TITUS
Avestan Corpus
Part No. 15
Previous part

Chapter: 14 
Paragraph: 1  zōt̰::
Verse: a    vīsāi. və̄. aməṣ̌ā. spəṇtā.1
Verse: b       staotā. zaotā. zbātā. yaštā.2 framarətā.3 aibijarətā.4
Verse: c          yūṣ̌mākəm. yasnāica. vahmāica.
Verse: d             yat̰. aməṣ̌anąm. spəṇtanąm.
Verse: e          ahmākəm. hauuaŋuhāica.5 aṣ̌auuastāica.
Verse: f             yat̰. saoš́iiaṇtąm.6 aṣ̌aonąm.7::

Paragraph: 2 
Verse: a    pairī.1 və̄.2 aməṣ̌ā.3 spəṇtā. huxṣ̌aϑrā. huδā̊ŋhō. daδąmi.
Verse: b       tanuuascīt̰. xvax́iiā̊. uštanəm.
Verse: c       pairī.4 vīspā̊. hujītaiiō.::

Paragraph: 3  {= Y. 2,18}
Verse: Q1a    1ahmiia. zaoϑre.2 barəsmanaēca. vīspe. aṣ̌auuanō. yazata. āiiese. yešti::
Verse: Q1b    vīspe. aṣ̌ahe. ratauuō. āiiese. yešti::
Verse: Q1c       hāuuanīm. paiti. ratūm.
Verse: Q1d       sāuuaŋhaēm.3 vīsīmca.4 paiti. ratūm.
Verse: Q1e       ratauuō. vīspe. mazišta. paiti. ratūm.::

Paragraph: 4  zōt̰. u. rāspī::
Verse: Q1a    1frauuarāne. mazdaiiasnō. zaraϑuštriš. vīdaēuuō. ahura.t̰kaēṣ̌ō::
Verse: Q1b       hāuuanə̄e. aṣ̌aone. aṣ̌ahe. raϑβe.
Verse: Q1c          yasnāica. vahmāica. xṣ̌naoϑrāica. frasastaiiaēca::
Verse: Q1d       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: Q1e          yasnāica. vahmāica. xṣ̌naoϑrāica. frasastaiiaēca::
Verse: Q1f       raϑβąm. aiiaranąmca. asniianąmca. māhiianąmca. yāiriianąmca.2 sarəδanąmca.
Verse: Q1g          yasnāica. vahmāica. xṣ̌naoϑrāica. (rāspī::) frasastaiiaēca.::

Paragraph: 5 
Verse: Q1a    zōt̰:: yaϑā. ahū. vairiiō.
Verse: Q1b       zaotā. frā.mē. mrūtē::
Verse: Q1c    rāspī:: yaϑā. ahū. vairiiō.
Verse: Q1d       yō. zaotā. frā.mē. mrūtē::
Verse: Q1e    zōt̰:: aϑā. ratuš. aṣ̌āt̰cīt̰. haca.
Verse: Q1f       frā. aṣ̌auua. vīδuuā̊. mraotū.::::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.