TITUS
Black Yajur-Veda: Kathaka-Samhita
Part No. 10
Previous part

Sthanaka: 10  
Anuvaka: 1  
Line : 13  Pada: a     āgnāvaiṣṇavam ekādaśakapālaṃ nirvapet sārasvataṃ caruṃ bārhaspatyaṃ carum abʰicaran vābʰicaryamāṇo \

Line : 14  Pada: b     
agnir vai sarvā devatā viṣṇur yajño vāk sarasvatī brahma br̥haspatis \

Line : 15  Pada: c     
agninaivāsya devatābʰir devatāḥ praticarati viṣṇunā yajñena yajñam̐ sarasvatyā vācā vācaṃ br̥haspatinā brahmaṇā brahma

Line : 16  Pada: d     
samam eva kr̥tvā yat kiṃca tataḥ karoti tenātiprayuṅkte \


Line : 17  Pada: e     
etām * eva nirvaped abʰicaran \
      
FN Mittwede, Textkritische Bemerkungen, p. 71: etam

Line : 18  Pada: f     
agnir vai sarvā devatā viṣṇur yajño vāk sarasvatī brahma br̥haspatis \

Pada: g     
agninaivainaṃ devatābʰir abʰiprayuṅkte viṣṇunā yajñena sarasvatyā vācā br̥haspatinā brahmaṇā

Page: 125  
Line : 2  Pada: h     
str̥ṇuta enam


Pada: i     
āgnāvaiṣṇavam ekādaśakapālaṃ nirvapet paśum ālapsyamānas \

Line : 3  Pada: j     
vyr̥ddʰena eṣa paśunā carati yo devatāś ca yajñaṃ cānavarudʰya paśum ālabʰate \

Line : 4  Pada: k     
agnir vai sarvā devatā viṣṇur yajñas \

Pada: l     
devatāś caiva yajñaṃ cāvarudʰya paśum ālabʰate \


Line : 5  Pada: m     
āgnāvaiṣṇavam ekādaśakapālaṃ nirvapet saṃgrāme \

Line : 6  Pada: n     
agnir vai sarvā devatā viṣṇur yajñas \

Pada: o     
devatābʰiś caivainaṃ yajñena ca jayati


Pada: p     
yadi manyeta prati purastāc carantīti dve anuvākye kuryād ekāṃ yājyām \

Line : 7  Pada: q     
samam eva dvābʰyāṃ karoty aty ekayā * prayuṅkte \
      
FN emended. Ed.: karoty ekayā. Mittwede, Textkritische Bemerkungen, p. 71


Line : 8  Pada: r     
āgnāvaiṣṇavaṃ gʰr̥te caruṃ nirvaped abʰicaryamāṇas \

Line : 9  Pada: s     
agnir vai sarvā devatā viṣṇur yajñas \

Pada: t     
devatāś caiva yajñaṃ ca madʰyataḥ praviśati //

Line : 10  Pada: u     
mitʰunaṃ etad yad gʰr̥taṃ ca taṇḍulāś ca

Pada: v     
dʰenvā gʰr̥taṃ payo 'naḍuhas taṇḍulās \

Line : 11  Pada: w     
mitʰunenaivātmānam abʰitaḥ paryūhate 'str̥tyai * \
      
FN emended. Ed.: str̥tyai. Mittwede, Textkritische Bemerkungen, p. 71


Pada: x     
āgnāvaiṣṇavaṃ gʰr̥te caruṃ nirvapec cakṣuṣkāmas \

Line : 12  Pada: y     
agner vai manuṣyāś cakṣuṣā paśyanti viṣṇor devatās

Line : 13  Pada: z     
tau cakṣuṣaḥ pradātārau

Pada: aa     
eva bʰāgadʰeyenopadʰāvati

Pada: ab     
asmai cakṣuḥ prayaccʰatas \

Line : 14  Pada: ac     
mitʰunaṃ etad yad gʰr̥taṃ ca taṇḍulāś ca

Pada: ad     
dʰenvā gʰr̥taṃ payo 'naḍuhas taṇḍulās \

Line : 15  Pada: ae     
mitʰunaṃ cakṣus \

Pada: af     
mitʰunenaivāsmai mitʰunaṃ janayati


Pada: ag     
gʰr̥te bʰavati

Line : 16  Pada: ah     
tejo vai gʰr̥taṃ tejaś cakṣus

Pada: ai     
tejasaivāsmim̐s tejo dadʰāti \


Pada: aj     
āgnāvaiṣṇavam aṣṭākapālaṃ nirvapet prātas sārasvataṃ caruṃ bārhaspatyaṃ carum āgnāvaiṣṇavam ekādaśakapālaṃ madʰyaṃdina etau ca carū āgnāvauṣṇavaṃ dvādaśakapālam aparāhṇa etau ca carū yasya bʰrātr̥vyas somena yajeta \

Line : 19  Pada: ak     
agnir vai sarvā devatā viṣṇur yajño vāk sarasvatī brahma br̥haspatis \

Line : 20  Pada: al     
agninaivāsya devatābʰir devatā āpnoti viṣṇunā yajñena yajñam̐ sarasvatyā vācā vācaṃ br̥haspatinā brahmaṇā brahma puroḍāśais savanāni kapālaiś cʰandām̐si

Line : 22  Pada: am     
saiṣādʰvarakalpā nāmeṣṭis \

Pada: an     
yajñam evaitayāpnoti


Line : 23  Pada: ao     
tatra yat kiṃca dadāti tad dakṣiṇā

Pada: ap     
maitrāvaruṇam ekakapālam anunirvapati

Page: 126  
Line : 1  Pada: aq     
yaivāsau maitrāvaruṇī vaśānūbandʰyā tām eva tenāpnoti \


Pada: ar     
ekakapālo bʰavati

Line : 2  Pada: as     
na vai puruṣaṃ * kapālair āptum arhati \
      
FN Mittwede, Textkritische Bemerkungen, p. 71: paśuṃ

Pada: at     
ekadʰaivainam āpnoti //


Anuvaka: 2  
Line : 3  Pada: a     
devā́ vaí sattrám * āsata yáśaskāmā agnís sóma índras
      
FN emended. Ed.: satrám. Mittwede, Textkritische Bemerkungen, p. 71

Pada: b     
'bruvan yán no yáśa r̥ccʰā́t tán nas sahéti

Line : 4  Pada: c     
téṣām̐ sómaṃ yáśa ārcʰat

Pada: d     
tásmāt yaśasvī́

Pada: e     
girím agaccʰat

Line : 5  Pada: f     
tásmāt giraú

Pada: g     
tám agnír anvā́gaccʰat

Pada: h     
tā́ agnī́ṣómau sámabʰavatām

Line : 6  Pada: i     
átʰéndró 'dʰr̥taś śitʰilá ivāmanyata

Pada: j     
'nvā́gaccʰat

Pada: k     
'gnaú caivá sóme cānātʰata

Line : 7  Pada: l     
tám etáyéṣṭyāyājayatām agnīṣomī́yeṇaíkādaśakapālena

Line : 8  Pada: m     
téjo vā́ agnír indriyám̐ sómas

Pada: n     
téja evā́sminn agnír āgneyénā́dadʰād indriyám̐ sómas saumyéna

Line : 9  Pada: o     
táto vaí 'bʰavat \

Pada: p     
eténa yajeta búbʰūṣann agnīṣomī́yeṇaíkādaśakapālena

Line : 10  Pada: q     
téjo vā́ agnír indriyám̐ sómas

Pada: r     
téja evā́sminn agnír āgneyénā́dadʰātīndriyám̐ * sómas saumyéna
      
FN Mittwede, Textkritische Bemerkungen, p. 71: āgneyéna dadʰātīndriyám̐

Line : 11  Pada: s     
bʰávaty evá \


Pada: t     
āgnīṣomī́yam ékādaśakapālaṃ nírvapet sárvebʰyaḥ kā́mebʰyo brāhmaṇás \

Line : 12  Pada: u     
agnī́ṣómau vaí brāhmaṇásya svā́ devátā

Line : 13  Pada: v     
tā́ evá bʰāgadʰéyenópadʰāvati

Pada: w     
tā́ asmai sárvān kā́mān práyaccʰatas \


Pada: x     
agnīṣomī́yam aṣṭā́kapālaṃ nírvapec cʰyāmākáṃ vasántā brāhmaṇó brahmavarcasákāmas \

Line : 15  Pada: y     
agnī́ṣómau vaí brahmavarcasásya pradātā́rau

Pada: z     
tā́ evá bʰāgadʰéyenópadʰāvati

Line : 16  Pada: aa     
tā́ asmai brahmavarcasáṃ práyaccʰatas \


Pada: ab     
vasántā yajeta

Pada: ac     
vasantó vaí brāhmaṇásyartús

Line : 17  Pada: ad     
svá evártaú brahmavarcasám ávarunddʰe \

Pada: ae     
evám iva vaí brahmavarcasáṃ babʰrv ìva kṣudrám iva háritam iva

Line : 18  Pada: af     
brahmavarcasám evá sáṃdadʰāti


Pada: ag     
yád aṣṭā́kapālas

Pada: ah     
ténāgneyás \

Line : 19  Pada: ai     
yác cʰyāmākás

Pada: aj     
téna saumyás

Pada: ak     
ténobʰáyasmān naíti \


Pada: al     
agnīṣomī́ye yājyānuvākyè bʰávatas saumāgnī́ saṃyājyè

Line : 20  Pada: am     
téjo vā́ agnír indriyám̐ sómas

Pada: an     
téjasā caivéndriyéṇa ca brahmavarcasám ubʰayátaḥ parigŕ̥hyātmán dʰatte //


