TITUS
Rg-Veda: Rg-Veda-Samhita
Part No. 950
Previous part

Hymn: 113_(939) 
Verse: 1 
Halfverse: a    tám asya dyā́vāpr̥tʰivī́ sácetasā víśvebʰir devaír ánu śúṣmam āvatām /
   tám asya dyā́vāpr̥tʰivī́ sácetasā
   tám asya dyā́vāpr̥tʰivī́ sácetasā
   tám asya dyā́vāpr̥tʰivī́ sácetasā

Halfverse: b    víśvebʰir devaír ánu śúṣmam āvatām /
   víśvebʰiḥ devaíḥ ánu śúṣmam āvatām /
   víśvebʰir devaír ánu śúṣmam āvatām /

Halfverse: c    yád aít kr̥ṇvānó mahimā́nam indriyám pītvī́ sómasya krátumām̐ avardʰata //
   yád aít kr̥ṇvānó mahimā́nam indriyám
   yát aít kr̥ṇvānáḥ mahimā́nam indriyám
   yád aít kr̥ṇvānó mahimā́nam indriyám

Halfverse: d    pītvī́ sómasya krátumām̐ avardʰata //
   pītvī́ sómasya krátumān avardʰata //
   pītvī́ sómasya krátumām̐ avardʰata //


Verse: 2 
Halfverse: a    tám asya víṣṇur mahimā́nam ójasāṃśúṃ dadʰanvā́n mádʰuno ví rapśate /
   tám asya víṣṇur mahimā́nam ójasā_
   tám asya víṣṇuḥ mahimā́nam ójasā
   tám asya víṣṇur mahimā́nam ójasā

Halfverse: b    _aṃśúṃ dadʰanvā́n mádʰuno ví rapśate /
   aṃśúm dadʰanvā́n mádʰunaḥ ví rapśate /
   aṃśúṃ dadʰanvā́n mádʰuno ví rapśate /

Halfverse: c    devébʰir índro magʰávā sayā́vabʰir vr̥tráṃ jagʰanvā́m̐ abʰavad váreṇyaḥ //
   devébʰir índro magʰávā sayā́vabʰir
   devébʰiḥ índraḥ magʰávā sayā́vabʰiḥ
   devébʰir índro magʰávā sayā́vabʰir

Halfverse: d    vr̥tráṃ jagʰanvā́m̐ abʰavad váreṇyaḥ //
   vr̥trám jagʰanvā́n abʰavat váreṇyaḥ //
   vr̥tráṃ jagʰanvā́m̐ abʰavad váreṇiyaḥ //


Verse: 3 
Halfverse: a    vr̥tréṇa yád áhinā bíbʰrad ā́yudʰā samástʰitʰā yudʰáye śáṃsam āvíde /
   vr̥tréṇa yád áhinā bíbʰrad ā́yudʰā
   vr̥tréṇa yát áhinā bíbʰrat ā́yudʰā
   vr̥tréṇa yád áhinā bíbʰrad ā́yudʰā

Halfverse: b    samástʰitʰā yudʰáye śáṃsam āvíde /
   samástʰitʰāḥ yudʰáye śáṃsam āvíde /
   samástʰitʰā yudʰáye śáṃsam āvíde /

Halfverse: c    víśve te átra marútaḥ sahá tmánā́vardʰann ugra mahimā́nam indriyám //
   víśve te átra marútaḥ sahá tmánā_
   víśve te átra marútaḥ sahá tmánā
   víśve te átra marútaḥ sahá tmánā

Halfverse: d    _ávardʰann ugra mahimā́nam indriyám //
   ávardʰan ugra mahimā́nam indriyám //
   ávardʰann ugra mahimā́nam indriyám //


Verse: 4 
Halfverse: a    jajñāná evá vy àbādʰata spŕ̥dʰaḥ prā́paśyad vīró abʰí paúṃsyaṃ ráṇam /
   jajñāná evá vy àbādʰata spŕ̥dʰaḥ
   jajñānáḥ evá ví abādʰata spŕ̥dʰaḥ
   jajñāná evá ví abādʰata spŕ̥dʰaḥ

