TITUS
Rg-Veda: Rg-Veda-Samhita
Part No. 952
Previous part

Hymn: 115_(941) 
Verse: 1 
Halfverse: a    citrá íc cʰíśos táruṇasya vakṣátʰo ná yó mātárāv apyéti dʰā́tave /
   citrá íc cʰíśos táruṇasya vakṣátʰo
   citráḥ ít śíśoḥ táruṇasya vakṣátʰaḥ
   citrá íc cʰíśos táruṇasya vakṣátʰo

Halfverse: b    ná yó mātárāv apyéti dʰā́tave /
   ná yáḥ mātárau apyéti dʰā́tave /
   ná yó mātárāv apiéti dʰā́tave /

Halfverse: c    anūdʰā́ yádi jī́janad ádʰā ca nú vavákṣa sadyó máhi dūtyàṃ cáran //
   anūdʰā́ yádi jī́janad ádʰā ca nú
   anūdʰā́ḥ yádi jī́janat ádʰa+ ca nú
   anūdʰā́ yádi jī́janad ádʰā ca nú

Halfverse: d    vavákṣa sadyó máhi dūtyàṃ cáran //
   vavákṣa sadyáḥ máhi dūtyàm cáran //
   vavákṣa sadyó máhi dūtíyaṃ cáran //


Verse: 2 
Halfverse: a    agnír ha nā́ma dʰāyi dánn apástamaḥ sáṃ yó vánā yuváte bʰásmanā datā́ /
   agnír ha nā́ma dʰāyi dánn apástamaḥ
   agníḥ ha nā́ma dʰāyi dán apástamaḥ
   agnír ha nā́ma dʰāyi dánn apástamaḥ

Halfverse: b    sáṃ yó vánā yuváte bʰásmanā datā́ /
   sám yáḥ vánā yuváte bʰásmanā datā́ /
   sáṃ yó vánā yuváte bʰásmanā datā́ /

Halfverse: c    abʰipramúrā juhvā̀ svadʰvará inó ná prótʰamāno yávase vŕ̥ṣā //
   abʰipramúrā juhvā̀ svadʰvará
   abʰipramúrā juhvā̀ svadʰvaráḥ
   abʰipramúrā juhúvā suadʰvará

Halfverse: d    inó ná prótʰamāno yávase vŕ̥ṣā //
   ináḥ ná prótʰamānaḥ yávase vŕ̥ṣā //
   inó ná prótʰamāno yávase vŕ̥ṣā //


Verse: 3 
Halfverse: a    táṃ vo víṃ ná druṣádaṃ devám ándʰasa índum prótʰantam pravápantam arṇavám /
   táṃ vo víṃ ná druṣádaṃ devám ándʰasa
   tám vaḥ vím ná druṣádam devám ándʰasaḥ
   táṃ vo víṃ ná druṣádaṃ devám ándʰasa

Halfverse: b    índum prótʰantam pravápantam arṇavám /
   índum prótʰantam pravápantam arṇavám /
   índum prótʰantam pravápantam arṇavám /

Halfverse: c    āsā́ váhniṃ ná śocíṣā virapśínam máhivrataṃ ná sarájantam ádʰvanaḥ //
   āsā́ váhniṃ ná śocíṣā virapśínam
   āsā́ váhnim ná śocíṣā virapśínam
   āsā́ váhniṃ ná śocíṣā virapśínam

Halfverse: d    máhivrataṃ ná sarájantam ádʰvanaḥ //
   máhivratam ná sarájantam ádʰvanaḥ //
   máhivrataṃ ná sarájantam ádʰvanaḥ //


Verse: 4 
Halfverse: a    ví yásya te jrayasānásyājara dʰákṣor ná vā́tāḥ pári sánty ácyutāḥ /
   ví yásya te jrayasānásyājara
   ví yásya te jrayasānásya ajara
   ví yásya te jrayasānásya ajara

Halfverse: b    dʰákṣor ná vā́tāḥ pári sánty ácyutāḥ /
   dʰákṣoḥ ná vā́tāḥ pári sánti ácyutāḥ /
   dʰákṣor ná vā́tāḥ pári sánti ácyutāḥ /

Halfverse: c    ā́ raṇvā́so yúyudʰayo ná satvanáṃ tritáṃ naśanta prá śiṣánta iṣṭáye //
   ā́ raṇvā́so yúyudʰayo ná satvanáṃ
   ā́ raṇvā́saḥ yúyudʰayaḥ ná satvanám
   ā́ raṇvā́so yúyudʰayo ná satvanáṃ

Halfverse: d    tritáṃ naśanta prá śiṣánta iṣṭáye //
   tritám naśanta prá śiṣántaḥ iṣṭáye //
   tritáṃ naśanta prá śiṣánta iṣṭáye //


Verse: 5 
Halfverse: a    sá íd agníḥ káṇvatamaḥ káṇvasakʰāryáḥ párasyā́ntarasya táruṣaḥ /
   sá íd agníḥ káṇvatamaḥ káṇvasakʰā_
   sáḥ \!\ ít agníḥ káṇvatamaḥ káṇvasakʰā
   sá íd agníḥ káṇvatamaḥ káṇvasakʰā

Halfverse: b    _aryáḥ párasyā́ntarasya táruṣaḥ /
   aryáḥ párasya ántarasya táruṣaḥ /
   aryáḥ párasya ántarasya táruṣaḥ /

