TITUS
Avestan Corpus
Part No. 8
Previous part

Chapter: 7 
Paragraph: 1  zōt̰. u. rāspī::
Verse: Q1Aa    aṣ̌əm. vohū. vahištəm. astī. (si. bār.)::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.::

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.::

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.::
Verse: a    zōt̰:: aṣ̌aiia. daδąmi.2 xvarəϑəm.3 miiazdəm.
Verse: b       hauruuata.4 amərətāta.
Verse: c       gāuš.5 hudā̊.6
Verse: d          xṣ̌nūmaine.7 ahurahe. mazdā̊.
Verse: e          aməṣ̌anąm. spəṇtanąm::
Verse: f          xṣ̌nūmaine. sraoṣ̌ahe. aš́iiehe. aṣ̌iuuatō.8 vərəϑrājanō. frādat̰.gaēϑahe.::

Paragraph: 2 
Verse: a    aṣ̌aiia.1 daδąmi. haoməmca. para.haoməmca.2
Verse: b       xṣ̌nūmaine. zaraϑuštrahe. spitāmahe.3 aṣ̌aonō. frauuaṣ̌ə̄e::
Verse: c    aṣ̌aiia. daδąmi. aēsma.4 baoiδi.5
Verse: d       xṣ̌nūmaine. tauua. āϑrō.6 ahurahe. mazdā̊. puϑra.::

Paragraph: 3 
Verse: a    aṣ̌aiia. daδąmi.1 haomi.2
Verse: b       xṣ̌nūmaine. *aiβiiō. vaŋuhibiiō.3* apąm. vaŋuhīnąm.4 mazdaδātanąm::
Verse: c    aṣ̌aiia. daδąmi. āpəm. haomiiąm::5
Verse: d    aṣ̌aiia. daδąmi. gąm. jīuuiiąm::6
Verse: e    aṣ̌aiia. daδąmi. uruuarąm. haδānaēpatąm.7 aṣ̌aiia. uzdātąm.8
Verse: f       xṣ̌nūmaine. apąm. mazdaδātanąm.::

Paragraph: 4 
Verse: a    aṣ̌aiia. daδąmi. imat̰. barəsma. haδa.zaoϑrəm. haδa.aiβiiā̊ŋhanəm. aṣ̌aiia. frastarətəm.1
Verse: b       xṣ̌nūmaine. aməṣ̌anąm. spəṇtanąm::
Verse: c    aṣ̌aiia. daδąmi. vāca. humata. hūxta. huuaršta::2
Verse: d    aṣ̌aiia. daδąmi. gāϑanąmca. sraoϑrəm::
Verse: e    aṣ̌aiia. daδąmi. huuarštā̊.3 mąϑrā̊::
Verse: f    aṣ̌aiia. daδąmi. imąm. aŋhuiiąmca. ^aṣ̌aiiąmca.4 raϑβąmca. ratufritīmca.
Verse: g       xṣ̌nūmaine. yazatanąm. aṣ̌aonąm.5 mainiiauuanąm.6 gaēϑiianąm.7
Verse: h       xṣ̌nūmaine. hauuaheca.8 urunō.::

Paragraph: 5 
Verse: a    aṣ̌aiia. daδąmi. 1asniiaēibiiō. aṣ̌ahe. ratubiiō::
Verse: b       hāuuanə̄e. aṣ̌aone. aṣ̌ahe. raϑβe::
Verse: c    aṣ̌aiia. daδąmi. sāuuaŋhə̄e. vīsiiāica. aṣ̌aone. aṣ̌ahe. raϑβe::
Verse: d    aṣ̌aiia. daδąmi. miϑrahe. vouru.gaoiiaotōiš.2
Verse: e          hazaŋrō.gaoṣ̌ahe. baēuuarə.caṣ̌manō.
Verse: f          aoxtō.nāmanō. yazatahe.
Verse: g       rāmanō. xvāstrahe.::

