TITUS
Avestan Corpus
Part No. 156
Previous part

Chapter: 2 
Paragraph: 1 
Verse: a    ahurəm. mazdąm. raēuuaṇtəm. xvarənaŋuhaṇtəm.1 yazamaide.
Verse: b    aməṣ̌ā.2 spəṇtā. huxṣ̌aϑrā. huδā̊ŋhō. yazamaide.

Paragraph: 2 
Verse: a    1vohu. manō. aməṣ̌əm. spəṇtəm. yazamaide.
Verse: b    āxštīm. hąm.vaiṇtīm. yazamaide.
Verse: c       tarəδātəm.2 aniiāiš. dāmąn.
Verse: d    āsnəm. xratūm. mazdaδātəm. yazamaide.
Verse: e    gaoṣ̌ō.srūtəm. xratūm. mazdaδātəm. yazamaide.

Paragraph: 3 
Verse: a    aṣ̌əm. vahištəm. sraēštəm. aməṣ̌əm. spəṇtəm. yazamaide.
Verse: b    airiiamanəm. iṣ̌īm. yazamaide.
Verse: c    sūrəm. mazdaδātəm. yazamaide.
Verse: d    saokąm. vaŋuhīm. vouru.dōiϑrąm. mazdaδātąm. aṣ̌aonīm. yazamaide.

Paragraph: 4 
Verse: a    xṣ̌aϑrəm. vairīm. aməṣ̌əm. spəṇtəm. yazamaide.
Verse: b    aiiōxṣ̌ustəm.1 yazamaide.
Verse: c    marždikəm. ϑrāiiō.driγūm.2 yazamaide.

Paragraph: 5 
Verse: a    spəṇtąm. vaŋuhīm. ārmaitīm. yazamaide.
Verse: b    rātąm. vaŋuhīm. vouru.dōiϑrąm. mazdaδātąm. aṣ̌aonīm. yazamaide.

Paragraph: 6 
Verse: a    hauruuatātəm. aməṣ̌əm. spəṇtəm. yazamaide.
Verse: b    yāiriiąm. huṣ̌itīm. yazamaide.
Verse: c    sarəδa. aṣ̌auuana. aṣ̌ahe. ratauuō. yazamaide.

Paragraph: 7 
Verse: a    amərətatātəm.1 aməṣ̌əm. spəṇtəm. yazamaide.
Verse: b    fṣ̌aonīm. vąϑβąm. yazamaide.
Verse: c    aspināca.2 yəuuīnō.3 yazamaide.
Verse: d    gaokərənəm. sūrəm. mazdaδātəm. yazamaide: (hāβan. gāh.)
Verse: e    miϑrəm. vouru.gaoiiaoitīm. yazamaide.
Verse: f    rāma. xvāstrəm. yazamaide: (rapiϑβin. gāh.)
Verse: g    aṣ̌əm. vahištəm. ātrəmca.4
Verse: h    ahurahe. mazdā̊. puϑrəm. yazamaide: (uzīrin. gāh.)
Verse: i    bərəzaṇtəm. ahurəm. xṣ̌aϑrīm. xṣ̌aētəm. apąm. napātəm. auruuat̰.aspəm. yazamaide.
Verse: j    apəmca. mazdaδātąm. aṣ̌aonīm. yazamaide: (aiβisrūϑrim. gāh.)
Verse: k    aṣ̌āunąm.5 vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: l    γənā̊sca. vīrō.vąϑβā̊. yazamaide.
Verse: m    yāiriiąmca. huṣ̌itīm. yazamaide.
Verse: n    aməmca. hutaštəm. huraoδəm. yazamaide.
Verse: o    vərəϑraγnəmca. ahuraδātəm. yazamaide.
Verse: p    vanaiṇtīmca. uparatātəm. yazamaide: (ušahin. gāh.)
Verse: q    sraoṣ̌əm. aṣ̌īm. huraoδəm. vərəϑrājanəm. frādat̰.gaēϑəm.
Verse: r       aṣ̌auuanəm. aṣ̌ahe. ratūm. yazamaide.
Verse: s    raṣ̌nūm. razištəm. yazamaide.
Verse: t    arštātəmca. frādat̰.gaēϑąm. varədat̰.gaēϑąm. yazamaide.

