TITUS
Rg-Veda: Rg-Veda-Samhita
Part No. 953
Previous part

Hymn: 116_(942) 
Verse: 1 
Halfverse: a    píbā sómam mahatá indriyā́ya píbā vr̥trā́ya hántave śaviṣṭʰa /
   píbā sómam mahatá indriyā́ya
   píba+ sómam mahaté indriyā́ya
   píbā sómam mahatá indriyā́ya

Halfverse: b    píbā vr̥trā́ya hántave śaviṣṭʰa /
   píba+ vr̥trā́ya hántave śaviṣṭʰa /
   píbā vr̥trā́ya hántave śaviṣṭʰa /

Halfverse: c    píba rāyé śávase hūyámānaḥ píba mádʰvas tr̥pád indrā́ vr̥ṣasva //
   píba rāyé śávase hūyámānaḥ
   píba rāyé śávase hūyámānaḥ
   píba rāyé śávase hūyámānaḥ

Halfverse: d    píba mádʰvas tr̥pád indrā́ vr̥ṣasva //
   píba mádʰvaḥ tr̥pát indra ā́ vr̥ṣasva //
   píba mádʰvas tr̥pád indrā́ vr̥ṣasva //


Verse: 2 
Halfverse: a    asyá piba kṣumátaḥ prástʰitasyéndra sómasya váram ā́ sutásya /
   asyá piba kṣumátaḥ prástʰitasya_
   asyá piba kṣumátaḥ prástʰitasya
   asyá piba kṣumátaḥ prástʰitasya

Halfverse: b    _índra sómasya váram ā́ sutásya /
   índra sómasya váram ā́ sutásya /
   índra sómasya váram ā́ sutásya /

Halfverse: c    svastidā́ mánasā mādayasvārvācīnó reváte saúbʰagāya //
   svastidā́ mánasā mādayasva_
   svastidā́ḥ mánasā mādayasva
   suastidā́ mánasā mādayasva

Halfverse: d    _arvācīnó reváte saúbʰagāya //
   arvācīnáḥ reváte saúbʰagāya //
   arvācīnó reváte saúbʰagāya //


Verse: 3 
Halfverse: a    mamáttu tvā divyáḥ sóma indra mamáttu yáḥ sūyáte pā́rtʰiveṣu /
   mamáttu tvā divyáḥ sóma indra
   mamáttu tvā divyáḥ sómaḥ indra
   mamáttu tvā diviyáḥ sóma indra

Halfverse: b    mamáttu yáḥ sūyáte pā́rtʰiveṣu /
   mamáttu yáḥ sūyáte pā́rtʰiveṣu /
   mamáttu yáḥ sūyáte pā́rtʰiveṣu /

Halfverse: c    mamáttu yéna várivaś cakártʰa mamáttu yéna niriṇā́si śátrūn //
   mamáttu yéna várivaś cakártʰa
   mamáttu yéna várivaḥ cakártʰa
   mamáttu yéna várivaś cakártʰa

Halfverse: d    mamáttu yéna niriṇā́si śátrūn //
   mamáttu yéna niriṇā́si śátrūn //
   mamáttu yéna niriṇā́si śátrūn //


Verse: 4 
Halfverse: a    ā́ dvibárhā aminó yātv índro vŕ̥ṣā háribʰyām páriṣiktam ándʰaḥ /
   ā́ dvibárhā aminó yātv índro
   ā́ dvibárhāḥ amináḥ yātu índraḥ
   ā́ dvibárhā aminó yātu índro

Halfverse: b    vŕ̥ṣā háribʰyām páriṣiktam ándʰaḥ /
   vŕ̥ṣā háribʰyām páriṣiktam ándʰaḥ /
   vŕ̥ṣā háribʰyām páriṣiktam ándʰaḥ /

Halfverse: c    gávy ā́ sutásya prábʰr̥tasya mádʰvaḥ satrā́ kʰédām aruśahā́ vr̥ṣasva //
   gávy ā́ sutásya prábʰr̥tasya mádʰvaḥ
   gávi ā́ sutásya prábʰr̥tasya mádʰvaḥ
   gávy ā́ sutásya prábʰr̥tasya mádʰvaḥ

Halfverse: d    satrā́ kʰédām aruśahā́ vr̥ṣasva //
   satrā́ kʰédām aruśahā́ ā́ vr̥ṣasva //
   satrā́ kʰédām aruśahā́ vr̥ṣasva //


Verse: 5 
Halfverse: a    ní tigmā́ni bʰrāśáyan bʰrā́śyāny áva stʰirā́ tanuhi yātujū́nām /
   ní tigmā́ni bʰrāśáyan bʰrā́śyāny
   ní tigmā́ni bʰrāśáyan bʰrā́śyāni
   ní tigmā́ni bʰrāśáyan bʰrā́śiyāni

Halfverse: b    áva stʰirā́ tanuhi yātujū́nām /
   áva stʰirā́ tanuhi yātujū́nām /
   áva stʰirā́ tanuhi yātujū́nām /

