TITUS
Rg-Veda: Rg-Veda-Samhita
Part No. 420
Previous part

Hymn: 66_(420) 
Verse: 1 
Halfverse: a    ā́ cikitāna sukrátū devaú marta riśā́dasā /
   ā́ cikitāna sukrátū
   ā́ cikitāna sukrátū
   ā́ cikitāna sukrátū

Halfverse: b    devaú marta riśā́dasā /
   devaú marta riśā́dasā /
   devaú marta riśā́dasā /

Halfverse: c    váruṇāya r̥tápeśase dadʰītá práyase mahé //
   váruṇāya r̥tápeśase
   váruṇāya r̥tápeśase
   váruṇāya rtápeśase

Halfverse: d    dadʰītá práyase mahé //
   dadʰītá práyase mahé //
   dadʰītá práyase mahé //


Verse: 2 
Halfverse: a    tā́ hí kṣatrám ávihrutaṃ samyág asuryàm ā́śāte /
   tā́ hí kṣatrám ávihrutaṃ
   tā́ hí kṣatrám ávihrutam
   tā́ hí kṣatrám ávihrutaṃ

Halfverse: b    samyág asuryàm ā́śāte /
   samyák asuryàm ā́śāte /
   samyág asuryàm ā́śate ՙ /

Halfverse: c    ádʰa vratéva mā́nuṣaṃ svàr ṇá dʰāyi darśatám //
   ádʰa vratéva mā́nuṣaṃ
   ádʰa vratā́ iva mā́nuṣam
   ádʰa vratéva mā́nuṣaṃ

Halfverse: d    svàr ṇá dʰāyi darśatám //
   svàr ná dʰāyi darśatám //
   súvar ṇá dʰāyi darśatám //


Verse: 3 
Halfverse: a    tā́ vām éṣe rátʰānām urvī́ṃ gávyūtim eṣām /
   tā́ vām éṣe rátʰānām
   tā́ vām éṣe rátʰānām
   tā́ vām éṣe rátʰānãam

Halfverse: b    urvī́ṃ gávyūtim eṣām /
   urvī́m gávyūtim eṣām /
   urvī́ṃ gávyūtim eṣãam /

Halfverse: c    rātáhavyasya suṣṭutíṃ dadʰŕ̥k stómair manāmahe //
   rātáhavyasya suṣṭutíṃ
   rātáhavyasya suṣṭutím
   rātáhavyasya suṣṭutíṃ

Halfverse: d    dadʰŕ̥k stómair manāmahe //
   dadʰŕ̥k stómaiḥ manāmahe //
   dadʰŕ̥k stómair manāmahe //


Verse: 4 
Halfverse: a    ádʰā hí kā́vyā yuváṃ dákṣasya pūrbʰír adbʰutā /
   ádʰā hí kā́vyā yuváṃ
   ádʰa+ hí kā́vyā yuvám
   ádʰā hí kā́viyā yuváṃ

Halfverse: b    dákṣasya pūrbʰír adbʰutā /
   dákṣasya pūrbʰíḥ adbʰutā /
   dákṣasya pūrbʰír adbʰutā /

Halfverse: c    ní ketúnā jánānāṃ cikétʰe pūtadakṣasā //
   ní ketúnā jánānāṃ
   ní ketúnā jánānām
   ní ketúnā jánānãaṃ

Halfverse: d    cikétʰe pūtadakṣasā //
   cikétʰe pūtadakṣasā //
   cikétʰe pūtadakṣasā //


Verse: 5 
Halfverse: a    tád r̥tám pr̥tʰivi br̥hác cʰravaëṣá ŕ̥ṣīṇām /
   tád r̥tám pr̥tʰivi br̥hác
   tát r̥tám pr̥tʰivi br̥hát
   tád r̥tám pr̥tʰivi br̥hác

Halfverse: b    cʰravaëṣá ŕ̥ṣīṇām /
   śravaëṣé ŕ̥ṣīṇām /
   cʰravaëṣá ŕ̥ṣīṇãam /

Halfverse: c    jrayasānā́v áram pr̥tʰv áti kṣaranti yā́mabʰiḥ //
   jrayasānā́v áram pr̥tʰv
   jrayasānaú áram pr̥tʰú
   jrayasānā́v áram pr̥tʰú

Halfverse: d    áti kṣaranti yā́mabʰiḥ //
   áti kṣaranti yā́mabʰiḥ //
   áti kṣaranti yā́mabʰiḥ //


Verse: 6 
Halfverse: a    ā́ yád vām īyacakṣasā mítra vayáṃ ca sūráyaḥ /
   ā́ yád vām īyacakṣasā
   ā́ yát vām īyacakṣasā
   ā́ yád vām īyacakṣasā

Halfverse: b    mítra vayáṃ ca sūráyaḥ /
   mítrā= vayám ca sūráyaḥ /
   mítra vayáṃ ca sūráyaḥ /

Halfverse: c    vyáciṣṭʰe bahupā́yye yátemahi svarā́jye //
   vyáciṣṭʰe bahupā́yye
   vyáciṣṭʰe bahupā́yye
   vyáciṣṭʰe bahupā́yiye

Halfverse: d    yátemahi svarā́jye //
   yátemahi svarā́jye //
   yátemahi svarā́jiye //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.