Paragraph: 8 
Verse: a    daδuuā̊ŋhəm. ahurəm. mazdąm. raēuuaṇtəm. xvarənaŋuhaṇtəm.1 yazamaide.
Verse: b    aməṣ̌ā. spəṇtā. huxṣ̌aϑrā. huδā̊ŋhō. yazamaide.2

Paragraph: 9 
Verse: a    ātrəm.1 ahurahe. mazdā̊. puϑrəm. yazamaide.
Verse: b    xvarənō. mazdaδātəm. yazamaide. sauuō. mazdaδātəm. yazamaide.
Verse: c    airiianəm.2 xvarənō. mazdaδātəm. yazamaide.
Verse: d    uγrəm. kauuaēm. xvarənō. mazdaδātəm. yazamaide:
Verse: e    ātrəm.1 ahurahe. mazdā̊. puϑrəm. yazamaide.
Verse: f    kauuaēm. haosrauuaŋhəm. yazamaide.
Verse: g    vairīm. haosrauuaŋhəm. yazamaide.
Verse: h    asnuuaṇtəm.3 gairīm. mazdaδātəm. yazamaide.
Verse: i    caēcastəm.4 vairīm. mazdaδātəm. yazamaide.
Verse: j    uγrəm. kauuaēm. xvarənō. mazdaδātəm. yazamaide:
Verse: k    ātrəm.1 ahurahe. mazdā̊. puϑrəm. yazamaide.
Verse: l    raēuuaṇtəm. gairīm. mazdaδātəm. yazamaide.
Verse: m    uγrəm. kauuaēm. xvarənō. mazdaδātəm. yazamaide:
Verse: n    5ātrəm.1 ahurahe. mazdā̊. puϑrəm. yazamaide.5
Verse: o    ātarš. spəṇta. raϑaēštāra.6 yazamaide.
Verse: p    yazata. pouru.xvarənaŋha. yazamaide.
Verse: q    yazata. pouru.baēṣ̌aza.7 yazamaide:
Verse: r    ātrəm. ahurahe. mazdā̊. puϑrəm. yazamaide.
Verse: s    vīspe. ātarō.8 yazamaide.
Verse: t    xṣ̌aϑrəm. nafəδrəm. nairiiō.saŋhəm. yazatəm. yazamaide.

Paragraph: 10 
Verse: a    āpō. vaŋuhīš. mazdaδātō. aṣ̌aonīš. yazamaide.
Verse: b    arəduuīm. sūrąm. anāhitąm. aṣ̌aonīm.1 yazamaide.
Verse: c    vīspā̊. āpō. mazdaδātā̊. aṣ̌aonīš. yazamaide.
Verse: d    vīspā̊. uruuarā̊. mazdaδātā̊. aṣ̌aonīš. yazamaide.

Paragraph: 11 
Verse: a    huuarəxṣ̌aētəm. aməṣ̌əm. raēm. auruuat̰.aspəm. yazamaide.

Paragraph: 12 
Verse: a    mā̊ŋhəm. gaociϑrəm. yazamaide.
Verse: b    gaom.1 aēuuō.dātahe. urunō. frauuaṣ̌īm. yazamaide.
Verse: c    gaom.1 pouru.sarəδahe. urunō. frauuaṣ̌īm. yazamaide.

Paragraph: 13 
Verse: a    tištrīm. stārəm. raēuuaṇtəm. xvarənaŋuhaṇtəm.1 yazamaide.
Verse: b    satauuaēsəm. frāpəm. sūrəm. mazdaδātəm. yazamaide.
Verse: c    vīspe. stārō. afšciϑra. yazamaide.
Verse: d    vīspe. stārō. zəmasciϑra. yazamaide.
Verse: e    vīspe. stārō. uruuarō.ciϑra. yazamaide.
Verse: f    vanaṇtəm. stārō. mazdaδātəm. yazamaide.
Verse: g    aoe.2 strə̄uš.2 yazamaide.
Verse: h       yōi. hapta. haptōiriṇga.3
Verse: i       mazdaδāta. xvarənaŋuhaṇta.4 baēṣ̌aziia.
Verse: j          paitištātə̄e. yāϑβąm. pairikanąmca.

Paragraph: 14 
Verse: a    gə̄uš. huδā̊ŋhō. uruuānəm. yazamaide.
Verse: b    druuāspąm. sūrąm. mazdaδātąm. aṣ̌aonīm. yazamaide.

Paragraph: 15 
Verse: a    daδuuā̊ŋhəm. ahurəm. mazdąm. raēuuaṇtəm. xvarənaŋuhaṇtəm. yazamaide.
Verse: b    aməṣ̌ā. spəṇtā. huxṣ̌aϑrā. huδā̊ŋhō. yazamaide.

