TITUS
Avestan Corpus
Part No. 157
Previous part

Book: A 
Chapter: 1 
Āfrīnagān


Āfrīnagān i Dahmān


Paragraph: 1 
Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xšaϑrəmcā. ahurāi.ā.   yim. drigubiiō. dadat̰. vāstārəm.(du. bār)::

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xšaϑrəmcā. ahurāi.ā.   yim. drigubiiō. dadat̰. vāstārəm.::


Verse: Q2Aa    aṣ̌əm. vohū. vahištəm. astī::
Verse: Q2Ab    uštā. astī. uštā. ahmāi.
Verse: Q2Ac    hiiat̰. aṣ̌āi. vahištāi. aṣ̌əm.(si. bār.)::

Verse: Q2Ba    aṣ̌əm. vohū. vahištəm. astī::
Verse: Q2Bb    uštā. astī. uštā. ahmāi.
Verse: Q2Bc    hiiat̰. aṣ̌āi. vahištāi. aṣ̌əm.::

Verse: Q2Ca    aṣ̌əm. vohū. vahištəm. astī::
Verse: Q2Cb    uštā. astī. uštā. ahmāi.
Verse: Q2Cc    hiiat̰. aṣ̌āi. vahištāi. aṣ̌əm.::

Verse: a    frauuarāne.1 mazdaiiasnō. zaraϑuštriš. vīdaēuuō. ahura.t̰kaēṣ̌ō.
Verse: b       hāuuanə̄e. aṣ̌aone. aṣ̌ahe. raϑβe.
Verse: c          yasnāica. vahmāica. xṣ̌naoϑrāica. frasastaiiaēca.
Verse: d       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: e          yasnāica. vahmāica. xṣ̌naoϑrāica. frasastaiiaēca:2 (rapiϑβin. gāh.)
Verse: f       rapiϑβināi. aṣ̌aone. aṣ̌ahe. raϑβe.
Verse: g          yasnāica. vahmāica. xṣ̌naoϑrāica. frasastaiiaēca.
Verse: h       frādat̰.fṣ̌auue. zaṇtumāica. aṣ̌aone. aṣ̌ahe. raϑβe.
Verse: i          yasnāica. vahmāica. xṣ̌naoϑrāica. frasastaiiaēca: (uzirīn. gāh.)
Verse: j       uzaiieirināi. aṣ̌aone. aṣ̌ahe. raϑβe.
Verse: k          yasnāica. vahmāica. xṣ̌naoϑrāica. frasastaiiaēca.
Verse: l       frādat̰.vīrāi. dāx́iiumāica.3 aṣ̌aone. aṣ̌ahe. raϑβe.
Verse: m          yasnāica. vahmāica. xṣ̌naoϑrāica. frasastaiiaēca:
Verse: n       huuarəxṣ̌aētahe. aməṣ̌ahe. raēuuahe. auruuat̰.aspahe.
Verse: o          xṣ̌naoϑra. yasnāica. vahmāica. xṣ̌naoϑrāica. frasastaiiaēca:
Verse: p       dahmaiiā̊. vaŋhuiiā̊. āfritōiš.
Verse: q       uγrāi. dāmōiš. upamanāi.
Verse: r          xṣ̌naoϑra.1 yasnāica. vahmāica. xṣ̌naoϑrāica. frasastaiiaēca.:

Verse: Q1a    yaϑā. ahū. vairiiō.
Verse: Q1b       zaotā. frā.mē. mrūtē:
Verse: Q1c    aϑā. ratuš. aṣ̌āt̰cīt̰. haca.
Verse: Q1d       frā. aṣ̌auua. vīδuuā̊. mraotū.

Paragraph: 2  {= Y. 60,2}
Verse: a    tā̊. ahmi. nmāne. jamiiārəš.1
Verse: b       yā̊. aṣ̌aonąm. xṣ̌nūtasca. aṣ̌aiiasca.
Verse: c          viiādaibišca. paiti.zaṇtaiiasca::
Verse: d    us. nū. aiŋ́hāi. vīse. jamiiāt̰.
Verse: e       aṣ̌əmca. xṣ̌aϑrəmca.
Verse: f       sauuasca. xvarənasca.
Verse: g       xvāϑrəmca. darəγō.fratəmaϑβəmca.
Verse: h          aiŋ́hā̊. daēnaiiā̊. yat̰. āhurōiš. zaraϑuštrōiš.

