TITUS
Avestan Corpus
Part No. 149
Previous part

Chapter: 5 
Ataš i Bahirām Nyāiš


Paragraph: 0 
Verse: Ca    pa. nąm. i. yazdą::
Verse: Cb    hōrməzd. i. aβazūnī. gurz. xvarahe. aβazāiiāt̰::
Verse: Cc    ātaš. i. bahirām. ādar. i. frā::
Verse: Cd    əž. hamā. gunāh.2 patit. pašə̄mąnōm::
Verse: Ce    əž. haravistīn. dušmat. dužūxt. dužvarəšt. mən. pa. gəϑī. minīt̰. vaem. guft.
Verse: Cf       vaem. kard.
Verse: Cg       vaem. jast.
Verse: Ch       vaem. bun. būt̰. əstət̰.
Verse: Cj          əž. ą. gunāhihā.1 manišnī. gaβəšnī. kunišnī.
Verse: Ck             tanī. ruuąnī. gəϑī. mainiiąnī.
Verse: Cl             ōxš. aβāxš. pašə̄mą.
Verse: Cm             pa. sə. gaβəšnī. pa. patit. hōm.::


Paragraph: 1  {= Y. 33,12}
Verse: a    1us. mōi. uzārəṣ̌uuā. ahurā.   ārmaitī. təuuīṣ̌īm. dasuuā.
Verse: b    spə̄ništā. mainiiū. mazdā.   vaŋhuiiā. zauuō. ādā.
Verse: c    aṣ̌ā. hazō. ə̄mauuat̰.   vohū. manaŋhā. fəsəratūm.

Paragraph: 2  {= Y. 33,13}
Verse: a    rafəδrāi. vourucaṣ̌ānē.   dōiṣ̌ī.mōi. yā. və̄. abifrā.
Verse: b    tā. xṣ̌aϑrahiiā. ahurā.   yā. vaŋhə̄uš. aṣ̌iš. manaŋhō.
Verse: c    frō. spəṇtā. ārmaitē.   aṣ̌ā. daēnā̊. fradaxṣ̌aiiā.

Paragraph: 3  {= Y. 33,14}
Verse: a    at̰. rātąm. zaraϑuštrō.   tanuuascīt̰. xvax́iiā̊. uštanəm.
Verse: b    dadāitī. pauruuatātəm.   manaŋhascā. vaŋhə̄uš. mazdāi.
Verse: c    š́iiaoϑanahiiā. aṣ̌āi.yācā.   uxδax́iiācā. səraoṣ̌əm.2 xṣ̌aϑrəmcā.::


Paragraph: 4 
Verse: a    1xṣ̌naoϑra. ahurahe. mazdā̊:1
Verse: b    nəmasə. tē.
Verse: c       ātarš. mazdā̊. ahurahe.
Verse: d       huδā̊.2 mazišta. yazata:

Verse: Q1Aa    aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.:: (si. bār.)

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.::

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.::

Verse: e    frauuarāne.3 mazdaiiasnō. zaraϑuštriš. vīdaēuuō. ahura.t̰kaēṣ̌ō.
Verse: f       hāuuanə̄e. aṣ̌aone. aṣ̌ahe. raϑβe.
Verse: g          yasnāica. vahmāica. xṣ̌naoϑrāica. frasastaiiaēca.
Verse: h       āϑrō. ahurahe. mazdā̊. puϑra.
Verse: i       tauua. ātarš. puϑra. ahurahe. mazdā̊:

Paragraph: 5 
Verse: a       1āϑrō. ahurahe. mazdā̊. puϑra.
Verse: b          xvarənaŋhō. sauuaŋhō. mazdaδātahe.
Verse: c          airiianąm.2 xvarənō. mazdaδātanąm.
Verse: d          kāuuaiieheca. xvarənaŋhō. mazdaδātahe.
Verse: e       āϑrō. ahurahe. mazdā̊. puϑra.
Verse: f          kauuōiš. haosrauuaŋhahe.3
Verse: g          varōiš. haosrauuaŋhahe.3
Verse: h          asnuuaṇtahe.4 garōiš. mazdaδātahe.
Verse: i          ^caēcastahe.5 varōiš. mazdaδātahe.
Verse: j          kāuuaiieheca. xvarənaŋhō. mazdaδātahe.