Paragraph: 16 
Verse: a    miϑrəm. vouru.gaoiiaoitīm.
Verse: b       hazaŋra.gaoṣ̌əm. baēuuarə.caṣ̌manəm.
Verse: c       aoxtō.nāmanəm. yazatəm. yazamaide.
Verse: d    rāma. xvāstrəm. yazamaide.

Paragraph: 17 
Verse: a    1sraoṣ̌əm. aṣ̌īm. huraoδəm. vərəϑrājanəm. frādat̰.gaēϑəm.
Verse: b       aṣ̌auuanəm. aṣ̌ahe. ratūm. yazamaide.

Paragraph: 18 
Verse: a    raṣ̌nūm. razištəm. yazamaide.
Verse: b    arštātəmca. frādat̰. gaēϑąm. varədat̰.gaēϑąm.1 yazamaide.
Verse: c    ərəžuxδəm.2 vācim. yat̰. frādat̰.gaēϑəm.3 yazamaide.

Paragraph: 19 
Verse: a    aṣ̌āunąm.1 vaŋuhīš. sūrā̊. spəṇtā̊. frauuaṣ̌aiiō. yazamaide.

Paragraph: 20 
Verse: a    aməm. hutaštəm.1 huraoδəm. yazamaide.
Verse: b    vərəϑraγnəm. ahuraδātəm. yazamaide.
Verse: c    vanaiṇtīmca.2 uparatātəm. yazamaide.

Paragraph: 21 
Verse: a    rāma. xvāstrəm. yazamaide. vaēm. aṣ̌auuanəm. yazamaide.
Verse: b    vaēm. uparō.kairīm. yazamaide.
Verse: c       tarəδātəm.1 aniiāiš. dāmąn.
Verse: d          aētat̰. tē. vaiiō. yazamaide.
Verse: e             yat̰. tē. asti. spəṇtō.mainiiaom:
Verse: f    ϑβāṣ̌əm. xvaδātəm. yazamaide.
Verse: g    zruuānəm. akaranəm. yazamaide.
Verse: h    zruuānəm. darəγō.xvaδātəm. yazamaide.

Paragraph: 22 
Verse: a    vātəm. spəṇtəm. huδā̊ŋhəm. yazamaide.
Verse: b    aδarəm. yazamaide. uparəm.1 yazamaide.
Verse: c    fratarəm. yazamaide. pascąiϑīm.2 yazamaide.
Verse: d    nairiiąm. hąm.varəitīm. yazamaide.

Paragraph: 23 
Verse: a    daδuuā̊ŋhəm. ahurəm. mazdąm. raēuuaṇtəm. xvarənaŋuhaṇtəm. yazamaide.
Verse: b    aməṣ̌ā. spəṇtā. huxṣ̌aϑrā. hudā̊ŋhō. yazamaide.

Paragraph: 24 
Verse: a    razištąm. cistąm. mazdaδātąm. aṣ̌aonīm. yazamaide.
Verse: b    daēnąm. vaŋuhīm. māzdaiiasnīm. yazamaide.

Paragraph: 25 
Verse: a    aṣ̌īm. vaŋuhīm. yazamaide.
Verse: b       xṣ̌ōiϑnīm. bərəzaitīm. amauuaitīm. huraoδąm. xvāparąm.
Verse: c    xvarənō. mazdaδātəm. yazamaide.
Verse: d    sauuō. mazdaδātəm. yazamaide.
Verse: e    pārəṇdīm. raoraϑąm. yazamaide.
Verse: f    airiianəm.1 xvarənō. mazdaδātəm. yazamaide.
Verse: g    uγrəm. kauuaēm. xvarənō. mazdaδātəm. yazamaide.
Verse: h    uγrəm. axvarətəm. xvarənō. mazdaδātəm. yazamaide.
Verse: i    zaraϑuštrahe.2 xvarənō. mazdaδātəm. yazamaide.

Paragraph: 26 
Verse: a    arštātəm. frādat̰.gaēϑəm.1 yazamaide.
Verse: b    gairīm. uṣ̌i.darənəm. mazdaδātəm. aṣ̌a.xvāϑrəm. yazatəm. yazamaide.

Paragraph: 27 
Verse: a    asmanəm. xvanuuaṇtəm. yazamaide.
Verse: b    vahištəm. ahūm. aṣ̌aonąm. yazamaide.
Verse: c       raocaŋhəm. vīspō.xvāϑrəm.