Anuvaka: 3  
Page: 127  
Line : 1  Pada: a     
agnaye vaiśvānarāya dvādaśakapālaṃ nirvaped yo 'nannam adyād yo jigʰatset

Line : 2  Pada: b     
saṃvatsaro agnir vaiśvānaras

Pada: c     
saṃvatsareṇaiva pūtam̐ svaditam atti


Pada: d     
yadi jagdʰvā nirvapati

Line : 3  Pada: e     
saṃvatsara evāsmai jagdʰaṃ * svadayati \
      
FN Mittwede, Textkritische Bemerkungen, p. 71


Pada: f     
agneye vaiśvānarāya dvādaśakapālaṃ nirvaped yas samāntam abʰidruhyed yo vābʰidudrukṣet

Line : 4  Pada: g     
saṃvatsaro agnir vaiśvānaras

Line : 5  Pada: h     
saṃvatsarāyaiṣa samamate yas samamate

Pada: i     
saṃvatsaram evāptvā kāmam avaruṇam abʰidruhyati \


Line : 6  Pada: j     
agnaye vaiśvānarāya dvādaśakapālaṃ nirvaped yaḥ pratigr̥hītas syāt sanikāmas

Line : 7  Pada: k     
saṃvatsaro agnir vaiśvānaras

Pada: l     
saṃvatsarāyaitaṃ pratigr̥hṇanti yaṃ pratigr̥hṇanti

Line : 8  Pada: m     
saṃvatsaram evāptvā sātām̐ saniṃ vanute \


Pada: n     
agnaye vaiśvānarāya dvādaśakapālaṃ nirvapet saniṃ nidadʰat

Line : 9  Pada: o     
saṃvatsaro agnir vaiśvānaras

Pada: p     
saṃvatsaram eṣa prayuṅkte yo yācati

Line : 10  Pada: q     
saṃvatsaram eva vimuñcati

Pada: r     
saṃvatsaro etad etasmai sanoti yad vanute

Line : 11  Pada: s     
tam eva bʰāginaṃ karoti


Pada: t     
yam uttamam ārjat tam̐ sa rajjum * apriyāya bʰrātr̥vyāya dadyāt
      
FN Mittwede, Textkritische Bemerkungen, p. 71: yam uttamam ājet tam̐ sarajjum

Line : 12  Pada: u     
pāśena eṣa carati yo yācati

Pada: v     
pāśam evāpriyāya bʰrātr̥vyāya pratimuñcati \


Line : 13  Pada: w     
agnaye vaiśvānarāya dvādaśakapālaṃ nirvaped yaḥ kāmayetānena rājñā grāmaṇyā vedam̐ sasyam ādadīyeti

Line : 14  Pada: x     
saṃvatsaro agnir vaiśvānaras

Line : 15  Pada: y     
saṃvatsaro 'nnādyasya pradātā

Pada: z     
tam eva bʰāgadʰeyenopadʰāvati

Line : 16  Pada: aa     
so 'smā annādyaṃ prayaccʰati

Pada: ab     
saṃvatsaraṃ * hy annam anuprajāyate \
      
FN Mittwede, Textkritische Bemerkungen, p. 72


Pada: ac     
agnaye vaiśvānarāya dvādaśakapālaṃ nirvaped vr̥ṣṭikāmas

Line : 17  Pada: ad     
saṃvatsaro agnir vaiśvānaras \

Line : 18  Pada: ae     
eṣā saṃvatsarasya krūrā tanūr vaiśvānarī

Pada: af     
tayaitad abʰitapann abʰiṣocayam̐s tiṣṭʰati bʰāgadʰeyam iccʰamānas

Line : 19  Pada: ag     
tām evāsya prīṇāti

Pada: ah     
sāsmai prītā vr̥ṣṭiṃ ninayati \


Line : 20  Pada: ai     
agnaye vaiśvānarāya dvādaśakapālaṃ nirvapet saṃgrāme

Pada: aj     
saṃvatsaro agnir vaiśvānaras \

Line : 21  Pada: ak     
yataras saṃyattayor anāyatano bʰavati parā sa jayate

Pada: al     
saṃvatsaram evāyatanaṃ kr̥tvā jayati saṃgrāmam //


Anuvaka: 4  
Line : 23  Pada: a     
agnaye vaiśvānarāya dvādaśakapālaṃ nirvaped grāmakāmo bʰūtikāmo brahmavarcasakāmas

Page: 128  
Line : 1  Pada: b     
tasya haritam̐ hiraṇyaṃ madʰye kuryād rajatam upariṣṭāt

Pada: c     
saṃvatsaro agnir vaiśvānaro vīryam̐ saṃvatsara ātmā haritam̐ hiraṇyam \

Line : 2  Pada: d     
vīryasyaivainaṃ madʰyato dadʰāti

Line : 3  Pada: e     
bʰūtyai

Pada: f     
bʰavaty eva


Pada: g     
yad rajataṃ tat saha bʰasmanāpohati

Pada: h     
śamalagr̥hīto eṣa yo 'laṃ brahmavarcasāya san na brahmavarcasī bʰavati

Line : 4  Pada: i     
śamalam evāsmād apahanti

Line : 5  Pada: j     
brahmavarcasenainam̐ sam̐sr̥jati


Pada: k     
yatʰā vai nābʰim arā abʰisam̐śritā evam̐ saṃvatsaraṃ māsāś cartavaś cābʰisam̐śritās \

Line : 6  Pada: l     
yad dʰiraṇyaṃ madʰye karoti

Line : 7  Pada: m     
nābʰim evainaṃ karoti //

Pada: n     
yatʰā nābʰim arā abʰisam̐śritā evam enam̐ sajātair abʰisam̐śrayati


Line : 8  Pada: o     
vāruṇaṃ yavamayaṃ caruṃ nirvaped agnaye vaiśvānarāya dvādaśakapālam āmayāvī

Line : 9  Pada: p     
varuṇagr̥hīto eṣa ya āmayāvī

Pada: q     
yad vāruṇas \

Pada: r     
varuṇād evainaṃ muñcati


Line : 10  Pada: s     
yavamayo bʰavati \

Pada: t     
etad vai varuṇasya bʰāgadʰeyaṃ yad yavās

Pada: u     
svenaiva bʰāgadʰeyena varuṇaṃ niravadayate


Line : 11  Pada: v     
prādeśamātro bʰavati \

Pada: w     
etāvān vai puruṣo yāvad asya prāṇā abʰi

Line : 12  Pada: x     
yāvān evāsyātmā taṃ varuṇān muñcati

Pada: y     
saṃvatsaro agnir vaiśvānara āyus saṃvatsaras

Line : 13  Pada: z     
saṃvatsara evainam āyuṣi pratiṣṭʰāpayati

Pada: aa     
sarvam āyur eti


Line : 14  Pada: ab     
vāruṇaṃ yavamayaṃ caruṃ nirvaped agnaye vaiśvānarāya dvādaśakapālaṃ rājanyāyābʰicarate bubʰūṣate

Line : 15  Pada: ac     
varuṇagr̥hīto eṣa yo 'nyasyādadāna upaharamāṇaś carati

Line : 16  Pada: ad     
yad vāruṇas \

Pada: ae     
varuṇād evainaṃ muñcati


Pada: af     
yavamayo bʰavati

Line : 17  Pada: ag     
prādeśamātro bʰavati

Pada: ah     
samvatsaro agnir vaiśvānaras \

Pada: ai     
vīryam̐ saṃvatsaras

Line : 18  Pada: aj     
saṃvatsara evainaṃ vīrye pratiṣṭʰāpayati

Pada: ak     
bʰūtyai

Pada: al     
bʰavaty eva \


Pada: am     
agnaye vaiśvānarāya dvādaśakapālaṃ nirvaped agnim utsādayiṣyan

Line : 19  Pada: an     
saṃvatsaro agnir vaiśvānaras

Pada: ao     
saṃvatsaram eṣa utsādyamāno 'nūtsīdati

Line : 20  Pada: ap     
bʰāginam evainaṃ kr̥tvā saṃvatsaram anūtsādayati \


Line : 21  Pada: aq     
agnaye vaiśvānarāya dvādaśakapālaṃ nirvaped yaḥ puruṣaṃ pratigr̥hṇīyāt \

Line : 22  Pada: ar     
āptāṃ eṣa ātmanā dakṣiṇāṃ pratigr̥hṇāti yaḥ puruṣaṃ pratigr̥hṇāti \

