TITUS
Avestan Corpus
Part No. 159
Previous part

Chapter: 3 
Āfrīnagān i Gāhānbār


Paragraph: 1 
Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::(cihār. bār.)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::

Verse: Q1Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Cc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::

Verse: Q1Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Dc    xṣ̌aϑrəmcā. ahurāi. ā.   yim. drigubiiō. dadat̰. vāstārəm.::


Verse: Q2Aa    aṣ̌əm. vohū. vahištəm. astī::
Verse: Q2Ab    uštā. astī. uštā. ahmāi.
Verse: Q2Ac    hiiat̰. aṣ̌āi. vahištāi. aṣ̌əm. (si. bār.)::

Verse: Q2Ba    aṣ̌əm. vohū. vahištəm. astī::
Verse: Q2Bb    uštā. astī. uštā. ahmāi.
Verse: Q2Bc    hiiat̰. aṣ̌āi. vahištāi. aṣ̌əm.::

Verse: Q2Ca    aṣ̌əm. vohū. vahištəm. astī::
Verse: Q2Cb    uštā. astī. uštā. ahmāi.
Verse: Q2Cc    hiiat̰. aṣ̌āi. vahištāi. aṣ̌əm.::

Verse: a    frauuarāne.2 mazdaiiasnō. zaraϑuštriš. vīdaēuuō. ahura.t̰kaēṣ̌ō.
Verse: b       hāuuanə̄e. aṣ̌aone. aṣ̌ahe. raϑβe.
Verse: c          yasnāica. vahmāica. xṣ̌naoϑrāica. frasastaiiaēca.
Verse: d       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: e          yasnāica. vahmāica. xṣ̌naoϑrāica. frasastaiiaēca:2 (...)
Verse: f       rapiϑβināi. aṣ̌aone. aṣ̌ahe. raϑβe.
Verse: g          yasnāica. vahmāica. xṣ̌naoϑrāica. frasastaiiaēca.
Verse: h       frādat̰.fṣ̌auue. zaṇtumāica. aṣ̌aone. aṣ̌ahe. raϑβe.
Verse: i          yasnāica. vahmāica. xṣ̌naoϑrāica. frasastaiiaēca: (..)
Verse: j       uzaiieirināi. aṣ̌aone. aṣ̌ahe. raϑβe.
Verse: k          yasnāica. vahmāica. xṣ̌naoϑrāica. frasastaiiaēca.
Verse: l       frādat̰.vīrāi. dāx́iiumāica.3 aṣ̌aone. aṣ̌ahe. raϑβe.
Verse: m          yasnāica. vahmāica. xṣ̌naoϑrāica. frasastaiiaēca:
Verse: n       huuarəxṣ̌aētahe. aməṣ̌ahe. raēuuahe. auruuat̰.aspahe.
Verse: o          xṣ̌naoϑra. yasnāica. vahmāica. xṣ̌naoϑrāica. frasastaiiaēca.

Verse: p       raϑβąm. aiiaranąmca. asniianąmca. māhiianąmca. yāiriianąmca. sarəδanąmca.
Verse: q          yasnāica. vahmāica. xṣ̌naoϑrāica. frasastaiiaēca.
Verse: r       raϑβō. bərəzatō. yō. aṣ̌ahe.
Verse: s       raϑβąm. aiiaranąmca. asniianąmca. māhiianąmca. yāiriianąmca. sarəδanąmca.
Verse: t       raϑβąm. vīspe. mazištanąm.3
Verse: u          yōi. həṇti. aṣ̌ahe. ratauuō.
Verse: v             hāuuanīm. paiti. ratūm.

Paragraph: 2  (ci. gahaṇbār. bə̄t̰.)
Verse: a       maiδiiōi.zarəmaiiehe.1 raϑβō.
Verse: b       maiδiiōiṣ̌əmahe.2 raϑβō.
Verse: c       paitišhahiiehe.3 raϑβō.
Verse: d       aiiāϑrimahe.4 raϑβō.
Verse: e       maiδiiāiriiehe. raϑβō.
Verse: f       hamaspaϑmaēdaiiehe.5 raϑβō.
Verse: g          xṣ̌naoϑra.6 yasnāica. vahmāica. xṣ̌naoϑrāica. frasastaiiaēca.::

Verse: Q1a    yaϑā. ahū. vairiiō.
Verse: Q1b       zaotā. frā.mē. mrūtē:
Verse: Q1c    aϑā. ratuš. aṣ̌āt̰cīt̰. haca.
Verse: Q1d       frā. aṣ̌auua. vīδuuā̊. mraotū.