Paragraph: 6 
Verse: a    aṣ̌aiia. daδąmi. rapiϑβināi.1 aṣ̌aone. aṣ̌ahe. raϑβe::2
Verse: b    aṣ̌aiia. daδąmi. frādat̰.fṣ̌auue.3 zaṇtumāica. aṣ̌aone. aṣ̌ahe. raϑβe::
Verse: c    aṣ̌aiia. daδąmi. aṣ̌ahe. vahištahe.
Verse: d       āϑrasca. ahurahe. mazdā̊.::

Paragraph: 7 
Verse: a    aṣ̌aiia. daδąmi. uzaiieirināi.1 aṣ̌aone. aṣ̌ahe. raϑβe::
Verse: b    aṣ̌aiia. daδąmi. frādat̰.vīrāi. dāx́iiumāica.2 aṣ̌aone. aṣ̌ahe. raϑβe::
Verse: c    aṣ̌aiia. daδąmi. bərəzatō. ahurahe. nafəδrō. apąm.
Verse: d       apasca. mazdaδātaiiā̊.::

Paragraph: 8 
Verse: a    aṣ̌aiia. daδąmi. aiβisrūϑrimāi.1 aibigaiiāi.2 aṣ̌aone. aṣ̌ahe. raϑβe::
Verse: b    aṣ̌aiia. daδąmi. frādat̰.vīspąm.hujiiātə̄e.3 zaraϑuštrōtəmāica. aṣ̌aone. aṣ̌ahe. raϑβe::
Verse: c    aṣ̌aiia. daδąmi. aṣ̌āunąm.4 frauuaṣ̌inąm.
Verse: d       γənąnąmca.5 vīrō.vąϑβanąm.
Verse: e       yāiriiaiiā̊sca.6 huṣ̌itōiš.7
Verse: f       amaheca. hutāštahe. huraoδahe.
Verse: g       vərəϑraγnaheca. ahuraδātahe.
Verse: h       vanaiṇtiiā̊sca.8 uparatātō.::

Paragraph: 9 
Verse: a    aṣ̌aiia. daδąmi. uṣ̌ahināi.1 aṣ̌aone. aṣ̌ahe. raϑβe::
Verse: b    aṣ̌aiia. daδąmi. bərəjiiāi. nmāniiāica. aṣ̌aone. aṣ̌ahe. raϑβe::
Verse: c    aṣ̌aiia. daδąmi. sraoṣ̌ahe. aš́iiehe.2 aṣ̌iuuatō.3 vərəϑrājanō. frādat̰.gaēϑahe.
Verse: d       raṣ̌naoš. razištahe.
Verse: e       arštātasca. frādat̰.gaēϑaiiā̊. varədat̰.gaēϑaiiā̊.::

Paragraph: 10 
Verse: a    aṣ̌aiia. daδąmi. 1māhiiaēibiiō. aṣ̌ahe. ratubiiō::
Verse: b       aṇtarəmā̊ŋhāi. aṣ̌aone. aṣ̌ahe. raϑβe::
Verse: c    aṣ̌aiia. daδąmi. pərənō.mā̊ŋhāi. vīṣ̌aptaϑāica. aṣ̌aone. aṣ̌ahe. raϑβe.::

Paragraph: 11 
Verse: a    aṣ̌aiia. daδąmi. 1yāiriiēibiiō. aṣ̌ahe. ratubiiō::
Verse: b       maiδiiōizarəmaiiāi.2 aṣ̌aone.3 aṣ̌ahe. raϑβe::
Verse: c    aṣ̌aiia. daδąmi. maiδiiōiṣ̌əmāi.4 aṣ̌aone. aṣ̌ahe. raϑβe::
Verse: d    aṣ̌aiia. daδąmi. paitišhahiiāi.5 aṣ̌aone. aṣ̌ahe. raϑβe::
Verse: e    aṣ̌aiia. daδąmi. aiiāϑrimāi.6 fraouruuaēštrimāi.7 varṣ̌niharštāica.8 aṣ̌aone. aṣ̌ahe. raϑβe::
Verse: f    aṣ̌aiia. daδąmi. maiδiiāiriiāi. aṣ̌aone. aṣ̌ahe. raϑβe::
Verse: g    aṣ̌aiia. daδąmi. hamaspaϑmaēdaiiāi.9 aṣ̌aone. aṣ̌ahe. raϑβe::
Verse: h    aṣ̌aiia. daδąmi. sarəδaēibiiō. aṣ̌ahe. ratubiiō.::

