TITUS
Black Yajur-Veda: Kathaka-Samhita
Part No. 11
Previous part

Sthanaka: 11  
Anuvaka: 1  
Page: 143  
Line : 1  Pada: a     mārutaṃ caruṃ nirvapet tasyaikavim̐śatinirbādʰo harito rukmo 'pidʰānas syāt tasyāpagrāham avadyed yat kṣatriyaṃ * viṇ nirbādʰe kurvīta
      FN Mittwede, Textkritische Bemerkungen, p. 75: yaṃ kṣatriyaṃ

Line : 2  Pada: b     viḍ vai marutas \

Line : 3  Pada: c     bʰāgadʰeyenaivaināñ cʰamayati \


Pada: d     ekavim̐śatinirbādʰo bʰavati \

Pada: e     ekavim̐śatir vai mārutā gaṇās \

Line : 4  Pada: f     yad ekavim̐śatinirbādʰas \

Pada: g     nirbādʰair evaiṣāṃ nirbādʰān vr̥ṅkte \


Pada: h     aindram ekādaśakapālaṃ nirvaped vaiśvadevaṃ dvādaśakapālam̐ sajātakāmaḥ

Line : 5  Pada: i     kṣatraṃ vā indro vaiśvadevīr imāḥ prajāḥ

Line : 6  Pada: j     kṣatrāyaiva viśam anuniyunakti \


Pada: k     aindrasyāvadāyātʰa vaiśvadevasyobʰe avadāne avadyed atʰaindrasya

Line : 7  Pada: l     kṣatraṃ vā indro vaiśvadevīr imāḥ prajāḥ

Line : 8  Pada: m     kṣatreṇaiva viśam ubʰayataḥ parigr̥hṇāti \


Pada: n     aindrī vaiśvadevavarṇe yājyānuvākye bʰavatas

Line : 9  Pada: o     samr̥ddʰyai \


Pada: p     upacāyyapr̥ḍaṃ hiraṇyaṃ dakṣiṇā

Pada: q     sajātān evāsmā upadadʰāti


Line : 10  Pada: r     tad etad anuvartma nāma havis

Pada: s     sajātān evāsmā anuvartmanaḥ karoti


Line : 11  Pada: t     saumyam̐ śyāmākaṃ caruṃ nirvapet somavāmī \

Pada: u     indro vai tvaṣṭus somam anupahūto 'pibat

Line : 12  Pada: v     sa viṣvak * somapītʰena vyārdʰyata
      FN emended. Ed.: viśvak. Mittwede, Textkritische Bemerkungen, p. 75

Pada: w     tasmāt somo nānupahūtena pātavai

Line : 13  Pada: x     somapītʰena vyardʰuko bʰavati

Pada: y     sa yat parāvamīt te śyāmākās \

Line : 14  Pada: z     eṣa vāva sa somapītʰo yac cʰyāmākas

Pada: aa     samakṣam eva somapītʰam avarunddʰe


Line : 15  Pada: ab     saumendraḥ kāryas \

Pada: ac     indriyeṇa vā eṣa somapītʰena vyr̥dʰyate yas somaṃ vamiti

Line : 16  Pada: ad     saumyo brāhmaṇo devatayā \

Pada: ae     indriyam asya somapītʰo yat saumendras \

Line : 17  Pada: af     indriyeṇaivainam̐ sompītʰena samardʰayati \


Pada: ag     adʰr̥to vā etasmin somapītʰo yas somaṃ vamiti

Line : 18  Pada: ah     taṇḍulān uccʰim̐ṣet

Pada: ai     tān kvatʰati pratyāvapet

Pada: aj     somapītʰam evāsmin dādʰāra * \
      FN emended. Ed.: dadʰāra. Raghuvira, KpS, xxvi. Mittwede, Textkritische Bemerkungen, p. 76


Line : 19  Pada: ak     agnaye jyotiṣmate 'ṣṭākapālaṃ nirvapet sauryaṃ carum agnaye jyotiṣmata upariṣṭād aṣṭākapālaṃ cakṣuṣkāmas \

Line : 20  Pada: al     agner vai manuṣyā naktaṃ cakṣuṣā paśyanti

Line : 21  Pada: am     sūryasya divā

Pada: an     tau cakṣuṣaḥ pradātārau

Pada: ao     tā eva bʰāgadʰeyenopadʰāvati

Page: 144  
Line : 1  Pada: ap     tā asmai cakṣuḥ prayaccʰatas \


Pada: aq     yat samānī devatā dvedʰā kriyate tasmāt samānam̐ sac cakṣur dvedʰā

Line : 2  Pada: ar     tasmāt samānī yājyānuvākye bʰavatas


Pada: as     sauryasya madʰyato 'vadyati \

Line : 3  Pada: at     idam eva tena karoti


Pada: au     yad idam antarā cakṣuṣī

Pada: av     cakṣuṣor vyāvr̥ttyai


Line : 4  Pada: aw     trīn piṇḍān prayaccʰati \

Pada: ax     ud u tyaṃ jātavedasam ayukta sapta śundʰyuvas sapta tvā harito ratʰa iti

Line : 5  Pada: ay     cakṣur evāsmai tat prayaccʰati yad eva tasya tat


Pada: az     saiṣā rājanī nāmeṣṭis \

Line : 6  Pada: ba     etayā ha vai rajanaṃ kauṇeyaṃ * kratujijjānakiś cakṣuṣkāmaṃ yājayāṃcakāra
      FN emended. Ed.: koṇeyaṃ. Mittwede, Textkritische Bemerkungen, p. 76

Line : 7  Pada: bb     tayaitayā cakṣuṣkāma eva yajeta \


Pada: bc     āgneyam aṣṭākapālaṃ nirvaped aindram ekādaśakapālaṃ bārhaspatyam aṣṭākapālaṃ bubʰūṣan \

Line : 8  Pada: bd     indro vā adʰr̥taś śitʰila ivāmanyata

Line : 9  Pada: be     so 'gnau caiva br̥haspatau cānātʰata

Pada: bf     tam etayeṣṭyāyājayatām \

Pada: bg     yad āgneyas

Line : 10  Pada: bh     teja evāsmim̐s tena purastād adʰattām \

Pada: bi     yad aindras \

Pada: bj     indriyam evāsmim̐s tena madʰyato 'dʰattām \

Line : 11  Pada: bk     yad bārhaspatyas \

Pada: bl     upariṣṭād evāsmim̐s tena brahmavarcasam adʰattām \

Pada: bm     tato vai so 'bʰavat \


Line : 12  Pada: bn     etayā yajeta bubʰūṣan


Pada: bo     yad āgneyas

Pada: bp     tejo vā agnis

Pada: bq     teja eva tena purastād dʰatte


Line : 13  Pada: br     yad aindras \

Pada: bs     indriyaṃ vā indras \

Pada: bt     indriyam eva tena madʰyato dʰatte


Pada: bu     yad bārhaspatyas \

Line : 14  Pada: bv     brahma vai br̥haspatis \

Pada: bw     upariṣṭād eva tena brahmavarcasaṃ dʰatte

Pada: bx     bʰavaty eva \


Pada: by     aindra itarayor nābʰī samādadʰāti \

Line : 15  Pada: bz     indriyam evāsmin madʰyatas samādadʰāti \


Pada: ca     aindro madʰye bʰavaty abʰita itarau

Line : 16  Pada: cb     tejo vā agnir indriyam indro brahma br̥haspatis

Pada: cc     tejasā caiva brahmavarcasena cendriyam ubʰayata ātman parigr̥hṇāti


Line : 17  Pada: cd     trivatīr yājyānuvākyā bʰavanti

Line : 18  Pada: ce     samr̥ddʰyai

Pada: cf     tad etat tridʰātu nāma havis

Pada: cg     trīṇi hi sa tena vīryāṇy adʰatta //


Anuvaka: 2  
Line : 20  Pada: a     āgneyam aṣṭākapālaṃ nirvapet sāvitram aṣṭākapālaṃ vāyavyāṃ yavāgūṃ * bʰaumam ekakapālaṃ yasya hiraṇyam apahr̥taṃ vopahr̥taṃ vā syād yo vā kāmayeta hiraṇyaṃ vindeyeti \
      FN emended. Ed.: yavāguṃ. Mittwede, Textkritische Bemerkungen, p. 76

Line : 22  Pada: b     agnir vā agre * hiraṇyam avindat
      FN emended. Ed.: anne. mss: agne. MS.2.2.7:20.19: ágre. Mittwede, Textkritische Bemerkungen, p. 76

Pada: c     tasmin savitā cāmantrayetām * \
      FN emended. Ed.: cāmantrayatān. Mittwede, Textkritische Bemerkungen, p.76

