Halfverse: a    eṣā́yukta parāvátaḥ sū́ryasyodáyanād ádʰi /
   eṣā́yukta parāvátaḥ
   eṣā́ ayukta parāvátaḥ
   eṣā́yukta parāvátaḥ

Halfverse: b    sū́ryasyodáyanād ádʰi /
   sū́ryasya udáyanāt ádʰi /
   sū́ryasyodáyanād ádʰi /

Halfverse: c    śatáṃ rátʰebʰiḥ subʰágoṣā́ iyáṃ ví yāty abʰí mā́nuṣān //
   śatáṃ rátʰebʰiḥ subʰágoṣā́ iyáṃ
   śatám rátʰebʰiḥ subʰágā uṣā́ḥ iyám
   śatáṃ rátʰebʰiḥ subʰágā uṣā́ iyáṃ

Halfverse: d    ví yāty abʰí mā́nuṣān //
   ví yāti abʰí mā́nuṣān //
   ví yāti abʰí mā́nuṣān //


Verse: 8 
Halfverse: a    víśvam asyā nānāma cákṣase jágaj jyótiṣ kr̥ṇoti sūnárī /
   víśvam asyā nānāma cákṣase jágaj
   víśvam asyāḥ nānāma cákṣase jágat
   víśvam asyā nānāma cákṣase jágaj

Halfverse: b    jyótiṣ kr̥ṇoti sūnárī /
   jyótiḥ kr̥ṇoti sūnárī /
   jyótiṣ kr̥ṇoti sūnárī /

Halfverse: c    ápa dvéṣo magʰónī duhitā́ divá uṣā́ ucʰad ápa srídʰaḥ //
   ápa dvéṣo magʰónī duhitā́ divá
   ápa dvéṣaḥ magʰónī duhitā́ diváḥ
   ápa dvéṣo magʰónī duhitā́ divá

Halfverse: d    uṣā́ ucʰad ápa srídʰaḥ //
   uṣā́ḥ ucʰat ápa srídʰaḥ //
   uṣā́ ucʰad ápa srídʰaḥ //


Verse: 9 
Halfverse: a    úṣa ā́ bʰāhi bʰānúnā candréṇa duhitar divaḥ /
   úṣa ā́ bʰāhi bʰānúnā
   úṣaḥ ā́ bʰāhi bʰānúnā
   úṣa ā́ bʰāhi bʰānúnā

Halfverse: b    candréṇa duhitar divaḥ /
   candréṇa duhitar divaḥ /
   candréṇa duhitar divaḥ /

Halfverse: c    āváhantī bʰū́ry asmábʰyaṃ saúbʰagaṃ vyucʰántī díviṣṭiṣu //
   āváhantī bʰū́ry asmábʰyaṃ saúbʰagaṃ
   āváhantī bʰū́ri asmábʰyam saúbʰagam
   āváhantī bʰū́ri asmábʰyaṃ saúbʰagaṃ

Halfverse: d    vyucʰántī díviṣṭiṣu //
   vyucʰántī díviṣṭiṣu //
   viucʰántī díviṣṭiṣu //


Verse: 10 
Halfverse: a    víśvasya hí prā́ṇanaṃ jī́vanaṃ tvé ví yád ucʰási sūnari /
   víśvasya hí prā́ṇanaṃ jī́vanaṃ tvé
   víśvasya hí prā́ṇanam jī́vanam tvé
   víśvasya hí prā́ṇanaṃ jī́vanaṃ tuvé

Halfverse: b    ví yád ucʰási sūnari /
   ví yát ucʰási sūnari /
   ví yád ucʰási sūnari /

Halfverse: c    sā́ no rátʰena br̥hatā́ vibʰāvari śrudʰí citrāmagʰe hávam //
   sā́ no rátʰena br̥hatā́ vibʰāvari
   sā́ naḥ rátʰena br̥hatā́ vibʰāvari
   sā́ no rátʰena br̥hatā́ vibʰāvari

Halfverse: d    śrudʰí citrāmagʰe hávam //
   śrudʰí citrāmagʰe hávam //
   śrudʰí citrāmagʰe hávam //


Verse: 11 
Halfverse: a    úṣo vā́jaṃ hí váṃsva yáś citró mā́nuṣe jáne /
   úṣo vā́jaṃ hí váṃsva
   úṣaḥ vā́jam hí váṃsva
   úṣo vā́jaṃ hí váṃsuva

Halfverse: b    yáś citró mā́nuṣe jáne /
   yáḥ citráḥ mā́nuṣe jáne /
   yáś citró mā́nuṣe jáne /

Halfverse: c    ténā́ vaha sukŕ̥to adʰvarā́m̐ úpa yé tvā gr̥ṇánti váhnayaḥ //
   ténā́ vaha sukŕ̥to adʰvarā́m̐ úpa
   téna ā́ vaha sukŕ̥taḥ adʰvarā́n úpa
   ténā́ vaha sukŕ̥to adʰvarā́m̐ úpa

Halfverse: d    yé tvā gr̥ṇánti váhnayaḥ //
   yé tvā gr̥ṇánti váhnayaḥ //
   yé tvā gr̥ṇánti váhnayaḥ //


