TITUS
Rg-Veda: Rg-Veda-Samhita
Part No. 419
Previous part

Hymn: 65_(419) 
Verse: 1 
Halfverse: a    yáś cikéta sá sukrátur devatrā́ sá bravītu naḥ /
   yáś cikéta sá sukrátur
   yáḥ cikéta sá sukrátuḥ
   yáś cikéta sá sukrátur

Halfverse: b    devatrā́ sá bravītu naḥ /
   devatrā́ sá bravītu naḥ /
   devatrā́ sá bravītu naḥ /

Halfverse: c    váruṇo yásya darśató mitró vā vánate gíraḥ //
   váruṇo yásya darśató
   váruṇaḥ yásya darśatáḥ
   váruṇo yásya darśató

Halfverse: d    mitró vā vánate gíraḥ //
   mitráḥ vā vánate gíraḥ //
   mitró vā vánate gíraḥ //


Verse: 2 
Halfverse: a    tā́ hí śréṣṭʰavarcasā rā́jānā dīrgʰaśrúttamā /
   tā́ hí śréṣṭʰavarcasā
   tā́ hí śréṣṭʰavarcasā
   tā́ hí śráyiṣṭʰavarcasā

Halfverse: b    rā́jānā dīrgʰaśrúttamā /
   rā́jānā dīrgʰaśrúttamā /
   rā́jānā dīrgʰaśrúttamā /

Halfverse: c    tā́ sátpatī r̥tāvŕ̥dʰa r̥tā́vānā jáne-jane //
   tā́ sátpatī r̥tāvŕ̥dʰa
   tā́ sátpatī r̥tāvŕ̥dʰā
   tā́ sátpatī r̥tāvŕ̥dʰa

Halfverse: d    r̥tā́vānā jáne-jane //
   r̥tā́vānā jáne-jane //
   r̥tā́vānā jáne-jane //


Verse: 3 
Halfverse: a    tā́ vām iyānó 'vase pū́rvā úpa bruve sácā /
   tā́ vām iyānó 'vase
   tā́ vām iyānáḥ ávase
   tā́ vām iyānó ávase

Halfverse: b    pū́rvā úpa bruve sácā /
   pū́rvau úpa bruve sácā /
   pū́rvā úpa bruve sácā /

Halfverse: c    sváśvāsaḥ sú cetúnā vā́jām̐ abʰí prá dāváne //
   sváśvāsaḥ sú cetúnā
   sváśvāsaḥ sú cetúnā
   suáśvāsaḥ sú cetúnā

Halfverse: d    vā́jām̐ abʰí prá dāváne //
   vā́jān abʰí prá dāváne //
   vā́jām̐ abʰí prá dāváne //


Verse: 4 
Halfverse: a    mitró am̐hóś cid ā́d urú kṣáyāya gātúṃ vanate /
   mitró am̐hóś cid ā́d urú
   mitráḥ aṃhóḥ cit ā́t urú
   mitró aṃhóś cid ā́d urú

Halfverse: b    kṣáyāya gātúṃ vanate /
   kṣáyāya gātúm vanate /
   kṣáyāya gātúṃ vanate /

Halfverse: c    mitrásya hí pratū́rvataḥ sumatír ásti vidʰatáḥ //
   mitrásya hí pratū́rvataḥ
   mitrásya hí pratū́rvataḥ
   mitrásya hí pratū́rvataḥ

Halfverse: d    sumatír ásti vidʰatáḥ //
   sumatíḥ ásti vidʰatáḥ //
   sumatír ásti vidʰatáḥ //


Verse: 5 
Halfverse: a    vayám mitrásyā́vasi syā́ma saprátʰastame /
   vayám mitrásyā́vasi
   vayám mitrásya ávasi
   vayám mitrásya ávasi

Halfverse: b    syā́ma saprátʰastame /
   syā́ma saprátʰastame /
   siyā́ma saprátʰastame /

Halfverse: c    anehásas tvótayaḥ satrā́ váruṇaśeṣasaḥ //
   anehásas tvótayaḥ
   anehásaḥ tvótayaḥ
   anehásas tuvótayaḥ

Halfverse: d    satrā́ váruṇaśeṣasaḥ //
   satrā́ váruṇaśeṣasaḥ //
   satrā́ váruṇaśeṣasaḥ //


Verse: 6 
Halfverse: a    yuvám mitremáṃ jánaṃ yátatʰaḥ sáṃ ca nayatʰaḥ /
   yuvám mitremáṃ jánaṃ
   yuvám mitrā imám jánam
   yuvám mitrā imáṃ jánaṃ

Halfverse: b    yátatʰaḥ sáṃ ca nayatʰaḥ /
   yátatʰaḥ sám ca nayatʰaḥ /
   yátatʰaḥ sáṃ ca nayatʰaḥ /

Halfverse: c    mā́ magʰónaḥ pári kʰyatam mó asmā́kam ŕ̥ṣīṇāṃ gopītʰé na uruṣyatam //
   mā́ magʰónaḥ pári kʰyatam
   mā́ magʰónaḥ pári kʰyatam
   mā́ magʰónaḥ pári kʰyatam

Halfverse: d    mó asmā́kam ŕ̥ṣīṇāṃ
   mā́ u asmā́kam ŕ̥ṣīṇām
   mó asmā́kam ŕ̥ṣīṇãaṃ

Halfverse: e    gopītʰé na uruṣyatam //
   gopītʰé naḥ uruṣyatam //
   gopītʰé na uruṣyatam //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.