Halfverse: b    prā́paśyad vīró abʰí paúṃsyaṃ ráṇam /
   prá apaśyat vīráḥ abʰí paúṃsyam ráṇam /
   prā́paśyad vīró abʰí paúṃsiyaṃ ráṇam /

Halfverse: c    ávr̥ścad ádrim áva sasyádaḥ sr̥jad ástabʰnān nā́kaṃ svapasyáyā pr̥tʰúm //
   ávr̥ścad ádrim áva sasyádaḥ sr̥jad
   ávr̥ścat ádrim áva sasyádaḥ sr̥jat
   ávr̥ścad ádrim áva sasyádaḥ sr̥jad

Halfverse: d    ástabʰnān nā́kaṃ svapasyáyā pr̥tʰúm //
   ástabʰnāt nā́kam svapasyáyā pr̥tʰúm //
   ástabʰnān nā́kaṃ suapasyáyā pr̥tʰúm //


Verse: 5 
Halfverse: a    ā́d índraḥ satrā́ táviṣīr apatyata várīyo dyā́vāpr̥tʰivī́ abādʰata /
   ā́d índraḥ satrā́ táviṣīr apatyata
   ā́t índraḥ satrā́ táviṣīḥ apatyata
   ā́d índraḥ satrā́ táviṣīr apatyata

Halfverse: b    várīyo dyā́vāpr̥tʰivī́ abādʰata /
   várīyaḥ dyā́vāpr̥tʰivī́ abādʰata /
   várīyo dyā́vāpr̥tʰivī́ abādʰata /

Halfverse: c    ávābʰarad dʰr̥ṣitó vájram āyasáṃ śévam mitrā́ya váruṇāya dāśúṣe //
   ávābʰarad dʰr̥ṣitó vájram āyasáṃ
   áva abʰarat dʰr̥ṣitáḥ vájram āyasám
   ávābʰarad dʰr̥ṣitó vájram āyasáṃ

Halfverse: d    śévam mitrā́ya váruṇāya dāśúṣe //
   śévam mitrā́ya váruṇāya dāśúṣe //
   śévam mitrā́ya váruṇāya dāśúṣe //


Verse: 6 
Halfverse: a    índrasyā́tra táviṣībʰyo virapśína r̥gʰāyató araṃhayanta manyáve /
   índrasyā́tra táviṣībʰyo virapśína
   índrasya átra táviṣībʰyaḥ virapśínaḥ
   índrasyā́tra táviṣībʰyo virapśína

Halfverse: b    r̥gʰāyató araṃhayanta manyáve /
   r̥gʰāyatáḥ araṃhayanta manyáve /
   r̥gʰāyató araṃhayanta manyáve /

Halfverse: c    vr̥tráṃ yád ugró vy ávr̥ścad ójasāpó bíbʰrataṃ támasā párīvr̥tam //
   vr̥tráṃ yád ugró vy ávr̥ścad ójasā_
   vr̥trám yát ugráḥ ví ávr̥ścat ójasā
   vr̥tráṃ yád ugró ví ávr̥ścad ójasā

Halfverse: d    _apó bíbʰrataṃ támasā párīvr̥tam //
   apáḥ bíbʰratam támasā párīvr̥tam //
   apó bíbʰrataṃ támasā párīvr̥tam //


Verse: 7 
Halfverse: a    yā́ vīryā̀ṇi pratʰamā́ni kártvā mahitvébʰir yátamānau samīyátuḥ /
   yā́ vīryā̀ṇi pratʰamā́ni kártvā
   yā́ vīryā̀ṇi pratʰamā́ni kártvā
   yā́ vīríyāṇi pratʰamā́ni kártuvā

Halfverse: b    mahitvébʰir yátamānau samīyátuḥ /
   mahitvébʰiḥ yátamānau samīyátuḥ /
   mahitvébʰir yátamānau samīyátuḥ /

Halfverse: c    dʰvāntáṃ támó 'va dadʰvase hatá índro mahnā́ pūrváhūtāv apatyata //
   dʰvāntáṃ támó 'va dadʰvase hatá
   dʰvāntám támaḥ áva dadʰvase haté
   dʰvāntáṃ támo ? áva dadʰvase hatá