Paragraph: 3 
Verse: a    dātāca. aēte.1 mazdaiiasna.
Verse: b       aētəm. ratūmca. miiazdəmca.
Verse: c          yim. maiδiiōizarəmaēm.2
Verse: d       pasə̄uš. garəbuš.3 yōištahe.4 frā.uruzda.paiiaŋhō.5
Verse: e          yezi.6 tat̰. yaiiata.7
Verse: f          nauuāt̰.8 tat̰. yaiiata:7

Paragraph: 4 
Verse: a    huraiiā̊scit̰. aδa.1 aētauuatō. daidiiat̰.2
Verse: b    ā. dit̰.3 fraŋhāraiiat̰. sraoṣ̌āt̰.4 dąhišta.
Verse: c       arš.vacastəma. aṣ̌əm. aṣ̌auuastəma.
Verse: d       xṣ̌aϑrəm. huxṣ̌aϑrōtəma. anazauuaxtəma.5
Verse: e       vouru.rafnōstəma.6 marždikauuastəma.7
Verse: f       ϑrāiiō.driγutəma.8 saš́uštəma.9
Verse: g          aṣ̌ahe. bərəjō.10 striiō.11
Verse: h          maiiā̊.12 pārəṇdīš. upauuāzō.13
Verse: i             yezi. tat̰. yaiiata.
Verse: j             14nauuāt̰. tat̰. yaiiata:14

Paragraph: 5 
Verse: a    aēsmanąmcit̰.1 āat̰.2 huṣ̌atąm.3 pairīštanąm.4
Verse: b       vaziiāiš.5 stāišca.6 staoiiə̄bīš.7
Verse: c          ratə̄uš. nmānəm. frānāṣ̌aiiata.8
Verse: d             yezi. tat̰. yaiiata.
Verse: e             nauuāt̰. tat̰. yaiiata:
Verse: f    aēsmanąmcit̰. āat̰.9 huṣ̌atąm.10 pairīštanąm.
Verse: g       ā.gaoṣ̌ō.masə̄bīš.11
Verse: h       ąxmō.frānō.masə̄bīš.12
Verse: i       zastō.frānō.masə̄bīš.
Verse: j          ratə̄uš. nmānəm. frānāṣ̌aiiata.13
Verse: k             yezi. tūtauua.
Verse: l             nauuāt̰. tūtauua:

Paragraph: 6 
Verse: a    huxṣ̌aϑrōtəmāicit̰.1 at̰.2 xṣ̌aϑrəm. ciṣ̌iiāt̰.
Verse: b       yat̰. ahurāi. mazdāi:
Verse: c    huxṣ̌aϑrōtəmāi. bāat̰.3 xṣ̌aϑrəm. ahmat̰.
Verse: d       hiiat̰. aibī.4 dadəmahicā.5 cīšmahicā. huuąnmahicā.6
Verse: e       hiiat̰.7 mazdāi. ahurāi.
Verse: f          aṣ̌āicā. vahištāi:
Verse: g    dātō. hē. miiazdō. ratufrīš.8


Paragraph: 7 
Verse: a    1paṇcāca. caϑβarəsatəmca.2 maiδiiōi.zarəmaiiehe.3
Verse: b       aṣ̌ahe. vahištahe. daϑuṣ̌ō:
Verse: c    4disiiāt̰. hē. aŋhe. auuat̰. miždəm. parō.asnāi. aŋuhe.5
Verse: d       yaϑa. aētahmi. aŋhuuō. yat̰. astuuaiṇti.4
Verse: e          hazaŋrəm. maēṣ̌inąm.6 daēnunąm.7 paiti.puϑranąm.
Verse: f             narąm. aṣ̌aonąm. aṣ̌aiia. vaŋhuiia. urune. para.daiϑiiāt̰.8
Verse: g             aēuuahe.9 hātąm. cinmānahe.10
Verse: h                yat̰. aṣ̌ahe. vahištahe.:
Verse: i    paoiriieheca. nā.11 miiazdahe. aδāiti.
Verse: j             spitama. zaraϑuštra.
Verse: k          yat̰. maiδiiōi.zarəmaiiehe.12
Verse: l       miiazdauuā̊. ratuš. amiiazdauuanəm.13 ratunaēm.14
Verse: m          aiiasnīm.15 daste.16 aṇtarə. mazdaiiasnāiš.

