TITUS
Avestan Corpus
Part No. 17
Previous part

Chapter: 16 
Paragraph: 1 
Verse: a    ahurəm. mazdąm. aṣ̌auuanəm. aṣ̌ahe. ratūm. yazamaide.
Verse: b       huδā̊ŋhəm. mazištəm. yazatəm.
Verse: c       yim. səuuištəm.1 frādat̰.gaēϑəm.
Verse: d       dātārəm. vohunąm.2 dāmanąm::
Verse: e    ābiiō. rātābiiō. zaoϑrābiiō. aršuxδaēibiiasca.3 vāγžibiiō.4
Verse: f       vīspəmca. aṣ̌auuanəm. mainiiaom. yazatəm. yazamaide.::

Paragraph: 2 
Verse: a    zaraϑuštrəm. aṣ̌auuanəm. aṣ̌ahe. ratūm. yazamaide::
Verse: b    ābiiō. rātābiiō. zaoϑrābiiō. aršuxδaēibiiasca. vāγžibiiō.1
Verse: c       vīspəmca. aṣ̌auuanəm. gaēϑīm.2 yazatəm. yazamaide::3
Verse: d    zaraϑuštrahe. aṣ̌aonō. frauuaṣ̌īm. yazamaide::
Verse: e    zaraϑuštrahe.4 srauuā̊.5 yazamaide::
Verse: f    zaraϑuštrahe. daēnąm. yazamaide::
Verse: g    zaraϑuštrahe. varənəmca.6 t̰kaēṣ̌əmca. yazamaide.::

Paragraph: 3 
Verse: a    aŋhuiiaoš.1 aṣ̌acinaŋhō.2 pauruuā̊.3 dātā̊. dāmąn. aṣ̌aonīš::4
Verse: b       daϑuṣ̌ō. ahurahe. mazdā̊. raēuuatō. xvarənaŋuhatō.5 yazamaide::
Verse: c    vohu.6 manō. yazamaide::
Verse: d    aṣ̌əm. vahištəm. yazamaide::
Verse: e    xṣ̌aϑrəm. vairīm. yazamaide::
Verse: f    spəṇtąm. vaŋuhīm.7 ārmaitīm. yazamaide::
Verse: g    hauruuatātəm. yazamaide::
Verse: h    amərətatātəm.8 yazamaide.::

Paragraph: 4 
Verse: a    daδuuā̊ŋhəm.1 ahurəm. mazdąm. yazamaide::
Verse: b    ātrəm.2 ahurahe. mazdā̊.3 puϑrəm. yazamaide::
Verse: c    āpō. vaŋuhīš.4 mazdaδātā̊. aṣ̌aonīš. yazamaide::
Verse: d    huuarəxṣ̌aētəm. auruuat̰.aspəm. yazamaide::
Verse: e    mā̊ŋhəm. gaociϑrəm. yazamaide::
Verse: f    tištrīm.5 stārəm. raēuuaṇtəm. xvarənaŋuhaṇtəm.6 yazamaide::7
Verse: g    gə̄uš. huδā̊ŋhō. uruuānəm. yazamaide.::

Paragraph: 5 
Verse: a    daδuuā̊ŋhəm. ahurəm. mazdąm. yazamaide::
Verse: b    miϑrəm. vouru.gaoiiaoitīm. yazamaide::
Verse: c    sraoṣ̌əm. aṣ̌īm. yazamaide::
Verse: d    raṣ̌nūm. razištəm. yazamaide::
Verse: e    aṣ̌āunąm.1 vaŋuhīš.2 sūrā̊. spəṇtā̊. frauuaṣ̌aiiō. yazamaide::
Verse: f    vərəϑraγnəm. ahuraδātəm. yazamaide::
Verse: g    rāma. xvāstrəm. yazamaide::
Verse: h    vātəm. spəṇtəm. huδā̊ŋhəm. yazamaide.::

Paragraph: 6 
Verse: a    daδuuā̊ŋhəm. ahurəm. mazdąm. yazamaide::
Verse: b    daēnąm. vaŋuhīm.1 māzdaiiasnīm. yazamaide::
Verse: c    aṣ̌īm. vaŋuhīm.1 yazamaide::
Verse: d    arštātəm.2 yazamaide::
Verse: e    asmanəm. yazamaide::
Verse: f    ząm. huδā̊ŋhəm.3 yazamaide::
Verse: g    mąϑrəm. spəṇtəm. yazamaide::
Verse: h    anaγra. raocā̊. xvaδātā̊. yazamaide.::

Paragraph: 7 
Verse: a    xvanuuaitīš.1 aṣ̌ahe. vərəzō.2 yazamaide.
Verse: b       yāhu. iristanąm.3 uruuąnō.4 ṣ̌āiieṇti.5
Verse: c          yā̊.6 aṣ̌āunąm.7 frauuaṣ̌aiiō::
Verse: d    vahištəm. ahūm. aṣ̌aonąm. yazamaide.
Verse: e       raocaŋhəm. vīspō.xvāϑrəm.8::

Paragraph: 8 
Verse: a    1xṣ̌uuīδa. āzūiti.2 yazamaide.
Verse: b       tacat̰.āpa.3
Verse: c       uxṣ̌iiat̰.uruuara.4
Verse: d       āzōiš.5 daēuuō.dātahe. hamōistri.6
Verse: e          auuaiŋ́hā̊.7 mūš.8
Verse: f          auuaiŋ́hā̊.9 pairikaiiāi.10
Verse: g       paitištātaiiaēca. paitiscaptaiiaēca.11 paititarətaiiaēca.12
Verse: h          paitiiaogət̰.t̰baēṣ̌ahiiāica.13
Verse: i          aṣ̌əmaoγaheca.14 anaṣ̌aonō.15
Verse: j          sāstraheca. pouru.mahrkahe.16::

Paragraph: 9 
Verse: a    yazamaide. vīspā̊. āpō.
Verse: b    yazamaide. vīspā̊. uruuarā̊::
Verse: c    yazamaide. vīspā̊. vaŋhauuō.1
Verse: d    yazamaide. vīspā̊. vaŋuhīš::2
Verse: e    yazamaide. vīspā̊. mainiiauuaca.3 yazata. gaēϑiiāica.4
Verse: f       yōi.5 vaŋhuδā̊ŋhō.6 aṣ̌auuanō.7::

Paragraph: 10 
Verse: a    yazamaide. ϑβąm. maēϑanəm.1 yąm. ārmaitīm. spəṇtąm::
Verse: b    yazamaide. ϑβąm. maēϑanahe.2 paiti. aṣ̌āum. ahura. mazda.
Verse: c       druuafṣ̌aoš.3 druuō.vīrahe.4 druua.aṣ̌aciϑrahe.5
Verse: d       yahmi. zī. kācit̰.6 tanunąm. drājištəm.7 hāme.8 maēϑaine.9 miϑnāt̰.10
Verse: e          at̰. hama.11
Verse: f          at̰. zaiiene.::::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.