TITUS
Avestan Corpus
Part No. 47
Previous part

Chapter: 46 
Kamnamaēza Hāitiš



Paragraph: 1 
Verse: a    kām. nəmōi. ząm.1   kuϑrā. nəmōi.2 aiienī.
Verse: b    pairī.3 xvaētə̄uš.   airiiamanascā.4 dadaitī.
Verse: c    nōit̰. mā. xṣ̌nāuš.5   yā. vərəzə̄nā. hə̄cā.6
Verse: d    naēdā. dax́iiə̄uš.7   yōi.8 sāstārō.9 drəguuaṇtō.10
Verse: e    kaϑā.11 ϑβā.   mazdā. xṣ̌naoṣ̌āi.12 ahurā.13:

Paragraph: 2 
Verse: a    vaēdā. tat̰. yā.   ahmī.1 mazdā. anaēṣ̌ō.
Verse: b    mā. kamnafṣ̌uuā.2   hiiat̰cā.3 kamnānā.4 ahmī.
Verse: c    gərəzōi.5 tōi.   ā.īt̰.6 auuaēnā.7 ahurā.
Verse: d    rafəδrə̄m.8 caguuā̊.9   hiiat̰.10 friiō. friiāi. daidīt̰.
Verse: e    āxsō.11 vaŋhə̄uš.   aṣ̌ā.12 īštīm.13 manaŋhō.

Paragraph: 3 
Verse: a    kadā. mazdā.   yōi. uxṣ̌ānō. asnąm.1
Verse: b    aŋhə̄uš.2 darəϑrāi.   frō. aṣ̌ahiiā. frārəṇtē.3
Verse: c    vərəzdāiš. sə̄ṇghāiš.4   saoš́iiaṇtąm.5 xratauuō.6
Verse: d    kaēibiiō. ūϑāi.7   vohū. jimat̰.8 manaŋhā.
Verse: e    maibiiō.9 ϑβā.   sąstrāi.10 vərənē.11 ahurā.

Paragraph: 4 
Verse: a    at̰. tə̄ṇg.1 drəguuā̊.2   yə̄ṇg.1 aṣ̌ahiiā. važdrə̄ṇg.3 pāt̰.
Verse: b    gā̊.4 frōrətōiš.5   ṣ̌ōiϑrahiiā. vā. dax́iiə̄uš. vā.
Verse: c    dužazōbā̊.6 hąs.   xvāiš. š́iiaoϑanāiš.7 ahə̄mustō.8
Verse: d    yastə̄m.9 xṣ̌aϑrāt̰.   mazdā.10 mōiϑat̰.11 jiiātə̄uš. vā.
Verse: e    huuō. tə̄ṇg.12 frō.gā̊.13   paϑmə̄ṇg.14 hucistōiš.15 carāt̰.16

Paragraph: 5 
Verse: a    yə̄. vā.1 xṣ̌aiiąs.2   adąs.3 drītā.4 aiiaṇtəm.
Verse: b    uruuātōiš. vā.   huzə̄ṇtuš.5 miϑrōibiiō. vā.
Verse: c    raṣ̌nā.6 juuąs.7   yə̄. aṣ̌auuā. drəguuaṇtəm.
Verse: d    vīcirō.8 hąs.   tat̰. frō.9 xvaētauuē.10 mruiiāt̰.11
Verse: e    uzūiϑiiōi.12 īm.   mazdā.13 xrūniiāt̰.14 ahurā.15

Paragraph: 6 
Verse: a    at̰. yastə̄m.1 nōit̰.   nā. isəmnō.2 āiiāt̰.
Verse: b    drūjō.3 huuō.   dāmąn.4 ^haēϑahiiā.5 gāt̰.
Verse: c    6huuō. zī. drəguuā̊.7   yə̄. drəguuāitē.8 vahištō.
Verse: d    huuō. aṣ̌auuā.9   yahmāi. aṣ̌auuā. friiō.
Verse: e    hiiat̰.10 daēnā̊.   paouruiiā̊.11 dā̊. ahurā.

Paragraph: 7 
Verse: a    1kə̄m.nā. mazdā.   mauuaitē. pāiiūm. dadāt̰.2
Verse: b    hiiat̰.3 mā.4 drəguuā̊.   dīdarəṣ̌atā.5 aēnaŋhē.6
Verse: c    aniiə̄m. ϑβahmāt̰.   āϑrascā.7 manaŋhascā.
Verse: d    yaiiā̊. š́iiaoϑanāiš.8   aṣ̌əm. ϑraoštā.9 ahurā.10
Verse: e    tąm.mōi. dąstuuąm.11   daēnaiiāi.12 frāuuaocā.13

Paragraph: 8 
Verse: a    yə̄. vā. mōi. yā̊.   gaēϑā̊. dazdē.1 aēnaŋhē.2
Verse: b    nōit̰. ahiiā.mā.3   āϑriš.4 š́iiaoϑanāiš.5 frōsiiāt̰.6
Verse: c    paitiiaogət̰.7 tā.   ahmāi. jasōit̰. duuaēṣ̌aŋhā.8
Verse: d    tanuuə̄m.9 ā.   yā.10 īm. hujiiātōiš. pāiiāt̰.11
Verse: e    nōit̰. dužjiiātōiš.12   kācīt̰. mazdā.13 duuaēṣ̌aŋhā.