Paragraph: 8 
Verse: a    xṣ̌uuaštīm.1 maiδiiōi.ṣ̌əmahe.2
Verse: b       tištriiehe. daϑuṣ̌ō:
Verse: c    disiiāt̰. hē. aŋhe. auuat̰. miždəm. parō.asnāi. aŋuhe.
Verse: d       yaϑa. aētahmi. aŋhuuō. yat̰. astuuaiṇti.
Verse: e          hazaŋrəm. gauuąm. daēnunąm. paiti.puϑranąm.
Verse: f             narąm. aṣ̌aonąm. aṣ̌aiia. vaŋhuua. urune. para.daiϑiiāt̰.
Verse: g             aēuuahe.3 hātąm. cinmānahe.4
Verse: h                yat̰. aṣ̌ahe. vahištahe.:
Verse: i    bitiieheca. nā.5 miiazdahe. aδāiti.
Verse: j             spitama. zaraϑuštra.
Verse: k          yat̰. maiδiiōi.ṣ̌əmahe.6
Verse: l       miiazdauuā̊. ratuš. amiiazdauuanəm. ratunaēm.
Verse: m          auuacō.uruuaitīm.7 daste.8 aṇtarə. mazdaiiasnāiš.

Paragraph: 9 
Verse: a    †paṇcāca. haptāitīm. paitišhahiiehe.1
Verse: b       xṣ̌aϑrahe. vairiiehe. anaγranąm:
Verse: c    disiiāt̰. hē. aŋhe. auuat̰. miždəm. parō.asnāi. aŋuhe.
Verse: d       yaϑa. aētahmi. aŋhuuō. yat̰. astuuaiṇti.
Verse: e          hazaŋrəm. aspanąm.2 daēnunąm. paiti.puϑranąm.
Verse: f             narąm. aṣ̌aonąm. aṣ̌aiia. vaŋhuiia. urune. para.daiϑiiāt̰.
Verse: g             aēuuahe.3 hātąm. cinmānahe.4
Verse: h                yat̰. aṣ̌ahe. vahištahe.†
Verse: i    ϑritiieheca. nā. miiazdahe. aδāiti.
Verse: j             spitama. zaraϑuštra.
Verse: k          yat̰. paitišhahiiehe.5
Verse: l       miiazdauuā̊. ratuš. amiiazdauuanəm. ratunaēm.
Verse: m          garəmō.varaŋhəm.6 daste.7 aṇtarə. mazdaiiasnāiš.

Paragraph: 10 
Verse: a    †ϑrisatəm. aiiāϑrimahe.1
Verse: b       miϑrahe. anaγranąm:
Verse: c    disiiāt̰. hē. aŋhe. auuat̰. miždəm. parō.asnāi. aŋuhe.
Verse: d       yaϑa. aētahmi. aŋhuuō. yat̰. astuuaiṇti.
Verse: e          hazaŋrəm. uštranąm. daēnunąm. paiti.puϑranąm.
Verse: f             narąm. aṣ̌aonąm. aṣ̌aiia. vaŋhuiia. urune. para.daiϑiiāt̰.
Verse: g             aēuuahe.2 hātąm. cinmānahe.3
Verse: h                yat̰. aṣ̌ahe. vahištahe.:
Verse: i    tūiriieheca. nā. miiazdahe. aδāiti.
Verse: j             spitama. zaraϑuštra.
Verse: k          yat̰. aiiāϑrimahe.4
Verse: l       miiazdauuā̊. ratuš. amiiazdauuanəm. ratunaēm.
Verse: m          vārəmnəm.5 staorəm. frapərənaoiti. aṇtarə. mazdaiiasnāiš.

