TITUS
Rg-Veda: Rg-Veda-Samhita
Part No. 951
Previous part

Hymn: 114_(940) 
Verse: 1 
Halfverse: a    gʰarmā́ sámantā trivŕ̥taṃ vy ā̀patus táyor júṣṭim mātaríśvā jagāma /
   gʰarmā́ sámantā trivŕ̥taṃ vy ā̀patus
   gʰarmā́ sámantā trivŕ̥tam ví āpatuḥ
   gʰarmā́ sámantā trivŕ̥taṃ ví āpatus

Halfverse: b    táyor júṣṭim mātaríśvā jagāma /
   táyoḥ júṣṭim mātaríśvā jagāma /
   táyor júṣṭim mātaríśvā jagāma /

Halfverse: c    divás páyo dídʰiṣāṇā aveṣan vidúr devā́ḥ sahásāmānam arkám //
   divás páyo dídʰiṣāṇā aveṣan
   diváḥ páyaḥ dídʰiṣāṇāḥ aveṣan
   divás páyo dídʰiṣāṇā aveṣan

Halfverse: d    vidúr devā́ḥ sahásāmānam arkám //
   vidúḥ devā́ḥ sahásāmānam arkám //
   vidúr devā́ḥ sahásāmānam arkám //


Verse: 2 
Halfverse: a    tisró deṣṭrā́ya nírr̥tīr úpāsate dīrgʰaśrúto ví hí jānánti váhnayaḥ /
   tisró deṣṭrā́ya nírr̥tīr úpāsate
   tisráḥ deṣṭrā́ya nírr̥tīḥ úpa āsate
   tisró deṣṭrā́ya nírr̥tīr úpāsate

Halfverse: b    dīrgʰaśrúto ví hí jānánti váhnayaḥ /
   dīrgʰaśrútaḥ ví hí jānánti váhnayaḥ /
   dīrgʰaśrúto ví hí jānánti váhnayaḥ /

Halfverse: c    tā́sāṃ ní cikyuḥ kaváyo nidā́nam páreṣu yā́ gúhyeṣu vratéṣu //
   tā́sāṃ ní cikyuḥ kaváyo nidā́nam
   tā́sām ní cikyuḥ kaváyaḥ nidā́nam
   tā́sāṃ ní cikyuḥ kaváyo nidā́nam

Halfverse: d    páreṣu yā́ gúhyeṣu vratéṣu //
   páreṣu yā́ḥ gúhyeṣu vratéṣu //
   páreṣu yā́ gúhiyeṣu vratéṣu //


Verse: 3 
Halfverse: a    cátuṣkapardā yuvatíḥ supéśā gʰr̥tápratīkā vayúnāni vaste /
   cátuṣkapardā yuvatíḥ supéśā
   cátuṣkapardā yuvatíḥ supéśāḥ
   cátuṣkapardā yuvatíḥ supéśā

Halfverse: b    gʰr̥tápratīkā vayúnāni vaste /
   gʰr̥tápratīkā vayúnāni vaste /
   gʰr̥tápratīkā vayúnāni vaste /

Halfverse: c    tásyāṃ suparṇā́ vŕ̥ṣaṇā ní ṣedatur yátra devā́ dadʰiré bʰāgadʰéyam //
   tásyāṃ suparṇā́ vŕ̥ṣaṇā ní ṣedatur
   tásyām suparṇā́ vŕ̥ṣaṇā ní sedatuḥ
   tásyāṃ suparṇā́ vŕ̥ṣaṇā ní ṣedatur

Halfverse: d    yátra devā́ dadʰiré bʰāgadʰéyam //
   yátra devā́ḥ dadʰiré bʰāgadʰéyam //
   yátra devā́ dadʰiré bʰāgadʰéyam //


Verse: 4 
Halfverse: a    ékaḥ suparṇáḥ sá samudrám ā́ viveśa sá idáṃ víśvam bʰúvanaṃ ví caṣṭe /
   ékaḥ suparṇáḥ sá samudrám ā́ viveśa
   ékaḥ suparṇáḥ sá samudrám ā́ viveśa
   ékaḥ suparṇáḥ sá samudrám ā́ viveśa

