TITUS Texts: Avestan Corpus

TITUS
Avestan Corpus
Part No. 155

Previous part

Book: S
Chapter: 1
Sirōza

Paragraph: 1
Verse: a       ahurahe. mazdā^̊. raēuuatō. x^varənaŋuhatō.1
Verse: b       aməṣ̌anąm. spəṇtanąm.

Paragraph: 2
Verse: a       1vaŋhauue. manaŋhe.
Verse: b          āxštōiš. hąm.vaiṇtiiā^̊. tarəδātō.2 aniiāiš. dāmąn.
Verse: c          āsnahe. xraϑβō. mazdaδātahe.
Verse: d          gaoṣ̌ō.srūtahe. xraϑβō. mazdaδātahe.3

Paragraph: 3
Verse: a       aṣ̌ahe. vahištahe. sraēštahe.
Verse: b          airiiamanō. iš́iiehe.1 sūrahe.
Verse: c          mazdaδātahe. saokaiiā^̊. vaŋhuiiā^̊.
Verse: d             vouru.dōiϑraiiā^̊. mazdaδātaiiā^̊. aṣ̌aoniiā^̊.

Paragraph: 4
Verse: a       xṣ̌aϑrahe. vairiiehe. aiiōxṣ̌ustahe.1
Verse: b          marəždikāi. ϑrāiiō.driγaouue.2

Paragraph: 5
Verse: a       spəṇtaiiā^̊. vaŋhuiiā^̊. ārmatōiš.
Verse: b          rātaiiā^̊. vaŋhuiiā^̊.
Verse: c             vouru.dōiϑraiiā^̊. mazdaδātaiiā^̊. aṣ̌aoniiā^̊.

Paragraph: 6
Verse: a       hauruuatātō. raϑβō.
Verse: b          yāiriiaiiā^̊sca.1 huṣ̌itōiš.
Verse: c             sarəδaēibiiō. aṣ̌ahe. ratubiiō.

Paragraph: 7
Verse: a       amərətatātō.1 raϑβō.
Verse: b                fṣ̌aonibiia. vąϑβābiia.2
Verse: c                aspinibiia.3 yaonibiia.4
Verse: d                gaokərənahe. sūrahe. mazdaδātahe: (hāβan. gāh.)
Verse: e          miϑrahe. vouru.gaoiiaoitōiš.
Verse: f             rāmanasca. x^vāstrahe:5 (rapiϑβin. gāh.)
Verse: g          aṣ̌ahe. vahištahe.
Verse: h             āϑrasca. ahurahe. mazdā^̊: (uzīrin. gāh.)
Verse: i          bərəzatō. ahurahe. nafəδrō. apąm.
Verse: j             apasca. mazdaδātaiiā^̊: (aiβisrūϑrim. gāh.)
Verse: k          aṣ̌āunąm.6 frauuaṣ̌inąm.
Verse: l             γənąnąmca. vīrō.vąϑβanąm.
Verse: m             yāiriiaiiā^̊sca. huṣ̌itōiš.
Verse: n             amaheca. hutāštahe. huraoδahe.
Verse: o             vərəϑraγnaheca. ahuraδātahe. vanaiṇtiiā^̊sca. uparatātō: (ušahin. gāh.)
Verse: p          sraoṣ̌ahe. aṣ̌iiehe. aṣ̌iuuatō.
Verse: q                vərəϑrājanō. frādat̰.gaēϑahe.
Verse: r                raṣ̌naoš. razištahe.
Verse: s             arštātasca. frādat̰.gaēϑaiiā^̊. varədat̰.gaēϑaiiā^̊.

Paragraph: 8
Verse: a       daϑuṣ̌ō. ahurahe. mazdā^̊. raēuuatō. x^varənaŋuhatō.
Verse: b          aməṣ̌anąm. spəṇtanąm.1

Paragraph: 9
Verse: a       āϑrō. ahurahe. mazdā^̊. puϑra.1
Verse: b          x^varənaŋhō. sauuaŋhō. mazdaδātahe.
Verse: c          airiianąm. x^varənō. mazdaδātanąm.
Verse: d          kāuuaiieheca. x^varənaŋhō. mazdaδātahe:
Verse: e       āϑrō. ahurahe. mazdā^̊. puϑra.
Verse: f          kauuōiš. haosrauuaŋhahe.
Verse: g          varōiš. haosrauuaŋhahe.
Verse: h          asnuuaṇtahe.2 garōiš. mazdaδātahe.
Verse: i          caēcastahe.3 varōiš. mazdaδātahe.
Verse: j          kāuuaiieheca. x^varənaŋhō. mazdaδātahe:
Verse: k       āϑrō. ahurahe. mazdā^̊. puϑra. raēuuaṇtahe.
Verse: l          garōiš. mazdaδātahe.
Verse: m          kāuuaiieheca. x^varənaŋhō. mazdaδātahe:
Verse: n       āϑrō. ahurahe. mazdā^̊. puϑra.
Verse: o          ātarš. spəṇta. raϑaēštāra.4
Verse: p          yazata. pouru.x^varənaŋha.
Verse: q          yazata. pouru.baēṣ̌aza:
Verse: r       āϑrō. ahurahe. mazdā^̊. puϑra.
Verse: s          mat̰. vīspaēibiiō. ātərəbiiō.
Verse: t          xṣ̌aϑrō.nafəδrō.
Verse: u          nairiiō.saŋhahe. yazatahe.::