Page: 145  
Line : 1  Pada: d     neto vāyunānupagatam asti \

Pada: e     asyām etad vindanti \

Pada: f     asyāṃ punanti

Pada: g     yad āgneyas \

Line : 2  Pada: h     vittyā eva

Pada: i     sa jātavedā iti hi

Pada: j     prasavāyaiva sāvitras \

Pada: k     abʰinītyai vāyavyā \

Line : 3  Pada: l     asyām etad vindanti \

Pada: m     asyāṃ punanti \

Pada: n     etā vai devatā hiraṇyasyeśate

Line : 4  Pada: o     tā eva bʰāgadʰeyenopadʰāvati

Pada: p     tā asmai hiraṇyaṃ dadati


Pada: q     yadā hiraṇyaṃ vindetātʰaitām eva nirvapet \

Line : 5  Pada: r     yā evāsmai devatā hiraṇyaṃ dadati tā eva bʰāginīḥ karoti \

Line : 6  Pada: s     ātmano 'him̐sāyai \


Pada: t     āgneyam aṣṭākapālaṃ nirvaped aindram ekādaśakapālam \

Line : 7  Pada: u     dadʰi madʰu gʰr̥taṃ dʰānās taṇḍulās tat sam̐sr̥ṣṭam̐ syāt

Pada: v     tena paśukāmo yajeta \


Line : 8  Pada: w     r̥ddʰyā evāgneyas \


Pada: x     yad aindras \

Pada: y     indraḥ paśūnāṃ pradātā

Pada: z     tam eva bʰāgadʰeyenopadʰāvati

Line : 9  Pada: aa     so 'smai paśūn prayaccʰati


Pada: ab     yat sam̐sr̥ṣṭam \

Pada: ac     paśavo vai sam̐sr̥ṣṭam \

Line : 10  Pada: ad     paśūn evāvarunddʰe \


Pada: ae     aindraṃ kāryam

Pada: af     indraḥ paśūnāṃ pradātā

Pada: ag     yad aindre dve saha kuryāj jāmi syāt


Line : 11  Pada: ah     prājāpatyaṃ kāryam \

Pada: ai     prajāpatiḥ paśūnāṃ yonis

Pada: aj     svād evainān yoneḥ prajanayati

Line : 12  Pada: ak     prajāpatiḥ pradātā

Pada: al     tam eva bʰāgadʰeyenopadʰāvati

Pada: am     so 'smai paśūn prayaccʰati


Line : 13  Pada: an     revatī sam̐sr̥ṣṭasya yājyānuvākye śakvarī itarasya

Pada: ao     paśavo vai revatī paśavaś śakvarī

Line : 14  Pada: ap     paśūn evāvarunddʰe


Pada: aq     pañcaitāni sam̐sr̥ṣṭāni dve itare

Line : 15  Pada: ar     tāni sapta

Pada: as     saptapadā śakvarī

Pada: at     śākvarāḥ paśavaḥ

Pada: au     paśūn evāvarunddʰe //


Pada: av     paṅktir apibʰavati

Line : 16  Pada: aw     pāṅktaḥ puruṣas

Pada: ax     sarva eva bʰūtvā paśūn upaiti


Pada: ay     gʰr̥taṃ bʰavati \

Pada: az     āgneyaṃ vai gʰr̥tam

Line : 17  Pada: ba     agniḥ pravāpayitā

Pada: bb     praiva tena vāpayati


Pada: bc     madʰu bʰavati

Pada: bd     saumyaṃ vai madʰu

Line : 18  Pada: be     somo retodʰās \

Pada: bf     reta eva tena dadʰāti


Pada: bg     dʰānāś ca taṇḍulāś ca bʰavanti \

Pada: bh     ahno vai rūpaṃ dʰānā rātryās taṇḍulās \

Line : 19  Pada: bi     ahorātre paśavo 'nuprajāyante

Pada: bj     naktaṃ vā hi divā vā prajāyante \

Line : 20  Pada: bk     ahorātre evainān anuprajanayati


Pada: bl     dadʰi bʰavati \

Pada: bm     etad rūpā vai paśavas \

Line : 21  Pada: bn     yad dadʰi

Pada: bo     sarūpān eva paśūn avarunddʰe


Pada: bp     na madʰu hotavyam

Pada: bq     āyur vai madʰu \

Pada: br     āyur agnau pradadʰyāt pramāyukas syāt \


Line : 22  Pada: bs     etayeṣṭvāyuṣyayā yajeta

Pada: bt     paśūn evāvarudʰyāyur upaiti


Line : 23  Pada: bu     yady etayā na yajeta varaṃ dadyāt \

Pada: bv     vareṇaiva varam̐ spr̥ṇoti //


Pada: bw     dvau dadyāt \

Pada: bx     dvau hi prāṇaś cāpānaś ca


Line : 24  Pada: by     trīn dadyāt

Pada: bz     trayo hi prāṇāḥ prāṇo vyāno 'pānas

Pada: ca     tān eva yajamāne dadʰāti \


Page: 146  
Line : 1  Pada: cb     ekam eva dadyāt

Pada: cc     trivr̥taṃ tu

Pada: cd     trivr̥d dʰi prāṇas \

Pada: ce     bahu vā etat \

Line : 2  Pada: cf     anyadanyaj juhoti sa īśvaro 'nyadrūpaṃ poṣṭos


Pada: cg     sidʰmāṃ gāṃ dadyāt \

Pada: ch     rūpāṇāṃ niṣkrītyai


Line : 3  Pada: ci     sarvāṇi vayām̐si dadyāt

Pada: cj     sarvān eva paśūn avarunddʰe


Pada: ck     yadi nābʰyāśam̐seta paṣṭʰauhīm antarvatīṃ dadyāt

Line : 4  Pada: cl     sā hi sarvāṇi vayām̐si

Pada: cm     yad vatsaṃ bibʰarti tena vatsā

Line : 5  Pada: cn     yad vatsatarī tena vayas \

Pada: co     yat paraṃ vaya āptā tena stʰavirā

Pada: cp     tayaiva sarvān paśūn avarunddʰe \


Line : 6  Pada: cq     āpo vā idaṃ niramr̥jan

Pada: cr     sa manur evodaśiṣyata

Pada: cs     sa etām iṣṭim apaśyat

Line : 7  Pada: ct     tām āharat

Pada: cu     tayāyajata

Pada: cv     tayāpratʰata

Pada: cw     tayemaṃ bʰūmānam agaccʰat

Pada: cx     pratʰata eva taṃ bʰūmānaṃ gaccʰati yaṃ manur agaccʰad ya evaṃ vidvān etayā yajate * //
      FN ms Ch. Ed.: yajeta. Mittwede, Textkritische Bemerkungen, p. 76


Anuvaka: 3  
Line : 9  Pada: a     devā́ vaí ná sámajānata

Pada: b     té caturdʰā́ vyúdakrāmann agnír vásubʰis sómo rudraír índro marúdbʰir váruṇa ādityaís

Line : 10  Pada: c     tā́n bŕ̥haspátir abravīd yājáyāni vas sáṃ vaí jñāsyadʰva íti

Line : 11  Pada: d     táva gr̥hé yājayānī́tī́ndram abravīt táva vaí śraíṣṭʰyāya sáṃjñāsyanta íti

Line : 12  Pada: e     sò 'gnáye vásumate 'ṣṭā́kapālaṃ níravapat sómāya rudrávate carúm índrāya marútvata ékādaśakapālaṃ váruṇāyādityávate carúm \

Line : 13  Pada: f     tā́n índrasya gr̥hè 'yājayat

Line : 14  Pada: g     táto vaí té sámajānata

Pada: h     tá índrasyaivá śraíṣṭʰyāya sámajānata

Line : 15  Pada: i     sá triṣṭúbʰau yājyānuvākyè akarot

Pada: j     triṣṭúb vā́ índrasya sváṃ cʰánda ójo vīryàṃ triṣṭúp

Line : 16  Pada: k     svénaivā́smiñś cʰándasaújo vīryàm adadʰāt

Pada: l     tásmād índro devā́nām ójiṣṭʰas \


Line : 17  Pada: m     yé svā́ ná saṃjānīrám̐s tā́n etáyā yājayed yáṃ kāmáyetāyám̐ śréṣṭʰas syād íti tásya gr̥hé

Line : 18  Pada: n     sám evá jānate \

Pada: o     etā́ evaínaṃ * devátā bʰāgadʰéyam abʰí saṃjānānā́s sáṃjñāpayanti
      FN Mittwede, Textkritische Bemerkungen, p. 76


Line : 19  Pada: p     triṣṭúbʰau yājyānuvākyè kuryāt \

Line : 20  Pada: q     ójo vaí vīryàṃ triṣṭúp \

Pada: r     ója evaíṣu vīryàṃ dadʰāti


Pada: s     saṃvatī saṃyājyè

Pada: t     sámr̥ddʰyai

Page: 147  
Line : 1  Pada: u     saíṣā́ saṃjñā́nī nā́méṣṭis

Pada: v     sám evá jānate


Pada: w     prajā́patir vaí sómāya rā́jñe duhitŕ̥̄r adadān nákṣatrāṇi

Line : 2  Pada: x     sá rohiṇyā́m evā́vasat

Pada: y     tā́ny ánupeyamānāni púnar agaccʰan \

Line : 3  Pada: z     tásmāt stry ánupeyamānā púnar gaccʰati

Pada: aa     tā́ny anvā́gaccʰat

Pada: ab     tā́ni púnar ayācata

Line : 4  Pada: ac     tā́ny asmai ná púnar adadāt

Pada: ad     sò 'bravīt

Pada: ae     sárveṣv evá samā́vad vasa \

Pada: af     átʰa te púnar dāsyāmī́ti

Line : 5  Pada: ag     sá rohiṇyā́m evā́vasat

Pada: ah     táṃ tásminn ánr̥te yákṣmo 'gr̥hṇāt \

Pada: ai     candrámā vaí sómo rā́jā

Line : 6  Pada: aj     yád rā́jānaṃ yákṣmó 'gr̥hṇāt tád rājayakṣmásya jánma

Pada: ak     sá tŕ̥ṇam ivāśuṣyat

Line : 7  Pada: al     sá prajā́patā anātʰata

Pada: am     sò 'bravīt

Pada: an     sárveṣv evá samā́vad vasa \

Line : 8  Pada: ao     átʰa tvā́to mokṣyāmī́ti

Pada: ap     tásmāc candrámās sárveṣu nákṣatreṣu samā́vad vasati

Line : 9  Pada: aq     táṃ vaiśvadevéna carúṇāmāvasyā̀ṃ rā́trīm ayājayat

Pada: ar     ténainaṃ yákṣmād amuñcat

Pada: as     sò 'múm evā́pyā́yamānam ánvā́pyāyata


Line : 10  Pada: at     vaiśvadevéna carúṇāmāvasyā̀ṃ rā́trīṃ yajeta yó rājayakṣmā́d bibʰīyāt \