Paragraph: 11 
Verse: a    aštāitīm. maiδiiāiriiehe.
Verse: b       daϑuṣ̌ō. vərəϑraγnahe:
Verse: c    disiiāt̰. hē. aŋhe. auuat̰. miždəm. parō.asnāi. aŋuhe.
Verse: d       yaϑa. aētahmi. aŋhuuō. yat̰. astuuaiṇti.
Verse: e          hazaŋrəm. kaŋ́hā̊scit̰.1 vąϑβanąm.
Verse: f             narąm. aṣ̌aonąm. aṣ̌aiia. vaŋhuiia. urune. para.daiϑiiāt̰.
Verse: g             aēuuahe.2 hātąm. cinmānahe.3
Verse: h                yat̰. aṣ̌ahe. vahištahe.:
Verse: i    puxδaheca. nā. miiazdahe. aδāiti.
Verse: j             spitama. zaraϑuštra.
Verse: k          yat̰. maiδiiāiriiehe.
Verse: l       miiazdauuā̊. ratuš. amiiazdauuanəm. ratunaēm.
Verse: m          yātəm. gaēϑanąm. frapərənaoiti. aṇtarə. mazdaiiasnāiš.

Paragraph: 12 
Verse: a    †paṇcāca. haptāitīm. hamaspaϑmaēdaiiehe.
Verse: b       1vahištōištōiš. gāϑaiiā̊:1
Verse: c    disiiāt̰. hē. aŋhe. auuat̰. miždəm. parō.asnāi. aŋuhe.
Verse: d       yaϑa. aētahmi. aŋhuuō. yat̰. astuuaiṇti.
Verse: e          vīspa. tarṣ̌uca.2 masanaca. vaŋhanaca. sraiianaca.
Verse: f             narąm. aṣ̌aonąm. aṣ̌aiia. vaŋhuiia. urune. para.daiϑiiāt̰.
Verse: g             aēuuahe.3 hātąm. cinmānahe.4
Verse: h                yat̰. aṣ̌ahe. vahištahe.:
Verse: i    xštuuaheca. nā. miiazdahe. aδāiti.
Verse: j             spitama. zaraϑuštra.
Verse: k          yat̰. hamaspaϑmaēdaiiehe.5
Verse: l       miiazdauuā̊. ratuš. amiiazdauuanəm. ratunaēm.
Verse: m          āhūirīm. t̰kaēṣ̌əm. frapərənaoiti. aṇtarə. mazdaiiasnāiš.

Paragraph: 13 
Verse: a    auuaēzō. dəm.1 pascaēta. fraca. xraosiiōit̰.2
Verse: b       fraca. siiazjaiiōit̰.3
Verse: c    auuaēzō. dəm.1 pascaēta. nārṣ̌ni.4 š́iiaoϑna.5 aiβi.daiϑīta.6
Verse: d       ratuš. ratunaēm.
Verse: e       aϑa. ratunaiiō.7 ratūm.:

Verse: Q1Aa    aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm. (si. bār.)::

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.::

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.::

Paragraph: 14  (rāspī.) {= A. 1,8}
Verse: a    ahurahe. mazdā̊. raēuuatō. xvarənaŋuhatō. (zōt̰. u. rāspī.) āfrīnāmi.1
Verse: b       xṣ̌aϑraiiāne. daiŋ́hu.paiti.
Verse: c             uparāi. amāi.
Verse: d             uparāi. vərəϑrāi.
Verse: e             uparāi. xṣ̌aϑrāi.
Verse: f          xṣ̌aϑrəmca. paiti.astīmca.
Verse: g          darəγō.xṣ̌aϑrəm. xṣ̌aϑrahe.
Verse: h          darəγō.jītīm. uštānahe.
Verse: i          druuatātəm. tanubiiō:

Paragraph: 15  {= A. 1,9}
Verse: a          aməm. hutaštəm. huraoδəm. vərəϑraγnəm. ahuraδātəm.
Verse: b          vanaiṇtīmca. uparatātəm.
Verse: c          pouru.spaxštīm. t̰biṣ̌iiaṇtąm.
Verse: d          paiti.jaitīm. dušmainiiunąm.
Verse: e          haxrāniuuāitīm. hamərəϑanąm. auruuaϑanąm. t̰biṣ̌iiaṇtąm.

Paragraph: 16  {= A. 1,10}
Verse: a    āfrīnāmi.
Verse: b       vauuanuuā̊. vanat̰.pəṣ̌ənə. buiie.
Verse: c          vīspəm. auruuaϑəm. t̰biṣ̌iiaṇtəm.
Verse: d          vīspəm. aγəm. t̰biṣ̌iiaṇtəm.
Verse: e             araϑβiiō.manaŋhəm. araϑβiiō.vacaŋhəm. araϑβiiō.š́iiaoϑnəm.

