TITUS
Rg-Veda: Rg-Veda-Samhita
Part No. 47
Previous part

Hymn: 47 
Verse: 1 
Halfverse: a    ayáṃ vām mádʰumattamaḥ sutáḥ sóma r̥tāvr̥dʰā /
   ayáṃ vām mádʰumattamaḥ
   ayám vām mádʰumattamaḥ
   ayáṃ vām mádʰumattamaḥ

Halfverse: b    sutáḥ sóma r̥tāvr̥dʰā /
   sutáḥ sómaḥ r̥tāvr̥dʰā /
   sutáḥ sóma r̥tāvr̥dʰā /

Halfverse: c    tám aśvinā pibataṃ tiróahnyaṃ dʰattáṃ rátnāni dāśúṣe //
   tám aśvinā pibataṃ tiróahnyaṃ
   tám aśvinā pibatam tiróahnyam
   tám aśvinā pibataṃ tiróahniyaṃ

Halfverse: d    dʰattáṃ rátnāni dāśúṣe //
   dʰattám rátnāni dāśúṣe //
   dʰattáṃ rátnāni dāśúṣe //


Verse: 2 
Halfverse: a    trivandʰuréṇa trivŕ̥tā supéśasā rátʰenā́ yātam aśvinā /
   trivandʰuréṇa trivŕ̥tā supéśasā
   trivandʰuréṇa trivŕ̥tā supéśasā
   trivandʰuréṇa trivŕ̥tā supéśasā

Halfverse: b    rátʰenā́ yātam aśvinā /
   rátʰena ā́ yātam aśvinā /
   rátʰenā́ yātam aśvinā /

Halfverse: c    káṇvāso vām bráhma kr̥ṇvanty adʰvaré téṣāṃ sú śr̥ṇutaṃ hávam //
   káṇvāso vām bráhma kr̥ṇvanty adʰvaré
   káṇvāsaḥ vām bráhma kr̥ṇvanti adʰvaré
   káṇvāso vām bráhma kr̥ṇvanti adʰvaré

Halfverse: d    téṣāṃ sú śr̥ṇutaṃ hávam //
   téṣām sú śr̥ṇutam hávam //
   téṣāṃ sú śr̥ṇutaṃ hávam //


Verse: 3 
Halfverse: a    áśvinā mádʰumattamam pātáṃ sómam r̥tāvr̥dʰā /
   áśvinā mádʰumattamam
   áśvinā mádʰumattamam
   áśvinā mádʰumattamam

Halfverse: b    pātáṃ sómam r̥tāvr̥dʰā /
   pātám sómam r̥tāvr̥dʰā /
   pātáṃ sómam r̥tāvr̥dʰā /

Halfverse: c    átʰādyá dasrā vásu bíbʰratā rátʰe dāśvā́ṃsam úpa gacʰatam //
   átʰādyá dasrā vásu bíbʰratā rátʰe
   átʰa adyá dasrā vásu bíbʰratā rátʰe
   átʰādyá dasrā vásu bíbʰratā rátʰe

Halfverse: d    dāśvā́ṃsam úpa gacʰatam //
   dāśvā́ṃsam úpa gacʰatam //
   dāśvā́ṃsam úpa gacʰatam //


Verse: 4 
Halfverse: a    triṣadʰastʰé barhíṣi viśvavedasā mádʰvā yajñám mimikṣatam /
   triṣadʰastʰé barhíṣi viśvavedasā
   triṣadʰastʰé barhíṣi viśvavedasā
   triṣadʰastʰé barhíṣi viśvavedasā

Halfverse: b    mádʰvā yajñám mimikṣatam /
   mádʰvā yajñám mimikṣatam /
   mádʰvā yajñám mimikṣatam /

Halfverse: c    káṇvāso vāṃ sutásomā abʰídyavo yuvā́ṃ havante aśvinā //
   káṇvāso vāṃ sutásomā abʰídyavo
   káṇvāsaḥ vām sutásomāḥ abʰídyavaḥ
   káṇvāso vāṃ sutásomā abʰídyavo

Halfverse: d    yuvā́ṃ havante aśvinā //
   yuvā́m havante aśvinā //
   yuvā́ṃ havante aśvinā //


Verse: 5 
Halfverse: a    yā́bʰiḥ káṇvam abʰíṣṭibʰiḥ prā́vataṃ yuvám aśvinā /
   yā́bʰiḥ káṇvam abʰíṣṭibʰiḥ
   yā́bʰiḥ káṇvam abʰíṣṭibʰiḥ
   yā́bʰiḥ káṇvam abʰíṣṭibʰiḥ

Halfverse: b    prā́vataṃ yuvám aśvinā /
   prá ā́vatam yuvám aśvinā /
   prā́vataṃ yuvám aśvinā /

Halfverse: c    tā́bʰiḥ ṣv àsmā́m̐ avataṃ śubʰas patī pātáṃ sómam r̥tāvr̥dʰā //
   tā́bʰiḥ ṣv àsmā́m̐ avataṃ śubʰas patī
   tā́bʰiḥ sú asmā́n avatam śubʰaḥ patī
   tā́bʰiḥ ṣú asmā́m̐ avataṃ śubʰas patī