Line : 11  Pada: au     yákṣmād evaínaṃ muñcati

Pada: av     sò 'múm evā́pyā́yamānam ánvā́pyāyate //


Anuvaka: 4  
Line : 13  Pada: a     bārhaspatyaṃ caruṃ nirvaped ānuṣūkānāṃ vrīhīṇām ānujāvaras \

Pada: b     br̥haspatir vai devānām ānujāvaras

Line : 14  Pada: c     so 'graṃ paryait \

Pada: d     br̥haspatir etasya devatā ya ānujāvaras

Line : 15  Pada: e     tam evānvārabʰate

Pada: f     sa enam agraṃ pariṇayati

Pada: g     brahma vai br̥haspatis \

Pada: h     brahma brāhmaṇasya pitā

Line : 16  Pada: i     pitā putrasyeśe prāco vāpāco vā nottor

Pada: j     brahmaivainaṃ pitāgraṃ pariṇayati \

Line : 17  Pada: k     ānuṣūkā vā ete vrīhayas \

Pada: l     ya ānujāvaras tān etad agraṃ pariṇayati


Line : 18  Pada: m     yad dʰaviṣ karoti

Pada: n     tān evānvārabʰate

Pada: o     ta enam agraṃ pariṇayanti


Line : 19  Pada: p     punaḥ pravr̥ddʰaṃ * barhir bʰavati punaḥ prarūḍʰa * idʰmas
      FN Mittwede, Textkritische Bemerkungen, p. 76: punaḥpravr̥ddʰam
      FN Mittwede, Textkritische Bemerkungen, p. 76: punaḥprarūḍʰa

Pada: q     samr̥ddʰyai


Pada: r     bārhaspatyaṃ caruṃ nirvapet sajātakāmas

Line : 20  Pada: s     tasya gaṇavatī yājyānuvākye syātām \

Pada: t     bārhaspatyo vai brāhmaṇo devatayā

Line : 21  Pada: u     svām eva devatāṃ bʰūyiṣṭʰenārpayate


Pada: v     gaṇavatī yājyānuvākye bʰavatas

Line : 22  Pada: w     sajātair evainaṃ gaṇinaṃ karoti


Pada: x     brāhmaṇaspatyaṃ caruṃ nirvapet

Page: 148  
Line : 1  Pada: y     tasya mārutī yājyānuvākye syātāṃ yaḥ kāmayeta brahmabalaṃ * syād iti
      FN Mittwede, Textkritische Bemerkungen, p. 77

Line : 2  Pada: z     brahma vai brahmaṇaspatir

Pada: aa     viṇ marutas \

Pada: ab     brahmaṇy eva viśam anuvināśayati

Line : 3  Pada: ac     tājag brahmabalaṃ * bʰavati \
      FN Mittwede, Textkritische Bemerkungen, p. 77


Pada: ad     aryamṇe caruṃ nirvaped yaḥ kāmayeta dānākāmā me prajās syur iti \

Line : 4  Pada: ae     eṣa vā aryamā yo dadāti

Pada: af     dānam imāḥ prajā upajīvanti

Line : 5  Pada: ag     dānakāmā asmai bʰavanti \


Pada: ah     aindrābārhaspatyaṃ caruṃ nirvaped rājanyāya bubʰūṣate

Line : 6  Pada: ai     devā vai rājanyāj jāyamānād abibʰayus

Pada: aj     tam anuhāya dāmnāpaumbʰan \

Pada: ak     apobdʰo vā eṣa jāyate yo rājanyas \

Line : 7  Pada: al     yad vā eṣo 'napobdʰo jāyeta na kiṃcana syāt

Line : 8  Pada: am     sarvā imāḥ prajā adʰiṣādam adyāt \

Pada: an     aindro rājanyo devatayā

Pada: ao     brahma br̥haspatis \

Line : 9  Pada: ap     brahmaṇaivainam apombʰanān muñcati

Pada: aq     so 'napobdʰo vīryāya prasriyate


Pada: ar     dvivr̥ddʰiraṇyaṃ dakṣiṇā

Line : 10  Pada: as     yad evādo dāma tasya niravattyai


Pada: at     prājāpatyaṃ caruṃ nirvapec cʰatakr̥ṣṇalaṃ gʰr̥ta āyuṣkāmas \

Line : 11  Pada: au     devā vai pramayād abibʰayus

Pada: av     te prajāpatā anātʰanta

Line : 12  Pada: aw     tān etayeṣṭyāyājayat \

Pada: ax     amr̥taṃ vai hiraṇyam

Pada: ay     amr̥tenaivaiṣv amr̥tam adadʰāt

Line : 13  Pada: az     tato vai te 'mr̥tā abʰavan \

Pada: ba     etayā yajeta yaḥ pramayād bibʰīyāt \

Pada: bb     amr̥taṃ vai hiraṇyam

Line : 14  Pada: bc     amr̥tenaivāsminn amr̥taṃ dadʰāti


Pada: bd     śatakr̥ṣṇalo bʰavati

Pada: be     śatāyur vai puruṣaś śatavīryas \

Line : 15  Pada: bf     āyur eva vīryam avarunddʰe


Pada: bg     vaiśvadevaḥ kāryas \

Pada: bh     viśvān hi sa tad devān ayājayat


Line : 16  Pada: bi     prājāpatyaḥ kāryaḥ

Pada: bj     prajāpatir yonis \

Pada: bk     yonā eva pratitiṣṭʰati //


Line : 17  Pada: bl     catvāricatvāri kr̥ṣṇalāny avadānaṃ bʰavati

Pada: bm     samr̥ddʰyai


Pada: bn     taṃ brahmaṇe pariharanti

Line : 18  Pada: bo     brahma vai brahmā

Pada: bp     brahmaṇaivāsminn ekadʰāyur dadʰāti \


Pada: bq     etayā yajeta yaḥ kāmayeta vasīyān syām iti \

Line : 19  Pada: br     eṣa vai manuṣyasya svargo loko yad asmiṃl loke vasīyān bʰavati \

Line : 20  Pada: bs     r̥dʰnoti vasīyān bʰavati ya evaṃ vidvān etayā yajate *
      FN emended. Ed.: yajeta. Mittwede, Textkritische Bemerkungen, p. 77


Pada: bt     sauryaṃ caruṃ nirvaped gataśrīs

Line : 21  Pada: bu     tasya harito rukmo 'pidʰānas syāt \

Pada: bv     rajato 'dʰastāt \

Pada: bw     asau vā ādityo 'nto 'ntaṃ manuṣyaś śriyo gatvā nivartate \

Line : 22  Pada: bx     antād evāntam ālabʰate

Line : 23  Pada: by     na tataḥ pāpīyān bʰavati yādr̥k san yajate \


Pada: bz     asau vā āditya idam āsīt

Page: 149  
Line : 1  Pada: ca     sa idaṃ nirdahann acarat

Pada: cb     taṃ devā ābʰyāṃ parigr̥hyāmuṃ lokam agamayan

Pada: cc     sa na vyarocata

Line : 2  Pada: cd     te prayājeṣu pañca hiraṇyakr̥ṣṇalāny ajuhavus

Pada: ce     tejo vai hiraṇyam \

Line : 3  Pada: cf     tejasaivāsmim̐s tejo 'dadʰus

Pada: cg     tato vai so tejo 'gr̥hṇāt

Pada: ch     sa imāḥ pañca diśo 'nu tejasvy abʰavat \

Line : 4  Pada: ci     iyaṃ vai rajatāsau hiraṇyā \

Pada: cj     ābʰyām evainaṃ parigr̥hyāmuṃ lokaṃ gamayati

Line : 5  Pada: ck     sa vai na virocata ity āhur na hi sa vyarocateti

Pada: cl     prayājeṣu pañca hiraṇyakr̥ṣṇalāni juhuyāt

Line : 6  Pada: cm     tejo vai hiraṇyam \

Pada: cn     tejasaivainam̐ sam̐sr̥jati

Pada: co     sa imāḥ pañca diśo 'nu tejasvī bʰavati //


Anuvaka: 5  
Line : 8  Pada: a     saumāraudráṃ carúṃ nírvapec cʰuklā́nāṃ vrīhīṇā́m̐ śvetā́yāś śvetávatsāyā ā́jyaṃ matʰitám̐ syāt tásmin brahmavarcasákāmas