Paragraph: 17  {= A. 1,11}
Verse: a       vauuanə. buiie.
Verse: b          raϑβiia. manaŋha. raϑβiia. vacaŋha. raϑβiia. š́iiaoϑna.
Verse: c       nijanə. buiie.
Verse: d          vīspe. dušmainiiū.
Verse: e          vīspe. daēuuaiiasnə̄.
Verse: f       zazə. buiie.
Verse: g          vaŋhāuca. mižde.
Verse: h          vaŋhāuca. srauuahe.
Verse: i       urunaēca. darəγe. hauuaŋhe.

Paragraph: 18  {= A. 1,12}
Verse: a    āfrīnāmi:
Verse: b       darəγəm. juua. ušta. juua.
Verse: c          auuaŋhe. narąm. aṣ̌aonąm.
Verse: d          ązaŋhe. dužuuarštāuuarəząm.
Verse: e       vahištəm. ahūm. aṣ̌aonąm.
Verse: f          raocaŋhəm. vīspō.xvāϑrəm:
Verse: g    aϑa. jamiiāt̰. yaϑa. āfrīnāmi.:

{= Y. 35,2}
Verse: Q1Aa    humatanąm. hūxtanąm. huuarštanąm.
Verse: Q1Ab          iiadacā. aniiadacā.
Verse: Q1Ac       vərəziiamnanąmcā. vāuuərəzananąmcā.
Verse: Q1Ad    mahī. aidī.jarətārō.
Verse: Q1Ae       +naē-naēstārō.
Verse: Q1Af          +yaϑənā. vohunąm. mahī. (du. bār.):

Verse: Q1Ba    humatanąm. hūxtanąm. huuarštanąm.
Verse: Q1Bb          iiadacā. aniiadacā.
Verse: Q1Bc       vərəziiamnanąmcā. vāuuərəzananąmcā.
Verse: Q1Bd    mahī. aidī.jarətārō.
Verse: Q1Be       +naē-naēstārō.
Verse: Q1Bf          +yaϑənā. vohunąm. mahī.


Verse: Q2a    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2b    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2c    xšaϑrəmcā. ahurāi.ā.   yim. drigubiiō. dadat̰. vāstārəm.::


Verse: Q3a    aṣ̌əm. vohū. vahištəm. astī::
Verse: Q3b    uštā. astī. uštā. ahmāi.
Verse: Q3c    hiiat̰. aṣ̌āi. vahištāi. aṣ̌əm.::


Paragraph: 19 
Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xšaϑrəmcā. ahurāi.ā.   yim. drigubiiō. dadat̰. vāstārəm.:: (du. bār)

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xšaϑrəmcā. ahurāi.ā.   yim. drigubiiō. dadat̰. vāstārəm.::


{~ A. 3,1}
Verse: a    yasnəmca.1 vahməmca. aojasca. zauuarəca. āfrīnāmi.
Verse: b       raϑβąm. aiiaranąmca. asniianąmca.2 māhiianąmca. yāiriianąmca. sarəδanąmca.
Verse: c          yasnāica. vahmāica. xṣ̌naoϑrāica. frasastaiiaēca.
Verse: d       raϑβō. bərəzatō. yō. aṣ̌ahe.
Verse: e       raϑβąm. aiiaranąmca. asniianąmca. māhiianąmca. yāiriianąmca. sarəδanąmca.
Verse: f       raϑβąm. vīspe. mazištanąm.
Verse: g          yōi. həṇti. aṣ̌ahe. ratauuō.
Verse: h             hāuuanīm. paiti. ratūm.

{= A. 3,2}
Verse: i       maiδiiōi.zarəmaiiehe. raϑβō.
Verse: j       maiδiiōiṣ̌əmahe. raϑβō.
Verse: k       paitišhahiiehe. raϑβō.
Verse: l       aiiāϑrimahe. raϑβō.
Verse: m       maiδiiāiriiehe. raϑβō.
Verse: n       hamaspaϑmaēdaiiehe. raϑβō.