Paragraph: 6 
Verse: a       āϑrō. ahurahe. mazdā̊. puϑra.
Verse: b          raēuuaṇtahe. garōiš. mazdaδātahe.
Verse: c          kāuuaiieheca. xvarənaŋhō. mazdaδātahe.
Verse: d       *āϑrō.1 ahurahe. mazdā̊. puϑra.
Verse: e             ātarš. spəṇta. raϑaēštāra.2
Verse: f                yazata. pouru.xvarənaŋha.
Verse: g                yazata. pouru.baēṣ̌aza:3*
Verse: h       āϑrō. ahurahe. mazdā̊. puϑra.
Verse: i             mat̰. vīspaēibiiō. ātərəbiiō.4
Verse: j          xṣ̌aϑrō.nafəδrō.
Verse: k          nairiiō.saŋhahe.5 yazatahe.
Verse: l       xṣ̌naoϑra.6 yasnāica. vahmāica. xṣ̌naoϑrāica. frasastaiiaēca.:

Verse: Q1a    yaϑā. ahū. vairiiō.
Verse: Q1b       zaotā. frā.mē. mrūtē:
Verse: Q1c    aϑā. ratuš. aṣ̌āt̰cīt̰. haca.
Verse: Q1d       frā. aṣ̌auua. vīδuuā̊. mraotū.

Paragraph: 7  {= Y. 62,1}
Verse: a    1yasnəmca. vahməmca.
Verse: b       hubərətīmca. ušta.bərətīmca. vaṇta.bərətīmca.
Verse: c       āfrīnāmi. tauua. ātarš. puϑra. ahurahe. mazdā̊::
Verse: d    yesniiō. ahi.
Verse: e    vahmiiō. yesniiō. buiiā̊.
Verse: f       vahmiiō. nmānāhu. maš́iiākanąm::
Verse: g    ušta. buiiāt̰. ahmāi. naire.
Verse: h       yasə. ϑβā. bāδa. frāiiazāite.
Verse: i          aēsmō.zastō. barəsmō.zastō.
Verse: j          gao.zastō. hāuuanō.zastō.

Paragraph: 8  {= Y. 62,2}
Verse: a    dāitiiō.aēsmi. buiiā̊.
Verse: b    dāitiiō.baoiδi. buiiā̊.
Verse: c    dāitiiō.piϑβi. buiiā̊.
Verse: d    dāitiiō.upasaiieni. buiiā̊.
Verse: e    pərənāiiuš.harəϑri. buiiā̊.
Verse: f    dahmāiiuš.harəϑri. buiiā̊.
Verse: g       ātarš. puϑra. ahurahe. mazdā̊.

Paragraph: 9  {= Y. 62,3}
Verse: a       saoci.buiie. ahmiia. nmāne.
Verse: b       mat̰.saoci.buiie. ahmiia. nmāne.
Verse: c       raocahi.buiie. ahmiia. nmāne.
Verse: d       vaxṣ̌aϑi.buiie. ahmiia. nmāne.
Verse: e          darəγəmcit̰. aipi. zruuānəm.
Verse: f          upa. sūrąm. fraṣ̌ō.kərətīm.
Verse: g          haδa. sūraiiā̊. vaŋhuiiā̊. fraṣ̌ō.kərətōit̰.

Paragraph: 10  {= Y. 62,4}
Verse: a    dāiiā̊. mē. ātarš. puϑra. ahurahe. mazdā̊.
Verse: b       āsu. xvāϑrəm.   āsu. ϑrāitīm.    āsu. jītīm.
Verse: c       pouru. xvāϑrəm.   pouru. ϑrāitīm.   pouru. jītīm..
Verse: d       mastīm. spānō. xṣ̌uuiβrəm. hizuuąm.
Verse: e       urune. uṣ̌i.
Verse: f       xratūm. pascaēta. masitəm.
Verse: g          mazā̊ṇtəm. apairi.āϑrəm.

Paragraph: 11  {= Y. 62,5}
Verse: a       nairiiąm. pascaēta. hąm.varəitīm.
Verse: b          ərəδβō.zəṇgąm. axvaϑriiąm.
Verse: c          āsitō.gātūm. jaγaurūm.
Verse: d          tuϑruṣ̌ąm. āsnąm. frazaṇtīm.
Verse: e          karṣ̌ō.rāząm. viiaxanąm.
Verse: f          hąm.raoδąm. huuapąm. huuīrąm.
Verse: g          yā. mē. frāδaiiāt̰. nmānəmca. vīsəmca.
Verse: h             zaṇtūmca. dax́iiūmca. daiŋ́husastīmca.