Line : 9  Pada: b     svàrbʰānur vā́ āsurás sū́ryaṃ támasāvidʰyat

Line : 10  Pada: c     sá ná vyàrocata

Pada: d     tásmai devā́ḥ prā́yaścittim aiccʰan \

Pada: e     tám etáyéṣṭyāyājayan \

Line : 11  Pada: f     táyāsmāt támó 'pāgʰnan \

Pada: g     támasaiṣá prā́vr̥to yó 'laṃ brahmavarcasā́ya sán ná brahmavarcasī́ bʰávati

Line : 12  Pada: h     táma evā́smād ápahanti

Pada: i     brahmavarcasénainam̐ sám̐sr̥jati


Line : 13  Pada: j     śvetā́yāś śvetávatsāyā ā́jyaṃ bʰávati śuklā́ vrīháyas \

Pada: k     evám iva vaí brahmavarcasám \

Line : 14  Pada: l     brahmavarcasám evá sáṃdadʰāti //


Pada: m     gʰr̥téna prókṣanti

Pada: n     gʰr̥téna mārjayante \

Pada: o     áśāntyai *
      FN emended. Ed.: mārjayante śā́ntyai. Mittwede, Textkritische Bemerkungen, p. 77

Line : 15  Pada: p     śā́ntir hy ā́pas \


Pada: q     ápy asya tā́ṃ rā́trīm apó gr̥hā́n nā́vahareyuḥ

Pada: r     páriśrite yajeta

Line : 16  Pada: s     brahmavarcasásya párigr̥hītyai


Pada: t     prādeśamātráś carúr ūrdʰvó bʰávaty eváṃ tiryáṅ \

Pada: u     etā́vān vaí púruṣas \

Line : 17  Pada: v     yā́vad asya prāṇā́ abʰí yā́vān evā́syātmā́ tásmāt támó 'pahanti

Line : 18  Pada: w     sākáṃ raśmíbʰiḥ prácaranti \

Pada: x     asā́ evā́smād ādityá udyám̐s támó 'pahanti


Pada: y     tiṣyāpūrṇamāsé yajeta

Line : 19  Pada: z     tíṣyo vaí rudráś candrámās sómas

Pada: aa     saumī́r átaḥ prācī́nam óṣadʰayo raudrī́ḥ pratīcī́nam \

Line : 20  Pada: ab     śúṣyanti prācī́nam \

Pada: ac     śúṣyanti pratīcī́nam \

Pada: ad     pratyákṣam evaínā r̥dʰnoti \


Line : 21  Pada: ae     īśvaró duścármā bʰávitor yá etáyā yájate \

Pada: af     átīva hy àsmād apahánti

Page: 150  
Line : 1  Pada: ag     mánor ŕ̥cas sāmidʰenī́ṣv ápy ánubrūyāt \

Pada: ah     mánur vaí yát kíṃcā́vadat tád bʰeṣajám āsīt \

Line : 2  Pada: ai     bʰeṣajám evā́smai karoti \


Pada: aj     úpakṣaranti síndʰavo mayobʰúva íti nārāśam̐syā́ páridadʰāti *
      FN emended. Ed.: páridadāti. Mittwede, Textkritische Bemerkungen, p. 77

Line : 3  Pada: ak     śā́ntyai


Pada: al     ṣáṭpadā bʰavati

Pada: am     ṣáḍ vā́ r̥távas \

Pada: an     r̥túṣv evá prátitiṣṭʰati \


Line : 4  Pada: ao     īśvarás tú tád áti duścármaivá bʰávitos

Pada: ap     téjām̐si hy èṣá pratyāróhann éti

Line : 5  Pada: aq     saumāpauṣṇáṃ carúṃ paśúkāmo 'nunírvapet

Pada: ar     sómo vaí brāhmaṇásya svā́ devátā

Line : 6  Pada: as     paśávaḥ pūṣā́

Pada: at     svā́m evá devátāṃ paśúbʰir bam̐hayate

Pada: au     tvácam evá kurute


Pada: av     saumāraudráṃ carúṃ nírvapet kr̥ṣṇā́nāṃ vrīhīṇā́m abʰicáran

Line : 7  Pada: aw     sómo * vā́ āsā́ṃ prajā́nām ádʰipatī rudrò 'gnír ádʰipatir vádʰyasya cāvadʰyásya ceśe \
      FN emended. Ed.: sóso. Mittwede, Textkritische Bemerkungen, p. 77

Line : 8  Pada: ax     ádʰipatim evaínaṃ niryā́cya rudrā́yā́pidadʰāti


Line : 9  Pada: ay     kr̥ṣṇā́nāṃ vrīhīṇā́ṃ bʰavati

Pada: az     kr̥ṣṇám iva vaí támas támo mr̥tyúr

Line : 10  Pada: ba     mr̥tyúnaivaínaṃ grāhayati


Pada: bb     śaramáyaṃ barhís \

Pada: bc     śīrtyai


Pada: bd     vaíbʰītaka idʰmás \

Line : 11  Pada: be     víbʰittyai


Pada: bf     saumāraudráṃ carúṃ nírvaped bʰrātr̥vyátāyai vā dvitīyátāyai vā

Line : 12  Pada: bg     tásyārdʰámardʰam̐ sárvam̐ syād ardʰám̐ śuklā́nāṃ vrīhīṇā́m̐ syād ardʰáṃ kr̥ṣṇā́nām ardʰám̐ śaramáyaṃ barhíṣo 'rdʰáṃ darbʰamáyam ardʰáṃ vaíbʰītakam idʰmásyārdʰám anyásya vr̥kṣásya

Line : 14  Pada: bh     sómo vaí brāhmaṇásya svā́ devátā

Pada: bi     svā́yām evā́smai devátāyāṃ dvitī́yaṃ janayati


Line : 15  Pada: bj     yád ardʰámardʰam \

Pada: bk     dvitīyatvā́yaivá tát


Pada: bl     saumāraudráṃ carúṃ nírvapet páyasy āmayāvínas

Line : 16  Pada: bm     saumyó vaí jī́vann āgneyáḥ prámītas \

Pada: bn     naíṣá jīvó ná mr̥tó yá āmayāvī́

Line : 17  Pada: bo     táyor evaínaṃ bʰāgadʰéyena níṣkrīṇāti //


Pada: bp     páyasi bʰavati

Pada: bq     páyo vaí páyaḥ

Line : 18  Pada: br     páyaḥ púruṣaḥ

Pada: bs     páya etásyāmayati yásyāmáyati

Pada: bt     páyasaivā́sya páyas spr̥ṇoti


Line : 19  Pada: bu     grasitáṃ vā́ eṣá etám̐ somārudráyor níṣkʰidati yó hótā bʰávati

Line : 20  Pada: bv     sá īśvaráḥ prámetos \

Pada: bw     anaḍvā́haṃ tásmai dadyāt

Pada: bx     tám̐ hanyāt

Pada: by     tásyāśnīyāt

Pada: bz     saívá tátra prā́yaścittis


Line : 21  Pada: ca     saumāraudráṃ carúṃ nírvapet prajā́kāmo vā paśúkāmo vā

Pada: cb     sómo vaí retodʰā́

Page: 151  
Line : 1  Pada: cc     rudrò 'gnís sá prajanayitā́

Pada: cd     sóma evā́smai réto dádʰāti \

Pada: ce     agníḥ prájanayati

Line : 2  Pada: cf     vindáte prajā́ṃ vā paśū́n vā yatarásmai kā́māya nirvápati //


Anuvaka: 6  
Line : 3  Pada: a     ādityébʰyo dʰāráyadvadbʰyaś carúṃ nírvaped áparuddʰo vāparurutsyámāno vā \

Pada: b     ādityā́ vaí trātā́ras \

Line : 4  Pada: c     ādityā́ aparoddʰā́ras

Pada: d     tā́n evá bʰāgadʰéyenópadʰāvati

Pada: e     tá enaṃ dādʰrati \


Line : 5  Pada: f     ādityébʰyo bʰúvanavadbʰyaś carúṃ nírvaped búbʰūṣan \

Pada: g     áditir vaí prajā́kāmaudanám apacat

Line : 6  Pada: h     tásyóccʰiṣṭam āśnāt

Pada: i     sā́ gárbʰam adʰatta

Pada: j     táta ādityā́ ajāyanta

Line : 7  Pada: k     sā́manyatetó me śréyām̐so 'janiṣyanta yát purástād ā́śiṣyam íti

Pada: l     sā́param apacat

Line : 8  Pada: m     tásyobʰayáta āśnāt purástāc copáriṣṭāc ca

Pada: n     sā́ gárbʰam adʰatta

Pada: o     sò 'ntár evá gárbʰo 'vadat

Line : 9  Pada: p     tá ādityā́ amanyantāyáṃ ca vaí janiṣyáte sá evédáṃ bʰaviṣyatī́ti

Line : 10  Pada: q     táṃ níragʰnan

Pada: r     sá nírasto 'śayat

Pada: s     sā́ tr̥tī́yam apacat \

Pada: t     ādityébʰya evā́stv evá sá yás tásmād yóner ábʰūd yásmād yūyám ásr̥jyadʰvam íti