Paragraph: 3  {= Y. 60,3}
Verse: a    asista. nū. aiŋ́hat̰. haca. vīsat̰. gāuš. buiiāt̰.
Verse: b       asistəm. aṣ̌əm.
Verse: c       asistəm. narš. aṣ̌aonō. aojō.
Verse: d       asistō. āhūiriš. t̰kaēṣ̌ō.

Paragraph: 4  {= Y. 60,4}
Verse: a    jamiiąn. iϑra. aṣ̌āunąm. vaŋuhīš. sūrā̊. spəṇtā̊. frauuaṣ̌aiiō.
Verse: b       aṣ̌ōiš. baēṣ̌aza. hacimnā̊.
Verse: c       zəm.fraϑaŋha. dānu.drājaŋha. huuarə.barəzaŋha.
Verse: d          ištə̄e. vaŋhaŋhąm.
Verse: e          paitištātə̄e. ātaranąm.
Verse: f          fraṣ̌a.vaxṣ̌iiāi. raiiąmca. xvarənaŋhąmca.

Paragraph: 5  {= Y. 60,5}
Verse: a    vairīt̰. ahmi. nmāne.
Verse: b       sraoṣ̌ō. asruštīm.
Verse: c       āxštiš. anāxštim.
Verse: d       rāitiš. arāitīm.
Verse: e       ārmaitiš. tarōmaitīm.
Verse: f       aršuxδō. vāxš. miϑaoxtəm. vācim. aṣ̌a.drujəm.

Paragraph: 6  {= Y. 60,6}
Verse: a       yaϑa. ahmiia. aməṣ̌ā̊. spəṇta.
Verse: b          sraoṣ̌āδa. aṣ̌iiāδa. paitiṣ̌ąn.
Verse: c             vaŋhūš. yasnąsca. vahmąsca.
Verse: d             vohū. yasnəmca. vahməmca.
Verse: e             hubərətīmca. uštabərətīmca. vaṇtabərətīmca.
Verse: f                ā.darəγāt̰. xvā.bairiiāt̰.

Paragraph: 7  {= Y. 60,7}
Verse: a    mā. yauue. imat̰. nmānəm. xvāϑrauuat̰. xvarənō. frazahīt̰.
Verse: b       mā. xvāϑrauuaiti. īštiš.
Verse: c       mā. xvāϑrauuaiti. āsna. frazaiṇtiš.
Verse: d          xvāϑrō.disiiehe. paiti.
Verse: e          aṣ̌ōišca. vaŋhuiiā̊. darəγəm. haxma.

Verse: Q1Aa    aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.:: (si. bār)

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.::

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.::

Paragraph: 8  (rāspī.)
Verse: a    1ahurahe. mazdā̊. raēuuatō. xvarənaŋuhatō.2 (zōt̰. u. rāspī.) āfrīnāmi.3
Verse: b       xṣ̌aϑraiiāne.4 daiŋ́hu.paiti.5
Verse: c             uparāi. amāi.6
Verse: d             uparāi. vərəϑrāi.
Verse: e             uparāi. xṣ̌aϑrāi.
Verse: f          xṣ̌aϑrəmca.7 paiti.astīmca.8
Verse: g          darəγō.xṣ̌aϑrəm.9 xṣ̌aϑrahe.
Verse: h          darəγō.jītīm. uštānahe.
Verse: i          druuatātəm. tanubiiō:

Paragraph: 9 
Verse: a          aməm. hutaštəm.1 huraoδəm. vərəϑraγnəm. ahuraδātəm.
Verse: b          vanaiṇtīmca.2 uparatātəm.
Verse: c          pouru.spaxštīm.3 t̰biṣ̌iiaṇtąm.4
Verse: d          paiti.jaitīm.5 dušmainiiunąm.6
Verse: e          haϑrāniuuāitīm.7 hamərəϑanąm. auruuaϑanąm. t̰biṣ̌iiaṇtąm.8

Paragraph: 10 
Verse: a    āfrīnāmi.1
Verse: b       vauuanuuā̊. vanat̰.pəṣ̌ənə.2 buiie.
Verse: c          vīspəm. auruuaϑəm.3 t̰biṣ̌iiaṇtəm.4
Verse: d          vīspəm. aγəm. t̰biṣ̌iiaṇtəm.5
Verse: e             araϑβiiō.manaŋhəm.6 araϑβiiō.vacaŋhəm.6 araϑβiiō.š́iiaoϑnəm.6

