TITUS
Rg-Veda: Rg-Veda-Samhita
Part No. 421
Previous part

Hymn: 67_(421) 
Verse: 1 
Halfverse: a    báḷ ittʰā́ deva niṣkr̥tám ā́dityā yajatám br̥hát /
   báḷ ittʰā́ deva niṣkr̥tám
   báṭ ittʰā́ devā= niṣkr̥tám
   báḷ ittʰā́ deva niṣkr̥tám

Halfverse: b    ā́dityā yajatám br̥hát /
   ā́dityā yajatám br̥hát /
   ā́dityā yajatám br̥hát /

Halfverse: c    váruṇa mítrā́ryaman várṣiṣṭʰaṃ kṣatrám āśātʰe //
   váruṇa mítrā́ryaman
   váruṇa mítra áryaman
   váruṇa mítra áryaman

Halfverse: d    várṣiṣṭʰaṃ kṣatrám āśātʰe //
   várṣiṣṭʰam kṣatrám āśātʰe //
   várṣiṣṭʰaṃ kṣatrám āśatʰe ՙ //


Verse: 2 
Halfverse: a    ā́ yád yóniṃ hiraṇyáyaṃ váruṇa mítra sádatʰaḥ /
   ā́ yád yóniṃ hiraṇyáyaṃ
   ā́ yát yónim hiraṇyáyam
   ā́ yád yóniṃ hiraṇyáyaṃ

Halfverse: b    váruṇa mítra sádatʰaḥ /
   váruṇa mítra sádatʰaḥ /
   váruṇa mítra sádatʰaḥ /

Halfverse: c    dʰartā́rā carṣaṇīnā́ṃ yantáṃ sumnáṃ riśādasā //
   dʰartā́rā carṣaṇīnā́ṃ
   dʰartā́rā carṣaṇīnā́m
   dʰartā́rā carṣaṇīnâáṃ

Halfverse: d    yantáṃ sumnáṃ riśādasā //
   yantám sumnám riśādasā //
   yantáṃ sumnáṃ riśādasā //


Verse: 3 
Halfverse: a    víśve hí viśvávedaso váruṇo mitró aryamā́ /
   víśve hí viśvávedaso
   víśve hí viśvávedasaḥ
   víśve hí viśvávedaso

Halfverse: b    váruṇo mitró aryamā́ /
   váruṇaḥ mitráḥ aryamā́ /
   váruṇo mitró aryamā́ /

Halfverse: c    vratā́ padéva saścire pā́nti mártyaṃ riṣáḥ //
   vratā́ padéva saścire
   vratā́ padā́ iva saścire
   vratā́ padéva saścire

Halfverse: d    pā́nti mártyaṃ riṣáḥ //
   pā́nti mártyam riṣáḥ //
   pâánti mártiyaṃ riṣáḥ //


Verse: 4 
Halfverse: a    té hí satyā́ r̥taspŕ̥śa r̥tā́vāno jáne-jane /
   té hí satyā́ r̥taspŕ̥śa
   té hí satyā́ḥ r̥taspŕ̥śaḥ
   té hí satyā́ r̥taspŕ̥śa

Halfverse: b    r̥tā́vāno jáne-jane /
   r̥tā́vānaḥ jáne-jane /
   r̥tā́vāno jáne-jane /

Halfverse: c    sunītʰā́saḥ sudā́navo 'm̐hóś cid urucákrayaḥ //
   sunītʰā́saḥ sudā́navo
   sunītʰā́saḥ sudā́navaḥ
   sunītʰā́saḥ sudā́navo

Halfverse: d    'm̐hóś cid urucákrayaḥ //
   aṃhóḥ cit urucákrayaḥ //
   aṃhóś cid urucákrayaḥ //


Verse: 5 
Halfverse: a    kó nú vām mitrā́stuto váruṇo vā tanū́nām /
   kó nú vām mitrā́stuto
   káḥ nú vām mitra ástutaḥ
   kó nú vām mitra ástuto

Halfverse: b    váruṇo vā tanū́nām /
   váruṇaḥ vā tanū́nām /
   váruṇo vā tanū́nãam /

Halfverse: c    tát sú vām éṣate matír átribʰya éṣate matíḥ //
   tát sú vām éṣate matír
   tát sú vām ā́ īṣate matíḥ
   tát sú vām éṣate matír

Halfverse: d    átribʰya éṣate matíḥ //
   átribʰyaḥ ā́ īṣate matíḥ //
   átribʰya éṣate matíḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.