TITUS
Avestan Corpus
Part No. 150
Previous part

Book: G 
Chapter: 1 
Gāh


Hāvan Gāh


Paragraph: 1 
Verse: a    1xṣ̌naoϑra. ahurahe. mazdā̊:1

Verse: Q1Aa    aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.:: (si. bār.)

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.::

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.::

Verse: b    3frauuarāne. mazdaiiasnō. zaraϑuštriš. vīdaēuuō. ahura.t̰kaēṣ̌ō.
Verse: c       hāuuanə̄e. aṣ̌aone. aṣ̌ahe. raϑβe.
Verse: d          yasnāica. vahmāica. xṣ̌naoϑrāica. frasastaiiaēca.
Verse: e       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: f          yasnāica. vahmāica. xṣ̌naoϑrāica. frasastaiiaēca:

Paragraph: 2 
Verse: a       1miϑrahe. vouru.gaoiiaotōiš.
Verse: b          hazaŋrō.gaoṣ̌ahe. baēuuarə.caṣ̌manō.
Verse: c          aoxtō.nāmanō. yazatahe.
Verse: d       rāmanō. xvāstrahe.
Verse: e          xṣ̌naoϑra. yasnāica. vahmāica. xṣ̌naoϑrāica. frasastaiiaēca.:

Verse: Q1a    2yaϑā. ahū. vairiiō.
Verse: Q1b       zaotā. frā.mē. mrūtē:
Verse: Q1c    aϑā. ratuš. aṣ̌āt̰cīt̰. haca.
Verse: Q1d       frā. aṣ̌auua. vīδuuā̊. mraotū.

Paragraph: 3 
Verse: a    1ahurəm. mazdąm. aṣ̌auuanəm. aṣ̌ahe. ratūm. yazamaide:
Verse: b    zaraϑuštrəm. aṣ̌auuanəm. aṣ̌ahe. ratūm. yazamaide:
Verse: c    zaraϑuštrahe. aṣ̌aonō. frauuaṣ̌īm. yazamaide:
Verse: d    aməṣ̌ə̄. spəṇtə̄. aṣ̌aonąm. yazamaide.::

Paragraph: 4 
Verse: a    aṣ̌āunąm.1 vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       astuuatō. manahiiāca:2
Verse: c    apanōtəməm. raϑβąm. yazamaide.
Verse: d       yaētuštəməm. yazatanąm.
Verse: e       haŋhanuštəməm. aṣ̌ahe. raϑβąm.
Verse: f       aiβinasąstəməm. jaγmūštəmąm.3 aṣ̌aonō. aṣ̌ahe. raϑβō. ratufritīm. yazamaide.::

Paragraph: 5 
Verse: a    hāuuanīm. aṣ̌auuanəm. aṣ̌ahe. ratūm. yazamaide:
Verse: b    1hauruuatātəm. aṣ̌auuanəm. aṣ̌ahe. ratūm. yazamaide:
Verse: c    amərətatātəm.2 aṣ̌auuanəm. aṣ̌ahe. ratūm. yazamaide:
Verse: d    3āhūirīm. fraṣ̌nəm. aṣ̌auuanəm. aṣ̌ahe. ratūm. yazamaide:3
Verse: e    āhūirīm. t̰kaēṣ̌əm. aṣ̌auuanəm. aṣ̌ahe. ratūm. yazamaide:
Verse: f    3yasnəm. sūrəm. haptaŋhāitīm. aṣ̌auuanəm. aṣ̌ahe. ratūm. yazamaide.3::

Paragraph: 6 
Verse: a    sāuuaŋhaēm.1 vīsīmca.2 aṣ̌auuanəm. aṣ̌ahe. ratūm. yazamaide:
Verse: b    airiiamanəm. iṣ̌īm.3 aṣ̌auuanəm. aṣ̌ahe. ratūm. yazamaide:
Verse: c       amauuaṇtəm. vərəϑrājanəm. vit̰baēṣ̌aŋhəm.4
Verse: d          vīspa.5 t̰baēṣ̌ā̊. tauruuaiiaṇtəm.6
Verse: e          vīspa.5 t̰baēṣ̌ā̊. titarəṇtəm.7
Verse: f          yō. upəmō.8 yō. maδəmō.
Verse: g          yō. fratəmō. zaozīzuiie.9
Verse: h             tarō. mąϑrəm. paṇca. gāϑā̊.

Paragraph: 7 
Verse: a    miϑrəmca. vouru.gaoiiaoitīm. yazamaide:
Verse: b    rāmaca. xvāstrəm. yazamaide.
Verse: c       vīsiiehe. raϑβō. yasnāica. vahmāica:
Verse: d    vīsīmca. aṣ̌auuanəm. aṣ̌ahe. ratūm. yazamaide.

Paragraph: 8 
Verse: a    miϑrəm. vouru.gaoiiaoitīm.
Verse: b       hazaŋra.gaoṣ̌əm. baēuuarə.caṣ̌manəm.
Verse: c       aoxtō.nāmanəm. yazatəm. yazamaide:
Verse: d    rāma. xvāstrəm. yazamaide.

Paragraph: 9  {~ Y. 71,23 / Vr. 7,5}
Verse: a    1ϑβąm. ātrəm.2 ahurahe. mazdā̊. puϑrəm. aṣ̌auuanəm. aṣ̌ahe. ratūm. yazamaide:
Verse: b       haδa.zaoϑrəm.3 haδa.aiβiiā̊ŋhanəm.
Verse: c    imat̰. barəsma. aṣ̌aiia. frastarətəm. aṣ̌auuanəm. aṣ̌ahe. ratūm. yazamaide:
Verse: d    apąm. naptārəm. yazamaide:
Verse: e    +nairīm. saŋhəm. yazamaide::
Verse: f    taxməm. dāmōiš. upamanəm. yazatəm. yazamaide::
Verse: g    iristanąm. uruuąnō. yazamaide::
Verse: h       yā̊. aṣ̌aonąm. frauuaṣ̌aiiō.