Paragraph: 12 
Verse: a    aṣ̌aiia. daδąmi. vīspaēibiiō. aēibiiō. ratubiiō.
Verse: b       yōi. həṇti. aṣ̌ahe. ratauuō. ϑraiiasca.1 ϑrisąsca. nazdišta. pairišhāuuanaiiō.2
Verse: c       yōi. həṇti. aṣ̌ahe. yat̰. vahištahe. mazdō.frasāsta.3 zaraϑuštrō.fraoxta.::

Paragraph: 13 
Verse: a    aṣ̌aiia. daδąmi. 1ahuraēibiia. miϑraēibiia. bərəzaṇbiia.2 aiϑiiajaŋhaēibiia.3 aṣ̌auuanaēibiia.
Verse: b       stārąmca. spəṇtō.mainiiauuanąm.4 dāmanąm.
Verse: c       tištriieheca.5 stārō. raēuuatō. xvarənaŋuhatō.6
Verse: d       mā̊ŋhaheca.7 gaociϑrahe.
Verse: e       huuarəca. xṣ̌aētahe. auruuat̰.aspahe. dōiϑrahe. ahurahe. mazdā̊.
Verse: f       miϑrahe. dax́iiunąm. daiŋ́hupatōiš::8
Verse: g    aṣ̌aiia. daδąmi.
Verse: h       (rōz.) 9ahurahe. mazdā̊. raēuuatō. xvarənaŋuhatō::6
Verse: i    aṣ̌aiia. daδąmi.
Verse: j       (māh.) aṣ̌āunąm.10 frauuaṣ̌inąm.::

Paragraph: 14 
Verse: a    aṣ̌aiia. daδąmi. tauua. āϑrō. ahurahe. mazdā̊. puϑra.
Verse: b       mat̰. vīspaēibiiō. ātərəbiiō::1
Verse: c    aṣ̌aiia. daδąmi. aiβiiō. vaŋuhibiiō.2
Verse: d       vīspanąmca. apąm. mazdaδātanąm.
Verse: e       vīspanąmca.3 uruuaranąm. mazdaδātanąm.

Paragraph: 15 
Verse: a    aṣ̌aiia. daδąmi. 1mąϑrahe. spəṇtahe. aṣ̌aonō. vərəziiaŋuhahe.2
Verse: b       dātahe. vīdaēuuahe.
Verse: c       dātahe. zaraϑuštrōiš.
Verse: d       darəγaiiā̊. upaiianaiiā̊.3
Verse: e       daēnaiiā̊. vaŋhuiiā̊. māzdaiiasnōiš.::

Paragraph: 16 
Verse: a    aṣ̌aiia. daδąmi. garōiš. uṣ̌idarənahe.1 mazdaδātahe. aṣ̌axvāϑrahe.
Verse: b       vīspaēṣ̌ąmca. gairinąm. aṣ̌axvāϑranąm. pouru.xvāϑranąm. mazdaδātanąm.
Verse: c       kāuuaiieheca. xvarənaŋhō. mazdaδātahe.
Verse: d       axvarətaheca.2 xvarənaŋhō. mazdaδātahe::
Verse: e    aṣ̌aiia. daδąmi. aṣ̌ōiš.3 vaŋhuiiā̊.
Verse: f       cistōiš. vaŋhuiiā̊.
Verse: g       ərəϑə̄. vaŋhuiiā̊.
Verse: h       rasąstātō. vaŋhuiiā̊.
Verse: i       xvarənaŋhō. sauuaŋhō. mazdaδātahe.::

