TITUS
Rg-Veda: Rg-Veda-Samhita
Part No. 1006
Previous part

Hymn: 169_(995) 
Verse: 1 
Halfverse: a    mayobʰū́r vā́to abʰí vātūsrā́ ū́rjasvatīr óṣadʰīr ā́ riśantām /
   mayobʰū́r vā́to abʰí vātūsrā́
   mayobʰū́ḥ vā́taḥ abʰí vātu usrā́ḥ
   mayobʰū́r vā́to abʰí vātu usrā́

Halfverse: b    ū́rjasvatīr óṣadʰīr ā́ riśantām /
   ū́rjasvatīḥ óṣadʰīḥ ā́ riśantām /
   ū́rjasvatīr óṣadʰīr ā́ riśantām /

Halfverse: c    pī́vasvatīr jīvádʰanyāḥ pibantv avasā́ya padváte rudra mr̥ḷa //
   pī́vasvatīr jīvádʰanyāḥ pibantv
   pī́vasvatīḥ jīvádʰanyāḥ pibantu
   pī́vasvatīr jīvádʰanyāḥ pibantu

Halfverse: d    avasā́ya padváte rudra mr̥ḷa //
   avasā́ya padváte rudra mr̥ḷa //
   avasā́ya padváte rudra mr̥ḷa //


Verse: 2 
Halfverse: a    yā́ḥ sárūpā vírūpā ékarūpā yā́sām agnír íṣṭyā nā́māni véda /
   yā́ḥ sárūpā vírūpā ékarūpā
   yā́ḥ sárūpāḥ vírūpāḥ ékarūpāḥ
   yā́ḥ sárūpā vírūpā ékarūpā

Halfverse: b    yā́sām agnír íṣṭyā nā́māni véda /
   yā́sām agníḥ íṣṭyā nā́māni véda /
   yā́sām agnír íṣṭyā nā́māni véda /

Halfverse: c    yā́ áṅgirasas tápasehá cakrús tā́bʰyaḥ parjanya máhi śárma yacʰa //
   yā́ áṅgirasas tápasehá cakrús
   yā́ḥ áṅgirasaḥ tápasā ihá cakrúḥ
   yā́ áṅgirasas tápasehá cakrús

Halfverse: d    tā́bʰyaḥ parjanya máhi śárma yacʰa //
   tā́bʰyaḥ parjanya máhi śárma yacʰa //
   tā́bʰyaḥ parjanya máhi śárma yacʰa //


Verse: 3 
Halfverse: a    yā́ devéṣu tanvàm aírayanta yā́sāṃ sómo víśvā rūpā́ṇi véda /
   yā́ devéṣu tanvàm aírayanta
   yā́ḥ devéṣu tanvàm aírayanta
   yā́ devéṣu tanúvam aírayanta

Halfverse: b    yā́sāṃ sómo víśvā rūpā́ṇi véda /
   yā́sām sómaḥ víśvā rūpā́ṇi véda /
   yā́sāṃ sómo víśvā rūpā́ṇi véda /

Halfverse: c    tā́ asmábʰyam páyasā pínvamānāḥ prajā́vatīr indra goṣṭʰé rirīhi //
   tā́ asmábʰyam páyasā pínvamānāḥ
   tā́ḥ asmábʰyam páyasā pínvamānāḥ
   tā́ asmábʰyam páyasā pínvamānāḥ

Halfverse: d    prajā́vatīr indra goṣṭʰé rirīhi //
   prajā́vatīḥ indra goṣṭʰé rirīhi //
   prajā́vatīr indra goṣṭʰé rirīhi //


Verse: 4 
Halfverse: a    prajā́patir máhyam etā́ rárāṇo víśvair devaíḥ pitŕ̥bʰiḥ saṃvidānáḥ /
   prajā́patir máhyam etā́ rárāṇo
   prajā́patiḥ máhyam etā́ḥ rárāṇaḥ
   prajā́patir máhyam etā́ rárāṇo

Halfverse: b    víśvair devaíḥ pitŕ̥bʰiḥ saṃvidānáḥ /
   víśvaiḥ devaíḥ pitŕ̥bʰiḥ saṃvidānáḥ /
   víśvair devaíḥ pitŕ̥bʰiḥ saṃvidānáḥ /

Halfverse: c    śivā́ḥ satī́r úpa no goṣṭʰám ā́kas tā́sāṃ vayám prajáyā sáṃ sadema //
   śivā́ḥ satī́r úpa no goṣṭʰám ā́kas
   śivā́ḥ satī́ḥ úpa naḥ goṣṭʰám ā́ akar
   śivā́ḥ satī́r úpa no goṣṭʰám ā́kas

Halfverse: d    tā́sāṃ vayám prajáyā sáṃ sadema //
   tā́sām vayám prajáyā sám sadema //
   tā́sāṃ vayám prajáyā sáṃ sadema //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.