Line : 11  Pada: u     tám̐ sámaskurvan \

Pada: v     tásya yán mr̥tám ā́sīt tád ápākr̥ntan

Line : 12  Pada: w     sa hasty àbʰavat \

Pada: x     yáj jīvám̐ sá vivásvām̐ ādityás

Line : 13  Pada: y     sá ná tátʰāsīd yátʰā téna bʰavitavyàm \

Pada: z     sá etám ādityébʰyo bʰúvadvadbʰyaś carúṃ níravapat

Line : 14  Pada: aa     svó vaí svā́ya nātʰitā́ya suhr̥dáyatamas

Pada: ab     svā́n evópādʰāvat

Line : 15  Pada: ac     táto vaí sò 'bʰavat \

Pada: ad     ādityā́ imā́ prajā́s svás svā́ya nātʰitā́ya suhr̥dáyatamas

Line : 16  Pada: ae     svā́n evá bʰāgadʰéyenópadʰāvati

Pada: af     bʰū́tyai

Pada: ag     bʰávaty eva \


Pada: ah     ā́dityā bʰāgáṃ vaḥ kariṣyāmī́ti nirvápan brūyād imám amúm āmuṣyāyaṇám amúṣyāḥ putrám amúṣyāṃ viśy ávagamayatéti

Line : 18  Pada: ai     bʰāgadʰéyam evaíbʰyaḥ kurván prā́ha


Pada: aj     tám ādityébʰyaś carúṃ nírvapati \

Line : 19  Pada: ak     ādityā́ vaí devaviśā́

Pada: al     devaviśā́ manuṣyaviśā́yā īśe

Pada: am     devaviśaívaínaṃ manuṣyaviśā́m ávagamayati


Line : 20  Pada: an     saptā́śvattʰā mayū́kʰā bʰavanti

Pada: ao     tā́n idʰmé 'pi prókṣati

Page: 152  
Line : 1  Pada: ap     tá ā́ sám̐stʰātor védyām̐ śerate

Pada: aq     tā́n sám̐stʰite madʰyameṣā́yām úpahantīdám ahám ādityā́n badʰnāmy amúṣyāmuṣyāyaṇásyāvagamā́yéti

Line : 2  Pada: ar     yády ā́ saptamā́d áhno nā́vagáccʰed idʰmáṃ tā́n kr̥tvā́parayā yajetaiváṃ dvitī́yayaiváṃ tr̥tī́yayā

Line : 3  Pada: as     trír vā́ ādityā́s saptásapta

Line : 4  Pada: at     yā́vanta evā́dityā́s tā́n badʰnāti

Pada: au     tá enaṃ * baddʰā́ mókṣamāṇā ávagamayanti //
      FN emended. Ed.: enáṃ. Mittwede, Textkritische Bemerkungen, p. 77


Line : 5  Pada: av     viśó vaí vīryàm ápākrāmat

Pada: aw     tád aśvattʰáṃ prā́viśat

Line : 6  Pada: ax     tásmād eṣó 'dʰr̥tas sarvā́hā parṇám ejáyam̐s tiṣṭʰati

Pada: ay     yád ā́śvattʰā bʰávanti

Pada: az     viśá evā́smin vīryàṃ badʰnāti


Line : 7  Pada: ba     satyā́śī́r ihá mána íti niruddʰásya padám ā́dadīta * \
      FN emended. Ed.: ādadʰīta. Mittwede, Textkritische Bemerkungen, p. 77

Line : 8  Pada: bb     ámanasa evaínān karoti \


Pada: bc     úpa préta marutas svatavasa enā́ viśpátinābʰy àmúṃ rā́jānam íti viśò 'bʰivātám abʰidʰvam̐sáyan párīyāt \

Line : 9  Pada: bd     abʰímanasa evaínān karoti


Line : 10  Pada: be     yáḥ parástād grāmyavādī́ syā́t tásya gr̥hā́d vrīhī́n ā́hareyus

Pada: bf     tā́ñ cʰuklā́m̐ś ca kr̥ṣṇā́m̐ś ca vícinuyur

Line : 11  Pada: bg     yé śuklā́s tám ādityébʰyaś carúṃ nírvapet \

Pada: bh     yé kr̥ṣṇā́ ní tā́n dadʰyus \

Line : 12  Pada: bi     ādityā́ vaí devaviśā́

Pada: bj     devaviśā́ manuṣyaviśā́yā īśe

Pada: bk     devaviśaívaínaṃ manuṣyaviśā́m ávagamayati \


Line : 13  Pada: bl     etád víśam avā́gann íty āhur átʰa kvà kṣatrám íti

Line : 14  Pada: bm     yadā́ vaí kṣatrám avagáccʰaty átʰā́vagaccʰati

Pada: bn     yadā́vagáccʰed yé kr̥ṣṇā́s táṃ vāruṇáṃ carúṃ nírvapet

Line : 15  Pada: bo     kṣatráṃ vaí váruṇas \

Pada: bp     váruṇa evaínaṃ kṣatrám ávagamayati \

Pada: bq     ubʰé víśā ávagaccʰati devaviśā́ṃ ca manuṣyaviśā́ṃ ca


Line : 16  Pada: br     yác cʰuklṣánām ādityébʰyo nirvápati

Line : 17  Pada: bs     tásmāc cʰuklá iva vaíśyo jāyate


Pada: bt     yát kr̥ṣṇā́nāṃ vāruṇám \

Pada: bu     tásmād dʰūmrá iva rājanyàḥ //


Anuvaka: 7  
Line : 19  Pada: a     agnér ā́yur asi tásya te manusyā̀ āyuṣkŕ̥tas ténāsmā́ amúṣmā ā́yur dʰehi \

Line : 20  Pada: b     índrasya prāṇás sá te prāṇáṃ dadātu yásya prāṇás tásmai te svā́hā

Pada: c     pitr̥̄ṇā́ṃ prāṇás té te prāṇáṃ dadatu yéṣāṃ prāṇás tébʰyo vas svā́hā

Line : 21  Pada: d     marútāṃ prāṇás té te prāṇáṃ dadatu yéṣāṃ prāṇás tébʰyo vas svā́hā

Page: 153  
Line : 1  Pada: e     víśveṣāṃ devā́nāṃ prāṇás té te prāṇáṃ dadatu yéṣāṃ prāṇás tébʰyo vas svā́hā

Line : 2  Pada: f     prajā́pateḥ parameṣṭʰínaḥ prāṇás sá te prāṇáṃ dadātu yáyoḥ prāṇás tā́bʰyāṃ vām̐ svā́hā

Line : 3  Pada: g     yád ásarpas tát sarpír abʰavas \

Line : 4  Pada: h     yán návam aís tán návanītam abʰavas \

Pada: i     yád ágʰriyatʰās * tád gʰr̥tám abʰavaḥ //
      FN Mittwede, Textkritische Bemerkungen, p. 77

Line : 5  Pada: j     gʰr̥tásya dʰā́rām amŕ̥tasya pantʰām índreṇa dattáṃ práyataṃ marúdbʰiḥ /

Line : 6  Pada: k     tát tvā víṣṇur ánvapaśyat tát tvéḍā gávy airayat //

Line : 7  Pada: l     pāvamānéna tvā stómena gāyatryā́ vartanyópām̐śór vīryèṇóddʰarāmy asau

Line : 8  Pada: m     br̥hatā́ tvā ratʰantaréṇa triṣṭúbʰā vartanyā́ śukrásya vīryèṇótsr̥jāmy asau \

Line : 9  Pada: n     agnés tvā mā́trayā jágatyā vartanyā́ devás tvā savitónnayatu jīvā́tave jīvanasyā́yā asau

Line : 10  Pada: o     devā́ ā́yuṣmantas tè 'mŕ̥tenā́yuṣmantas

Pada: p     téṣām ayám ā́yuṣā́yuṣmān astv asaú

Line : 11  Pada: q     bráhmā́yuṣmat tád brāhmaṇaír ā́yuṣmat

Pada: r     tásyāyám ā́yuṣā́yuṣmān astv asaú \

Line : 12  Pada: s     agnír ā́yuṣmān sá vánaspátibʰir ā́yuṣmām̐s tásyāyám ā́yuṣā́yuṣmān astv asaú

Line : 13  Pada: t     yajñá ā́yuṣmān sá dákṣiṇābʰir ā́yuṣmām̐s tásyāyám ā́yuṣā́yuṣmān astv asaú

Pada: u     sóma ā́yuṣmān sá óṣadʰībʰir ā́yuṣmām̐s tásyāyám ā́yuṣā́yuṣmān astv asaú \

Line : 14  Pada: v     óṣadʰaya ā́yuṣmatīs tā́ adbʰir ā́yuṣmatīs tā́sām ayám ā́yuṣā́yuṣmān astv asaú //

Line : 16  Pada: w     imám agna ā́yuṣe várcase kr̥dʰi tigmám ójo varuṇa sám̐śiśādʰi /

Line : 17  Pada: x     mātévāsmā adite śárma yaccʰa víśve devā jarádaṣṭir yátʰā́sat //

Line : 18  Pada: y     aśvínoḥ prāṇás taú te prāṇáṃ dattāṃ téna jīva

Pada: z     mitrā́váruṇayoḥ prāṇás taú te prāṇáṃ dattāṃ téna jīva

Line : 19  Pada: aa     bŕ̥haspáteḥ prāṇás sá te prāṇáṃ dadātu téna jīva //


Anuvaka: 8  
Line : 21  Pada: a     āgnāvaiṣṇavám ékādaśakapālaṃ nírvapet sārasvatáṃ carúṃ bārhaspatyáṃ carúṃ pūrvedyúr etáyā yakṣyámāṇas \

Page: 154  
Line : 1  Pada: b     agnír vaí sárvā devátā víṣṇur yajñó vā́k sárasvatī bráhma bŕ̥haspátis \