Paragraph: 28 
Verse: a    ząm. huδā̊ŋhəm. yazatəm.1 yazamaide.
Verse: b    imā̊. asā̊. imā̊. ṣ̌ōiϑrā̊. yazamaide.
Verse: c    gairīm. uṣ̌i.darənəm.2 mazdaδātəm. aṣ̌a.xvāϑrəm. yazatəm. yazamaide.
Verse: d    vīspā̊. garaiiō. aṣ̌a.xvāϑrā̊. pouru.xvāϑrā̊. mazdaδāta.3
Verse: e       aṣ̌auuana. aṣ̌ahe. ratauuō. yazamaide.
Verse: f    uγrəm. kauuaēm. xvarənō. mazdaδātəm. yazamaide.
Verse: g    uγrəm. axvarətəm. xvarənō. mazdaδātəm. yazamaide.

Paragraph: 29 
Verse: a    mąϑrəm. spəṇtəm. ašxvarənaŋhəm.1 yazamaide.
Verse: b    dātəm. vīdōiiūm. yazamaide.
Verse: c    dātəm. zaraϑuštri.2 yazamaide.
Verse: d    darəγąm. upaiianąm. yazamaide.
Verse: e    daēnąm. vaŋuhīm. māzdaiiesnīm. yazamaide.
Verse: f    zarazdāitīm.3 mąϑrəm. spəṇtəm. yazamaide.
Verse: g    uṣ̌i.darəϑrəm. daēnąm. māzdaiiesnīm.
Verse: h    yazamaide. vaēδīm. mąϑrəm. spəṇtəm. yazamaide.
Verse: i    āsnəm. xratūm. mazdaδātəm. yazamaide.
Verse: j    gaoṣ̌ō.srūtəm. xratūm. mazdaδātəm. yazamaide.

Paragraph: 30 
Verse: a    anaγra. raocā̊. xvaδātā̊. yazamaide.
Verse: b    raoxṣ̌nəm. garō. nmānəm. yazamaide.
Verse: c    misuuānəm. gātūm. xvaδātəm. yazamaide.
Verse: d    cinuuat̰.pərətūm. mazdaδātąm.1 aṣ̌aonīm.2 yazamaide.
Verse: e       bərəzaṇtəm. ahurəm. xṣ̌aϑrīm. xṣ̌aētəm.
Verse: f    apąm. napātəm. auruuat̰.aspəm. yazamaide.
Verse: g    3apəmca. mazdaδātąm. aṣ̌aonīm. yazamaide.3
Verse: h    haoməm. zāirīm.4 bərəzaṇtəm. yazamaide.
Verse: i    haoməm. frāṣ̌mīm. frādat̰.gaēϑəm. yazamaide.
Verse: j    haoməm. dūraoṣ̌əm. yazamaide.
Verse: k    dahmąm. vaŋuhīm. āfritīm. yazamaide.
Verse: l    uγrəm. taxməm. dāmōiš. upamanəm. yazatəm. yazamaide:
Verse: m    vīspəmca. aṣ̌auuanəm. mainiiaom. yazatəm. yazamaide.
Verse: n    vīspəmca. aṣ̌auuanəm. gaēϑīm. yazatəm. yazamaide.

{= Y. 26,1-10}
Verse: Q1p    aṣ̌āunąm.5 vaŋuhīš. sūrā̊. spəṇtā̊. frauuaṣ̌aiiō. staomi.
Verse: Q1b       zbaiiemi.
Verse: Q1c       ufiiemi::
Verse: Q1d    yazamaide. nmāniiā̊. vīsiiā̊. zaṇtumā̊. dāx́iiumā̊. zaraϑuštrōtəmā̊.

Verse: Q2a    vīspanąmca. ā̊ŋhąm. paoiriianąm. frauuaṣ̌inąm. iδa. yazamaide.
Verse: Q2b       frauuaṣ̌īm. auuąm.
Verse: Q2c          yąm. ahurahe. mazdā̊.
Verse: Q2d             mazištąmca. vahištąmca. sraēštąmca.
Verse: Q2e             xraoždištąmca. xraϑβištąmca.
Verse: Q2f             hukərəptəmąmca. aṣ̌āt̰. apanōtəmąmca.