Line : 23  Pada: as     
āptāṃ dakṣiṇāṃ pratigr̥hītām̐ * hinasti
      
FN Mittwede, Textkritische Bemerkungen, p. 72: āptā dakṣiṇā pratigr̥hītā

Pada: at     
saṃvatsaro agnir vaiśvānaras

Pada: au     
saṃvastaras svaditasya svadayitā

Page: 129  
Line : 1  Pada: av     
tam eva bʰāgadʰeyenopadʰāvati

Pada: aw     
so 'smai tat sarvaṃ svadayati //



Anuvaka: 5  
Line : 3  Pada: a     
agnáye patʰikŕ̥te 'ṣṭā́kapālaṃ nírvaped yásya paurṇamāsī́ vāmāvasyā̀ vātipádyeta

Line : 4  Pada: b     
bahiṣpatʰáṃ vā́ eṣá eti yásya paurṇamāsī́ vāmāvasyā̀ vātipádyate \

Line : 5  Pada: c     
agnír devā́nāṃ patʰikŕ̥t

Pada: d     
tám evā́nvā́rabʰate

Pada: e     
enaṃ pántʰām ápinayati


Line : 6  Pada: f     
vā́ etád yajñáṃ cʰinatti yád yajñé prátata etā́m antaréṣṭiṃ nirvápati

Line : 7  Pada: g     
evā́sā́ āgneyò 'ṣṭā́kapālaḥ pūrṇámāse 'māvasyā̀yāṃ tám agnáye patʰikŕ̥te kuryāt

Line : 8  Pada: h     
ténaivá púnaḥ pántʰām avaíti

Pada: i     
yajñáṃ víccʰinatti \


Line : 9  Pada: j     
agnáye vājasŕ̥te 'ṣṭā́pakālaṃ nírvapet saṃgrāmé \

Pada: k     
agnír vaí devā́nāṃ vājasŕ̥t \

Line : 10  Pada: l     
vā́jam eṣá dʰāvati yás saṃgrāmáṃ jáyati

Pada: m     
tám evá bʰāgadʰéyenópadʰāvati

Line : 11  Pada: n     
vā́jam evá dʰāvati

Pada: o     
jáyati saṃgrāmám

Pada: p     
átʰo agnír iva pratidʰŕ̥ṣe bʰavati \


Line : 12  Pada: q     
agnáye vratápataye 'ṣṭā́kapālaṃ nírvaped ā́hitāgnis sánn avratyáṃ cáret \

Pada: r     
ā́nīto vā́ eṣá devā́nāṃ ā́hitāgnir

Line : 13  Pada: s     
adánty * asyā́nnam \
      
FN emended. Ed.: adanty. Mittwede, Textkritische Bemerkungen, p. 72

Pada: t     
vratápatim etásya vratáṃ gaccʰati ā́hitāgnis sánn avratyáṃ cárati \

Line : 14  Pada: u     
agnír devā́nāṃ vratápatis

Pada: v     
tám evá bʰāgadʰéyenópadʰāvati

Line : 15  Pada: w     
vratápater evā́dʰi vratám ā́labʰate \


Pada: x     
agnáye rakṣogʰnè 'ṣṭā́kapālaṃ nírvaped āmayāvī́ \

Line : 16  Pada: y     
índraṃ vaí jātáṃ rákṣām̐sy asacanta

Pada: z     
ādīyámāno rákṣobʰis saṃmr̥śyamāno 'gníṃ prā́viśat

Line : 17  Pada: aa     
tásmād agnī́ rákṣām̐sy ápāhan

Pada: ab     
rákṣām̐sy etám̐ sacante āmayāvī́ \

Line : 18  Pada: ac     
agnír devā́nāṃ rakṣohā́

Pada: ad     
tám evá bʰāgadʰéyenópadʰāvati

Line : 19  Pada: ae     
'smād rákṣām̐sy ápahanti \


Pada: af     
amāvasyā̀ṃ rā́trīṃ niśí yajeta \

Pada: ag     
amāvasyā̀ṃ vaí rā́trīṃ niśí rákṣām̐si prérate

Page: 130  
Line : 1  Pada: ah     
prérṇāny * evaínāny ápavapati
      
FN emended. Ed.: pū́rṇāny. Mittwede, Textkritische Bemerkungen, p. 72


Pada: ai     
páriśrite yajeta

Pada: aj     
rákṣasāmantárhityai //


Line : 2  Pada: ak     
vāmádevasyaitát pañcadaśáṃ rakṣogʰnám̐ sāmidʰenyò bʰavanti

Pada: al     
vāmádevaś ca vaí kusidā́yī cātmánor ājím ayātām \

Line : 3  Pada: am     
tásya kusidā́yī pū́rvasyātidrutasya kū́baraṃ nyàmr̥ṇat

Line : 4  Pada: an     
sā́ dvitī́yam upaparyā́vartateṣā́ṃ vā́kṣaṃ cʰetsyāsī́ti

Line : 5  Pada: ao     
vāmádeva úkʰyam agním abibʰar \

Pada: ap     
tám ávaikṣata

Pada: aq     
etát sūktám apaśyat

Pada: ar     
kr̥ṇuṣvá pā́jaḥ prásitiṃ pr̥tʰvī́m íti

Line : 6  Pada: as     
tā́m agnír anūddrútya sámadahat

Pada: at     
sā́ dahyámānā hradáṃ kausidáṃ prā́majjat \

Line : 7  Pada: au     
yád etád anūcyáte

Pada: av     
rákṣasāṃ dúṣṭyai //


Anuvaka: 6  
Line : 8  Pada: a     
naimiṣyā vai sattram * āsata
      
FN emended. Ed.: satram. Mittwede, Textkritische Bemerkungen, p. 72

Pada: b     
ta uttʰāya saptavim̐śatiṃ kurupañcāleṣu vatsatarān avanvata

Line : 9  Pada: c     
tān vako * dālbʰir abravīt \
      
FN Mittwede, Textkritische Bemerkungen, p. 72: bako

Pada: d     
yūyam evaitān vibʰajadʰvam

Pada: e     
imam ahaṃ dʰr̥tarāṣṭraṃ vaicitravīryaṃ gamiṣyāmi

Line : 10  Pada: f     
sa mahyaṃ gr̥hān kariṣyatīti

Pada: g     
tam āgaccʰat

Line : 11  Pada: h     
tan * nāsūrkṣat
      
FN Mittwede, Textkritische Bemerkungen, p. 72: taṃ

Pada: i     
taṃ prākālayata \

Pada: j     
etā brahmabandʰa iti \

Pada: k     
abravīt

Pada: l     
paśupatir hanti *
      
FN Mittwede, Textkritische Bemerkungen, p. 72: prakālayataitā gā brahmabandʰa ity abravīt paśupatir yā hanti

Line : 12  Pada: m     
tāḥ paraḥ pacamānaś careti

Pada: n     
tāsāṃ devasūr me rājānnaṃ prāsuṣod * iti
      
FN Mittwede, Textkritische Bemerkungen, p. 72

Pada: o     
saktʰāny utkartam apacata

Line : 13  Pada: p     
tasmin pacamāne vyadasyat *
      
FN Mittwede, Textkritische Bemerkungen, p. 73

Pada: q     
so 'gnaye rudravate 'ṣṭākapālaṃ niravapat kr̥ṣṇānāṃ vrīhīṇām \

Line : 14  Pada: r     
tasya yat kiṃca dʰr̥tarāṣṭrasyāsīt tat sarvam avakīrṇaṃ * vidrāṇam abʰi vyauccʰat *
      
FN emended. Ed.: avakarṇaṃ. Mittwede, Textkritische Bemerkungen, p. 73
      
FN Mittwede, Textkritische Bemerkungen, p. 73

Line : 15  Pada: s     
* vipraśnikā avindan
      
FN Mittwede, Textkritische Bemerkungen, p. 73

Pada: t     
brāhmaṇo vai tvāyam abʰicarati

Line : 16  Pada: u     
tasminnātʰasveti

Pada: v     
tam upāśikṣat

Pada: w     
tasmai bahv adadāt

Pada: x     
so 'gnaye surabʰimate 'ṣṭākapālaṃ niravapac cʰuklānāṃ vrīhīṇām \

Line : 17  Pada: y     
tato vai tad vyadasyat \


Pada: z     
agnaye rudravate 'ṣṭākapālaṃ nirvapet kr̥ṣṇānāṃ vrīhīṇām abʰicaran \

Line : 18  Pada: aa     
agnir vai rudras \

Line : 19  Pada: ab     
rudrāyaivainam apidadʰāti


Pada: ac     
kr̥ṣṇānāṃ vrīhīṇāṃ bʰavati

Pada: ad     
kr̥ṣṇam iva vai tamas

Pada: ae     
tamo mr̥tyus \

Line : 20  Pada: af     
mr̥tyunaivainaṃ grahayati \


Pada: ag     
agnaye surabʰimate 'ṣṭākapālaṃ nirvaped yarhy ayaṃ devaḥ prajā abʰimanyeta yadā kāmayeta vidasyed iti \