Paragraph: 10
Verse: a       apąm. vaŋuhīnąm.1 mazdaδātanąm.
Verse: b          arəduiiā^̊. āpō.
Verse: c          anāhitaiiā^̊. aṣ̌aoniiā^̊.
Verse: d          vīspanąmca. apąm. mazdaδātanąm.
Verse: e          vīspanąm. uruuaranąm. mazdaδātanąm.::

Paragraph: 11
Verse: a       huuarəxṣ̌aētahe. aməṣ̌ahe. raēuuahe. auruuat̰.aspahe.

Paragraph: 12
Verse: a       mąŋhahe. gaociϑrahe.
Verse: b          gə̄ušca. aēuuō.dātaiiā^̊.
Verse: c          gə̄ušca. pouru.sarəδaiiā^̊.

Paragraph: 13
Verse: a       tištriiehe. stārō. raēuuatō. x^varənaŋuhatō.
Verse: b             satauuaēsahe. frāpahe. sūrahe. mazdaδātahe.
Verse: c          stārąm. afšciϑranąm. zəmasciϑranąm.
Verse: d             uruuarō.ciϑranąm. mazdaδātanąm.
Verse: e          vanaṇtō. stārō. mazdaδātahe.
Verse: f          aoe.1 stārō. yōi. haptōiriṇga.2
Verse: g             mazdaδāta. x^varənaŋhuṇta.3 baēṣ̌aziia.::

Paragraph: 14
Verse: a       gə̄uš. taṣ̌ne.
Verse: b          gə̄uš. urune. druuāspaiiā^̊. sūraiiā^̊. mazdaδātaiiā^̊. aṣ̌aoniiā^̊.::

Paragraph: 15
Verse: a       daϑuṣ̌ō. ahurahe. mazdā^̊. raēuuatō. x^varənaŋuhatō.
Verse: b          aməṣ̌anąm. spəṇtanąm.

Paragraph: 16
Verse: a       miϑrahe. vouru.gaoiiaoitōiš.
Verse: b             hazaŋrō.gaoṣ̌ahe.1 baēuuarə.caṣ̌manō.
Verse: c             aoxtō.nāmanąm. yazatahe.
Verse: d          rāmanō. x^vāstrahe.

Paragraph: 17
Verse: a       1sraoṣ̌ahe. aṣ̌iiehe. taxmahe. tanu.mąϑrahe. darṣ̌i.draoš. āhūiriiehe.

Paragraph: 18
Verse: a       raṣ̌naoš. razištahe.
Verse: b          arštātasca. frādat̰.gaēϑaiiā^̊. varədat̰.gaēϑaiiā^̊.
Verse: c          ərəžuxδahe.1 vacaŋhō. yat̰. frādat̰.gaēϑahe.

Paragraph: 19
Verse: a       aṣ̌āunąm.1 frauuaṣ̌inąm. uγranąm. aiβiϑūranąm.2

Paragraph: 20
Verse: a       amahe. hutāštahe. huraoδahe.
Verse: b             vərəϑraγnahe.1 ahuraδātahe.
Verse: c          vanaiṇtiiā^̊sca. uparatātō.

Paragraph: 21
Verse: a       rāmanō. x^vāstrahe.
Verse: b          vaiiaoš. uparō.kairiiehe. tarəδātō.1 aniiāiš. dāmąn.
Verse: c             aētat̰. tē. vaiiō.
Verse: d                yat̰. tē. asti. spəṇtō.mainiiaom:
Verse: e          ϑβāṣ̌ahe. x^vaδātahe.
Verse: f          zruuānahe. akaranahe.
Verse: g          zruuānahe. darəγō.x^vaδātahe.

Paragraph: 22
Verse: a       vātahe. huδā^̊ŋhahe.1
Verse: b             aδarahe. uparahe.2
Verse: c             fratarahe. pascąiϑiiehe.3
Verse: d          nairiiaiiā^̊. hąm.varətōiš.