Line : 2  Pada: c     etā́ evá devátāḥ pūrvedyúr gr̥hṇāti

Pada: d     prāṇā́ vaí devátāḥ

Pada: e     prāṇā́n evá gr̥hītvópavasati \


Line : 3  Pada: f     āgneyám aṣṭā́kapālam̐ śvó nírvapet saumyáṃ carúm ádityai * carúṃ vāruṇáṃ yavamáyaṃ carúm agnáye vaiśvānarā́ya dvā́daśakapālam āmayāvī́ \
      FN Mittwede, Textkritische Bemerkungen, p. 78

Line : 4  Pada: g     agníṃ vaí púruṣasya prámītasya mām̐sā́ni gaccʰanti

Line : 5  Pada: h     sómaṃ rásaḥ

Pada: i     pr̥tʰivī́m̐ śárīram

Line : 6  Pada: j     iyám áditis \

Pada: k     asyā́m̐ hí śáye \

Pada: l     etā́ vaí devátāḥ púruṣasyeśate

Pada: m     tā́bʰya evaínam ádʰi sámīrayati //

Line : 7  Pada: n     saumyó vaí jī́vann āgneyáḥ prámītas \

Pada: o     naíṣá jīvó ná mr̥tó yá āmayavī́

Line : 8  Pada: p     táyor evaínaṃ bʰāgadʰéyena níṣkrīṇāti


Pada: q     váruṇagr̥hīta eṣá yá āmayāvī́

Line : 9  Pada: r     yád vāruṇás \

Pada: s     váruṇād evaínaṃ muñcati


Pada: t     yavamáyo bʰavati

Line : 10  Pada: u     prādeśamātró bʰavati

Pada: v     saṃvatsaró vā́ agnír vaiśvānará ā́yus saṃvatsarás

Pada: w     saṃvatsará evaínam ā́yuṣi prátiṣṭʰāpayati

Line : 11  Pada: x     sárvam ā́yur eti


Pada: y     páñcaitā́ni havī́m̐ṣi

Pada: z     pā́ṅktaḥ púruṣaḥ

Line : 12  Pada: aa     púruṣam evā́pnoti \


Pada: ab     agnér ā́yur asī́ti híraṇyaṃ gʰr̥té 'vadadʰāti \

Pada: ac     agnijā́ vaí híraṇyaṃ manuṣyā̀ agnér āyuṣkŕ̥tas

Line : 13  Pada: ad     taír evā́smā ā́yur dadʰāti \


Pada: ae     índrasya prāṇá íti \

Line : 14  Pada: af     etaddevatyā̀ vaí prāṇā́s

Pada: ag     tā́n evā́smin dadʰāti \

Pada: ah     etaddevatyā̀ díśas \

Pada: ai     yatʰādevatám evaínaṃ digbʰyó 'dʰi sámīrayati


Line : 15  Pada: aj     pañcaitā́ni juhoti

Pada: ak     pā́ṅktaḥ púruṣaḥ

Pada: al     púruṣam evá spr̥ṇoti * //
      FN emended. Ed.: spr̥ṇoni. Mittwede, Textkritische Bemerkungen, p. 78


Line : 16  Pada: am     sárva r̥tvíjaḥ páryāhus

Pada: an     sárva evā́smā r̥tvíjaś cikitsanti


Line : 17  Pada: ao     brahmáṇo hástam ánu páryāhus \

Pada: ap     bráhma vaí brahmā́

Pada: aq     bráhmaṇaivā́sminn ekadʰā́yur dadʰati


Line : 18  Pada: ar     yád ásarpa íti

Pada: as     gʰr̥tásyaivaítáj jánma bandʰútāṃ vīryàṃ vyā́caṣṭe


Line : 19  Pada: at     pāvamānéna tvā stómenéti \

Pada: au     etā́vad vā́vā́sti yā́vad gráhās stómāś cʰándām̐si

Line : 20  Pada: av     yā́vad evā́sti tā́vatāsmai cikitsati \


Pada: aw     úddʰarāmy útsr̥jāmy únnayatv íti{FN emended. Ed.: únnayāmī́ti. *
      FN Mittwede, Textkritische Bemerkungen, p. 78

Pada: ax     yátʰā vádʰyam uddʰáraty utsr̥játy unnáyaty evám evaínam etád úddʰaraty útsr̥jaty únnayati


Line : 21  Pada: ay     devā́ ā́yuṣmanta iti práyaccʰati \

Page: 155  
Line : 1  Pada: az     eté vaí devā́ ā́yuṣmantas

Pada: ba     taír evā́smā ā́yuḥ práyaccʰati


Line : 2  Pada: bb     tát pibati \

Pada: bc     ā́yur evá tát pibati


Pada: bd     yád evá tásya tán nír iva dʰayed dʰíraṇyād gʰr̥tám \

Line : 3  Pada: be     téjo vaí híraṇyam ā́yur gʰr̥tám \

Pada: bf     téjasa evā́dʰy ā́yur ātmán dʰatte \


Pada: bg     imám agna ā́yuṣe várcase kr̥dʰī́ti híraṇyam ā́badʰnāti \

Line : 4  Pada: bh     agnír vaí sárvā devátās \

Pada: bi     ā́yur híraṇyam \

Line : 5  Pada: bj     sárvābʰir evā́smai devátābʰir ā́badʰnāti


Pada: bk     tigmám ójo varuṇa sám̐śiśādʰī́ti *
      FN emended. Ed.: sám̐śiādʰī́ti. Mittwede, Textkritische Bemerkungen, p. 78

Line : 6  Pada: bl     sám evaínam̐ śyati


Pada: bm     mātévāsmā ádite śárma yaccʰéti \

Pada: bn     iyám áditis \

Pada: bo     asyā́m evaínaṃ prátiṣṭʰāpayati


Line : 7  Pada: bp     víśve devā jarádaṣṭir yátʰā́sad íti

Pada: bq     jarā́mr̥tyum evaínaṃ karoti \


Pada: br     aśvínoḥ prāṇó mitrā́váruṇayor br̥haspáter íti \

Line : 8  Pada: bs     etaddevatyā̀ vaí prāṇā́s

Pada: bt     tā́n evā́smin dadʰāti

Line : 9  Pada: bu     tā́n asminn ádʰi víyātayati

Pada: bv     tā́n asmād ánapagān karoti //


Anuvaka: 9  
Line : 11  Pada: a     purovāto jinva rāvat svāhā

Pada: b     vātāvān varṣann ugra rāvat svāhā

Pada: c     stanayan varṣan bʰīma rāvat svāhā \

Line : 12  Pada: d     avaspʰūrjan vidyud varṣam̐s tveva rāvat svāhā \

Pada: e     atirātraṃ vavr̥ṣvān pūta rāvat svāhā

Line : 13  Pada: f     bahu hāyam avr̥ṣad iti śruta rāvat svāhā

Pada: g     tapati varṣan virāḍ rāvat svāhā

Line : 14  Pada: h     naśany * àvaspʰūrjan vidyud varṣan bʰūta rāvat svāhā
      FN Mittwede, Textkritische Bemerkungen, p. 78

Pada: i     māndā vaśāś śundʰyuvo 'jirā undatīs supʰenā jyotiṣmatīs tamasvatīs \

Line : 15  Pada: j     mitrabʰr̥taḥ kṣatrabʰr̥tas surāṣṭrā iha māvata //

Line : 16  Pada: k     vr̥ṣṇas saṃdānam asi

Pada: l     vr̥ṣṭyai tvopanahyāmi

Line : 17  Pada: m     devā vasavyā agne soma sūrya \

Pada: n     udno datta \

Pada: o     udadʰiṃ bʰinta *
      FN Mittwede, Textkritische Bemerkungen, p. 78: bʰintta

Pada: p     divaḥ parjanyād antarikṣāt pr̥tʰivyās

Line : 18  Pada: q     tato mā vr̥ṣṭyāvata

Pada: r     devāś śarmaṇyā mitra varuṇāryaman \

Line : 19  Pada: s     udno datta \

Pada: t     udadʰiṃ bʰinta *
      FN Mittwede, Textkritische Bemerkungen, p. 78: bʰintta

Pada: u     divaḥ parjanyād antarikṣāt pr̥tʰivyās

Pada: v     tato mā vr̥ṣṭyāvata

Line : 20  Pada: w     devās sapītayo 'pāṃ napād āśuheman \

Pada: x     udno datta \

Pada: y     udadʰiṃ bʰinta *
      FN Mittwede, Textkritische Bemerkungen, p. 78: bʰintta

Pada: z     divaḥ parjanyād antarikṣāt pr̥tʰivyās

Line : 21  Pada: aa     tato mā vr̥ṣṭyāvata //

Page: 156  
Line : 1  Pada: ab     divā cit tamaḥ kr̥ṇvanti parjanyenodavāhena /

Line : 2  Pada: ac     yat pr̥tʰivīṃ vyundanti //

Line : 3  Pada: ad     udīrayata marutas samudrato yūyaṃ vr̥ṣṭiṃ varṣayatʰā purīṣiṇaḥ /

Line : 4  Pada: ae     na vo dasrā upadasyanti dʰenavaś śubʰaṃ yātām anu ratʰā avr̥tsata //