Page: 131  
Line : 1  Pada: ah     
eṣā agner bʰiṣajyā tanūr surabʰimatī

Line : 2  Pada: ai     
tām eva bʰāgadʰeyenopadʰāvati

Pada: aj     
tayainā bʰiṣajyati \


Pada: ak     
agnaye surabʰimate 'ṣṭākapālaṃ nirvaped yam apramītaṃ pramītam̐ śr̥ṇuyuḥ *
      
FN Ed.: yaṃ pramītam̐ śr̥ṇuyuḥ. Mittwede, Textkritische Bemerkungen, p. 73

Line : 3  Pada: al     
pūtir eṣa śrūyate yaḥ pramītaś śrūyate

Line : 4  Pada: am     
yaivāgnes surabʰimatī tanūs tām eva bʰāgadʰeyenopadʰāvati

Pada: an     
tayainam̐ surabʰiṃ karoti \


Line : 5  Pada: ao     
agnaye surabʰimate 'ṣṭākapālaṃ nirvaped yam ajagʰnivām̐sam abʰiśam̐seyus \

Line : 6  Pada: ap     
śamalagr̥hīto eṣa yam ajagʰnivām̐sam abʰiśam̐santi

Pada: aq     
yaivāgnes surabʰimatī tanūs tām eva bʰāgadʰeyenopadʰāvati

Line : 7  Pada: ar     
tayainaṃ punāti \


Pada: as     
agnaye 'nnādāyāṣṭākapālaṃ nirvaped yaḥ kāmayetānnādas syām iti \

Line : 8  Pada: at     
agnir vai devānām annādas

Line : 9  Pada: au     
tam eva bʰāgadʰeyenopadʰāvati

Pada: av     
sa enam annādaṃ karoti \


Pada: aw     
agnaye 'nnavate 'ṣṭākapālaṃ nirvaped yaḥ kāmayetānnavān syām iti \

Line : 10  Pada: ax     
agnir vai devānāṃ annavān \

Pada: ay     
tam eva bʰāgadʰeyenopadʰāvati

Line : 11  Pada: az     
sa enam annavantaṃ karoti \


Pada: ba     
agnaye 'nnapataye 'ṣṭākapālaṃ nirvaped yaḥ kāmayetānnapatis syām iti \

Line : 12  Pada: bb     
agnir vai devānām annapatis

Pada: bc     
tam eva bʰāgadʰeyenopadʰāvati

Line : 13  Pada: bd     
sa enam annapatiṃ karoti


Pada: be     
saṃvatsaraṃ parinirvapet

Pada: bf     
saṃvatsaro annādyasya pradātā

Line : 14  Pada: bg     
tam eva bʰāgadʰeyenopadʰāvati

Pada: bh     
sa enam annādam annavantam annapatiṃ karoti \


Line : 15  Pada: bi     
agnaye vasumate 'ṣṭākapālaṃ nirvapet sarvebʰyaḥ kāmebʰyo brāhmaṇas \

Line : 16  Pada: bj     
yad vai kiṃca vindate tad vasu \

Pada: bk     
agnir devānāṃ vasumān \

Pada: bl     
tam eva bʰāgadʰeyenopadʰāvati

Line : 17  Pada: bm     
so 'smai sarvān kāmān prayaccʰati //


Anuvaka: 7  
Line : 18  Pada: a     
agnáye yáviṣṭʰāyāṣṭā́kapālaṃ nírvaped abʰicáran vābʰicaryámāṇo

Line : 19  Pada: b     
devā́ś ca vā́ ásurāś ca vyabʰyàcaranta

Pada: c     
'surā devébʰyo vísr̥ṣṭīr vyàsr̥jan \

Pada: d     
devā́ avidur vísr̥ṣṭīr vaí 'surā vyàsrākṣur íti

Line : 20  Pada: e     
'gnáye yáviṣṭʰāyāṣṭā́kapālaṃ níravapan \

Line : 21  Pada: f     
téna vaí tā́ vísr̥ṣṭīr ayāvayantātmánó 'dʰi

Pada: g     
vísr̥ṣṭim etásmai vísr̥janti yám abʰicáranti

Line : 22  Pada: h     
yád agnáye yáviṣṭʰāya nirvápati

Pada: i     
ténaivá tā́ṃ vísr̥ṣṭiṃ yāvayata ātmánó 'dʰi \


Line : 23  Pada: j     
agnáye yáviṣṭʰāyāṣṭā́kapālaṃ nírvapet samr̥tasomé

Page: 132  
Line : 1  Pada: k     
devátāsu vā́ eté sámr̥ccʰante * yéṣām̐ sómau samr̥ccʰéte
      
FN Mittwede, Textkritische Bemerkungen, p. 73: sáṃpr̥ccʰante

Pada: l     
agnís sárvā devátās \

Line : 2  Pada: m     
agnínaivaíṣāṃ yáviṣṭʰena devátā vr̥ṅkte //


Pada: n     
devā́ś ca vā́ ásurāś ca sáṃyattā āsan

Line : 3  Pada: o     
yā́n devā́nām ágʰnam̐s tád evá 'bʰavan

Pada: p     
yā́n ásurāṇāṃ púnas utpáttyāyudʰyanta

Line : 4  Pada: q     
devā́ avidur vaí na imé kéca mriyánte 'gnír vā́vaítā́n hantī́ti

Line : 5  Pada: r     
'bruvan mā́ naś śamnītʰāḥ katʰā́ naś śamnīṣa íti

Pada: s     
bʰāgó me 'stv íty abravīt \

Line : 6  Pada: t     
vo 'bʰāgadʰeyáḥ kṣamiṣya íti

Pada: u     
'gnáye kṣámavate * 'ṣṭā́kapālaṃ níravapan \
      
FN Mittwede, Textkritische Bemerkungen, p. 73

Line : 7  Pada: v     
táto vaí tébʰyo 'kṣamata \

Pada: w     
agnáye kṣámavate * 'ṣṭā́kapālaṃ nírvaped yárhy ayáṃ deváḥ prajā́ abʰimányeta yadā́ kāmáyeta vídasyed íti
      
FN Mittwede, Textkritische Bemerkungen, p. 73

Line : 8  Pada: x     
vā́ imé kéca mriyánte 'gnír vā́vaítā́n hanti \

Line : 9  Pada: y     
agnír devā́nāṃ kṣámavān * \
      
FN Mittwede, Textkritische Bemerkungen, p. 73

Pada: z     
tám evá bʰāgadʰéyenópadʰāvati

Line : 10  Pada: aa     
'smai prītáḥ

Pada: ab     
kṣámata evá


Pada: ac     
devā́ḥ pitáro manuṣyā̀s 'nyáta ā́sann ásurā rákṣām̐si piśācā́s 'nyátas

Line : 11  Pada: ad     
sámayatanta

Pada: ae     
yád devā́nām ápy alpakáṃ lóhitam ásurā ákurvan \

Line : 12  Pada: af     
tád rā́trībʰī rákṣām̐sy asumbʰan \

Pada: ag     
tā́n subdʰā́n mr̥tā́n abʰí vyaùccʰat *
      
FN emended. Ed.: abʰivyaùccʰat. cf. TS.2.4.1.1. Mittwede, Textkritische Bemerkungen, p. 74

Line : 13  Pada: ah     
devā́ avidur vaí na imé kéca mriyánte rákṣām̐si vā́vaítā́n sumbʰantī́ti

Line : 14  Pada: ai     
tā́ny úpāmantrayanta

Pada: aj     
tā́ny abruvan vā́ryaṃ vr̥ṇāmahai yád evémā́n ásurāñ jáyāma tán nas sahā́sad íti

Line : 15  Pada: ak     
táto devā́ ásurān ajayan \

Pada: al     
'surāñ jitvā́ rákṣām̐sy ápānudanta

Line : 16  Pada: am     
tā́ny ánr̥tam akartéti samantáṃ devā́n páryaviśan \

Pada: an     
devā́ agnā́ evā́nātʰanta

Line : 17  Pada: ao     
'gnáye právate 'ṣṭā́kapālaṃ níravapann agnáye vibādʰávate 'ṣṭā́kapālam agnáye prátīkavate 'ṣṭā́kapālam \

Line : 18  Pada: ap     
yád agnáye právate yā́ny evá purástād rákṣām̐sy ā́sam̐s tā́ni téna prā́ṇudanta

Line : 19  Pada: aq     
yád vibādʰávate yā́ny evā́bʰíta ā́sam̐s tā́ni téna vyàbʰādanta

Page: 133  
Line : 1  Pada: ar     
yát prátīkavate yā́ny evá paścā́d rákṣām̐sy ā́sam̐s tā́ni ténā́pānudanta \

Line : 2  Pada: as     
etáyā yajeta bʰrā́tr̥vyavān bahubʰrātr̥vyás syā́t \


Pada: at     
agnáye právate 'ṣṭā́kapālaṃ nírvaped agnáye vibādʰávate 'ṣṭā́kapālam agnáye prátīkavate 'ṣṭā́kapālam \