Verse: Q3a    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: Q3b       yā̊. aməṣ̌anąm. spəṇtanąm.
Verse: Q3c          xṣ̌aētanąm. vərəzi.dōiϑranąm.
Verse: Q3d          bərəzatąm. aiβiiāmanąm.
Verse: Q3e          taxmanąm. āhūiriianąm.
Verse: Q3f          yōi. aiϑiiajaŋhō. aṣ̌auuanō.

Verse: Q4a       1paoiriianąm. t̰kaēṣ̌anąm.
Verse: Q4b       paoiriianąm. sāsnō.gūṣ̌ąm.2 iδa.
Verse: Q4c       aṣ̌aonąm. aṣ̌aoninąmca.3
Verse: Q4d    ahūmca. daēnąmca. baoδasca.4 uruuānəmca. frauuaṣ̌īmca. yazamaide.
Verse: Q4e          yōi.5 aṣ̌āi. vaonarə::6
Verse: Q4f    gə̄uš. huδā̊ŋhō. uruuanəm. yazamaide.::

Verse: Q5a    yōi. aṣ̌āi. vaonarə. gaiiehe. marəϑnō. aṣ̌aonō. frauuaṣ̌īm. yazamaide::
Verse: Q5b    zaraϑuštrahe. spitāmahe. iδa. aṣ̌aonō. aṣ̌īmca. frauuaṣ̌īmca. yazamaide::
Verse: Q5c    kauuōiš. vīštāspahe. aṣ̌aonō. frauuaṣ̌īm. yazamaide::
Verse: Q5d    isat̰.vāstrahe. zaraϑuštrōiš. aṣ̌aonō. frauuaṣ̌īm. yazamaide.::

Verse: Q6a       nabānazdištanąm. iδa. aṣ̌aonąm. aṣ̌aoninąmca.
Verse: Q6b    ahūmca. daēnąmca. baoδasca. uruuānəmca. frauuaṣ̌īmca. yazamaide.
Verse: Q6c       yōi. aṣ̌āi. vaonarə. mat̰. vīspābiiō. aṣ̌aonibiiō. frauuaṣ̌ibiiō.
Verse: Q6d          yā̊. irīriϑuṣ̌ąm. aṣ̌aonąm.
Verse: Q6e          yā̊sca. juuaṇtąm. aṣ̌aonąm.
Verse: Q6f          yā̊sca. narąm. azātanąm. fraṣ̌ō.carəϑram. saoš́iiaṇtąm.

Verse: Q7a    iδa. iristanąm. uruuanō. yazamaide.
Verse: Q7b       yā̊. aṣ̌aonąm. frauuaṣ̌aiiō::
Verse: Q7c    vīspanąm. ahmiia. nmāne. nabānazdištanąm. para.iristanąm.
Verse: Q7d       aēϑrapaitinąm. aēϑriianąm.
Verse: Q7e       narąm. nāirinąm. iδa.
Verse: Q7f       aṣ̌aonąm. aṣ̌aoninąm. frauuaṣ̌aiiō. yazamaide.

Verse: Q8a    vīspanąm. aēϑrapaitinąm. aṣ̌aonąm. frauuaṣ̌aiiō. yazamaide::
Verse: Q8b    vīspanąm. aēϑriianąm. aṣ̌aonąm. frauuaṣ̌aiiō. yazamaide::
Verse: Q8c    vīspanąm. narąm. aṣ̌aonąm. frauuaṣ̌aiiō. yazamaide::
Verse: Q8d    vīspanąm. nāirinąm. aṣ̌aoninąm. frauuaṣ̌aiiō. yazamaide.

Verse: Q9a    vīspanąm. apərənāiiūkanąm. dahmō.kərətanąm. aṣ̌aonąm. frauuaṣ̌aiiō. yazamaide::
Verse: Q9b    ādax́iiunąmca. aṣ̌aonąm. frauuaṣ̌aiiō. yazamaide::
Verse: Q9c    uzdāx́iiunąmca. aṣ̌aonąm. frauuaṣ̌aiiō. yazamaide.

Verse: Q10a    narąmca. aṣ̌aonąm. frauuaṣ̌aiiō. yazamaide::
Verse: Q10b    nāirinąmca. aṣ̌aoninąm. frauuaṣ̌aiiō. yazamaide::
Verse: Q10c    vīspā̊. aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: Q10d       yā̊. haca. gaiiāt̰. marəϑnat̰.
Verse: Q10e          ā. saoš́iiaṇtāt̰. vərəϑraγnat̰.




Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.