TITUS
Avestan Corpus
Part No. 49
Previous part

Chapter: 48 
Yeziδa Hāitiš



Paragraph: 1 
Verse: a    yezī. adāiš.1   aṣ̌ā. drujəm.2 və̄ṇŋhaitī.3
Verse: b    hiiat̰.4 ąsaṣ̌utā.5   yā. daibitānā.6 fraoxtā.
Verse: c    amərətāitī.7   daēuuāišcā. maš́iiāišcā.8
Verse: d    at̰. tōi. sauuāiš.   vahməm.9 vaxṣ̌at̰. ahurā.

Paragraph: 2 
Verse: a    vaocā.mōi.1 yā.   tuuə̄m.2 vīduuā̊. ahurā.
Verse: b    parā. hiiat̰. mā.   yā. mə̄ṇg. pərəϑā. jimaitī.3
Verse: c    kat̰. aṣ̌auuā.   mazdā.4 və̄ṇghat̰.5 drəguuaṇtəm.
Verse: d    hā. zī.6 aŋhə̄uš.   vaŋuhī.7 vistā.8 ākərətiš.9

Paragraph: 3 
Verse: a    at̰. vaēdəmnāi.1   vahištā. sāsnanąm.2
Verse: b    yąm.3 hudā̊.   sāstī. aṣ̌ā. ahurō.
Verse: c    spəṇtō. vīduuā̊.   yaēcīt̰.4 gūzrā.5 sə̄ṇghā̊ŋhō.6
Verse: d    ϑβāuuąs.7 mazdā.   vaŋhə̄uš. xraϑβā. manaŋhō.8

Paragraph: 4 
Verse: a    yə̄. dāt̰. manō.   vahiiō. mazdā. aš́iiascā.1
Verse: b    huuō. daēnąm.   š́iiaoϑanācā.2 vacaŋhācā.
Verse: c    ahiiā. zaoṣ̌ə̄ṇg.   uštiš.3 varənə̄ṇg. hacaitē.4
Verse: d    ϑβahmī.5 xratā̊.6   apə̄məm.7 nanā.8 aŋhat̰.

Paragraph: 5 
Verse: a    1huxṣ̌aϑrā. xṣ̌ə̄ṇtąm.2   mā.nə̄.3 duṣ̌ə.xṣ̌aϑrā.4 xṣ̌ə̄ṇtā.5
Verse: b    vaŋhuiiā̊. cistōiš.6   š́iiaoϑanāiš.7 ārmaitē.8
Verse: c    yaoždā̊.9 maš́iiāi.10   aipī.11 ząϑəm.12 vahištā.13
Verse: d    gauuōi.14 vərəziiātąm.   tąm. nə̄. xvarəϑāi. fṣ̌uiiō.15

Paragraph: 6 
Verse: a    hā. zī. nə̄.1 huṣ̌ōiϑəmā.2   hā.nə̄.3 utaiiūitīm.4
Verse: b    dāt̰. təuuīṣ̌īm.5   vaŋhə̄uš.6 manaŋhō. bərəxδē.7
Verse: c    8at̰. ax́iiāi.9 aṣ̌ā.   mazdā̊.10 uruuarā̊. vaxṣ̌at̰.
Verse: d    ahurō. aŋhə̄uš.11   ząϑōi.12 paouruiiehiiā.13

Paragraph: 7 
Verse: a    nī. aēṣ̌əmō.1 nī. diiātąm.2   paitī.3 rəməm.4 paitī.5 siiōzdūm.6
Verse: b    yōi.7 ā. vaŋhə̄uš.   manaŋhō. dīdraγžōduiiē.8
Verse: c    aṣ̌ā. viiąm.   yehiiā. hiϑāuš.9 nā. spəṇtō.
Verse: d    at̰. hōi.10 dāmąm.   ϑβahmī. ā. dąm.11 ahurā.