Halfverse: b    sá idáṃ víśvam bʰúvanaṃ ví caṣṭe /
   sáḥ \!\ idám víśvam bʰúvanam ví caṣṭe /
   sá idáṃ víśvam bʰúvanaṃ ví caṣṭe /

Halfverse: c    tám pā́kena mánasāpaśyam ántitas tám mātā́ reḷʰi sá u reḷʰi mātáram //
   tám pā́kena mánasāpaśyam ántitas
   tám pā́kena mánasā apaśyam ántitaḥ
   tám pā́kena mánasāpaśyam ántitas

Halfverse: d    tám mātā́ reḷʰi sá u reḷʰi mātáram //
   tám mātā́ reḷʰi sáḥ \!\ u reḷʰi mātáram //
   tám mātā́ reḷʰi sá u reḷʰi mātáram //


Verse: 5 
Halfverse: a    suparṇáṃ víprāḥ kaváyo vácobʰir ékaṃ sántam bahudʰā́ kalpayanti /
   suparṇáṃ víprāḥ kaváyo vácobʰir
   suparṇám víprāḥ kaváyaḥ vácobʰiḥ
   suparṇáṃ víprāḥ kaváyo vácobʰir

Halfverse: b    ékaṃ sántam bahudʰā́ kalpayanti /
   ékam sántam bahudʰā́ kalpayanti /
   ékaṃ sántam bahudʰā́ kalpayanti /

Halfverse: c    cʰándāṃsi ca dádʰato adʰvaréṣu gráhān sómasya mimate dvā́daśa //
   cʰándāṃsi ca dádʰato adʰvaréṣu
   cʰándāṃsi ca dádʰataḥ adʰvaréṣu
   cʰándāṃsi ca dádʰato adʰvaréṣu

Halfverse: d    gráhān sómasya mimate dvā́daśa //
   gráhān sómasya mimate dvā́daśa //
   gráhān sómasya mimate duvā́daśa //


Verse: 6 
Halfverse: a    ṣaṭtriṃśā́ṃś ca catúraḥ kalpáyantaś cʰándāṃsi ca dádʰata ādvādaśám /
   ṣaṭtriṃśā́ṃś ca catúraḥ kalpáyantaś
   ṣaṭtriṃśā́n ca catúraḥ kalpáyantaḥ
   ṣaṭtriṃśā́ṃś ca catúraḥ kalpáyantaś

Halfverse: b    cʰándāṃsi ca dádʰata ādvādaśám /
   cʰándāṃsi ca dádʰataḥ ādvādaśám /
   cʰándāṃsi ca dádʰata āduvādaśám /

Halfverse: c    yajñáṃ vimā́ya kaváyo manīṣá r̥ksāmā́bʰyām prá rátʰaṃ vartayanti //
   yajñáṃ vimā́ya kaváyo manīṣá
   yajñám vimā́ya kaváyaḥ manīṣā́
   yajñáṃ vimā́ya kaváyo manīṣá

Halfverse: d    r̥ksāmā́bʰyām prá rátʰaṃ vartayanti //
   r̥ksāmā́bʰyām prá rátʰam vartayanti //
   r̥ksāmā́bʰyām prá rátʰaṃ vartayanti //


Verse: 7 
Halfverse: a    cáturdaśānyé mahimā́no asya táṃ dʰī́rā vācā́ prá ṇayanti saptá /
   cáturdaśānyé mahimā́no asya
   cáturdaśa anyé mahimā́naḥ asya
   cáturdaśānyé mahimā́no asya

Halfverse: b    táṃ dʰī́rā vācā́ prá ṇayanti saptá /
   tám dʰī́rāḥ vācā́ prá nayanti saptá /
   táṃ dʰī́rā vācā́ prá ṇayanti saptá /