Paragraph: 12  {= Y. 62,6}
Verse: a    dāiiā̊. mē. ātarš. puϑra. ahurahe. mazdā̊.
Verse: b          yā. mē. aŋhat̰. afrasā̊ŋhā̊.
Verse: c             nūrəmca. yauuaēca.tāite.
Verse: d       vahištəm. ahūm. aṣ̌aonąm.
Verse: e       raocaŋhəm. vīspō.xvāϑrəm.
Verse: f       zazə.buiie. vaŋhāuca. mižde.
Verse: g          vaŋhāuca. srauuahi.
Verse: h       urunaēca. darəγe. hauuaŋhe.

Paragraph: 13  {= Y. 62,7}
Verse: a    vīspaēibiiō. sastīm. baraiti.
Verse: b       ātarš. mazdā̊. ahurahe.
Verse: c          yaēibiiō. aēm. hąm.pacāite.
Verse: d             xṣ̌āfnīmca. sūirīmca::
Verse: e    vīspaēibiiō. haca. iziieite.
Verse: f       hubərətīm. uštā.bərətīmca.
Verse: g          vaṇtā.bərətīmca. spitama.

Paragraph: 14  {= Y. 62,8}
Verse: a    vīspanąm. para.carəṇtąm.
Verse: b       ātarš. zasta. ādiδaiia::
Verse: c    cīm. haxa. haṣ̌ē. baraitī.
Verse: d       fracarəϑβā̊. armaēṣ̌āiδe.

Paragraph: 15  {= Y. 62,9}
Verse: a    āat̰. yezi. ṣ̌ē. aēm. baraiti.
Verse: b       aēsməm. vā. aṣ̌aiia. bərətəm.
Verse: c       barəsma. vā. aṣ̌aiia. frastarətəm.
Verse: d       uruuarąm. vā. haδānaēpatąm.
Verse: e    ā. hē. pascaēta. frīnaiti.
Verse: f       ātarš. mazdā̊. ahurahe.
Verse: g       xṣ̌nūtō. at̰bištō. haγδaŋhum::

Paragraph: 16  {= Y. 62,10}
Verse: a    upa. ϑβā. haxṣ̌ōit̰. gə̄uš. vąϑβa.
Verse: b       upa. vīranąm. pourutās.
Verse: c    upa. ϑβā. vərəzuuat̰ca. manō.
Verse: d       vərəzuuatica. haxṣ̌ōit̰. aŋuha.
Verse: e    uruuāxṣ̌aŋha. gaiia. jiγaēṣ̌a.
Verse: f       tā̊. xṣ̌apanō. yā̊. juuāhī::
Verse: g    imat̰. āϑrō. āfriuuanəm.
Verse: h       yō. ahmāi. aēsməm. baraiti.
Verse: i          hukūš. raocas.pairīštą.
Verse: j          aṣ̌ahe. bərəja. yaoždātą.2

Paragraph: 17 
Verse: Ca    (vāž.)
Verse: Cb    hōrməzd.1 i. xvadaē. mardum.
Verse: Cc       mardum. sardagą. ham. bā.9 yašt. i. vahą.
Verse: Cd       vaēm. vahə. dīn. i. mazdaiiasną. āgāhī. āstuuąnī. nə̄kī. rasąnāt̰.
Verse: Ce       ə̄duṇ. bāt̰.::


Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xšaϑrəmcā. ahurāi.ā.   yim. drigubiiō. dadat̰. vāstārəm.:: (du. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xšaϑrəmcā. ahurāi.ā.   yim. drigubiiō. dadat̰. vāstārəm.::


Verse: a    yasnəmca.1 vahməmca. aojasca. zauuarəca. āfrīnāmi.
Verse: b       āϑrō. ahurahe. mazdā̊. puϑra.
Verse: c       tauua. ātarš. puϑra. ahurahe. mazdā̊.3

{= Ny. 5,5}
Verse: Q2a       āϑrō. ahurahe. mazdā̊. puϑra.
Verse: Q2b          xvarənaŋhō. sauuaŋhō. mazdaδātahe.
Verse: Q2c          airiianąm. xvarənō. mazdaδātanąm.
Verse: Q2d          kāuuaiieheca. xvarənaŋhō. mazdaδātahe.
Verse: Q2e       āϑrō. ahurahe. mazdā̊. puϑra.
Verse: Q2f          kauuōiš. haosrauuaŋhahe.
Verse: Q2g          varōiš. haosrauuaŋhahe.
Verse: Q2h          asnuuaṇtahe. garōiš. mazdaδātahe.
Verse: Q2i          ^caēcastahe. varōiš. mazdaδātahe.
Verse: Q2j          kāuuaiieheca. xvarənaŋhō. mazdaδātahe.