{= Y. 71,24}
Verse: i    ratūm. bərəzaṇtəm. yazamaide::
Verse: j       yim. ahurəm. mazdąm.
Verse: k          yō. aṣ̌ahe. apanōtəmō.
Verse: l          yō. aṣ̌ahe. jaγmūštəmō::
Verse: m    vīspa. srauuā̊. zaraϑuštri. yazamaide::
Verse: n    vīspaca. huuaršta. š́iiaoϑna. yazamaide.
Verse: o       varštaca. varəš́iiamnaca.::


Verse: Q1a    yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.


Paragraph: 10 
Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xšaϑrəmcā. ahurāi.ā.   yim. drigubiiō. dadat̰. vāstārəm.:: (du. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xšaϑrəmcā. ahurāi.ā.   yim. drigubiiō. dadat̰. vāstārəm.::


Verse: a    yasnəmca. vahməmca. aojasca. zauuarəca. āfrīnāmi.
Verse: b       miϑrahe. vouru.gaoiiaotōiš.
Verse: c          hazaŋrō.gaoṣ̌ahe.1 baēuuarə. caṣ̌manō.
Verse: d          aoxtō.nāmanō. yazatahe.
Verse: e       rāmanō. xvāstrahe.:

Verse: Q2a    aṣ̌əm. vohū. vahištəm. astī::
Verse: Q2b    uštā. astī. uštā. ahmāi.
Verse: Q2c    hiiat̰. aṣ̌āi. vahištāi. aṣ̌əm.::

{~ Ny. 1,18 / Y. 72,9 / 68,11 / SrB 5}
Verse: Q3a    ahmāi. raēšca.2 xvarənasca.
Verse: Q3b       ahmāi. tanuuō. druuatātəm.
Verse: Q3c       ahmāi. tanuuō. vazduuarə.
Verse: Q3d       ahmāi. tanuuō. vərəϑrəm.
Verse: Q3e       ahmāi. īštīm. pouruš.xvāϑrąm.
Verse: Q3f       ahmāi. āsnąmcit̰. frazaṇtīm.
Verse: Q3g       ahmāi. darəγąm. darəγō.jītīm.
Verse: Q3h       ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm:

Verse: f    aϑa. jamiiāt̰. yaϑa. āfrīnāmi.:

Verse: Q4a    aṣ̌əm. vohū. vahištəm. astī::
Verse: Q4b    uštā. astī. uštā. ahmāi.
Verse: Q4c    hiiat̰. aṣ̌āi. vahištāi. aṣ̌əm.::

{= Y. 72,9}
Verse: Q5Aa       hazaŋrəm.2 baēṣ̌azanąm.
Verse: Q5Ab       baēuuarə. baēṣ̌azanąm. (si. bār.)::
Verse: Q5Ba       hazaŋrəm. baēṣ̌azanąm.
Verse: Q5Bb       baēuuarə. baēṣ̌azanąm.::
Verse: Q5Ca       hazaŋrəm. baēṣ̌azanąm.
Verse: Q5Cb       baēuuarə. baēṣ̌azanąm.::

Verse: Q6a    aṣ̌əm. vohū. vahištəm. astī::
Verse: Q6b    uštā. astī. uštā. ahmāi.
Verse: Q6c    hiiat̰. aṣ̌āi. vahištāi. aṣ̌əm.::

Verse: Q7a    jasa. mē.2 auuaŋhe. mazda. (si. bār.)
Verse: Q7b    jasa. mē. auuaŋhe. mazda.
Verse: Q7c    jasa. mē. auuaŋhe. mazda.

Verse: Q8b       amahe. hutāštahe. huraoδahe.
Verse: Q8c       vərəϑraγnahe. ahuraδātahe.
Verse: Q8d       vanaiṇtiiā̊sca. uparatātō.::

{= Y. 72,10}
Verse: Q9a       rāmanasca. xvāstrahe.
Verse: Q9b       vaiiaoš. uparō.kairiiehe.
Verse: Q9c       taraδātō. aniiāiš. dāmąn::
Verse: Q9d    aētat̰. tē. vaiiō.
Verse: Q9e       yat̰. tē. asti. spəṇtō.mainiiaom::
Verse: Q9f          ϑβāṣ̌ahe. xvaδātahe.
Verse: Q9g          zruuānahe. akaranahe.
Verse: Q9h          zruuānahe. darəγō.xvaδātahe.:

Verse: Q10a    aṣ̌əm. vohū. vahištəm. astī::
Verse: Q10b    uštā. astī. uštā. ahmāi.
Verse: Q10c    hiiat̰. aṣ̌āi. vahištāi. aṣ̌əm.::

Verse: C1a    kərba. mažd. gunāh. guzārašni. rā. kunōm. ašahī. ruuą.
Verse: C1b       dušārm. rā. ham. kərbaī. i. hamā. vahą. i. haft. buṇdahihā. bə̄. rasāt̰::
Verse: C1c    ašō. bə̄t̰. də̄r. zī.::

Verse: g    aϑa. jamiiāt̰. yaϑa. āfrīnāmi.:

Verse: Q11a    aṣ̌əm. vohū. vahištəm. astī::
Verse: Q11b    uštā. astī. uštā. ahmāi.
Verse: Q11c    hiiat̰. aṣ̌āi. vahištāi. aṣ̌əm.::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.