Paragraph: 17 
Verse: a    aṣ̌aiia. daδąmi. dahmaiiā̊. vaŋhuiiā̊. āfritōiš.
Verse: b       dahmaheca. narš. aṣ̌aonō.
Verse: c       uγraheca. taxmahe. dāmōiš. upamanahe. yazatahe.::

Paragraph: 18 
Verse: a    aṣ̌aiia. daδąmi. 1ā̊ŋhąm. asaŋhąmca. ṣ̌ōiϑranąmca. gaoiiaoitinąmca.2 maēϑananąmca. auuō.xvarənanąmca.
Verse: b       apąmca. zəmąmca.3 uruuaranąmca.
Verse: c       aiŋ́hā̊sca.4 zəmō.
Verse: d       auuaiŋ́heca.5 aṣ̌nō.6
Verse: e       vātaheca. aṣ̌aonō.
Verse: f       strąm.7 mā̊ŋhō. hūrō. anaγranąm. raocaŋhąm. xvaδātanąm.
Verse: g       vīspanąmca. spəṇtahe. mainiiə̄uš.8 dāmanąm.
Verse: h          aṣ̌aonąm. aṣ̌aoninąmca.
Verse: i       aṣ̌ahe. raϑβąm.::

Paragraph: 19 
Verse: a    aṣ̌aiia. daδąmi. raϑβō. bərəzatō. yō.1 aṣ̌ahe::
Verse: b       raϑβąm. aiiaranąmca. asniianąmca.
Verse: c       māhiianąmca. yāiriianąmca. sarəδanąmca.
Verse: d          yōi. həṇti. aṣ̌ahe. ratauuō::
Verse: e       hāuuanōiš. raϑβō.::

Paragraph: 20 
Verse: a    1aṣ̌aiia. daδąmi. (zōt̰. u. rāspī::) xvarəϑəm. miiazdəm.
Verse: b       hauruuata. amərətāta.
Verse: c       gāuš. hudā̊.2
Verse: d          xṣ̌nūmaine. sraoṣ̌ahe. aš́iiehe.3 taxmahe. tanumąϑrahe. darṣ̌i.draoš.4 āhūiriiehe.5
Verse: e          aoxtō.nāmanō. yazatahe.::

Paragraph: 21 
Verse: a    aṣ̌aiia. daδąmi. haoməmca. para.haoməmca.1
Verse: b       xṣ̌nūmaine. zaraϑuštrahe. spitāmahe.2 aṣ̌aonō. frauuaṣ̌ə̄e.
Verse: c       aoxtō.nāmanō. yazatahe::
Verse: d    aṣ̌aiia. daδąmi. aēsma.3 baoiδi.4
Verse: e       xṣ̌nūmaine. tauua. āϑrō. ahurahe. mazdā̊. puϑra.
Verse: f       aoxtō.nāmanō. yazatahe.::
Paragraph: 20_R1 
Verse: a    (aṣ̌aiia. daδąmi. xvarəϑəm. miiazdəm.
Verse: b       hauruuata. amərətāta.
Verse: c       gāuš. hudā̊.
Verse: d          xṣ̌nūmaine. sraoṣ̌ahe. aš́iiehe. taxmahe. tanumąϑrahe. darṣ̌i.draoš. āhūiriiehe.
Verse: e          aoxtō.nāmanō. yazatahe.::
Paragraph: 21_R1 
Verse: a    aṣ̌aiia. daδąmi. haoməmca. para.haoməmca.
Verse: b       xṣ̌nūmaine. zaraϑuštrahe. spitāmahe. aṣ̌aonō. frauuaṣ̌ə̄e.
Verse: c       aoxtō.nāmanō. yazatahe::
Verse: d    aṣ̌aiia. daδąmi. aēsma. baoiδi.
Verse: e       xṣ̌nūmaine. tauua. āϑrō. ahurahe. mazdā̊. puϑra.
Verse: f       aoxtō.nāmanō. yazatahe. du. bār.::)