Paragraph: 8 
Verse: a    kā. tōi.1 vaŋhə̄uš.   mazdā.2 xṣ̌aϑrahiiā. īštiš.3
Verse: b    kā. tōi.4 aṣ̌ōiš.   ϑβax́iiā̊.5 maibiiō.6 ahurā.
Verse: c    kā. ϑβōi.7 aṣ̌ā.   ākā̊.8 arədrə̄ṇg.9 iš́iiā.10
Verse: d    vaŋhə̄uš. maniiə̄uš.11   š́iiaoϑananąm.12 jauuarō.

Paragraph: 9 
Verse: a    kadā.1 vaēdā.   yezī.2 cahiiā. xṣ̌aiiaϑā.3
Verse: b    mazdā. aṣ̌ā.   yehiiā. mā.4 āiϑiš. duuaēϑā.
Verse: c    ərəš. mōi.5 ərəžūcąm.6   vaŋhə̄uš. vafuš.7 manaŋhō.
Verse: d    vīdiiāt̰. saoš́iiąs.8   yaϑā. hōi. aṣ̌iš. aŋhat̰.

Paragraph: 10 
Verse: a    kadā. mazdā.   mąnarōiš.1 narō. vīsəṇtē.2
Verse: b    kadā. ajə̄n.3   mūϑrəm.4 ahiiā. madahiiā.5
Verse: c    yā. aṇgraiiā.6   karapanō.7 urūpaiieiṇtī.8
Verse: d    yācā. xratū.   dušə.xṣ̌aϑrā.9 dax́iiunąm.10

Paragraph: 11 
Verse: a    kadā. mazdā.   aṣ̌ā.1 mat̰. ārmaitiš.
Verse: b    jimat̰.2 xṣ̌aϑrā.   huṣ̌əitiš.3 vāstrauuaitī.4
Verse: c    kōi. drəguuōdəbīš.5   xrūrāiš. rāmąm. dā̊ṇtē.6
Verse: d    kə̄ṇg. ā. vaŋhə̄uš.   jimat̰.7 manaŋhō. cistiš.

Paragraph: 12 
Verse: a    at̰. tōi. aŋhən.   saoš́iiaṇtō. dax́iiunąm.1
Verse: b    yōi. xṣ̌nūm.2 vohū.   manaŋhā. hacā̊ṇtē.3
Verse: c    š́iiaoϑanāiš.4 aṣ̌ā.   ϑβahiiā. mazdā. sə̄ṇghahiiā.5
Verse: d    tōi. zī.6 dātā.   hamaēstārō.7 aēṣ̌əm.mahiiā.8::

Paragraph: 13  (..)
Verse: Q1Aa    spəṇtā. mainiiū.   vahištācā. manaŋhā.
Verse: Q1Ab    hacā. aṣ̌āt̰.   š́iiaoϑanācā. vacaŋhācā.
Verse: Q1Ac    ahmāi. dąn.   hauruuātā. amərətātā.
Verse: Q1Ad    mazdā̊. xṣ̌aϑrā.   ārmaitī. ahurō.::

Verse: Q1Ba    spəṇtā. mainiiū.   vahištācā. manaŋhā.
Verse: Q1Bb    hacā. aṣ̌āt̰.   š́iiaoϑanācā. vacaŋhācā.
Verse: Q1Bc    ahmāi. dąn.   hauruuātā. amərətātā.
Verse: Q1Bd    mazdā̊. xṣ̌aϑrā.   ārmaitī. ahurō.::

Verse: Q2Aa    aṣ̌əm. vohū. vahištəm. astī::
Verse: Q2Ab    uštā. astī. uštā. ahmāi.
Verse: Q2Ac    hiiat̰. aṣ̌āi. vahištāi. aṣ̌əm.:: (..)

Verse: Q2Ba    aṣ̌əm. vohū. vahištəm. astī::
Verse: Q2Bb    uštā. astī. uštā. ahmāi.
Verse: Q2Bc    hiiat̰. aṣ̌āi. vahištāi. aṣ̌əm.

Verse: Q2Ca    aṣ̌əm. vohū. vahištəm. astī::
Verse: Q2Cb    uštā. astī. uštā. ahmāi.
Verse: Q2Cc    hiiat̰. aṣ̌āi. vahištāi. aṣ̌əm.

Verse: a    yeziδąm.2 hāitīm. yazamaide.

Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.