Verse: Q2a    aṣ̌əm. vohū. vahištəm. astī::
Verse: Q2b    uštā. astī. uštā. ahmāi.
Verse: Q2c    hiiat̰. aṣ̌āi. vahištāi. aṣ̌əm.::


Verse: o    aϑa. jamiiāt̰. yaϑa. āfrīnāmi.:

{= Y. 35,2}
Verse: Q3Aa    humatanąm. hūxtanąm. huuarštanąm.
Verse: Q3Ab          iiadacā. aniiadacā.
Verse: Q3Ac       vərəziiamnanąmcā. vāuuərəzananąmcā.
Verse: Q3Ad    mahī. aidī.jarətārō.
Verse: Q3Ae       +naē-naēstārō.
Verse: Q3Af          +yaϑənā. vohunąm. mahī. (du. bār.):

Verse: Q3Ba    humatanąm. hūxtanąm. huuarštanąm.
Verse: Q3Bb          iiadacā. aniiadacā.
Verse: Q3Bc       vərəziiamnanąmcā. vāuuərəzananąmcā.
Verse: Q3Bd    mahī. aidī.jarətārō.
Verse: Q3Be       +naē-naēstārō.
Verse: Q3Bf          +yaϑənā. vohunąm. mahī.


Verse: Q4Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Ac    xšaϑrəmcā. ahurāi.ā.   yim. drigubiiō. dadat̰. vāstārəm. (vīst. yak. bār.)::

Verse: Q4Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q4Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Cc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q4Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Dc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q4Ea    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Eb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Ec    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q4Fa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Fb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Fc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q4Ga    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Gb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Gc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q4Ha    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Hb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Hc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q4Ia    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Ib    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Ic    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q4Ja    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Jb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Jc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q4Ka    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Kb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Kc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q4La    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Lb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Lc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q4Ma    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Mb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Mc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q4Na    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Nb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Nc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q4Oa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Ob    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Oc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q4Pa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Pb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Pc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q4Qa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Qb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Qc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q4Ra    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Rb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Rc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q4Sa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Sb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Sc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q4Ta    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Tb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Tc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q4Ua    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Ub    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Uc    xšaϑrəmcā. ahurāi.ā.   yim. drigubiiō. dadat̰. vāstārəm.::


Verse: Q5Aa    aṣ̌əm. vohū. vahištəm. astī::
Verse: Q5Ab    uštā. astī. uštā. ahmāi.
Verse: Q5Ac    hiiat̰. aṣ̌āi. vahištāi. aṣ̌əm. (duāzdah. bār.)::

Verse: Q5Ba    aṣ̌əm. vohū. vahištəm. astī::
Verse: Q5Bb    uštā. astī. uštā. ahmāi.
Verse: Q5Bc    hiiat̰. aṣ̌āi. vahištāi. aṣ̌əm.::

Verse: Q5Ca    aṣ̌əm. vohū. vahištəm. astī::
Verse: Q5Cb    uštā. astī. uštā. ahmāi.
Verse: Q5Cc    hiiat̰. aṣ̌āi. vahištāi. aṣ̌əm.::

Verse: Q5Da    aṣ̌əm. vohū. vahištəm. astī::
Verse: Q5Db    uštā. astī. uštā. ahmāi.
Verse: Q5Dc    hiiat̰. aṣ̌āi. vahištāi. aṣ̌əm.::

Verse: Q5Ea    aṣ̌əm. vohū. vahištəm. astī::
Verse: Q5Eb    uštā. astī. uštā. ahmāi.
Verse: Q5Ec    hiiat̰. aṣ̌āi. vahištāi. aṣ̌əm.::

Verse: Q5Fa    aṣ̌əm. vohū. vahištəm. astī::
Verse: Q5Fb    uštā. astī. uštā. ahmāi.
Verse: Q5Fc    hiiat̰. aṣ̌āi. vahištāi. aṣ̌əm.::

Verse: Q5Ga    aṣ̌əm. vohū. vahištəm. astī::
Verse: Q5Gb    uštā. astī. uštā. ahmāi.
Verse: Q5Gc    hiiat̰. aṣ̌āi. vahištāi. aṣ̌əm.::

Verse: Q5Ha    aṣ̌əm. vohū. vahištəm. astī::
Verse: Q5Hb    uštā. astī. uštā. ahmāi.
Verse: Q5Hc    hiiat̰. aṣ̌āi. vahištāi. aṣ̌əm.::

Verse: Q5Ia    aṣ̌əm. vohū. vahištəm. astī::
Verse: Q5Ib    uštā. astī. uštā. ahmāi.
Verse: Q5Ic    hiiat̰. aṣ̌āi. vahištāi. aṣ̌əm.::

Verse: Q5Ja    aṣ̌əm. vohū. vahištəm. astī::
Verse: Q5Jb    uštā. astī. uštā. ahmāi.
Verse: Q5Jc    hiiat̰. aṣ̌āi. vahištāi. aṣ̌əm.::