Paragraph: 11 
Verse: a       vauuanə.1 buiie.
Verse: b          raϑβiia. manaŋha. raϑβiia. vacaŋha. raϑβiia. š́iiaoϑna.
Verse: c       nijanə.2 buiie.
Verse: d          vīspe.3 dušmainiiū.4
Verse: e          vīspe.3 daēuuaiiasnə̄.5
Verse: f       zazə.6 buiie.
Verse: g          vaŋhāuca.7 mižde.
Verse: h          vaŋhāuca. srauuahe.
Verse: i       urunaēca. darəγe. hauuaŋhe.

Paragraph: 12 
Verse: a    āfrīnāmi:1
Verse: b       darəγəm. juua. ušta. juua.
Verse: c          auuaŋhe. narąm. aṣ̌aonąm.
Verse: d          ązaŋhe. dužuuarštāuuarəząm.
Verse: e       vahištəm. ahūm. aṣ̌aonąm.
Verse: f          raocaŋhəm. vīspō.xvāϑrəm:
Verse: g    2aϑa. jamiiāt̰. yaϑa. āfrīnāmi.:

{= Y. 35,2}
Verse: Q1Aa    humatanąm.3 hūxtanąm. huuarštanąm.
Verse: Q1Ab          iiadacā. aniiadacā.
Verse: Q1Ac       vərəziiamnanąmcā. vāuuərəzananąmcā.
Verse: Q1Ad    mahī. aidī.jarətārō.
Verse: Q1Ae       +naē-naēstārō.
Verse: Q1Af          +yaϑənā. vohunąm. mahī. (du. bār.):

Verse: Q1Ba    humatanąm. hūxtanąm. huuarštanąm.
Verse: Q1Bb          iiadacā. aniiadacā.
Verse: Q1Bc       vərəziiamnanąmcā. vāuuərəzananąmcā.
Verse: Q1Bd    mahī. aidī.jarətārō.
Verse: Q1Be       +naē-naēstārō.
Verse: Q1Bf          +yaϑənā. vohunąm. mahī.


Verse: Q2a    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2b    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2c    xšaϑrəmcā. ahurāi.ā.   yim. drigubiiō. dadat̰. vāstārəm.::


Verse: Q3a    aṣ̌əm. vohū. vahištəm. astī::
Verse: Q3b    uštā. astī. uštā. ahmāi.
Verse: Q3c    hiiat̰. aṣ̌āi. vahištāi. aṣ̌əm.::

Paragraph: 13 
Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xšaϑrəmcā. ahurāi.ā.   yim. drigubiiō. dadat̰. vāstārəm.:: (du. bār)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xšaϑrəmcā. ahurāi.ā.   yim. drigubiiō. dadat̰. vāstārəm.::


Verse: a    yasnəmca.1 vahməmca. aojasca. zauuarəca. āfrīnāmi.
Verse: b       dahmaiiā̊. vaŋhuiiā̊. āfritōiš.
Verse: c       uγrāi. dāmōiš. upamanāi.

Verse: Q2a    aṣ̌əm. vohū. vahištəm. astī::
Verse: Q2b    uštā. astī. uštā. ahmāi.
Verse: Q2c    hiiat̰. aṣ̌āi. vahištāi. aṣ̌əm.::

Verse: d    aϑa. jamiiāt̰.2 yaϑa. āfrīnāmi.:

{= Y. 35,2}
Verse: Q3Aa    humatanąm. hūxtanąm. huuarštanąm.
Verse: Q3Ab          iiadacā. aniiadacā.
Verse: Q3Ac       vərəziiamnanąmcā. vāuuərəzananąmcā.
Verse: Q3Ad    mahī. aidī.jarətārō.
Verse: Q3Ae       +naē-naēstārō.
Verse: Q3Af          +yaϑənā. vohunąm. mahī. (du. bār.):

Verse: Q3Ba    humatanąm. hūxtanąm. huuarštanąm.
Verse: Q3Bb          iiadacā. aniiadacā.
Verse: Q3Bc       vərəziiamnanąmcā. vāuuərəzananąmcā.
Verse: Q3Bd    mahī. aidī.jarətārō.
Verse: Q3Be       +naē-naēstārō.
Verse: Q3Bf          +yaϑənā. vohunąm. mahī.



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.