TITUS
Rg-Veda: Rg-Veda-Samhita
Part No. 46
Previous part

Hymn: 46 
Verse: 1 
Halfverse: a    eṣó uṣā́ ápūrvyā vy ùcʰati priyā́ diváḥ /
   eṣó uṣā́ ápūrvyā
   eṣá u uṣā́ḥ ápūrvyā
   eṣó uṣā́ ápūrviyā

Halfverse: b    vy ùcʰati priyā́ diváḥ /
   ví ucʰati priyā́ diváḥ /
   ví ucʰati priyā́ diváḥ /

Halfverse: c    stuṣé vām aśvinā br̥hát //
   stuṣé vām aśvinā br̥hát //
   stuṣé vām aśvinā br̥hát //
   stuṣé vām aśvinā br̥hát //


Verse: 2 
Halfverse: a    yā́ dasrā́ síndʰumātarā manotárā rayīṇā́m /
   yā́ dasrā́ síndʰumātarā
   yā́ dasrā́ síndʰumātarā
   yā́ dasrā́ síndʰumātarā

Halfverse: b    manotárā rayīṇā́m /
   manotárā rayīṇā́m /
   manotárā rayīṇâám /

Halfverse: c    dʰiyā́ devā́ vasuvídā //
   dʰiyā́ devā́ vasuvídā //
   dʰiyā́ devā́ vasuvídā //
   dʰiyā́ devā́ vasuvídā //


Verse: 3 
Halfverse: a    vacyánte vāṃ kakuhā́so jūrṇā́yām ádʰi viṣṭápi /
   vacyánte vāṃ kakuhā́so
   vacyánte vām kakuhā́saḥ
   vacyánte vāṃ kakuhā́so

Halfverse: b    jūrṇā́yām ádʰi viṣṭápi /
   jūrṇā́yām ádʰi viṣṭápi /
   jūrṇā́yām ádʰi viṣṭápi /

Halfverse: c    yád vāṃ rátʰo víbʰiṣ pátāt //
   yád vāṃ rátʰo víbʰiṣ pátāt //
   yát vām rátʰaḥ víbʰiḥ pátāt //
   yád vāṃ rátʰo víbʰiṣ pátāt //


Verse: 4 
Halfverse: a    havíṣā jāró apā́m píparti pápurir narā /
   havíṣā jāró apā́m
   havíṣā jāráḥ apā́m
   havíṣā jāró apâám

Halfverse: b    píparti pápurir narā /
   píparti pápuriḥ narā /
   píparti pápurir narā /

Halfverse: c    pitā́ kúṭasya carṣaṇíḥ //
   pitā́ kúṭasya carṣaṇíḥ //
   pitā́ kúṭasya carṣaṇíḥ //
   pitā́ kúṭasya carṣaṇíḥ //


Verse: 5 
Halfverse: a    ādāró vām matīnā́ṃ nā́satyā matavacasā /
   ādāró vām matīnā́ṃ
   ādāráḥ vām matīnā́m
   ādāró vām matīnâáṃ

Halfverse: b    nā́satyā matavacasā /
   nā́satyā matavacasā /
   nā́satyā matavacasā /

Halfverse: c    pātáṃ sómasya dʰr̥ṣṇuyā́ //
   pātáṃ sómasya dʰr̥ṣṇuyā́ //
   pātám sómasya dʰr̥ṣṇuyā́ //
   pātáṃ sómasya dʰr̥ṣṇuyā́ //


Verse: 6 
Halfverse: a    yā́ naḥ pī́parad aśvinā jyótiṣmatī támas tiráḥ /
   yā́ naḥ pī́parad aśvinā
   yā́ naḥ pī́parat aśvinā
   yā́ naḥ pī́parad aśvinā

Halfverse: b    jyótiṣmatī támas tiráḥ /
   jyótiṣmatī támaḥ tiráḥ /
   jyótiṣmatī támas tiráḥ /

Halfverse: c    tā́m asmé rāsātʰām íṣam //
   tā́m asmé rāsātʰām íṣam //
   tā́m asmé rāsātʰām íṣam //
   tā́m asmé rāsatʰām* íṣam //


Verse: 7 
Halfverse: a    ā́ no nāvā́ matīnā́ṃ yātám pārā́ya gántave /
   ā́ no nāvā́ matīnā́ṃ
   ā́ naḥ nāvā́ matīnā́m
   ā́ no nāvā́ matīnâáṃ

Halfverse: b    yātám pārā́ya gántave /
   yātám pārā́ya gántave /
   yātám pārā́ya gántave /

Halfverse: c    yuñjā́tʰām aśvinā rátʰam //
   yuñjā́tʰām aśvinā rátʰam //
   yuñjā́tʰām aśvinā rátʰam //
   yuñjā́tʰām aśvinā rátʰam //


Verse: 8 
Halfverse: a    arítraṃ vāṃ divás pr̥tʰú tīrtʰé síndʰūnāṃ rátʰaḥ /
   arítraṃ vāṃ divás pr̥tʰú
   arítram vām diváḥ pr̥tʰú
   arítraṃ vāṃ divás pr̥tʰú