Paragraph: 9 
Verse: a    1kə̄. huuō. yə̄.mā.2   arədrō.3 cōiϑat̰.4 pouruiiō.5
Verse: b    yaϑā. ϑβā.   zəuuīštīm.6 uzəmōhī.7
Verse: c    š́iiaoϑanōi.8 spəṇtəm.   ahurəm. aṣ̌auuanəm.
Verse: d    yā.tōi.9 aṣ̌ā.   yā. aṣ̌āi.10 gə̄uš. taṣ̌ā. mraot̰.
Verse: e    iṣ̌əṇtī.11 mā.   tā.12 tōi. vohū. manaŋhā.

Paragraph: 10 
Verse: a    yə̄. vā. mōi. nā.   gənā. vā. mazdā. ahurā.
Verse: b    dāiiāt̰. aŋhə̄uš.   yā. tū.1 vōistā.2 vahištā.
Verse: c    aṣ̌īm.3 aṣ̌āi.   vohū. xṣ̌aϑrəm. manaŋhā.
Verse: d    yąscā.4 haxṣ̌āi.   xṣ̌māuuatąm. vahmāi.ā.
Verse: e    frō. tāiš.5 vīspāiš.   cinuuatō. frafrā.6 pərətūm.

Paragraph: 11 
Verse: a    xṣ̌aϑrāiš. yūjə̄n.1   karapanō.2 kāuuaiiascā.
Verse: b    akāiš. š́iiaoϑanāiš.3   ahūm.4 mərəṇgəidiiāi.5 maṣ̌īm.
Verse: c    yə̄ṇg.6 xvə̄.7 uruuā.   xvaēcā. xraodat̰.8 daēnā.
Verse: d    hiiat̰.9 aibī.gəmən.10   yaϑrā. cinuuatō.11 pərətuš.12
Verse: e    yauuōi. vīspāi.   drūjō.13 dəmānāi.14 astaiiō.

Paragraph: 12 
Verse: a    hiiat̰.1 us. aṣ̌ā.   naptiiaēṣ̌ū.2 nafṣ̌ucā.
Verse: b    tūrahiiā. uzjə̄n.3   friiānahiiā. aojiiaēṣ̌ū.
Verse: c    ārmatōiš.   gaēϑā̊. frādō. ϑβaxṣ̌aŋhā.
Verse: d    at̰.īš.4 vohū.   hə̄m.5 aibī.mōist.6 manaŋhā.
Verse: e    aēibiiō. rafəδrāi.7   mazdā̊.8 sastē.9 ahurō.

Paragraph: 13 
Verse: a    yə̄. spitāməm.   zaraϑuštrəm. rādaŋhā.
Verse: b    marətaēṣ̌ū. xṣ̌nāuš.1   huuō. nā.2 fərasrūidiiāi.3 ərəδβō.4
Verse: c    at̰. hōi.5 mazdā̊.6   ahūm. dadāt̰. ahurō.
Verse: d    ahmāi. gaēϑā̊.7   vohū. frādat̰. manaŋhā.
Verse: e    tə̄m. və̄. aṣ̌ā.   mə̄hmaidī.8 hušhaxāim.9

Paragraph: 14 
Verse: a    zaraϑuštrā.1   kastē.2 aṣ̌auuā. uruuaϑō.
Verse: b    mazōi. magāi.   kə̄.vā. fərasrūidiiāi.3 vaštī.4
Verse: c    at̰. huuō. kauuā.   vīštāspō.5 yāhī.6
Verse: d    yə̄ṇgstū.7 mazdā.   hadəmōi.8 minaš.9 ahurā.
Verse: e    tə̄ṇg.10 zbaiiā.11   vaŋhə̄uš. uxδāiš. manaŋhō.

Paragraph: 15 
Verse: a    haēcat̰.aspā.1   vaxṣ̌iiā.və̄.2 spitamā̊ŋhō.3
Verse: b    hiiat̰.4 dāϑə̄ṇg.5   vīcaiiaϑā. adāϑąscā.
Verse: c    tāiš. yūš. š́iiaoϑanāiš.6   aṣ̌əm. xṣ̌maibiiā. daduiiē.7
Verse: d    yāiš. dātāiš.   paouruiiāiš.8 ahurahiiā.
Verse: e    ???