Halfverse: d    índro mahnā́ pūrváhūtāv apatyata //
   índraḥ mahnā́ pūrváhūtau apatyata //
   índro mahnā́ pūrváhūtāv apatyata //


Verse: 8 
Halfverse: a    víśve devā́so ádʰa vŕ̥ṣṇyāni té 'vardʰayan sómavatyā vacasyáyā /
   víśve devā́so ádʰa vŕ̥ṣṇyāni té
   víśve devā́saḥ ádʰa vŕ̥ṣṇyāni te
   víśve devā́so ádʰa vŕ̥ṣṇiyāni te

Halfverse: b    'vardʰayan sómavatyā vacasyáyā /
   ávardʰayan sómavatyā vacasyáyā /
   ávardʰayan sómavatyā vacasyáyā /

Halfverse: c    raddʰáṃ vr̥trám áhim índrasya hánmanāgnír ná jámbʰais tr̥ṣv ánnam āvayat //
   raddʰáṃ vr̥trám áhim índrasya hánmanā_
   raddʰám vr̥trám áhim índrasya hánmanā
   raddʰáṃ vr̥trám áhim índrasya hánmanā

Halfverse: d    _agnír ná jámbʰais tr̥ṣv ánnam āvayat //
   agníḥ ná jámbʰaiḥ tr̥ṣú ánnam āvayat //
   agnír ná jámbʰais tr̥ṣú ánnam āvayat //


Verse: 9 
Halfverse: a    bʰū́ri dákṣebʰir vacanébʰir ŕ̥kvabʰiḥ sakʰyébʰiḥ sakʰyā́ni prá vocata /
   bʰū́ri dákṣebʰir vacanébʰir ŕ̥kvabʰiḥ
   bʰū́ri dákṣebʰiḥ vacanébʰiḥ ŕ̥kvabʰiḥ
   bʰū́ri dákṣebʰir vacanébʰir ŕ̥kvabʰiḥ

Halfverse: b    sakʰyébʰiḥ sakʰyā́ni prá vocata /
   sakʰyébʰiḥ sakʰyā́ni prá vocata /
   sakʰiyébʰiḥ sakʰiyā́ni prá vocata /

Halfverse: c    índro dʰúniṃ ca cúmuriṃ ca dambʰáyañ cʰraddʰāmanasyā́ śr̥ṇute dabʰī́taye //
   índro dʰúniṃ ca cúmuriṃ ca dambʰáyañ
   índraḥ dʰúnim ca cúmurim ca dambʰáyan
   índro dʰúniṃ ca cúmuriṃ ca dambʰáyañ

Halfverse: d    cʰraddʰāmanasyā́ śr̥ṇute dabʰī́taye //
   śraddʰāmanasyā́ śr̥ṇute dabʰī́taye //
   cʰraddʰāmanasyā́ śr̥ṇute dabʰī́taye //


Verse: 10 
Halfverse: a    tvám purū́ṇy ā́ bʰarā sváśvyā yébʰir máṃsai nivácanāni śáṃsan /
   tvám purū́ṇy ā́ bʰarā sváśvyā
   tvám purū́ṇi ā́ bʰara+ sváśvyā
   tuvám purū́ṇi ā́ bʰarā suáśvyā

Halfverse: b    yébʰir máṃsai nivácanāni śáṃsan /
   yébʰiḥ máṃsai nivácanāni śáṃsan /
   yébʰir máṃsai nivácanāni śáṃsan /

Halfverse: c    sugébʰir víśvā duritā́ tarema vidó ṣú ṇa urviyā́ gādʰám adyá //
   sugébʰir víśvā duritā́ tarema
   sugébʰiḥ víśvā duritā́ tarema
   sugébʰir víśvā duritā́ tarema

Halfverse: d    vidó ṣú ṇa urviyā́ gādʰám adyá //
   vidá u sú naḥ urviyā́ gādʰám adyá //
   vidó ṣú ṇa urviyā́ gādʰám adyá //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.