Line : 4  Pada: au     
yád agnáye právate

Pada: av     
evaínaṃ pū́rvó * 'tikrānto bʰrā́tr̥vyas táṃ * téna práṇudate
      
FN emended. Ed.: pūrvó. Mittwede, Textkritische Bemerkungen, p. 74
      
FN Corrigenda. Mittwede, Textkritische Bemerkungen, p. 74

Line : 5  Pada: aw     
yád vibādʰávate

Pada: ax     
evaínena sadŕ̥ṅ táṃ téna víbādʰate

Pada: ay     
yát prátīkavate

Line : 6  Pada: az     
evā́sya paścā́d bʰrā́tr̥vyas táṃ ténāpanudate


Pada: ba     
prá śréyām̐saṃ bʰrā́tr̥vyaṃ nudáté 'ti sadŕ̥śaṃ krāmati

Line : 7  Pada: bb     
naínaṃ pā́pīyān āpnoti eváṃ vidvā́n etáyā yájate


Line : 8  Pada: bc     
devā́ś ca vā́ ásurāś ca sáṃyattā āsan \

Pada: bd     
tā́n gāyatry àntarā́tiṣṭʰat \

Pada: be     
ójo vīryàm annā́dyaṃ parigŕ̥hya saṃvatsaró vā́vaínān 'ntarā́tiṣṭʰat \

Line : 9  Pada: bf     
cáturvim̐śatir gāyatryā́ akṣárāṇi

Line : 10  Pada: bg     
cáturvim̐śatis saṃvatsarásyārdʰamāsā́s

Pada: bh     
'vidur yatarā́n vā́ iyám upāvartsyáti idáṃ bʰaviṣyantī́ti

Line : 11  Pada: bi     
tā́ṃ vyàhvayanta

Pada: bj     
dā́bʰī́ty ásurā áhvayan

Line : 12  Pada: bk     
víśvakarmann íti devā́s

Pada: bl     
sā́ nā́nyatarā́m̐ścanópā́vartata

Pada: bm     
devā́ etád yájur apaśyan \

Line : 13  Pada: bn     
ójo 'si sáho 'si bálam asi bʰrā́jo 'si devā́nāṃ dʰā́ma nā́māsi víśvam asi viśvā́yus sárvam asi sarvā́yur abʰibʰū́r íti

Line : 15  Pada: bo     
sā́ devā́n upā́vartata

Pada: bp     
táto devā́ ábʰavan párā́surā abʰavan \

Pada: bq     
āgneyám aṣṭā́kapālaṃ nírvaped bʰrā́tr̥vyavān spárdʰamāno

Line : 16  Pada: br     
tám āsā́dyaitaír yájurbʰir abʰímr̥śet \

Pada: bs     
ójo vaí vīryàm̐ saṃvatsarás \

Line : 17  Pada: bt     
ója evá vīryàṃ bʰrā́tr̥vyasya vr̥ṅkte

Pada: bu     
nírvīryaḥ párābʰavati

Line : 18  Pada: bv     
saíṣā́ gāyatrī́ nā́méṣṭis \

Pada: bw     
átʰo āhuḥ kṣatrásya saṃvargá íti //


Anuvaka: 8  
Line : 19  Pada: a     
indrāya gʰarmavata ekādaśakapālaṃ nirvaped brahmavarcasakāmas \

Pada: b     
asau ādityo gʰarmas \

Line : 20  Pada: c     
eṣa indras \

Pada: d     
eṣa brahmavarcasasya pradātā

Pada: e     
tam eva bʰāgadʰeyenopadʰāvati

Page: 134  
Line : 1  Pada: f     
so 'smai brahmavarcasaṃ prayaccʰati \


Pada: g     
indrāyendriyavata ekādaśakapālaṃ nirvapet paśukāmas \

Line : 2  Pada: h     
indriyaṃ vai paśavas \

Pada: i     
indraḥ paśūnāṃ pradātā

Pada: j     
tam eva bʰāgadʰeyenopadʰāvati

Line : 3  Pada: k     
so 'smai paśūn prayaccʰati \


Pada: l     
indrāyārkavata ekādaśakapālaṃ nirvaped annakāmas \

Line : 4  Pada: m     
annaṃ arkas \

Pada: n     
indro 'nnādyasya pradātā

Pada: o     
tam eva bʰāgadʰeyenopadʰāvati

Line : 5  Pada: p     
so 'smā annādyaṃ prayaccʰati \


Pada: q     
indrāyārkavata ekādaśakapālaṃ nirvaped aparuddʰo 'vagamakāmas \

Line : 6  Pada: r     
antaṃ eṣa gaccʰati yam aparundʰanti \

Line : 7  Pada: s     
eṣendrasyāntyā tanūr yārkavatī \

Pada: t     
anta evāsmā antaṃ kalpayati


Pada: u     
vaśā dakṣiṇā

Line : 8  Pada: v     
vaśaṃ nayād iti \


Pada: w     
indrāya gʰarmavata ekādaśakapālaṃ nirvaped indrāyendriyavata * ekādaśakapālam indrāyārkavata ekādaśakapālam̐ samānabarhīm̐ṣi bubʰūṣan
      
FN Mittwede, Textkritische Bemerkungen, p. 74: indrāyendriyavate carum

Line : 10  Pada: x     
yad indrāya gʰarmavate \

Pada: y     
asau ādityo gʰarmas \

Pada: z     
eṣa indras \

Line : 11  Pada: aa     
eṣa śiraḥ prajānām \

Pada: ab     
śira eva tena kurute


Pada: ac     
yad indrāyendriyavate \

Pada: ad     
indriyam eva tenātman dʰatte


Line : 12  Pada: ae     
yad indrāyārkavate \

Pada: af     
iyaṃ arkas \

Pada: ag     
asyām eva tena pratitiṣṭʰati


Line : 13  Pada: ah     
carur madʰye syāt \

Pada: ai     
ajāmitvāya \


Pada: aj     
indrāya manyumata ekādaśakapālaṃ nirvapet saṃgrāme

Line : 14  Pada: ak     
manyunā vai vīryaṃ karotīndriyeṇa jayati

Pada: al     
manyuṃ caivaiṣv indriyaṃ ca jityai dadʰāti \


Line : 15  Pada: am     
indrāya manyumate manasvata ekādaśakapālaṃ nirvapet saṃgrāme

Pada: an     
manyunā vai vīryaṃ karotīndriyeṇa jayati

Line : 16  Pada: ao     
manuṃ caivaiṣv indriyaṃ ca sayujau kr̥tvā tayor mano jityai dadʰāti \


Line : 17  Pada: ap     
indrāya manasvate tviṣīmata ekādaśakapālaṃ nirvaped yaḥ kāmayeta manasvī tviṣīmān syām iti

Line : 18  Pada: aq     
mano vai śrīs tviṣis \

Pada: ar     
mana evāsmiñ cʰriyaṃ tviṣiṃ dadʰāti


Line : 19  Pada: as     
saṃvatsaraṃ purā manaso na kīrtayet

Pada: at     
saṃvatsareṇa anāptam āpyate

Line : 20  Pada: au     
saṃvatsaram evāptvāvarunddʰe * //
      
FN Mittwede, Textkritische Bemerkungen, p. 74: saṃvatsareṇaivāptvāvarunddʰe



Anuvaka: 9  
Line : 21  Pada: a     
indrāya sutrāmṇa ekādaśakapālaṃ nirvaped aparuddʰo vāparurutsyamāno \

Line : 22  Pada: b     
indro vai trātendro 'paroddʰā

Pada: c     
tam eva bʰāgadʰeyenopadʰāvati

Pada: d     
sa enaṃ trāyate \


Page: 135  
Line : 1  Pada: e     
indrāyām̐homuca ekādaśakapālaṃ nirvaped āmayāvī \

Pada: f     
am̐hasā eṣa gr̥hīto ya āmayāvī \

Line : 2  Pada: g     
eṣendrasya bʰiṣajyā tanūr yām̐homuk \

Pada: h     
indro 'm̐haso moktā

Pada: i     
tam eva bʰāgadʰeyenopadʰāvati

Line : 3  Pada: j     
sa enam am̐haso muñcati \


Pada: k     
indrāyām̐homuca ekādaśakapālaṃ nirvaped ya ātmanā gr̥hair vām̐hūraṇam aveyāt \

Line : 4  Pada: l     
am̐hasā eṣa gr̥hīto ya ātmanā gr̥hair vām̐hūraṇam avaiti \

Line : 5  Pada: m     
indro 'ṃhaso moktā

Pada: n     
tam eva bʰāgadʰeyenopadʰāvati

Line : 6  Pada: o     
sa enam am̐haso muñcati \


Pada: p     
indrāyārkavate 'śvamedʰavata ekādaśakapālaṃ nirvaped yaḥ kāmayeta mahāyajño mopanamed iti \

Line : 7  Pada: q     
iyaṃ arko 'sā *arkāsā aśvamedʰa aindro yajñas \
      
FN emended. Ed.: arkāsā. Mittwede, Textkritische Bemerkungen, p. 74

Line : 8  Pada: r     
antam etasya yajño gaccʰati yaṃ yajñakāmaṃ yajño nopanamati \