Halfverse: d    pātáṃ sómam r̥tāvr̥dʰā //
   pātám sómam r̥tāvr̥dʰā //
   pātáṃ sómam r̥tāvr̥dʰā //


Verse: 6 
Halfverse: a    sudā́se dasrā vásu bíbʰratā rátʰe pŕ̥kṣo vahatam aśvinā /
   sudā́se dasrā vásu bíbʰratā rátʰe
   sudā́se dasrā vásu bíbʰratā rátʰe
   sudā́se dasrā vásu bíbʰratā rátʰe

Halfverse: b    pŕ̥kṣo vahatam aśvinā /
   pŕ̥kṣaḥ vahatam aśvinā /
   pŕ̥kṣo vahatam aśvinā /

Halfverse: c    rayíṃ samudrā́d utá vā divás páry asmé dʰattam puruspŕ̥ham //
   rayíṃ samudrā́d utá vā divás páry
   rayím samudrā́t utá vā diváḥ pári
   rayíṃ samudrā́d utá vā divás pári

Halfverse: d    asmé dʰattam puruspŕ̥ham //
   asmé dʰattam puruspŕ̥ham //
   asmé dʰattam puruspŕ̥ham //


Verse: 7 
Halfverse: a    yán nāsatyā parāváti yád vā stʰó ádʰi turváśe /
   yán nāsatyā parāváti
   yát nāsatyā parāváti
   yán nāsatyā parāváti

Halfverse: b    yád vā stʰó ádʰi turváśe /
   yát vā stʰáḥ ádʰi turváśe /
   yád vā stʰó ádʰi turváśe /

Halfverse: c    áto rátʰena suvŕ̥tā na ā́ gataṃ sākáṃ sū́ryasya raśmíbʰiḥ //
   áto rátʰena suvŕ̥tā na ā́ gataṃ
   átaḥ rátʰena suvŕ̥tā naḥ ā́ gatam
   áto rátʰena suvŕ̥tā na ā́ gataṃ

Halfverse: d    sākáṃ sū́ryasya raśmíbʰiḥ //
   sākám sū́ryasya raśmíbʰiḥ //
   sākáṃ sū́ryasya raśmíbʰiḥ //


Verse: 8 
Halfverse: a    arvā́ñcā vāṃ sáptayo 'dʰvaraśríyo váhantu sávanéd úpa /
   arvā́ñcā vāṃ sáptayo 'dʰvaraśríyo
   arvā́ñcā vām sáptayaḥ adʰvaraśríyaḥ
   arvā́ñcā vāṃ sáptayo adʰvaraśríyo

Halfverse: b    váhantu sávanéd úpa /
   váhantu sávanā ít úpa /
   váhantu sávanéd úpa /

Halfverse: c    íṣam pr̥ñcántā sukŕ̥te sudā́nava ā́ barhíḥ sīdataṃ narā //
   íṣam pr̥ñcántā sukŕ̥te sudā́nava
   íṣam pr̥ñcántā sukŕ̥te sudā́navaḥ
   íṣam pr̥ñcántā sukŕ̥te sudā́nava

Halfverse: d    ā́ barhíḥ sīdataṃ narā //
   ā́ barhíḥ sīdatam narā //
   ā́ barhíḥ sīdataṃ narā //


Verse: 9 
Halfverse: a    téna nāsatyā́ gataṃ rátʰena sū́ryatvacā /
   téna nāsatyā́ gataṃ
   téna nāsatyā ā́ gatam
   téna nāsatiyā́ gataṃ

Halfverse: b    rátʰena sū́ryatvacā /
   rátʰena sū́ryatvacā /
   rátʰena sū́riyatvacā /

Halfverse: c    yéna śáśvad ūhátʰur dāśúṣe vásu mádʰvaḥ sómasya pītáye //
   yéna śáśvad ūhátʰur dāśúṣe vásu
   yéna śáśvat ūhátʰuḥ dāśúṣe vásu
   yéna śáśvad ūhátʰur dāśúṣe vásu

Halfverse: d    mádʰvaḥ sómasya pītáye //
   mádʰvaḥ sómasya pītáye //
   mádʰvaḥ sómasya pītáye //


Verse: 10 
Halfverse: a    uktʰébʰir arvā́g ávase purūvásū arkaíś ca ní hvayāmahe /
   uktʰébʰir arvā́g ávase purūvásū
   uktʰébʰiḥ arvā́k ávase purūvásū
   uktʰébʰir arvā́g ávase purūvásū

Halfverse: b    arkaíś ca ní hvayāmahe /
   arkaíḥ ca ní hvayāmahe /
   arkaíś ca ní hvayāmahe /

Halfverse: c    śáśvat káṇvānāṃ sádasi priyé hí kaṃ sómam papátʰur aśvinā //
   śáśvat káṇvānāṃ sádasi priyé hí kaṃ
   śáśvat káṇvānām sádasi priyé hí kam
   śáśvat káṇvānāṃ sádasi priyé hí kaṃ

Halfverse: d    sómam papátʰur aśvinā //
   sómam papátʰuḥ aśvinā //
   sómam papátʰur aśvinā //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.