Paragraph: 16 
Verse: a    fəraṣ̌aoštrā.1   aϑrā. tū.2 arədrāiš. idī.
Verse: b    huuō.guuā. tāiš.   yə̄ṇg.3 usuuahī.4 uštā.stōi.5
Verse: c    yaϑrā. aṣ̌ā.   hacaitē.6 ārmaitiš.
Verse: d    yaϑrā. vaŋhə̄uš.   manaŋhō. īštā.7 xṣ̌aϑrəm.8
Verse: e    yaϑrā. mazdā̊.9   varədəmąn.10 ṣ̌aēitī.11 ahurō.

Paragraph: 17 
Verse: a    yaϑrā.1 və̄.2   afṣ̌mānī.3 sə̄ṇghānī.4
Verse: b    nōit̰. anafṣ̌mąm.   də̄jāmāspā.5 huuō.guuā.6
Verse: c    hadā. və̄stā.7   vahmə̄ṇg.8 səraoṣ̌ā.9 rādaŋhō.10
Verse: d    yə̄. vīcinaot̰.11   dāϑəmcā. adāϑəmcā.
Verse: e    daṇgrā.12 maṇtū.13   aṣ̌ā. mazdā̊.14 ahurō.

Paragraph: 18 
Verse: a    yə̄. maibiiā. yaoš.1   ahmāi. ascīt̰. vahištā.
Verse: b    max́iiā̊. ištōiš.2   vohū. cōiṣ̌əm.3 manaŋhā.
Verse: c    ąstə̄ṇg.4 ahmāi.   yə̄. nā̊.5 ąstāi.6 daidītā.
Verse: d    mazdā. aṣ̌ā.   xṣ̌mākəm. vārəm. xṣ̌naoṣ̌əmnō.7
Verse: e    tat̰. mōi. xratə̄uš.   manaŋhascā. vīciϑəm.8

Paragraph: 19 
Verse: a    yə̄. mōi.1 aṣ̌āt̰.2   haiϑīm. hacā. varəṣ̌aitī.3
Verse: b    zaraϑuštrāi.   hiiat̰.4 vasnā. fəraṣ̌ōtəməm.5
Verse: c    ahmāi. mīždəm.6   hanəṇtē.7 parāhūm.
Verse: d    manə̄.vistāiš.8   mat̰. vīspāiš. gāuuā.9 azī.10
Verse: e    tācīt̰. mōi. sąs.11   tuuə̄m.12 mazdā. vaēdištō.13::

Paragraph: 20  (..)
Verse: Q1Aa    uštā. ahmāi.   yahmāi. uštā. kahmāicīt̰.
Verse: Q1Ab    vasə̄.xṣ̌aiiąs.   mazdā̊. dāiiāt̰. ahurō.
Verse: Q1Ac    utaiiūitī.   təuuīṣ̌īm. gat̰.tōi. vasəmī.
Verse: Q1Ad    aṣ̌əm. dərədiiāi.   tat̰. mōi. dā̊. ārmaitē.
Verse: Q1Ae    rāiiō. aṣ̌īš.   vaŋhə̄uš. gaēm. manaŋhō.:: (..)

Verse: Q1Ba    uštā. ahmāi.   yahmāi. uštā. kahmāicīt̰.
Verse: Q1Bb    vasə̄.xṣ̌aiiąs.   mazdā̊. dāiiāt̰. ahurō.
Verse: Q1Bc    utaiiūitī.   təuuīṣ̌īm. gat̰.tōi. vasəmī.
Verse: Q1Bd    aṣ̌əm. dərədiiāi.   tat̰. mōi. dā̊. ārmaitē.
Verse: Q1Be    rāiiō. aṣ̌īš.   vaŋhə̄uš. gaēm. manaŋhō.::

Verse: Q2Aa    aṣ̌əm. vohū. vahištəm. astī::
Verse: Q2Ab    uštā. astī. uštā. ahmāi.
Verse: Q2Ac    hiiat̰. aṣ̌āi. vahištāi. aṣ̌əm.:: (..)

Verse: Q2Ba    aṣ̌əm. vohū. vahištəm. astī::
Verse: Q2Bb    uštā. astī. uštā. ahmāi.
Verse: Q2Bc    hiiat̰. aṣ̌āi. vahištāi. aṣ̌əm.

Verse: Q2Ca    aṣ̌əm. vohū. vahištəm. astī::
Verse: Q2Cb    uštā. astī. uštā. ahmāi.
Verse: Q2Cc    hiiat̰. aṣ̌āi. vahištāi. aṣ̌əm.

Verse: a    kamnamaēząm.2 hāitīm. yazamaide.::
Verse: b    uštauuaitīm. gāϑąm. aṣ̌aonīm. aṣ̌ahe. ratūm. yazamaide::
Verse: c    uštauuaitiiā̊. gāϑaiiā̊. haṇdātā.3 yazamaide.::

Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.