TITUS
Rg-Veda: Rg-Veda-Samhita
Part No. 749
Previous part

Hymn: 26_(738) 
Verse: 1 
Halfverse: a    tám amr̥kṣanta vājínam upástʰe áditer ádʰi /
   tám amr̥kṣanta vājínam
   tám amr̥kṣanta vājínam
   tám amr̥kṣanta vājínam

Halfverse: b    upástʰe áditer ádʰi /
   upástʰe áditeḥ ádʰi /
   upástʰe áditer ádʰi /

Halfverse: c    víprāso áṇvyā dʰiyā́ //
   víprāso áṇvyā dʰiyā́ //
   víprāsaḥ áṇvyā dʰiyā́ //
   víprāso áṇviyā dʰiyā́ //


Verse: 2 
Halfverse: a    táṃ gā́vo abʰy ànūṣata sahásradʰāram ákṣitam /
   táṃ gā́vo abʰy ànūṣata
   tám gā́vaḥ abʰí anūṣata
   táṃ gā́vo abʰy ànūṣata

Halfverse: b    sahásradʰāram ákṣitam /
   sahásradʰāram ákṣitam /
   sahásradʰāram ákṣitam /

Halfverse: c    índuṃ dʰartā́ram ā́ diváḥ //
   índuṃ dʰartā́ram ā́ diváḥ //
   índum dʰartā́ram ā́ diváḥ //
   índuṃ dʰartā́ram ā́ diváḥ //


Verse: 3 
Halfverse: a    táṃ vedʰā́m medʰáyāhyan pávamānam ádʰi dyávi /
   táṃ vedʰā́m medʰáyāhyan
   tám vedʰā́m medʰáyā ahyan
   táṃ vedʰā́m medʰáyāhiyan

Halfverse: b    pávamānam ádʰi dyávi /
   pávamānam ádʰi dyávi /
   pávamānam ádʰi dyávi /

Halfverse: c    dʰarṇasím bʰū́ridʰāyasam //
   dʰarṇasím bʰū́ridʰāyasam //
   dʰarṇasím bʰū́ridʰāyasam //
   dʰarṇasím bʰū́ridʰāyasam //


Verse: 4 
Halfverse: a    tám ahyan bʰuríjor dʰiyā́ saṃvásānaṃ vivásvataḥ /
   tám ahyan bʰuríjor dʰiyā́
   tám ahyan bʰuríjoḥ dʰiyā́
   tám ahyan bʰuríjor dʰiyā́

Halfverse: b    saṃvásānaṃ vivásvataḥ /
   saṃvásānam vivásvataḥ /
   saṃvásānaṃ vivásvataḥ /

Halfverse: c    pátiṃ vācó ádābʰyam //
   pátiṃ vācó ádābʰyam //
   pátim vācáḥ ádābʰyam //
   pátiṃ vācó ádābʰiyam //


Verse: 5 
Halfverse: a    táṃ sā́nāv ádʰi jāmáyo háriṃ hinvanty ádribʰiḥ /
   táṃ sā́nāv ádʰi jāmáyo
   tám sā́nau ádʰi jāmáyaḥ
   táṃ sā́nāv ádʰi jāmáyo

Halfverse: b    háriṃ hinvanty ádribʰiḥ /
   hárim hinvanti ádribʰiḥ /
   háriṃ hinvanti ádribʰiḥ /

Halfverse: c    haryatám bʰū́ricakṣasam //
   haryatám bʰū́ricakṣasam //
   haryatám bʰū́ricakṣasam //
   haryatám bʰū́ricakṣasam //


Verse: 6 
Halfverse: a    táṃ tvā hinvanti vedʰásaḥ pávamāna girāvŕ̥dʰam /
   táṃ tvā hinvanti vedʰásaḥ
   tám tvā hinvanti vedʰásaḥ
   táṃ tvā hinvanti vedʰásaḥ

Halfverse: b    pávamāna girāvŕ̥dʰam /
   pávamāna girāvŕ̥dʰam /
   pávamāna girāvŕ̥dʰam /

Halfverse: c    índav índrāya matsarám //
   índav índrāya matsarám //
   índo índrāya matsarám //
   índav índrāya matsarám //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.