Verse: Q5Ka    aṣ̌əm. vohū. vahištəm. astī::
Verse: Q5Kb    uštā. astī. uštā. ahmāi.
Verse: Q5Kc    hiiat̰. aṣ̌āi. vahištāi. aṣ̌əm.::

Verse: Q5La    aṣ̌əm. vohū. vahištəm. astī::
Verse: Q5Lb    uštā. astī. uštā. ahmāi.
Verse: Q5Lc    hiiat̰. aṣ̌āi. vahištāi. aṣ̌əm.::


{~ Ny. 1,18 / Y. 72,9 / 68,11 / SrB 5}
Verse: Q6a    ahmāi. raēšca.4 xvarənasca.
Verse: Q6b       ahmāi. tanuuō. druuatātəm.
Verse: Q6c       ahmāi. tanuuō. vazduuarə.
Verse: Q6d       ahmāi. tanuuō. vərəϑrəm.
Verse: Q6e       ahmāi. īštīm. pouruš.xvāϑrąm.
Verse: Q6f       ahmāi. āsnąmcit̰. frazaṇtīm.
Verse: Q6g       ahmāi. darəγąm. darəγō.jītīm.
Verse: Q6h       ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm:

Verse: p    aϑa. jamiiāt̰. yaϑa. āfrīnāmi.:


Verse: Q7a    aṣ̌əm. vohū. vahištəm. astī::
Verse: Q7b    uštā. astī. uštā. ahmāi.
Verse: Q7c    hiiat̰. aṣ̌āi. vahištāi. aṣ̌əm.::

{= Y. 72,9}
Verse: Q8Aa       hazaŋrəm. baēṣ̌azanąm.
Verse: Q8Ab       baēuuarə. baēṣ̌azanąm. (si. bār.)::
Verse: Q8Ba       hazaŋrəm. baēṣ̌azanąm.
Verse: Q8Bb       baēuuarə. baēṣ̌azanąm.::
Verse: Q8Ca       hazaŋrəm. baēṣ̌azanąm.
Verse: Q8Cb       baēuuarə. baēṣ̌azanąm.::

Verse: Q9a    aṣ̌əm. vohū. vahištəm. astī::
Verse: Q9b    uštā. astī. uštā. ahmāi.
Verse: Q9c    hiiat̰. aṣ̌āi. vahištāi. aṣ̌əm.::

Verse: Q10a    jasa. mē. auuaŋhe. mazda. (du. bār.)
Verse: Q10b    jasa. mē. auuaŋhe. mazda.
Verse: Q10c    jasa. mē. auuaŋhe. mazda.

Verse: Q11b       amahe. hutāštahe. huraoδahe.
Verse: Q11c       vərəϑraγnahe. ahuraδātahe.
Verse: Q11d       vanaiṇtiiā̊sca. uparatātō.::

{= Y. 72,10}
Verse: Q12a       rāmanasca. xvāstrahe.
Verse: Q12b       vaiiaoš. uparō.kairiiehe.
Verse: Q12c       taraδātō. aniiāiš. dāmąn::
Verse: Q12d    aētat̰. tē. vaiiō.
Verse: Q12e       yat̰. tē. asti. spəṇtō.mainiiaom::
Verse: Q12f          ϑβāṣ̌ahe. xvaδātahe.
Verse: Q12g          zruuānahe. akaranahe.
Verse: Q12h          zruuānahe. darəγō.xvaδātahe.:

Verse: Q13a    aṣ̌əm. vohū. vahištəm. astī::
Verse: Q13b    uštā. astī. uštā. ahmāi.
Verse: Q13c    hiiat̰. aṣ̌āi. vahištāi. aṣ̌əm.::

Verse: C1a    kərba. mažd. gunāh. guzārašni. rā. kunōm. ašahī. ruuą.
Verse: C1b       dušārm. rā. ham. kərbaī. i. hamā. vahą. i. haft. buṇdahihā. bə̄. rasāt̰::
Verse: C1c    ašō. bə̄t̰. də̄r. zī.::

Verse: q    aϑa. jamiiāt̰. yaϑa. āfrīnāmi.:

Verse: Q14a    aṣ̌əm. vohū. vahištəm. astī::
Verse: Q14b    uštā. astī. uštā. ahmāi.
Verse: Q14c    hiiat̰. aṣ̌āi. vahištāi. aṣ̌əm.::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.