{= Ny. 5,6}
Verse: Q3a       āϑrō. ahurahe. mazdā̊. puϑra.
Verse: Q3e          raēuuaṇtahe. garōiš. mazdaδātahe.
Verse: Q3b          kāuuaiieheca. xvarənaŋhō. mazdaδātahe.
Verse: Q3c       *āϑrō. ahurahe. mazdā̊. puϑra.
Verse: Q3d             ātarš. spəṇta. raϑaēštāra.
Verse: Q3e                yazata. pouru.xvarənaŋha.
Verse: Q3f                yazata. pouru.baēṣ̌aza:*
Verse: Q3g       āϑrō. ahurahe. mazdā̊. puϑra.
Verse: Q3f             mat̰. vīspaēibiiō. ātərəbiiō.
Verse: Q3h          xṣ̌aϑrō.nafəδrō.
Verse: Q3i          nairiiō.saŋhahe. yazatahe.::

Verse: Q4Aa    aṣ̌əm. vohū. vahištəm. astī::
Verse: Q4Ab    uštā. astī. uštā. ahmāi.
Verse: Q4Ac    hiiat̰. aṣ̌āi. vahištāi. aṣ̌əm.:: (si. bār.)

Verse: Q4Ba    aṣ̌əm. vohū. vahištəm. astī::
Verse: Q4Bb    uštā. astī. uštā. ahmāi.
Verse: Q4Bc    hiiat̰. aṣ̌āi. vahištāi. aṣ̌əm.::

Verse: Q4Ca    aṣ̌əm. vohū. vahištəm. astī::
Verse: Q4Cb    uštā. astī. uštā. ahmāi.
Verse: Q4Cc    hiiat̰. aṣ̌āi. vahištāi. aṣ̌əm.::


Paragraph: 18  {= Y. 34,4}
Verse: a    1at̰. tōi. ātrə̄m.2 ahurā.   aojōŋhuuaṇtəm. aṣ̌ā. usə̄mahī.
Verse: b    asīštīm.3 ə̄mauuaṇtəm.   stōi. rapaṇtē.4 ciϑrā.auuaŋhəm.5
Verse: c    at̰. mazdā. daibiṣ̌iiaṇtē.   zastāištāiš.6 dərəštā.aēnaŋhəm.:


Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::

Paragraph: 19  {~ Ny. 1,18 / Y. 72,9 / 68,11 / SrB 5}
Verse: Q1a    ahmāi.1 raēšca. xvarənasca.
Verse: Q1b       ahmāi. tanuuō. druuatātəm.
Verse: Q1c       ahmāi. tanuuō. vazduuarə.
Verse: Q1d       ahmāi. tanuuō. vərəϑrəm.
Verse: Q1e       ahmāi. īštīm. pouruš.xvāϑrąm.
Verse: Q1f       ahmāi. āsnąmcit̰. frazaṇtīm.
Verse: Q1g       ahmāi. darəγąm. darəγō.jītīm.
Verse: Q1h       ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm:

Verse: a    aϑa. jamiiāt̰. yaϑa. āfrīnāmi.:

Verse: Q2a    aṣ̌əm. vohū. vahištəm. astī::
Verse: Q2b    uštā. astī. uštā. ahmāi.
Verse: Q2c    hiiat̰. aṣ̌āi. vahištāi. aṣ̌əm.::

{= Y. 72,9}
Verse: Q3Aa       hazaŋrəm. baēṣ̌azanąm.
Verse: Q3Ab       baēuuarə. baēṣ̌azanąm. (si. bār.)::
Verse: Q3Ba       hazaŋrəm. baēṣ̌azanąm.
Verse: Q3Bb       baēuuarə. baēṣ̌azanąm.::
Verse: Q3Ca       hazaŋrəm. baēṣ̌azanąm.
Verse: Q3Cb       baēuuarə. baēṣ̌azanąm.::

Verse: Q4a    aṣ̌əm. vohū. vahištəm. astī::
Verse: Q4b    uštā. astī. uštā. ahmāi.
Verse: Q4c    hiiat̰. aṣ̌āi. vahištāi. aṣ̌əm.::

Verse: Q5a    jasa. mē. auuaŋhe. mazda. (si. bār.)
Verse: Q5b    jasa. mē. auuaŋhe. mazda.
Verse: Q5c    jasa. mē. auuaŋhe. mazda.

