TITUS
Rg-Veda: Rg-Veda-Samhita
Part No. 748
Previous part

Hymn: 25_(737) 
Verse: 1 
Halfverse: a    pávasva dakṣasā́dʰano devébʰyaḥ pītáye hare /
   pávasva dakṣasā́dʰano
   pávasva dakṣasā́dʰanaḥ
   pávasva dakṣasā́dʰano

Halfverse: b    devébʰyaḥ pītáye hare /
   devébʰyaḥ pītáye hare /
   devébʰyaḥ pītáye hare /

Halfverse: c    marúdbʰyo vāyáve mádaḥ //
   marúdbʰyo vāyáve mádaḥ //
   marúdbʰyaḥ vāyáve mádaḥ //
   marúdbʰyo vāyáve mádaḥ //


Verse: 2 
Halfverse: a    pávamāna dʰiyā́ hitò 'bʰí yóniṃ kánikradat /
   pávamāna dʰiyā́ hitò
   pávamāna dʰiyā́ hitáḥ
   pávamāna dʰiyā́ hitó

Halfverse: b    'bʰí yóniṃ kánikradat /
   abʰí yónim kánikradat /
   abʰí yóniṃ kánikradat /

Halfverse: c    dʰármaṇā vāyúm ā́ viśa //
   dʰármaṇā vāyúm ā́ viśa //
   dʰármaṇā vāyúm ā́ viśa //
   dʰármaṇā vāyúm ā́ viśa //


Verse: 3 
Halfverse: a    sáṃ devaíḥ śobʰate vŕ̥ṣā kavír yónāv ádʰi priyáḥ /
   sáṃ devaíḥ śobʰate vŕ̥ṣā
   sám devaíḥ śobʰate vŕ̥ṣā
   sáṃ devaíḥ śobʰate vŕ̥ṣā

Halfverse: b    kavír yónāv ádʰi priyáḥ /
   kavíḥ yónau ádʰi priyáḥ /
   kavír yónāv ádʰi priyáḥ /

Halfverse: c    vr̥trahā́ devavī́tamaḥ //
   vr̥trahā́ devavī́tamaḥ //
   vr̥trahā́ devavī́tamaḥ //
   vr̥trahā́ devavī́tamaḥ //


Verse: 4 
Halfverse: a    víśvā rūpā́ṇy āviśán punānó yāti haryatáḥ /
   víśvā rūpā́ṇy āviśán
   víśvā rūpā́ṇi āviśán
   víśvā rūpā́ṇi āviśán

Halfverse: b    punānó yāti haryatáḥ /
   punānáḥ yāti haryatáḥ /
   punānó yāti haryatáḥ /

Halfverse: c    yátrāmŕ̥tāsa ā́sate //
   yátrāmŕ̥tāsa ā́sate //
   yátra amŕ̥tāsaḥ ā́sate //
   yátrāmŕ̥tāsa ā́sate //


Verse: 5 
Halfverse: a    aruṣó janáyan gíraḥ sómaḥ pavata āyuṣák /
   aruṣó janáyan gíraḥ
   aruṣáḥ janáyan gíraḥ
   aruṣó janáyan gíraḥ

Halfverse: b    sómaḥ pavata āyuṣák /
   sómaḥ pavate āyuṣák /
   sómaḥ pavata āyuṣák /

Halfverse: c    índraṃ gácʰan kavíkratuḥ //
   índraṃ gácʰan kavíkratuḥ //
   índram gácʰan kavíkratuḥ //
   índraṃ gácʰan kavíkratuḥ //


Verse: 6 
Halfverse: a    ā́ pavasva madintama pavítraṃ dʰā́rayā kave /
   ā́ pavasva madintama
   ā́ pavasva madintama
   ā́ pavasva madintama

Halfverse: b    pavítraṃ dʰā́rayā kave /
   pavítram dʰā́rayā kave /
   pavítraṃ dʰā́rayā kave /

Halfverse: c    arkásya yónim āsádam //
   arkásya yónim āsádam //
   arkásya yónim āsádam //
   arkásya yónim āsádam //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.