Paragraph: 23
Verse: a       daϑuṣ̌ō. ahurahe. mazdā^̊. raēuuatō. x^varənaŋuhatō.
Verse: b          aməṣ̌anąm. spəṇtanąm.

Paragraph: 24
Verse: a          razištaiiā^̊. cistaiiā^̊. mazdaδātaiiā^̊. aṣ̌aoniiā^̊.
Verse: b       daēnaiiā^̊. vaŋhuiiā^̊. māzdaiiasnōiš.

Paragraph: 25
Verse: a       aṣ̌ōiš. vaŋhuiiā^̊.
Verse: b          cistōiš. vaŋhuiiā^̊.
Verse: c          ərəϑə̄.1 vaŋhuiiā^̊.
Verse: d          rasąstātō. vaŋhuiiā^̊.
Verse: e          x^varənaŋhō. sauuaŋhō. mazdaδātahe.
Verse: f          pārəṇdiiā^̊.2 raoraϑaiiā^̊.
Verse: g          3airiianąm. x^varənō. mazdaδātanąm.
Verse: h          kāuuaiieheca. x^varənaŋhō. mazdaδātahe.
Verse: i          ax^varətaheca. x^varənaŋhō. mazdaδātahe.
Verse: j          zaraϑuštraheca. x^varənaŋhō. mazdaδātahe.

Paragraph: 26
Verse: a       arštātō. frādat̰.gaēϑahe.
Verse: b          garoiš. uṣ̌i.darənahe.1 mazdaδātahe. aṣ̌a.x^vāϑrahe.

Paragraph: 27
Verse: a       aṣ̌nō.1 bərəzatō. sūrahe.
Verse: b          vahištahe. aŋhə̄uš. aṣ̌aonąm.
Verse: c          raocaŋhō.2 vīspō.x^vāϑrō.3

Paragraph: 28
Verse: a       zəmō. huδā^̊ŋhō. yazatahe.
Verse: b             imā^̊. asā^̊. imā^̊. ṣ̌ōiϑrā^̊.
Verse: c          garōiš. uṣ̌i.darənahe.1 mazdaδātahe. aṣ̌a.x^vāϑrahe.
Verse: d          vīspaēṣ̌ąmca. gairinąm.
Verse: e             aṣ̌a.x^vāϑranąm. pouru.x^vāϑranąm. mazdaδātanąm.
Verse: f          kāuuaiieheca. x^varənaŋhō. mazdaδātahe.
Verse: g          ax^varətaheca. x^varənaŋhō. mazdaδātahe.

Paragraph: 29
Verse: a       mąϑrahe. spəṇtahe. aṣ̌aonō. vərəziiaŋhahe.1
Verse: b          dātahe. vīdaēuuahe.
Verse: c          dātahe. zaraϑuštrōiš.
Verse: d          darəγaiiā^̊. upaiianaiiā^̊.
Verse: e          daēnaiiā^̊. vaŋhuiiā^̊. māzdaiiasnōiš.
Verse: f          zarazdātōiš.2 mąϑrahe. spəṇtahe.
Verse: g          uṣ̌i.darəϑrəm. daēnaiiā^̊. māzdaiiasnōiš.
Verse: h          vaēδīm. mąϑrahe. spəṇtahe.
Verse: i          āsnahe. xraϑβō. mazdaδātahe.
Verse: j          gaoṣ̌ō.srūtahe. xraϑβō. mazdaδātahe.

Paragraph: 30
Verse: a       anaγranąm. raocaŋhąm. x^vaδātanąm.
Verse: b          raoxṣ̌nahe. garō.nmānahe.
Verse: c          misuuānahe. gātuuahe.1 x^vaδātahe.
Verse: d          cinuuat̰.pərətūm.2 mazdaδātąm:3
Verse: e          bərəzatō. ahurahe. nafəδrō. apąm.
Verse: f          apasca. mazdaδātaiiā^̊.
Verse: g          haomahe. aṣ̌auuazaŋhō.
Verse: h          dahmaiiā^̊. vaŋhuiiā^̊. āfritōiš.
Verse: i          uγrāi. dāmōiš. upamanāi:
Verse: j          vīspaēṣ̌ąm. yazatanąm. aṣ̌aonąm.
Verse: k             mainiiauuanąm. gaēϑiianąm.
Verse: l          aṣ̌āunąm. frauuaṣ̌inąm. uγranąm. aiβiϑūranąm.
Verse: m          paoiriiō.t̰kaēṣ̌anąm. frauuaṣ̌inąm.
Verse: n          nabānazdištanąm. frauuaṣ̌inąm.
Verse: o          4aoxtō.nāmanō. yazatahe.4

Next part

This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.