Verse: 12 
Halfverse: a    víśvān devā́m̐ ā́ vaha sómapītaye 'ntárikṣād uṣas tvám /
   víśvān devā́m̐ ā́ vaha sómapītaye
   víśvān devā́n ā́ vaha sómapītaye
   víśvān devā́m̐ ā́ vaha sómapītaye

Halfverse: b    'ntárikṣād uṣas tvám /
   antárikṣāt uṣaḥ tvám /
   antárikṣād uṣas tuvám /

Halfverse: c    sā́smā́su dʰā gómad áśvāvad uktʰyàm úṣo vā́jaṃ suvī́ryam //
   sā́smā́su dʰā gómad áśvāvad uktʰyàm
   sá asmā́su dʰāḥ gómat áśvāvat uktʰyàm
   sā́smā́su dʰā gómad áśvāvad uktʰíyam

Halfverse: d    úṣo vā́jaṃ suvī́ryam //
   úṣaḥ vā́jam suvī́ryam //
   úṣo vā́jaṃ suvī́riyam //


Verse: 13 
Halfverse: a    yásyā rúśanto arcáyaḥ práti bʰadrā́ ádr̥kṣata /
   yásyā rúśanto arcáyaḥ
   yásyāḥ rúśantaḥ arcáyaḥ
   yásyā rúśanto arcáyaḥ

Halfverse: b    práti bʰadrā́ ádr̥kṣata /
   práti bʰadrā́ḥ ádr̥kṣata /
   práti bʰadrā́ ádr̥kṣata /

Halfverse: c    sā́ no rayíṃ viśvávāraṃ supéśasam uṣā́ dadātu súgmyam //
   sā́ no rayíṃ viśvávāraṃ supéśasam
   sā́ naḥ rayím viśvávāram supéśasam
   sā́ no rayíṃ viśvávāraṃ supéśasam

Halfverse: d    uṣā́ dadātu súgmyam //
   uṣā́ḥ dadātu súgmyam //
   uṣā́ dadātu súgmiyam //


Verse: 14 
Halfverse: a    yé cid dʰí tvā́m ŕ̥ṣayaḥ pū́rva ūtáye juhūré 'vase mahi /
   yé cid dʰí tvā́m ŕ̥ṣayaḥ pū́rva ūtáye
   yé cit hí tvā́m ŕ̥ṣayaḥ pū́rve ūtáye
   yé cid dʰí tvā́m ŕ̥ṣayaḥ pū́rva ūtáye

Halfverse: b    juhūré 'vase mahi /
   juhūré ávase mahi /
   juhūré ávase mahi /

Halfverse: c    sā́ na stómām̐ abʰí gr̥ṇīhi rā́dʰasóṣaḥ śukréṇa śocíṣā //
   sā́ na stómām̐ abʰí gr̥ṇīhi rā́dʰasā_
   sā́ naḥ stómān abʰí gr̥ṇīhi rā́dʰasā
   sā́ na stómām̐ abʰí gr̥ṇīhi rā́dʰasā

Halfverse: d    _úṣaḥ śukréṇa śocíṣā //
   úṣaḥ śukréṇa śocíṣā //
   úṣaḥ śukréṇa śocíṣā //


Verse: 15 
Halfverse: a    úṣo yád adyá bʰānúnā ví dvā́rāv r̥ṇávo diváḥ /
   úṣo yád adyá bʰānúnā
   úṣaḥ yát adyá bʰānúnā
   úṣo yád adyá bʰānúnā

Halfverse: b    ví dvā́rāv r̥ṇávo diváḥ /
   ví dvā́rau r̥ṇávaḥ diváḥ /
   ví dvā́rāv r̥ṇávo diváḥ /

Halfverse: c    prá no yacʰatād avr̥kám pr̥tʰú cʰardíḥ prá devi gómatīr íṣaḥ //
   prá no yacʰatād avr̥kám pr̥tʰú cʰardíḥ
   prá naḥ yacʰatāt avr̥kám pr̥tʰú cʰardíḥ
   prá no yacʰatād avr̥kám pr̥tʰú cʰardíḥ

Halfverse: d    prá devi gómatīr íṣaḥ //
   prá devi gómatīḥ íṣaḥ //
   prá devi gómatīr íṣaḥ //


Verse: 16 
Halfverse: a    sáṃ no rāyā́ br̥hatā́ viśvápeśasā mimikṣvā́ sám íḷābʰir ā́ /
   sáṃ no rāyā́ br̥hatā́ viśvápeśasā
   sám naḥ rāyā́ br̥hatā́ viśvápeśasā
   sáṃ no rāyā́ br̥hatā́ viśvápeśasā

Halfverse: b    mimikṣvā́ sám íḷābʰir ā́ /
   mimikṣvá+ sám íḷābʰiḥ ā́ /
   mimikṣvā́ sám íḷābʰir ā́ /

Halfverse: c    sáṃ dyumnéna viśvatúroṣo mahi sáṃ vā́jair vājinīvati //
   sáṃ dyumnéna viśvatúroṣo mahi
   sám dyumnéna viśvatúrā uṣaḥ mahi
   sáṃ dyumnéna viśvatúrā uṣo mahi

Halfverse: d    sáṃ vā́jair vājinīvati //
   sám vā́jaiḥ vājinīvati //
   sáṃ vā́jair vājinīvati //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.