Halfverse: c    ugrā́ya te sáho bálaṃ dadāmi pratī́tyā śátrūn vigadéṣu vr̥śca //
   ugrā́ya te sáho bálaṃ dadāmi
   ugrā́ya te sáhaḥ bálam dadāmi
   ugrā́ya te sáho bálaṃ dadāmi

Halfverse: d    pratī́tyā śátrūn vigadéṣu vr̥śca //
   pratī́tya+ śátrūn vigadéṣu vr̥śca //
   pratī́tyā śátrūn vigadéṣu vr̥śca //


Verse: 6 
Halfverse: a    vy àryá indra tanuhi śrávāṃsy ója stʰiréva dʰánvano 'bʰímātīḥ /
   vy àryá indra tanuhi śrávāṃsy
   ví aryáḥ indra tanuhi śrávāṃsi
   ví aryá indra tanuhi śrávāṃsi

Halfverse: b    ója stʰiréva dʰánvano 'bʰímātīḥ /
   ójaḥ stʰirā́ iva dʰánvanaḥ abʰímātīḥ /
   ója stʰiréva dʰánvano 'bʰímātīḥ /

Halfverse: c    asmadryàg vāvr̥dʰānáḥ sáhobʰir ánibʰr̥ṣṭas tanvàṃ vāvr̥dʰasva //
   asmadryàg vāvr̥dʰānáḥ sáhobʰir
   asmadryàk vāvr̥dʰānáḥ sáhobʰiḥ
   asmadríag vāvr̥dʰānáḥ sáhobʰir

Halfverse: d    ánibʰr̥ṣṭas tanvàṃ vāvr̥dʰasva //
   ánibʰr̥ṣṭaḥ tanvàm vāvr̥dʰasva //
   ánibʰr̥ṣṭas tanúvaṃ vāvr̥dʰasva //


Verse: 7 
Halfverse: a    idáṃ havír magʰavan túbʰyaṃ rātám práti samrāḷ áhr̥ṇāno gr̥bʰāya /
   idáṃ havír magʰavan túbʰyaṃ rātám
   idám havíḥ magʰavan túbʰyam rātám
   idáṃ havír magʰavan túbʰya ՙ rātám

Halfverse: b    práti samrāḷ áhr̥ṇāno gr̥bʰāya /
   práti samrāṭ áhr̥ṇānaḥ gr̥bʰāya /
   práti samrāḷ áhr̥ṇāno gr̥bʰāya /

Halfverse: c    túbʰyaṃ sutó magʰavan túbʰyam pakvò 'ddʰī̀ndra píba ca prástʰitasya //
   túbʰyaṃ sutó magʰavan túbʰyam pakvò
   túbʰyam sutáḥ magʰavan túbʰyam pakváḥ
   túbʰyaṃ sutó magʰavan túbʰya ՙ pakvó

Halfverse: d    'ddʰī̀ndra píba ca prástʰitasya //
   addʰí indra píba ca prástʰitasya //
   addʰí indra píba ca prástʰitasya //


Verse: 8 
Halfverse: a    addʰī́d indra prástʰitemā́ havī́ṃṣi cáno dadʰiṣva pacatótá sómam /
   addʰī́d indra prástʰitemā́ havī́ṃṣi
   addʰí ít indra prástʰitā imā́ havī́ṃṣi
   addʰī́d indra prástʰitemā́ havī́ṃṣi

Halfverse: b    cáno dadʰiṣva pacatótá sómam /
   cánaḥ dadʰiṣva pacatā́ utá sómam /
   cáno dadʰiṣva pacatótá sómam /

Halfverse: c    práyasvantaḥ práti haryāmasi tvā satyā́ḥ santu yájamānasya kā́māḥ //
   práyasvantaḥ práti haryāmasi tvā
   práyasvantaḥ práti haryāmasi tvā
   práyasvantaḥ práti haryāmasi tvā

Halfverse: d    satyā́ḥ santu yájamānasya kā́māḥ //
   satyā́ḥ santu yájamānasya kā́māḥ //
   satyā́ḥ santu yájamānasya kā́māḥ //


Verse: 9 
Halfverse: a    préndrāgníbʰyāṃ suvacasyā́m iyarmi síndʰāv iva prérayaṃ nā́vam arkaíḥ /
   préndrāgníbʰyāṃ suvacasyā́m iyarmi
   prá indrāgníbʰyām suvacasyā́m iyarmi
   préndrāgníbʰyāṃ suvacasyā́m iyarmi

Halfverse: b    síndʰāv iva prérayaṃ nā́vam arkaíḥ /
   síndʰau iva prá īrayam nā́vam arkaíḥ /
   síndʰāv iva prérayaṃ nā́vam arkaíḥ /

Halfverse: c    áyā iva pári caranti devā́ yé asmábʰyaṃ dʰanadā́ udbʰídaś ca //
   áyā iva pári caranti devā́
   áyāḥ iva pári caranti devā́ḥ
   áyā iva pári caranti devā́

Halfverse: d    yé asmábʰyaṃ dʰanadā́ udbʰídaś ca //
   yé asmábʰyam dʰanadā́ḥ udbʰídaḥ ca //
   yé asmábʰyaṃ dʰanadā́ udbʰídaś ca //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.