Halfverse: c    agníḥ pātu gr̥ṇató agníḥ sūrī́n agnír dadātu téṣām ávo naḥ //
   agníḥ pātu gr̥ṇató agníḥ sūrī́n
   agníḥ pātu gr̥ṇatáḥ agníḥ sūrī́n
   agníḥ pātu gr̥ṇató agníḥ sūrī́n

Halfverse: d    agnír dadātu téṣām ávo naḥ //
   agníḥ dadātu téṣām ávaḥ naḥ //
   agnír dadātu téṣãam ávo naḥ //


Verse: 6 
Halfverse: a    vājíntamāya sáhyase supitrya tr̥ṣú cyávāno ánu jātávedase /
   vājíntamāya sáhyase supitrya
   vājíntamāya sáhyase supitrya
   vājíntamāya sáhyase supitriya

Halfverse: b    tr̥ṣú cyávāno ánu jātávedase /
   tr̥ṣú cyávānaḥ ánu jātávedase /
   tr̥ṣú cyávāno ánu jātávedase /

Halfverse: c    anudré cid yó dʰr̥ṣatā́ váraṃ saté mahíntamāya dʰánvanéd aviṣyaté //
   anudré cid yó dʰr̥ṣatā́ váraṃ saté
   anudré cit yáḥ dʰr̥ṣatā́ váram saté
   anudré cid yó dʰr̥ṣatā́ váraṃ saté

Halfverse: d    mahíntamāya dʰánvanéd aviṣyaté //
   mahíntamāya dʰánvanā ít aviṣyaté //
   mahíntamāya dʰánvanéd aviṣyaté //


Verse: 7 
Halfverse: a    evā́gnír mártaiḥ sahá sūríbʰir vásu ṣṭave sáhasaḥ sūnáro nŕ̥bʰiḥ /
   evā́gnír mártaiḥ sahá sūríbʰir
   evá agníḥ mártaiḥ sahá sūríbʰiḥ
   evá agnír mártiaiḥ ՙ sahá sūríbʰir

Halfverse: b    vásu ṣṭave sáhasaḥ sūnáro nŕ̥bʰiḥ /
   vásuḥ stave sáhasaḥ sūnáraḥ nŕ̥bʰiḥ /
   vásu ṣṭave sáhasaḥ sūnáro nŕ̥bʰiḥ /

Halfverse: c    mitrā́so ná yé súdʰitā r̥tāyávo dyā́vo ná dyumnaír abʰí sánti mā́nuṣān //
   mitrā́so ná yé súdʰitā r̥tāyávo
   mitrā́saḥ ná yé súdʰitāḥ r̥tāyávaḥ
   mitrā́so ná yé súdʰitā r̥tāyávo

Halfverse: d    dyā́vo ná dyumnaír abʰí sánti mā́nuṣān //
   dyā́vaḥ ná dyumnaíḥ abʰí sánti mā́nuṣān //
   dyā́vo ná dyumnaír abʰí sánti mā́nuṣān //


Verse: 8 
Halfverse: a    ū́rjo napāt sahasāvann íti tvopastutásya vandate vŕ̥ṣā vā́k /
   ū́rjo napāt sahasāvann íti tvā_
   ū́rjaḥ napāt sahasāvan íti tvā
   ū́rjo napāt sahasāvann íti tvā

Halfverse: b    _upastutásya vandate vŕ̥ṣā vā́k /
   upastutásya vandate vŕ̥ṣā vā́k /
   upastutásya vandate vŕ̥ṣā vā́k /

Halfverse: c    tvā́ṃ stoṣāma tváyā suvī́rā drā́gʰīya ā́yuḥ prataráṃ dádʰānāḥ //
   tvā́ṃ stoṣāma tváyā suvī́rā
   tvā́m stoṣāma tváyā suvī́rāḥ
   tuvā́ṃ stoṣāma tuváyā suvī́rā

Halfverse: d    drā́gʰīya ā́yuḥ prataráṃ dádʰānāḥ //
   drā́gʰīyaḥ ā́yuḥ pratarám dádʰānāḥ //
   drā́gʰīya ā́yuḥ prataráṃ dádʰānāḥ //


Verse: 9 
Halfverse: a    íti tvāgne vr̥ṣṭihávyasya putrā́ upastutā́sa ŕ̥ṣayo 'vocan /
   íti tvāgne vr̥ṣṭihávyasya putrā́
   íti tvā agne vr̥ṣṭihávyasya putrā́ḥ
   íti tvāgne vr̥ṣṭihávyasya putrā́

Halfverse: b    upastutā́sa ŕ̥ṣayo 'vocan /
   upastutā́saḥ ŕ̥ṣayaḥ avocan /
   upastutā́sa ŕ̥ṣayo avocan /

Halfverse: c    tā́ṃś ca pāhí gr̥ṇatáś ca sūrī́n váṣaḍ váṣaḷ íty ūrdʰvā́so anakṣan námo náma íty ūrdʰvā́so anakṣan //
   tā́ṃś ca pāhí gr̥ṇatáś ca sūrī́n
   tā́n ca pāhí gr̥ṇatáḥ ca sūrī́n
   tā́ṃś ca pāhí ? gr̥ṇatáś ca sūrī́n

Halfverse: d    váṣaḍ váṣaḷ íty ūrdʰvā́so anakṣan
   váṣaṭ váṣaṭ íti ūrdʰvā́saḥ anakṣan
   váṣaḍ váṣaḷ íty ūrdʰvā́so anakṣan

Halfverse: e    námo náma íty ūrdʰvā́so anakṣan //
   námaḥ námaḥ íti ūrdʰvā́saḥ anakṣan //
   námo náma íty ūrdʰvā́so anakṣan //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.