Paragraph: 22 
Verse: a    aṣ̌aiia. daδąmi. 1aṣ̌āunąm. frauuaṣ̌inąm. uγranąm. aiβiϑūranąm.
Verse: b       paoiriiō.t̰kaēṣ̌anąm. frauuaṣ̌inąm.
Verse: c       nabānazdištanąm.2 frauuaṣ̌inąm.::

Paragraph: 23 
Verse: a    aṣ̌aiia. daδąmi. vīspaēibiiō. aṣ̌ahe. ratubiiō::
Verse: b    aṣ̌aiia. daδąmi. vīspaēibiiō. vaŋhuδābiiō.1 yazataēibiiō. mainiiaoibiiascā.2 gaēϑiiaēibiiascā.3
Verse: c       yōi. həṇti. yasniiāca.4 vahmiiāca.5 aṣ̌āt̰. haca. yat̰. vahištāt̰.::

Paragraph: 24 
Verse: a    aṣ̌aiia. nō.1 paitī.2 jamiiāt̰.
Verse: b       3yehiiā. sauuā.4 iṣ̌ā̊ṇtī.5 rādaŋhō::6
Verse: c    ϑβōi.7 staotarascā.8 mąϑranascā. ahura. mazdā.9
Verse: d       aogəmadaēcā.10 usmahicā.11 vīsāmadaēcā::12
Verse: e    hiiat̰. mīždəm.13 mauuaēϑəm.14 fradadāϑā.15 daēnābiiō. mazdā. ahurā::
Verse: R1a    (ϑβōi. staotarascā. mąϑranascā. ahura. mazdā.
Verse: R1b       aogəmadaēcā. usmahicā. vīsāmadaēcā::
Verse: R1c    hiiat̰. mīždəm. mauuaēϑəm. fradadāϑā. daēnābiiō. mazdā. ahurā. du. bār.::)

Paragraph: 25 
Verse: a    ahiiā. huuō. nə̄.1 dāidī. ahmāicā.2 ahuiiē.3 manax́iiāica::4
Verse: b    tat̰. ahiiā. yā. tat̰. upā.5 jamiiāmā.
Verse: c       tauuācā.6 sarəm.7 aṣ̌ax́iiācā. vīspāi. yauuē.8::


Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xšaϑrəmcā. ahurāi.ā.   yim. drigubiiō. dadat̰. vāstārəm. (du. bār.)::


Paragraph: 26 
Verse: a    ahunəm. vairīm. yazamaide::
Verse: b    aršuxδəm.1 vācim.2 yazamaide::
Verse: c    dahmąm. vaŋuhīm.3 āfritīm.4 yazamaide::
Verse: d    uγrəm. taxməm. dāmōiš. upamanəm. yazatəm. yazamaide::
Verse: e    hauruuata. amərətāta. yazamaide::
Verse: f    gāuš.5 hudā̊.6 yazamaide::
Verse: g    haoməmca. para.haoməmca. yazamaide::
Verse: h    aēsmąsca. baoiδīmca.7 yazamaide::
Verse: i       frasasti.8 dahmaiiā̊. vaŋhuiiā̊. āfritōiš.9::


Paragraph: 27 
Verse: Q1a    yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.::::


Paragraph: 28  (rāspī::)
Verse: Q1a    yaϑā. ahū. vairiiō.
Verse: Q1b          yō.2 zaotā. frā.mē. mrūtē::
Verse: Q1c    (zōt̰::) aϑā. ratuš. aṣ̌āt̰cīt̰.3 haca.
Verse: Q1d       frā. aṣ̌auua. vīδuuā̊. mraotū.::::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.