Halfverse: b    tīrtʰé síndʰūnāṃ rátʰaḥ /
   tīrtʰé síndʰūnām rátʰaḥ /
   tīrtʰé síndʰūnãaṃ rátʰaḥ /

Halfverse: c    dʰiyā́ yuyujra índavaḥ //
   dʰiyā́ yuyujra índavaḥ //
   dʰiyā́ yuyujre índavaḥ //
   dʰiyā́ yuyujra índavaḥ //


Verse: 9 
Halfverse: a    divás kaṇvāsa índavo vásu síndʰūnām padé /
   divás kaṇvāsa índavo
   diváḥ kaṇvāsaḥ índavaḥ
   divás kaṇvāsa índavo

Halfverse: b    vásu síndʰūnām padé /
   vásu síndʰūnām padé /
   vásu síndʰūnãam padé /

Halfverse: c    sváṃ vavríṃ kúha dʰitsatʰaḥ //
   sváṃ vavríṃ kúha dʰitsatʰaḥ //
   svám vavrím kúha dʰitsatʰaḥ //
   sváṃ vavríṃ kúha dʰitsatʰaḥ //


Verse: 10 
Halfverse: a    ábʰūd u bʰā́ u aṃśáve híraṇyam práti sū́ryaḥ /
   ábʰūd u bʰā́ u aṃśáve
   ábʰūt u bʰā́ḥ u aṃśáve
   ábʰūd u bʰā́ u aṃśáve

Halfverse: b    híraṇyam práti sū́ryaḥ /
   híraṇyam práti sū́ryaḥ /
   híraṇyam práti sū́riyaḥ /

Halfverse: c    vy àkʰyaj jihváyā́sitaḥ //
   vy àkʰyaj jihváyā́sitaḥ //
   ví akʰyat jihváyā ásitaḥ //
   ví akʰyaj jihváyā́sitaḥ //


Verse: 11 
Halfverse: a    ábʰūd u pārám étave pántʰā r̥tásya sādʰuyā́ /
   ábʰūd u pārám étave
   ábʰūt u pārám étave
   ábʰūd u pārám étave

Halfverse: b    pántʰā r̥tásya sādʰuyā́ /
   pántʰāḥ r̥tásya sādʰuyā́ /
   pántʰā r̥tásya sādʰuyā́ /

Halfverse: c    ádarśi ví srutír diváḥ //
   ádarśi ví srutír diváḥ //
   ádarśi ví srutíḥ diváḥ //
   ádarśi ví srutír diváḥ //


Verse: 12 
Halfverse: a    tát-tad íd aśvínor ávo jaritā́ práti bʰūṣati /
   tát-tad íd aśvínor ávo
   tát-tat ít aśvínoḥ ávaḥ
   tát-tad íd aśvínor ávo

Halfverse: b    jaritā́ práti bʰūṣati /
   jaritā́ práti bʰūṣati /
   jaritā́ práti bʰūṣati /

Halfverse: c    máde sómasya pípratoḥ //
   máde sómasya pípratoḥ //
   máde sómasya pípratoḥ //
   máde sómasya pípratoḥ //


Verse: 13 
Halfverse: a    vāvasānā́ vivásvati sómasya pītyā́ girā́ /
   vāvasānā́ vivásvati
   vāvasānā́ vivásvati
   vāvasānā́ vivásvati

Halfverse: b    sómasya pītyā́ girā́ /
   sómasya pītyā́ girā́ /
   sómasya pītiyā́ girā́ /

Halfverse: c    manuṣvác cʰambʰū ā́ gatam //
   manuṣvác cʰambʰū ā́ gatam //
   manuṣvát śambʰū ā́ gatam //
   manuṣvác cʰambʰū ā́ gatam //


Verse: 14 
Halfverse: a    yuvór uṣā́ ánu śríyam párijmanor upā́carat /
   yuvór uṣā́ ánu śríyam
   yuvóḥ uṣā́ḥ ánu śríyam
   yuvór uṣā́ ánu śríyam

Halfverse: b    párijmanor upā́carat /
   párijmanoḥ upā́carat /
   párijmanor upā́carat /

Halfverse: c    r̥tā́ vanatʰo aktúbʰiḥ //
   r̥tā́ vanatʰo aktúbʰiḥ //
   r̥tā́ vanatʰaḥ aktúbʰiḥ //
   r̥tā́ vanatʰo aktúbʰiḥ //


Verse: 15 
Halfverse: a    ubʰā́ pibatam aśvinobʰā́ naḥ śárma yacʰatam /
   ubʰā́ pibatam aśvinā_
   ubʰā́ pibatam aśvinā
   ubʰā́ pibatam aśvinā

Halfverse: b    _ubʰā́ naḥ śárma yacʰatam /
   ubʰā́ naḥ śárma yacʰatam /
   ubʰā́ naḥ śárma yacʰatam /

Halfverse: c    avidriyā́bʰir ūtíbʰiḥ //
   avidriyā́bʰir \!\ ūtíbʰiḥ //
   avidriyā́bʰiḥ ūtíbʰiḥ //
   avidriyā́bʰir ūtíbʰiḥ //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.