Halfverse: c    ā́pnānaṃ tīrtʰáṃ ká ihá prá vocad yéna patʰā́ prapíbante sutásya //
   ā́pnānaṃ tīrtʰáṃ ká ihá prá vocad
   ā́pnānam tīrtʰám káḥ ihá prá vocat
   ā́pnānaṃ tīrtʰáṃ ká ihá prá vocad

Halfverse: d    yéna patʰā́ prapíbante sutásya //
   yéna patʰā́ prapíbante sutásya //
   yéna patʰā́ prapíbante sutásya //


Verse: 8 
Halfverse: a    sahasradʰā́ pañcadaśā́ny uktʰā́ yā́vad dyā́vāpr̥tʰivī́ tā́vad ít tát /
   sahasradʰā́ pañcadaśā́ny uktʰā́
   sahasradʰā́ pañcadaśā́ni uktʰā́
   sahasradʰā́ pañcadaśā́ni uktʰā́

Halfverse: b    yā́vad dyā́vāpr̥tʰivī́ tā́vad ít tát /
   yā́vat dyā́vāpr̥tʰivī́ tā́vat ít tát /
   yā́vad dyā́vāpr̥tʰivī́ tā́vad ít tát /

Halfverse: c    sahasradʰā́ mahimā́naḥ sahásraṃ yā́vad bráhma víṣṭʰitaṃ tā́vatī vā́k //
   sahasradʰā́ mahimā́naḥ sahásraṃ
   sahasradʰā́ mahimā́naḥ sahásram
   sahasradʰā́ mahimā́naḥ sahásraṃ

Halfverse: d    yā́vad bráhma víṣṭʰitaṃ tā́vatī vā́k //
   yā́vat bráhma víṣṭʰitam tā́vatī vā́k //
   yā́vad bráhma víṣṭʰitaṃ tā́vatī vā́k //


Verse: 9 
Halfverse: a    káś cʰándasāṃ yógam ā́ veda dʰī́raḥ kó dʰíṣṇyām práti vā́cam papāda /
   káś cʰándasāṃ yógam ā́ veda dʰī́raḥ
   káḥ cʰándasām yógam ā́ veda dʰī́raḥ
   káś cʰándasāṃ yógam ā́ veda dʰī́raḥ

Halfverse: b    kó dʰíṣṇyām práti vā́cam papāda /
   káḥ dʰíṣṇyām práti vā́cam papāda /
   kó dʰíṣṇiyām práti vā́cam papāda /

Halfverse: c    kám r̥tvíjām aṣṭamáṃ śū́ram āhur hárī índrasya ní cikāya káḥ svit //
   kám r̥tvíjām aṣṭamáṃ śū́ram āhur
   kám r̥tvíjām aṣṭamám śū́ram āhuḥ
   kám r̥tvíjām aṣṭamáṃ śū́ram āhur

Halfverse: d    hárī índrasya ní cikāya káḥ svit //
   hárī índrasya ní cikāya káḥ svit //
   hárī índrasya ní cikāya káḥ svit //


Verse: 10 
Halfverse: a    bʰū́myā ántam páry éke caranti rátʰasya dʰūrṣú yuktā́so astʰuḥ /
   bʰū́myā ántam páry éke caranti
   bʰū́myāḥ ántam pári éke caranti
   bʰū́myā ántam pári éke caranti

Halfverse: b    rátʰasya dʰūrṣú yuktā́so astʰuḥ /
   rátʰasya dʰūrṣú yuktā́saḥ astʰuḥ /
   rátʰasya dʰūrṣú yuktā́so astʰuḥ /

Halfverse: c    śrámasya dāyáṃ ví bʰajanty ebʰyo yadā́ yamó bʰávati harmyé hitáḥ //
   śrámasya dāyáṃ ví bʰajanty ebʰyo
   śrámasya dāyám ví bʰajanti ebʰyaḥ
   śrámasya dāyáṃ ví bʰajanti ebʰiyo

Halfverse: d    yadā́ yamó bʰávati harmyé hitáḥ //
   yadā́ yamáḥ bʰávati harmyé hitáḥ //
   yadā́ yamó bʰávati harmiyé hitáḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.