Verse: Q6b       amahe. hutāštahe. huraoδahe.
Verse: Q6c       vərəϑraγnahe. ahuraδātahe.
Verse: Q6d       vanaiṇtiiā̊sca. uparatātō.::

{= Y. 72,10}
Verse: Q7a       rāmanasca. xvāstrahe.
Verse: Q7b       vaiiaoš. uparō.kairiiehe.
Verse: Q7c       taraδātō. aniiāiš. dāmąn::
Verse: Q7d    aētat̰. tē. vaiiō.
Verse: Q7e       yat̰. tē. asti. spəṇtō.mainiiaom::
Verse: Q7f          ϑβāṣ̌ahe. xvaδātahe.
Verse: Q7g          zruuānahe. akaranahe.
Verse: Q7h          zruuānahe. darəγō.xvaδātahe.:

Verse: Q8a    aṣ̌əm. vohū. vahištəm. astī::
Verse: Q8b    uštā. astī. uštā. ahmāi.
Verse: Q8c    hiiat̰. aṣ̌āi. vahištāi. aṣ̌əm.::

Verse: C1a    kərba. mažd. gunāh. guzārašni. rā. kunōm. ašahī. ruuą.
Verse: C1b       dušārm. rā. ham. kərbaī. i. hamā. vahą. i. haft. buṇdahihā. bə̄. rasāt̰::
Verse: C1c    ašō. bə̄t̰. də̄r. zī.::

Verse: b    aϑa. jamiiāt̰. yaϑa. āfrīnāmi.:

Verse: Q9a    aṣ̌əm. vohū. vahištəm. astī::
Verse: Q9b    uštā. astī. uštā. ahmāi.
Verse: Q9c    hiiat̰. aṣ̌āi. vahištāi. aṣ̌əm.::

Paragraph: 20 
Verse: C1a    1rōž. māh. gāh.
Verse: C1b    namāž. i. gə̄hą. dąmą::

{= Ny. 1,2}
Verse: a    xṣ̌naoϑra. ahurahe. mazdā̊:

Verse: b    nəmasə. tē.2
Verse: c       ātarš. mazdā̊. ahurahe.
Verse: d       huδā̊.2 mazišta. yazata:

Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::

Verse: C2a    gurz. xvarahe. aβazāiiāt̰::
Verse: C2b    ātaš. i. bahirām. ādar. i. frā. ādarą. šāh. i. pərōžgar.
Verse: C2c       ādar. i. gušasp. ādar. i. xvardāt̰. ādar. i. buržīn.
Verse: C2d       mihir. aβarə̄. ādarą. u. ātašą.
Verse: C2e       kə̄. pa. dāt̰gāh. nišāst. əstəṇd.3
Verse: C2f    gurz. xvarahe. aβazāiiāt̰::
Verse: C2g       mainiiō. kardō. amāβaṇd. pərōžgar.
Verse: C2h       amāβaṇdī. pərōžgarī. dāt̰. dīn. i. vahə. i. mazdaiiasną.
Verse: C2i       āgāhī. raβāī. vāfrīṇgānī. dāt̰::
Verse: C2j    haft. kə̄šβar. zamī. ə̄duṇ. bāt̰.
Verse: C2k    mən. ānō. āβāiiat̰. šudan.

Verse: Q2a    aṣ̌əm. vohū. vahištəm. astī::
Verse: Q2b    uštā. astī. uštā. ahmāi.
Verse: Q2c    hiiat̰. aṣ̌āi. vahištāi. aṣ̌əm.::

Verse: Q3a    xṣ̌naoϑra.2 ahurahe. mazdā̊:
Verse: Q3a    nəmasə. tē.
Verse: Q3b       ātarš. mazdā̊. ahurahe.
Verse: Q3c       huδā̊. mazišta. yazata:

Verse: Q4a    aṣ̌əm. vohū. vahištəm. astī::
Verse: Q4b    uštā. astī. uštā. ahmāi.
Verse: Q4c    hiiat̰. aṣ̌āi. vahištāi. aṣ̌əm.::




Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.