TITUS
Rg-Veda: Rg-Veda-Samhita
Part No. 747
Previous part

Hymn: 24_(736) 
Verse: 1 
Halfverse: a    prá sómāso adʰanviṣuḥ pávamānāsa índavaḥ /
   prá sómāso adʰanviṣuḥ
   prá sómāsaḥ adʰanviṣuḥ
   prá sómāso adʰanviṣuḥ

Halfverse: b    pávamānāsa índavaḥ /
   pávamānāsaḥ índavaḥ /
   pávamānāsa índavaḥ /

Halfverse: c    śrīṇānā́ apsú mr̥ñjata //
   śrīṇānā́ apsú mr̥ñjata //
   śrīṇānā́ḥ apsú mr̥ñjata //
   śrīṇānā́ apsú mr̥ñjata //


Verse: 2 
Halfverse: a    abʰí gā́vo adʰanviṣur ā́po ná pravátā yatī́ḥ /
   abʰí gā́vo adʰanviṣur
   abʰí gā́vaḥ adʰanviṣuḥ
   abʰí gā́vo adʰanviṣur

Halfverse: b    ā́po ná pravátā yatī́ḥ /
   ā́paḥ ná pravátā yatī́ḥ /
   ā́po ná pravátā yatī́ḥ /

Halfverse: c    punānā́ índram āśata //
   punānā́ índram āśata //
   punānā́ḥ índram āśata //
   punānā́ índram āśata //


Verse: 3 
Halfverse: a    prá pavamāna dʰanvasi sóméndrāya pā́tave /
   prá pavamāna dʰanvasi
   prá pavamāna dʰanvasi
   prá pavamāna dʰanvasi

Halfverse: b    sóméndrāya pā́tave /
   sóma índrāya pā́tave /
   sóma índrāya pā́tave /

Halfverse: c    nŕ̥bʰir yató ví nīyase //
   nŕ̥bʰir yató ví nīyase //
   nŕ̥bʰiḥ yatáḥ ví nīyase //
   nŕ̥bʰir yató ví nīyase //


Verse: 4 
Halfverse: a    tváṃ soma nr̥mā́danaḥ pávasva carṣaṇīsáhe /
   tváṃ soma nr̥mā́danaḥ
   tvám soma nr̥mā́danaḥ
   tuváṃ soma nr̥mā́danaḥ

Halfverse: b    pávasva carṣaṇīsáhe \!\ /
   pávasva carṣaṇīsáhe /
   pávasva carṣaṇīsáhe /

Halfverse: c    sásnir yó anumā́dyaḥ //
   sásnir yó anumā́dyaḥ //
   sásniḥ yáḥ anumā́dyaḥ //
   sásnir yó anumā́diyaḥ //


Verse: 5 
Halfverse: a    índo yád ádribʰiḥ sutáḥ pavítram paridʰā́vasi /
   índo yád ádribʰiḥ sutáḥ
   índo yát ádribʰiḥ sutáḥ
   índo yád ádribʰiḥ sutáḥ

Halfverse: b    pavítram paridʰā́vasi /
   pavítram paridʰā́vasi /
   pavítram paridʰā́vasi /

Halfverse: c    áram índrasya dʰā́mne //
   áram índrasya dʰā́mne //
   áram índrasya dʰā́mne //
   áram índrasya dʰā́mane //


Verse: 6 
Halfverse: a    pávasva vr̥trahantamoktʰébʰir anumā́dyaḥ /
   pávasva vr̥trahantama_
   pávasva vr̥trahantama
   pávasva vr̥trahantama

Halfverse: b    _uktʰébʰir anumā́dyaḥ /
   uktʰébʰiḥ anumā́dyaḥ /
   uktʰébʰir anumā́diyaḥ /

Halfverse: c    śúciḥ pāvakó ádbʰutaḥ //
   śúciḥ pāvakó ádbʰutaḥ //
   śúciḥ pāvakáḥ ádbʰutaḥ //
   śúciḥ pavākó ádbʰutaḥ //


Verse: 7 
Halfverse: a    śúciḥ pāvaká ucyate sómaḥ sutásya mádʰvaḥ /
   śúciḥ pāvaká ucyate
   śúciḥ pāvakáḥ ucyate
   śúciḥ pavāká ucyate

Halfverse: b    sómaḥ sutásya mádʰvaḥ /
   sómaḥ sutásya mádʰvaḥ /
   sómaḥ sutásya mádʰuvaḥ /

Halfverse: c    devāvī́r agʰaśaṃsahā́ //
   devāvī́r agʰaśaṃsahā́ //
   devāvī́ḥ agʰaśaṃsahā́ //
   devāvī́r agʰaśaṃsahā́ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.