Line : 5  Pada: af     ā yaṃ naras sudānavo dadāśuṣe divaḥ kośam acucyavuḥ /

Line : 6  Pada: ag     pra parjanyas sr̥jatāṃ rodasī anu dʰanvanā yantu vr̥ṣṭayaḥ //

Line : 7  Pada: ah     sr̥jā vr̥ṣṭiṃ divas \

Pada: ai     ādbʰis samudraṃ pr̥ṇa

Pada: aj     ye devā divibʰāgā ye 'ntarikṣabʰāgā ye pr̥tʰivibʰāgās ta imaṃ yajñam avantu ta idaṃ kṣetram āviśantu ta idaṃ kṣetram anuviviśantu \

Line : 9  Pada: ak     abjā asi pratʰamajās \

Pada: al     balam asi samudriyam \

Pada: am     divo dʰārāṃ bʰinddʰi

Line : 10  Pada: an     mārutam asi marutām ojas \

Pada: ao     apāṃ dʰārāṃ bʰinddʰi //

Line : 11  Pada: ap     unnambʰaya pr̥tʰivīṃ bʰinddʰīdaṃ divyaṃ nabʰaḥ /

Line : 12  Pada: aq     udno divyasya no dehīśāno viṣyā dr̥tim //

Line : 13  Pada: ar     kr̥ṣṇaṃ niyānam̐ harayas suparṇā apo vasānā divam utpatanti /

Line : 14  Pada: as     ta āvavr̥tran sadanāni rātvī * gʰr̥tena dyāvāpr̥tʰivī vyundan //
      FN Mittwede, Textkritische Bemerkungen, p. 78


Anuvaka: 10  
Line : 15  Pada: a     kr̥ṣṇājináṃ bʰavati mádʰu karī́rāṇi śyāvásyā́śvasya dā́ma

Pada: b     tā́ni pū́rvasyāgnér ánte nidʰā́ya kr̥ṣṇáṃ vā́so yájamānaṃ paridʰāpayitvā́nvārambʰayitvaítā́ni juhoti

Line : 17  Pada: c     vātanāmā́ni vā́ etā́ni \

Pada: d     eṣá vaí varṣásyeśe

Pada: e     yadā́ hy èṣá āpyāyáyati yadā́ samīráyati yadā́ pradāpáyaty átʰa varṣati

Line : 18  Pada: f     tám evá bʰāgadʰéyenópadʰāvati

Line : 19  Pada: g     sò 'smai prītó vŕ̥ṣṭiṃ nínayati \


Pada: h     aṣṭā́ etā́ni juhoti

Line : 20  Pada: i     cátasro díśaś cátasra upadiśā́s \

Pada: j     yatʰādiśám evá digbʰyó vŕ̥ṣṭim̐ saṃprácyāvayati


Line : 21  Pada: k     kr̥ṣṇājiné sáṃyauti

Pada: l     havír evá karoti


Pada: m     mádʰunā sáṃyauti \

Pada: n     apā́ṃ vā́ eṣá óṣadʰīnāṃ ráso yán mádʰu \

Page: 157  
Line : 1  Pada: o     adbʰyá eṣá óṣadʰibʰyo varṣati

Pada: p     yárhi várṣaty adbʰyá * evaúṣadʰibʰyo vŕ̥ṣṭiṃ nínayati //
      FN Mittwede, Textkritische Bemerkungen, p. 78


Line : 2  Pada: q     mā́ndā váśā íti \

Pada: r     etā́ni vā́ apā́ṃ nāmadʰéyāni

Line : 3  Pada: s     yátʰādá ā́hā́sā ehy ásā ehī́ty evám evaínā etán nāmagrā́haṃ diváś cyāvayati


Line : 4  Pada: t     ná vā́ anyáyéty āhus saumyā́ ā́hutyā divó vŕ̥ṣṭiṃ cyāváyitum arhatī́ti

Line : 5  Pada: u     yátīn vaí sālāvr̥keyā́ ādan \

Pada: v     téṣām̐ śīrṣā́ṇi párāpatan \

Line : 6  Pada: w     té kʰarjū́rā abʰavan

Pada: x     yás somapītʰás sá ūrdʰvó 'patat

Pada: y     tā́ni karī́rāṇi

Pada: z     yát karī́rāṇi bʰávanti

Line : 7  Pada: aa     saumyaívā́hutyā divó vŕ̥ṣṭiṃ nínayati


Pada: ab     tásmāt karī́rāṇi ná striyaí dadyā́t \

Line : 8  Pada: ac     ná śūdrā́ya \

Pada: ad     asomapītʰá iva hy èṣá


Pada: ae     vŕ̥ṣṇas saṃdā́nam asi vr̥ṣṭyai tvópanahyāmī́ti

Line : 9  Pada: af     vŕ̥ṣā hy áśvo vŕ̥ṣā parjányas

Pada: ag     sámr̥ddʰyai


Pada: ah     śyāvásyā́śvasya dā́ma bʰavati

Line : 10  Pada: ai     śyāvá iva hy èṣá varṣiṣyán bʰavati //


Pada: aj     dévā vasavyā dévāś śarmaṇyā dévās sapītaya íti \

Line : 11  Pada: ak     etā́ vaí devátā varṣásyeśate

Pada: al     tā́bʰir evā́smā anvaháṃ vŕ̥ṣṭim iccʰati


Line : 12  Pada: am     kr̥ṣṇājiná úpanahyati \

Pada: an     r̥ksāmáyor vā́ etád rūpáṃ yát kr̥ṣṇājinám

Line : 13  Pada: ao     r̥ksāmā́bʰyām evā́smai vŕ̥ṣṭim iccʰati


Pada: ap     yádi várṣet tadaívéṣṭiṃ nírvapet \

Line : 14  Pada: aq     yádi ná várṣet tátʰaivá vaseyur

Pada: ar     ahorātré vaí mitrā́váruṇau \

Pada: as     ahorātré parjányó 'nuvarṣati

Line : 15  Pada: at     náktaṃ vā hí dívā vā várṣati \

Pada: au     etaú varṣásyeśāte

Pada: av     tā́ evá bʰāgadʰéyenópadʰāvati

Line : 16  Pada: aw     tā́ asmai prītaú vŕ̥ṣṭiṃ nínayatas \


Pada: ax     agnáye dʰāmaccʰáde śvò 'ṣṭā́kapālaṃ nírvapen mārutáṃ carúm̐ sauryám ékakapālam

Line : 17  Pada: ay     agnír vā́ itó vŕ̥ṣṭim údīrayati

Line : 18  Pada: az     dʰāmaccʰád iva bʰūtvā́ varṣati

Pada: ba     marútas sr̥ṣṭā́ṃ vŕ̥ṣṭiṃ nayanti //

Line : 19  Pada: bb     yadā́sā́ ādityò 'rvā́ṅ raśmíbʰiḥ paryāvártaté 'tʰa varṣati \

Pada: bc     etā́ vaí devátā varṣásyeśate

Line : 20  Pada: bd     tā́ evá bʰāgadʰéyenópadʰāvati

Pada: be     tā́ asmai prītā́ vŕ̥ṣṭiṃ nínayanti \


Page: 158  
Line : 1  Pada: bf     ápy ávarṣiṣyan várṣaty evá ṣáḍ etā́ni havī́m̐ṣi

Pada: bg     ṣáḍ vā́ r̥távas \

Pada: bh     r̥túbʰya evá vŕ̥ṣṭim̐ saṃprácyāvayati


Line : 2  Pada: bi     yát saptamám \

Pada: bj     saṃvátsarād evá téna vŕ̥ṣṭiṃ cyāvayati \


Line : 3  Pada: bk     átʰaitā́ mārutī́ś cátasraḥ pitryā̀s * tā́sāṃ tisŕ̥bʰiḥ pracáranti ny ékāṃ dadʰaty ŕ̥co 'nuvākyā̀ yájūm̐ṣi yājyā̀s \
      FN Mittwede, Textkritische Bemerkungen, p. 78: "piṇdyàs statt pitr̥yā̀s" (sic)

Line : 4  Pada: bl     marúto vaí varṣasyeśate

Pada: bm     tébʰya evá bʰū́yo bʰāgadʰéyaṃ karoti


Line : 5  Pada: bn     yā́ caturtʰī́ tā́m̐ sám̐stʰite 'psú juhoti sr̥jā́ vr̥ṣṭíṃ divá ā́dbʰís samudráṃ pr̥ṇéti \

Line : 6  Pada: bo     ābʰír evā́mū́r áccʰaity átʰo imā́ś caivā́mū́ś ca sám̐sr̥jati


Line : 7  Pada: bp     yé devā́ divíbʰāgā íti kr̥ṣṇājinám ávadʰūnoti

Pada: bq     díśaś caivá devátāś ca tarpayati \

Line : 8  Pada: br     átʰo imá evā́sya lokā́ abʰī̀ṣṭāḥ prītā́ bʰavanti


Pada: bs     saíṣā́ kārīrī́ nā́méṣṭis

Line : 9  Pada: bt     saṃvatsaráṃ karī́rāṇāṃ nā́śnīyād yá etáyā yájetā́tʰo yò 'nubruvītá

Line : 10  Pada: bu     tád asyā vratám * //
      FN emended. Ed.: vrátam. Mittwede, Textkritische Bemerkungen, p. 79


Anuvaka: 11  
Line : 11  Pada: a     yā vāṃ mitrāvaruṇau sahasyaujasyā rakṣasyā yātavyā tanūs tayā vāṃ vidʰema