Line : 9  Pada: s     
ete indrasyāntye tanvau ye arkavatī

Pada: t     
ye evendrasyāntye tanvau tābʰyām eva yajñam ālabʰate \

Line : 10  Pada: u     
upainaṃ yajño namati \


Pada: v     
indrāyānvr̥java ekādaśakapālaṃ nirvapet sajātakāmas \

Line : 11  Pada: w     
indriyaṃ vai jyaiṣṭʰyam

Pada: x     
indriyeṇaiva sajātān anvr̥jūn kurute \


Line : 12  Pada: y     
indrāya prababʰrāyaikādaśakapālaṃ nirvaped bʰrātr̥vyavān

Pada: z     
vajro vai prababʰraḥ

Line : 13  Pada: aa     
prababʰreṇa indro 'surebʰyo vajraṃ prāharat \

Pada: ab     
vajram eva bʰrātr̥vyāya praharati

Line : 14  Pada: ac     
str̥ṇuta enam


Pada: ad     
āgneyam aṣṭākapālaṃ nirvaped indrāya vimr̥dʰāyaikādaśakapālam̐ saṃgrāme \

Line : 15  Pada: ae     
r̥ddʰyā evāgneyas \

Pada: af     
indraṃ vai vr̥traṃ jagʰnivām̐saṃ mr̥dʰo 'sacanta

Line : 16  Pada: ag     
sa etaṃ vaimr̥dʰam apaśyat

Pada: ah     
tena mr̥dʰo 'pāhata

Pada: ai     
vr̥tram eṣa jigʰām̐sati yas saṃgrāmaṃ jigīṣati

Line : 17  Pada: aj     
yaivendrasya vimr̥dʰā tanūs tām eva bʰāgadʰeyenopadʰāvati

Line : 18  Pada: ak     
tayā mr̥dʰo 'pahate

Pada: al     
hanti vr̥tram \

Pada: am     
jayati saṃgrāmam


Pada: an     
āgneyam aṣṭākapālaṃ nirvaped indrāya vimr̥dʰāyaikādaśakapālaṃ yam̐ sarvato bʰayam āgaccʰet \

Line : 20  Pada: ao     
r̥ddʰyā evāgneyas \

Pada: ap     
indraṃ vai vr̥traṃ jagʰnivām̐saṃ tam̐ samantaṃ mr̥dʰas saṃprākampanta

Line : 21  Pada: aq     
sa etaṃ vaimr̥dʰam apaśyat

Pada: ar     
tena mr̥dʰo 'pāhata

Pada: as     
samantam etaṃ mr̥dʰas saṃprakampante yam̐ sarvato bʰayam āgaccʰati

Page: 136  
Line : 1  Pada: at     
yaivendrasya vimr̥dʰā tanūs tām eva bʰāgadʰeyenopadʰāvati

Line : 2  Pada: au     
tayā mr̥dʰo 'pahata ātmano 'dʰi //


Anuvaka: 10  
Line : 3  Pada: a     
prajāpatir indrāya vajraṃ pratyamuñcat \

Pada: b     
mahānāmnīs tena vyajayata

Pada: c     
tato vai so 'bʰavat

Line : 4  Pada: d     
so 'bibʰed vajro me 'śānto grīvā apidʰakṣyatīti

Pada: e     
tato revatīr niramimīta

Line : 5  Pada: f     
śāntyai \


Pada: g     
aindraṃ caruṃ nirvaped rājanyāya bubʰūṣate \

Pada: h     
aindro vai rājanyo devatayā

Line : 6  Pada: i     
svād evainaṃ yoner janayati

Pada: j     
bʰūtyai

Pada: k     
bʰavaty eva


Pada: l     
revaty anuvākyā śakvarī yājyā

Line : 7  Pada: m     
vajro vai revatī vajraś śakvarī

Pada: n     
vajram eva saṃdadʰāti

Pada: o     
tena vijayate

Line : 8  Pada: p     
bʰavaty eva


Pada: q     
carur bʰavati

Pada: r     
śāntyai \

Pada: s     
anuddāhāya \


Pada: t     
indrāṇyai caruṃ nirvapet senāyām uttʰitāyāṃ rājño gr̥he

Line : 9  Pada: u     
senā indrāṇī

Pada: v     
brahmaṇaivaināṃ vittyai sam̐śyati


Line : 10  Pada: w     
balbajā idʰme ca barhiṣi cāpibʰavanti

Pada: x     
śakno ete jātās \

Line : 11  Pada: y     
nyāyenaivainām abʰinayati


Pada: z     
yat vindeta tato dakṣiṇā

Pada: aa     
samr̥ddʰyai \


Pada: ab     
indrāya cendrāṇyai ca caruṃ nirvapet senāyām uttʰitāyāṃ rājño gr̥he \

Line : 12  Pada: ac     
eṣā indrasya parivr̥ktī jāyā

Line : 13  Pada: ad     
goṣv evainām adʰinayati


Pada: ae     
balbajā idʰme ca barhiṣi cāpi bʰavanti

Line : 14  Pada: af     
śakno ete jātās \

Pada: ag     
nyāyenaivainām abʰinayati


Pada: ah     
yat vindeta tato dakṣiṇā

Line : 15  Pada: ai     
samr̥ddʰyai


Pada: aj     
prajāpatir vai devebʰyo bʰāgadʰeyāni vyādiśat tad indriyam atyaricyata

Line : 16  Pada: ak     
tad indro 'bravīn mayīdam astv iti

Pada: al     
tad asminn adadʰāt

Pada: am     
tad enam atyaty * evāricyata
      
FN Mittwede, Textkritische Bemerkungen, p. 74: abʰy aty

Line : 17  Pada: an     
tad imām̐l lokān ūrdʰvam anūdaśrayata

Pada: ao     
tan naikenāpnon na dvitīyena tat tr̥tīyenāptvāvārunddʰa


Line : 18  Pada: ap     
trīn puroḍāśān nirvaped bubʰūṣan \

Pada: aq     
traya ime lokās \

Pada: ar     
imān eva lokān āptvaujo vīryam avarunddʰe \


Line : 19  Pada: as     
uttarauttaro jyāyān bʰavati \

Pada: at     
uttarauttaro hy eṣāṃ lokāṇāṃ jyāyān


Line : 20  Pada: au     
indrāya rājñe pratʰamam atʰendrāya svarāje 'tʰendrāyādʰirājāya \

Line : 21  Pada: av     
etāni vai sarvāṇīndro 'bʰavan nod *
      
FN ?

Pada: aw     
etāny eva sarvāṇi bʰavati ya evaṃ vidvān etayā yajate //


Line : 22  Pada: ax     
tisro 'nuvākyās yājyās

Pada: ay     
tāsāṃ pratʰamām anūcya madʰyamayā yajati

Line : 23  Pada: az     
madʰyamām anūcyottamayā yajati \

Pada: ba     
uttamām anūcya punaḥ pratʰamayā yajati \

Page: 137  
Line : 1  Pada: bb     
eṣāṃ lokānām̐ saṃtatyai

Pada: bc     
prati prajñātyai

Pada: bd     
sarvā evānuvākyāḥ karoti sarvā yājyās \


Line : 2  Pada: be     
devāś ca asurāś ca saṃyattā āsan \

Pada: bf     
te 'surā bʰūyām̐so 'jitamanasa * āsan kanīyām̐saḥ parājitamanastarā iva devās
      
FN Mittwede, Textkritische Bemerkungen, p. 74: jitamanasa

Line : 3  Pada: bg     
te devā abruvam̐ś cikitsata yo no vīryāvattamas tam anusamārabʰāmahā iti

Line : 4  Pada: bh     
ta indram abruvam̐s tvaṃ vai no vīryāvattamo 'si tvām anu samārabʰāmahā iti

Line : 5  Pada: bi     
so 'bravīt tisro ma imās tanvo vīryāvatīs me prīṇītātʰaitān abʰibʰaviṣyāma iti

Line : 6  Pada: bj     
vai brūhīty abruvan \

Line : 7  Pada: bk     
iyaṃ vimr̥dʰety abravīd iyam am̐homug iyam indriyāvatīti *
      
FN Mittwede, Textkritische Bemerkungen, p. 74

Pada: bl     
ta indrāya vimr̥dʰāyaikādaśakapālaṃ niravapann indrāyām̐homuca ekādaśakapālam indrāyendriyavata ekādaśakapālam \


Line : 9  Pada: bm     
yad indrāya vimr̥dʰāya

Pada: bn     
mr̥dʰā vai te 'bʰiṣaṇā āsan ye śreyobʰir asurair aspardʰanta

Line : 10  Pada: bo     
mr̥dʰa eva tenāpāgʰnata

Pada: bp     
yad indrāyām̐homuce \

Line : 11  Pada: bq     
am̐hasā vai te gr̥hītā āsan \

Pada: br     
am̐hasa eva tenāmucyanta

Pada: bs     
yad indrāyendriyavate \

Line : 12  Pada: bt     
indriyam eva tenātmann adadʰata \

Pada: bu     
etayā yajeta bʰrātr̥vyavān yo bahubʰrātavyas syāt \


Line : 13  Pada: bv     
indrāya vimr̥dʰāyaikādaśakapālaṃ nirvaped indrāyām̐homuca ekādaśakapālam indrāyendriyavata ekādaśakapālam //

