TITUS
Avestan Corpus
Part No. 14
Previous part

Chapter: 13 
Paragraph: 1  zōt̰::
Verse: a    ahurəm. mazdąm. āmruiiē.1 nmānahē. nmānō.patōiš. ratūm.
Verse: b       ā. vīsō. vīspatōiš. ratūm.
Verse: c       ā. zaṇtə̄uš. zaṇtupatōiš. ratūm.
Verse: d       ā. daiŋ́hə̄uš.2 daiŋ́hupatōiš.3 ratūm.
Verse: e    ā::4 γə̄nąnąm.5 ratūm. āmruiiē. daēnąm. māzdaiiesnīm.6
Verse: f       aṣ̌īm.7 vaŋuhīm.8 parə̄ṇdīm.9
Verse: g       yąmcā. bipaitištanąm. aṣ̌aonīm.10
Verse: h       imąmcā.11 ząm.
Verse: i          yā. nā̊.12 baraitī.13::

Paragraph: 2 
Verse: a    friiehē.1 vāzištahē.2 astōiš. ratūm. āmruiiē.3
Verse: b       ātrə̄m.4 ahurahe.5 mazdā̊::
Verse: c       aṣ̌əϑβōzgatəmą.6 gauuāstriiāuuarštəmą.7 narąm. aṣ̌āunąm.8
Verse: d    vāstriiehē.9 fṣ̌uiiaṇtō.10 ratūm. āmruiiē::
Verse: e       hastəmą.11 aṣ̌ahe.5 amą.12
Verse: f    raϑaēštā̊. ratūm.13 āmruiiē.14::

Paragraph: 3 
Verse: a    mazištāiš.1 vaēdiiāiš.2 daēnaiiā̊. māzdaiiasnōiš.3
Verse: b       aϑaurunō. ratūm. āmruiiē::
Verse: c    caṣ̌ānąscā.4 aēṣ̌ąmcīt̰.5 ratūš.6 āmruiiē.
Verse: d       ratūš.7 āstāiiā.8
Verse: e          aməṣ̌ąscā.9 spəṇtą.10
Verse: f          saoš́iiaṇtascā.11
Verse: g          dąhištą.12 aršuuacastəmą.13
Verse: h          aiβiiāmatəmą.14 ašxrāxvanutəmą::15
Verse: i    mazištą.16 amą.17 āmruiiē. daēnaiiā̊. māzdaiiasnōiš.
Verse: j       aϑaurunąscā. raϑaēštā̊scā. vāstriiąscā. fṣ̌uiiaṇtō.18::

Paragraph: 4 
Verse: a    1pairī. və̄.2 aməṣ̌ā.3 spəṇtā. huxṣ̌aϑrā. huδā̊ŋhō. daδąmi.4
Verse: b       tanuuascīt̰.5 xvax́iiā̊. uštanəm.6
Verse: c       pairī.1 vīspā̊. hujītaiiō::
Verse: d    rāspī:: iϑā.7 mainiiū. mamanāitē.8
Verse: e       iϑā.9 vaocātarə̄.10
Verse: f       iϑā.11 vāuuərəzātarə̄.12::

Paragraph: 5 
Verse: a    āat̰:: yaϑā.1 tū. ī.2 ahura. mazdā.3
Verse: b       mə̄ṇghācā.4 vaocascā. dā̊scā. varəšcā.5
Verse: c          yā. vohū.
Verse: d       aϑā. tōi. dadəmahī.6
Verse: e       aϑā. cīṣ̌mahī.7
Verse: f       aϑā. ϑβā. āiš.8 yazamaide.
Verse: g       aϑā. nəmax́iiāmahī.9
Verse: h       aϑā. iṣ̌ūidiiāmahī.9 ϑβā. mazdā.10 ahurā.::
Paragraph: 5_R1 
Verse: a    (yaϑā. tū. ī. ahura. mazdā.
Verse: b       mə̄ṇghācā. vaocascā. dā̊scā. varəšcā.
Verse: c          yā. vohū.
Verse: d       aϑā. tōi. dadəmahī.
Verse: e       aϑā. cīṣ̌mahī.
Verse: f       aϑā. ϑβā. āiš. yazamaide.
Verse: g       aϑā. nəmax́iiāmahī.
Verse: h       aϑā. iṣ̌ūidiiāmahī. ϑβā. mazdā. ahurā. du. bār.)::

Paragraph: 6  zōt̰::
Verse: a    vaŋhə̄uš. xvaētə̄uš.1 xvaētātā.
Verse: b       vaŋhə̄uš.2 aṣ̌ahiiā. ϑβā. pairijasāmaidē.3
Verse: c       vaŋhuiiā̊. fsəratuuō.4
Verse: d       vaŋhuiiā̊. ārmatōiš.::

Paragraph: 7 
Verse: a    gə̄ušcā. hudā̊ŋhō.1 gaiiex́iiācā.2 maraϑnō.3 aṣ̌aonō. frauuaṣ̌īm. yazamaide::
Verse: b    4zaraϑuštrahe. spitāmahe. iδa. aṣ̌aonō. aṣ̌īmca.5 frauuaṣ̌īmca. yazamaide.::


Verse: Q1a    6yeŋ́hē. hātąm.   āat̰. yesnē. paitī.:: vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.::
Verse: Q2Aa    zōt̰. u. rāspī:: yaϑā. ahū. vairiiō.   aϑā. ratuš. aṣ̌āt̰cīt̰. hacā. (čihār. bār.)
Verse: Q2Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Ac    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Cc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Dc    xšaϑrəmcā. ahurāi.ā.   yim. drigubiiō. dadat̰. vāstārəm.::


Verse: Q3Aa    aṣ̌əm. vohū. vahištəm. astī. (si. bār.)::
Verse: Q3Ab    uštā. astī. uštā. ahmāi.
Verse: Q3Ac    hiiat̰. aṣ̌āi. vahištāi. aṣ̌əm.::

Verse: Q3Ba    aṣ̌əm. vohū. vahištəm. astī::
Verse: Q3Bb    uštā. astī. uštā. ahmāi.
Verse: Q3Bc    hiiat̰. aṣ̌āi. vahištāi. aṣ̌əm.::

Verse: Q3Ca    aṣ̌əm. vohū. vahištəm. astī::
Verse: Q3Cb    uštā. astī. uštā. ahmāi.
Verse: Q3Cc    hiiat̰. aṣ̌āi. vahištāi. aṣ̌əm.::

Paragraph: 8 
Verse: a    ahunəm. vairīm. yazamaide::
Verse: b    aṣ̌əm. vahištəm. sraēštəm. aməṣ̌əm. spəṇtəm. yazamaide::
Verse: c    fraorəitīm.1 hāitīm.2 yazamaide::
Verse: d    fraorəitīmcā.3 āstaoϑβanəmcā.4 daēnaiiā̊. māzdaiiasnōiš. yazamaide.::


Verse: Q1a    yeŋ́hē. hātąm.   āat̰. yesnē. paitī.5 vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.::::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.