Line : 12  Pada: b     tayemam amum āmuṣyāyaṇam amuṣyāḥ putram am̐haso muñcatam \

Pada: c     yas te rājan varuṇa deveṣu pāśas taṃ ta etad avayaje

Line : 13  Pada: d     tasmai svāhā

Pada: e     yas te rājan varuṇānne dvipātsu catuṣpātsu paśuṣu vanaspatiṣv oṣadʰīṣv apsu pr̥tʰivyāṃ pāśas taṃ ta etad avayaje

Line : 15  Pada: f     tasmai svāhā

Pada: g     yā vāṃ mitrāvaruṇau sahasyaujasyā rakṣasyā yātavyā tanūs tayā vām avidʰāma

Line : 16  Pada: h     tayemam amum āmuṣyāyaṇam amuṣyāḥ putram am̐haso 'mauktam //


Anuvaka: 12  
Line : 18  Pada: a     makṣū́ devávato rátʰaś śū́ro vā pr̥tsú kā́su cit /

Line : 19  Pada: b     devā́nāṃ yá ín máno yájamāna íyakṣati \

Pada: c     abʰī́d áyajvano bʰuvat //

Line : 20  Pada: d     nákiṣ ṭáṃ kármaṇā náśan ná práyoṣan ná yoṣati /

Line : 21  Pada: e     devā́nāṃ yá ín máno yájamāna íyakṣati \

Pada: f     abʰī́d áyajvano bʰuvat //

Page: 159  
Line : 1  Pada: g     ná yajamāna riṣyasi ná sunvāna ná devayo /

Line : 2  Pada: h     devā́nāṃ yá ín máno yájamāna íyakṣati \

Pada: i     abʰī́d áyajvano bʰuvat //

Line : 3  Pada: j     ásad átra suvī́ryam utá tyád āśváśvyam /

Line : 4  Pada: k     devā́nāṃ yá ín máno yájamāna íyakṣati \

Pada: l     abʰī́d áyajvano bʰuvat //

Line : 5  Pada: m     agniṃ vaḥ pūrvyaṃ girā devam īḍe vasūnām /

Line : 6  Pada: n     saparyantaḥ purupriyaṃ mitraṃ na kṣetrasādʰasam //

Line : 7  Pada: o     upakṣaranti sindʰavo mayobʰuva ījānaṃ ca yakṣyamāṇaṃ ca dʰenavaḥ /

Line : 8  Pada: p     pr̥ṇantaṃ ca papuriṃ ca śravasyavo gʰr̥tasya dʰārā upayanti viśvataḥ //

Line : 9  Pada: q     somārudrā vivr̥hataṃ viṣūcīm amīvā yā no gayam āviveśa /

Line : 10  Pada: r     āre bādʰetʰāṃ nirr̥tiṃ parācair asme bʰadrā sauśravasāni santu //

Line : 11  Pada: s     somārudrā yuvam etāny asme viśvā tanūṣu bʰeṣajāni dʰattam /

Line : 12  Pada: t     avasyataṃ muñcataṃ yan no asti tanūṣu baddʰaṃ kr̥tam eno asmat //

Line : 13  Pada: u     somārudrā dʰārayetʰām asuryaṃ pra vām iṣṭayo 'ram aśnuvantu /

Line : 14  Pada: v     damedame sapta ratnā dadʰānā śaṃ no bʰūtaṃ dvipade śaṃ catuṣpade //

Line : 15  Pada: w     somāpūṣaṇemau devau mahi vo mahatām avaḥ /

Line : 16  Pada: x     varuṇa mitrāryamann avām̐sy āvr̥ṇīmahe //

Line : 17  Pada: y     yajño devānām //

Line : 18  Pada: z     dʰāráyanta ādityā́so jágat stʰā́ devā́ víśvasya bʰúvanasya gopā́ḥ /

Line : 19  Pada: aa     dīrgʰā́dʰiyo rákṣamāṇā asuryàm r̥tā́vānaś cáyamānā r̥ṇā́ni //

Line : 20  Pada: ab     tisró bʰū́mīr dʰārayan trī́m̐r utá dyū́n trī́ṇi vratā́ vidátʰe antár eṣām /

Line : 21  Pada: ac     r̥ténādityā máhi vo mahitváṃ tád aryaman varuṇa mitra cā́ru //

Page: 160  
Line : 1  Pada: ad     imā́ gíra ādityébʰyo gʰr̥tásnūs sanā́d rā́jabʰyo juhvā̀ juhomi /

Line : 2  Pada: ae     śr̥ṇótu mitró aryamā́ bʰágo me tuvijātó váruṇo dákṣo ám̐śaḥ //

Line : 3  Pada: af     ādityā́so áditayas syāma pū́r devatrā́ vasavo martyatrā́ /

Line : 4  Pada: ag     sánema mitrāvaruṇā sánanto bʰávema dyāvāpr̥tʰivī bʰávantaḥ //

Line : 5  Pada: ah     imáṃ me varuṇa \

Pada: ai     ástabʰnād dyā́m ásuraḥ //


Anuvaka: 13  
Line : 6  Pada: a     ágnāviṣṇū

Pada: b     ágnāviṣṇū

Pada: c     pāvakā́ nas \

Pada: d     ā́ no divás \

Pada: e     bŕ̥haspate juṣásva naḥ //

Line : 8  Pada: f     bŕ̥haspátiḥ pratʰamáṃ jā́yāmāno mahó jyótiṣaḥ paramé vyòman /

Line : 9  Pada: g     saptā́syas tuvijātó ráveṇa ví saptáraśmir adʰamat támām̐si //

Line : 10  Pada: h     ágna ā́yūm̐ṣi pavase //

Line : 11  Pada: i     āyurdā́ deva jarásaṃ vr̥ṇānó gʰr̥táṃ vásāno gʰr̥tápr̥ṣṭʰo agne /

Line : 12  Pada: j     gʰr̥táṃ píbann amŕ̥taṃ cā́ru gávyaṃ pitéva putráṃ jaráse nayemám //

Line : 13  Pada: k     gayaspʰā́naḥ //

Line : 14  Pada: l     yā́ te dʰā́māni havíṣā yájanti tā́ te víśvā paribʰū́r astu yajñám /

Line : 15  Pada: m     gayaspʰā́naḥ pratáraṇas suvī́ró 'vīrahā prácarā soma dúryān //

Line : 16  Pada: n     sutrā́māṇam \

Pada: o     mahī́m ū ṣú \

Pada: p     imáṃ me varuṇa

Pada: q     tát tvā yāmi *
      FN Mittwede, Textkritische Bemerkungen, p. 79

Pada: r     vaiśvānaró na ūtáye

Line : 17  Pada: s     pr̥ṣṭó diví //

Line : 18  Pada: t     ramáyatā * marutaś śyenám āyínaṃ mánojavasaṃ vŕ̥ṣaṇam̐ suvr̥ktím /
      FN Mittwede, Textkritische Bemerkungen, p. 79

Line : 19  Pada: u     yéna śárdʰó 'vasr̥ṣṭam ugrám éti tám aśvinā páridʰattam̐ svastí //

Line : 20  Pada: v     abʰíkranda stanáya gárbʰam ā́dʰā udanvátā páridīyā rátʰena /

Line : 21  Pada: w     dŕ̥tim̐ sú karṣa víṣitaṃ nyàñcam̐ samā́ bʰavantūdváto nipādā́ḥ //

Page: 161  
Line : 1  Pada: x     ā́ te suparṇā́ aminantam̐ évaiḥ kr̥ṣṇó nonāva vr̥ṣabʰó yádīdám /

Line : 2  Pada: y     śivā́bʰir ná smáyamānābʰir ā́gāt pátanti míhas stanáyanty abʰrā́ //

Line : 3  Pada: z     kr̥ṣṇáṃ niyā́nam̐ hárayas suparṇā́ apó vásānā dívam útpatanti /

Line : 4  Pada: aa     tá ā́vavr̥tran sádanād r̥tásyā́d íd gʰr̥téna pr̥tʰivī́ vyùdyate //

Line : 5  Pada: ab     vāśréva vidyún mimāti vatsáṃ ná mātā́ siṣakti /

Line : 6  Pada: ac     yád eṣāṃ vr̥ṣṭír ásarji //

Line : 7  Pada: ad     divó no vr̥ṣṭíṃ maruto rarīdʰvaṃ prápinvata vŕ̥ṣṇo áśvasya dʰā́rāḥ /

Line : 8  Pada: ae     arvā́ṅ eténa stanayitnúnéhy apó niṣiñcánn ásuraḥ pitā́ naḥ //

Line : 9  Pada: af     pári yó raśmínā divó 'ntān mamé pr̥tʰivyā́ḥ /

Line : 10  Pada: ag     ubʰé ā́paprau ródasī mahitvā́ //

Line : 11  Pada: ah     váhiṣṭʰebʰir viháran yāsi tántum avavyáyann ásitaṃ deva vásma /

Line : 12  Pada: ai     dávidʰvato raśmáyas sū́ryasya cármevā́vādʰus támo apsv àntáḥ //


Line : 13  Pada: aj     iti śrīyajuṣi kāṭʰake carakaśākʰāyāmiṭʰimikāyāṃ mārutaṃ nāma ekādaśaṃ stʰānakaṃ saṃpūrṇam //


Next part


This text is part of the TITUS edition of Black Yajur-Veda: Kathaka-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.