Line : 14  Pada: bw     
yad indrāya vimr̥dʰāya

Line : 15  Pada: bx     
mr̥dʰā eṣo 'bʰiṣaṇo yaś śreyasā bʰrātr̥vyeṇa spardʰate

Pada: by     
mr̥dʰa eva tenāpahate

Line : 16  Pada: bz     
yad indrāyām̐homuce \

Pada: ca     
am̐hasā eṣa gr̥hīto * yo bʰrātr̥vyavān
      
FN Corrigenda. Mittwede, Textkritische Bemerkungen, p. 75

Pada: cb     
am̐hasa eva tena mucyate

Line : 17  Pada: cc     
yad indrāyendriyavate \

Pada: cd     
indriyam eva tenātman dʰatte


Pada: ce     
trayastrim̐śad vai devatās

Line : 18  Pada: cf     
tās tam̐ sarvā vīryair anusamārabʰanta

Pada: cg     
sa uttamāṃ vijitam asurair vyajayata

Line : 19  Pada: ch     
tato vai so 'bʰavat \

Pada: ci     
yat trayastrim̐śatkapālāni bʰavanti

Pada: cj     
yāvatīr eva devatās tās sarvā vīryair ātmānam anusamārambʰayate

Line : 20  Pada: ck     
bʰavaty eva

Pada: cl     
saiṣā vijitir nāmeṣṭis \

Line : 21  Pada: cm     
uttamām eva vijitiṃ bʰrātr̥vyeṇa vijayate ya evaṃ vidvān etayā yajate //


Anuvaka: 11  
Line : 23  Pada: a     
prajāpatiḥ paśūn asr̥jata

Pada: b     
te 'smād apākrāman \

Pada: c     
teṣāṃ br̥haspatiś ca padenānvaitām \

Line : 24  Pada: d     
te yatrāvasam̐s tad garmutam̐ śakno jātām avindatām \

Pada: e     
ām āccʰidyāharatām \

Page: 138  
Line : 1  Pada: f     
taṃ br̥haspatir abravīd anayā tvā yājayāny * upa vai tvaite paśavaḥ punar nam̐syantīti
      
FN emended. Ed.: anayā tvāyā jayāny. Mittwede, Textkritische Bemerkungen, p. 75

Line : 2  Pada: g     
sa prājāpatyaṃ caruṃ niravapad gārmutam apsu tato vai taṃ paśavaḥ punar upānaman

Line : 3  Pada: h     
prājāpatyaṃ caruṃ nirvaped gārmutam apsu paśukāmas \

Pada: i     
apakrāntā etasmāt paśavo yo 'paśuḥ

Line : 4  Pada: j     
prajāpatiḥ paśūnāṃ pradātā

Pada: k     
tam eva bʰāgadʰeyenopadʰāvati

Line : 5  Pada: l     
so 'smai paśūn punar upāvartayati


Pada: m     
gomūtrasyāpi syāt

Pada: n     
sayonitvāya


Line : 6  Pada: o     
prajāpatiḥ paśūn sr̥ṣṭvā teṣāṃ pūṣaṇam adʰipām akarot

Pada: p     
te 'smād apākrāman \

Line : 7  Pada: q     
teṣāṃ pūṣā padenānvait

Pada: r     
te yatrāvasam̐s tad garmutam \

Pada: s     
śakno jātām avindat

Line : 8  Pada: t     
tām āccʰidyāharat

Pada: u     
tayā prajāpatim abravīd anayā pratiṣṭʰasvopa vai tvaite paśavaḥ punar nam̐syantīti

Line : 9  Pada: v     
tat somo 'bʰyārtīyata //

Pada: w     
mama etad yad akr̥ṣṭapacyam iti

Line : 10  Pada: x     
sa saumāpauṣṇaṃ caruṃ niravapad gārmutam apsu

Pada: y     
tato vai taṃ paśavaḥ punar upānaman

Line : 11  Pada: z     
saumāpauṣṇaṃ caruṃ nirvaped gārmutam apsu prajākāmo paśukāmo

Line : 12  Pada: aa     
somo vai retodʰāḥ

Pada: ab     
pūṣā prajanayitā

Pada: ac     
soma evāsmai reto dadʰāti

Line : 13  Pada: ad     
pūṣā prajanayati

Pada: ae     
vindate prajā paśūn yatarasmai kāmāya nirvapati


Line : 14  Pada: af     
gomūtrasyāpi syāt

Pada: ag     
sayonitvāya


Pada: ah     
mārutaṃ praiyaṅgavaṃ caruṃ nirvapet pr̥śnyā dugdʰe sajātakāmaḥ

Line : 15  Pada: ai     
pr̥śnyā vai maruto jātā vāco vāsyā

Line : 16  Pada: aj     
pr̥tʰivyā mārutās sajātās \

Pada: ak     
etan marutām̐ svaṃ payo yat priyaṅgavas

Pada: al     
svenaivainān payasāccʰaiti

Line : 17  Pada: am     
yatʰā vatsa ūdʰo 'bʰyāyaccʰaty evam enam̐ sajātā abʰyāyaccʰanti //


Line : 18  Pada: an     
priyávaty anuvākyā̀ śrī́vatī yājyā̀

Pada: ao     
yát priyávatī

Pada: ap     
priyám evaínam̐ sajātā́nāṃ karoti

Line : 19  Pada: aq     
yác cʰrī́vatī

Pada: ar     
śríyam evaínaṃ gamayati


Pada: as     
dvípadānuvākyā̀ cátuṣpadā yājyā̀

Line : 20  Pada: at     
dvipádaś caivá cátuṣpadaś ca paśū́n ávarunddʰe \


Pada: au     
aindrám ékādaśakapālaṃ nírvapen mārutáṃ praíyaṅgavaṃ carúm \

Line : 21  Pada: av     
táṃ paścā́ śr̥táṃ kuryur * yásmāt kṣatríyād víḍ abʰyardʰáś cáret *
      
FN emended. Ed.: kuryúr. Mittwede, Textkritische Bemerkungen, p. 75
      
FN emended. Ed.: caret. Mittwede, Textkritische Bemerkungen, p. 75

Page: 139  
Line : 1  Pada: aw     
kṣatráṃ vā́ índro víṇ marútaḥ

Pada: ax     
kṣatrā́yaivá víśam anuníyunakti


Line : 2  Pada: ay     
tám anūcyámāne paścā́t prā́ñcam udā́haranti

Pada: az     
víśam evā́smai paścā́d úpadadʰāti \

Line : 3  Pada: ba     
ásam̐sargāya


Pada: bb     
mārutám̐ saptákapālaṃ nírvaped aindrám ékādaśakapālaṃ yáḥ kāmáyeta viśé ca kṣatrā́ya ca samádaṃ kuryām íti

Line : 4  Pada: bc     
kṣatráṃ vā́ índro víṇ marútas \

Line : 5  Pada: bd     
bʰāgadʰéya evaíbʰyas samádaṃ karoti


Pada: be     
mārutásya mārutī́m anū́cyaindryā́ yajet \

Pada: bf     
aindrásyaindrī́m anū́cya mārutyā́ yajet

Line : 6  Pada: bg     
kṣatrám evá viśáḥ parihā́yā́datte

Pada: bh     
víṭ kṣatrásya

Line : 7  Pada: bi     
anyā́nyā́ṃ nírṇayatas \


Pada: bj     
ubʰayátaḥ puroḍā́śasyā́vadyed yatarā́n kāmáyeta párājayerann íti \

Line : 8  Pada: bk     
ubʰayáta evá víśam úpadīpayati

Pada: bl     
tāják párājayante \


Pada: bm     
etā́m evá nírvaped yadā́ kāmáyeta kálperann íti

Line : 9  Pada: bn     
tásyāḥ prásr̥tiṃ yajet \

Pada: bo     
bʰāgadʰéyenaivaínān kalpayati


Line : 10  Pada: bp     
mārutám̐ saptákapālaṃ nírvaped * yáḥ kṣatríyo viśó jyānyā́ bibʰīyā́t \
      
FN Corrigenda. Mittwede, Textkritische Bemerkungen, p. 75

Line : 11  Pada: bq     
brāhmaṇó víḍ vaí marútas \

Pada: br     
bʰāgadʰéyenaivaínāñ cʰamayati \


Pada: bs     
agástyasyaitát sūktáṃ kayāśubʰī́yam \

Line : 12  Pada: bt     
tásya sāmidʰenī́ṣv ápy ánubrūyāt

Pada: bu     
tásya yājyānuvākyè syātām

Line : 13  Pada: bv     
agástyo vaí marúdbʰyaś śatám ukṣṇáḥ pŕ̥śnīn praúkṣat

Pada: bw     
tā́n índrāyā́labʰata

Line : 14  Pada: bx     
táṃ marútaḥ kruddʰā́ vájram udyátyābʰyàpatan

Pada: by     
etát sūktám apaśyat

Pada: bz     
ténainān aśamayat \

Line : 15  Pada: ca     
yád etád anūcyáte

Pada: cb     
śā́ntyai //


Anuvaka: 12  
Line : 16  Pada: a     
asmai te pratiharyate jātavedo vicarṣaṇe /

Line : 17  Pada: b     
agne janāmi suṣṭutim //

Line : 18  Pada: c     
yasmai tvam̐ sukr̥te jātaveda u lokam agne kr̥ṇavas syonam /

Line : 19  Pada: d     
aśvinam̐ sa putriṇaṃ vīravantaṃ gomantaṃ rayiṃ naśate svasti //

Line : 20  Pada: e     
ya imā viśvā jātāny āśrāvayati ślokena /

Line : 21  Pada: f     
pra ca suvāti savitā //

Line : 22  Pada: g     
viśvā rūpāṇi //

Page: 140  
Line : 1  Pada: h     
vāyur agregā yajñaprīs sākaṃ gan manasā yajñam /

Line : 2  Pada: i     
śivo niyudbʰiś śivābʰiḥ //

Line : 3  Pada: j     
pra yābʰir yāsi dāśvām̐sam accʰā niyudbʰir vāya iṣṭaye duroṇe /

Line : 4  Pada: k     
ni no rayim̐ subʰojasaṃ yuvasva ni vīraṃ gavyam aśvyaṃ ca rādʰaḥ //

Line : 5  Pada: l     
baḍ ittʰā parvatānāṃ kʰidraṃ bibʰarṣi pr̥tʰivi /

Line : 6  Pada: m     
pra bʰūmiṃ pravatvati mahnā jinoṣi mahini //

Line : 7  Pada: n     
dr̥ḍʰā cid vanaspatīn kṣmayā dardʰarṣy ojasā //

Line : 8  Pada: o     
yat te abʰrasya vidyuto divo varṣanti vr̥ṣṭayaḥ //

Line : 9  Pada: p     
ā no agne rayiṃ bʰara satrāsāhaṃ vareṇyam /

Line : 10  Pada: q     
viśvāsu pr̥tsu duṣṭaram //

Line : 11  Pada: r     
gomām̐ agne //

Line : 12  Pada: s     
mademade hi no dadir yūtʰā gavām r̥jukratuḥ /

Line : 13  Pada: t     
saṃ gr̥bʰāya purū śatobʰayāhastyā vasu

Pada: u     
śiśīhi rāya ābʰara //

Line : 14  Pada: v     
śiprin vājānāṃ pate śacīvas tava dam̐sanā /

Line : 15  Pada: w     
ā na indra śam̐saya goṣv aśveṣu śubʰriṣu

Pada: x     
sahasreṣu tuvīmagʰa //

Line : 16  Pada: y     
revatīr naḥ

Pada: z     
pra sasāhiṣe //

Line : 17  Pada: aa     
saṃjñānaṃ no divā paśos saṃjñānaṃ naktam arvataḥ /

Line : 18  Pada: ab     
saṃjñānaṃ nas svebʰyas saṃjñānam araṇebʰyas

Pada: ac     
saṃjñānam aśvinā yuvam ihāsmāsu niyaccʰatam //

Line : 20  Pada: ad     
sam indra rāyā sam iṣā rabʰemahi saṃ vājebʰiḥ puruścandrair abʰidyubʰiḥ /

Line : 21  Pada: ae     
saṃ devyā pramatyā vīraśuṣmayā goagrayāśvāvatyā rabʰemahi //

Line : 22  Pada: af     
indravāyū susaṃdr̥śā suhaveha havāmahe /

Line : 23  Pada: ag     
yatʰā nas sarva ij janas saṃgame sumanā asat //

Page: 141  
Line : 1  Pada: ah     
agniḥ pratʰamo vasubʰir no avyāt somo rudrair abʰirakṣatu tmanā /

Line : 2  Pada: ai     
indro marudbʰir r̥tutʰā kr̥ṇotv ādityair no varuṇaś śarma yam̐sat //

Line : 3  Pada: aj     
sam agnir vasubʰir no avyāt sam̐ somo rudriyābʰis tanūbʰiḥ /

Line : 4  Pada: ak     
sam indro rātahavyo marudbʰis sam ādityair varuṇo viśvavedāḥ //

Line : 5  Pada: al     
samānā va ākūtāni samānā hr̥dayāni vaḥ /

Line : 6  Pada: am     
samānam astu vo mano yatʰā vas susahāsati //

Line : 7  Pada: an     
saṃ vo manām̐si saṃ vratā sam u cittāny ākaram /

Line : 8  Pada: ao     
amī ye vivratās stʰana tān vas saṃnamayāmasi //

Line : 9  Pada: ap     
yatʰādityam ādityā āpyāyayanti yatʰākṣitim akṣitayo madanti /

Line : 10  Pada: aq     
evā mām indro varuṇo br̥haspatir āpyāyayantu bʰuvanasya gopāḥ //

Line : 11  Pada: ar     
navonavo bʰavati jāyamāno 'hnāṃ ketur uṣasām ety agram /

Line : 12  Pada: as     
bʰāgaṃ devebʰyo vidadʰāty āyan pra candramās tirate dīrgʰam āyuḥ //


Anuvaka: 13  
Line : 13  Pada: a     
prá jajñé vidvā́m̐ asya bándʰuṃ víśvā devā́nāṃ jánimā vivakti /

Line : 14  Pada: b     
bráhma bráhmaṇa újjabʰāra mádʰyān nīcā́d uccā́ svadʰáyābʰí prátastʰau //

Line : 15  Pada: c     
mahā́n mahī́ askabʰāyad jātó dyā́ṃ dvitā́ pā́rtʰivaṃ ca rájaḥ /

Line : 16  Pada: d     
budʰnā́d āṣṭa janúṣābʰy ágraṃ bŕ̥haspátir devátā tásya samrā́ṭ //

Line : 17  Pada: e     
gaṇā́nāṃ tvā gaṇápatim̐ havāmahe kavíṃ kavīnā́m upamáśravastamam /

Line : 18  Pada: f     
jyeṣṭʰarā́jaṃ bráhmaṇāṃ brahmaṇaspata ā́ naś śr̥ṇvánn ūtíbʰis sīda sā́danam //

Line : 19  Pada: g     
suṣṭúbʰā ŕ̥kvatā gaṇéna valáṃ ruroja pʰaligáṃ ráveṇa /

Line : 20  Pada: h     
bŕ̥haspátir usríyā havyasū́daḥ kánikradad vā́vaśatīr údājat //

Line : 21  Pada: i     
agnír uktʰé puróhito grā́vāṇo barhír adʰvaré /

Line : 22  Pada: j     
r̥cā́ yāmi marúto bráhmaṇaspátiṃ devā́m̐ ávo váreṇyam //

Page: 142  
Line : 1  Pada: k     
úttiṣṭʰa brahmaṇaspate devayántas tvémahe /

Line : 2  Pada: l     
úpa práyantu marútas sudā́nava índra prāśū́r bʰavā sácā //

Line : 3  Pada: m     
ā́ryamā́ yātu vr̥ṣabʰás túviṣmān yantā́ vásūni vidʰaté tanūpā́ḥ /

Line : 4  Pada: n     
sahasrākṣó gotrabʰíd vájrabāhur asmā́su devó dráviṇaṃ dadʰātu //

Line : 5  Pada: o     
te aryaman bahávo devayā́nāḥ pántʰāno rājan divá ācáranti /

Line : 6  Pada: p     
tébʰir no adyá patʰíbʰis sugébʰī rákṣā ca no ádʰi ca brūhi deva //

Line : 7  Pada: q     
asmé indrābr̥haspatī rayíṃ dʰattam̐ śatagvínam /

Line : 8  Pada: r     
áśvāvantam̐ sahasríṇam //

Line : 9  Pada: s     
bŕ̥haspátir naḥ páripātu paścā́d utóttarasmād ádʰarād agʰāyóḥ /

Line : 10  Pada: t     
índraḥ purástād utá madʰyató nas sákʰā sákʰibʰyo várivaḥ kr̥ṇotu //

Line : 11  Pada: u     
hiraṇyagarbʰás \

Pada: v     
yáḥ prāṇatás \

Pada: w     
úd u tyám \

Pada: x     
citráṃ devā́nām //

Line : 12  Pada: y     
taráṇir viśvádarśato jyotiṣkŕ̥d asi sūrya /

Line : 13  Pada: z     
víśvam ā́bʰāsi rocanám //

Line : 14  Pada: aa     
divó rukmá urucákṣā údeti dūréartʰas taráṇir bʰrā́jamānaḥ /

Line : 15  Pada: ab     
nūnáṃ jánās sū́ryeṇa prásūtā áyann ártʰāni kr̥ṇávann ápām̐si //


Line : 16  Pada: ac     
iti śrīyajuṣi carakaśākʰāyām iṭʰimikāyām āgnāvaiṣṇavaṃ nāma daśamaṃ stʰānakaṃ saṃpūrṇam //


Next part



This text is part of the TITUS edition of Black Yajur-Veda: Kathaka-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.