TITUS
Avestan Corpus
Part No. 171
Previous part

Chapter: 3 
Paragraph: 13 
Verse: a    āat̰. iδa. tūm. saŋhāni.
Verse: b          tūm. yaϑa. puϑrō. vīštāspāi.
Verse: c       upa. ϑβā. satəm.1 sāsnanąm.
Verse: d          ϑβąm. hacat̰.puϑrąm. hacat̰.paēmaniiąm.2
Verse: e             kāraiiō. vā. paēmaniiō. vā.
Verse: f                xṣ̌uuiptiiō. vā.3 {~ Vd. 21,7}
Verse: g                   yaϑa. yat̰. te. frauuaocāma.

Paragraph: 14 
Verse: a       ahurəmca. mazdąm.
Verse: b       sraoṣ̌əmca. aṣ̌īm.
Verse: c       daēnąmca. māzdaiiasnīm.
Verse: d          vīspąm.1 vīspō.afsmanąm.2
Verse: e          vīspąm.1 vīspō.vərəziiąm.
Verse: f          vīspąm.1 vīspō.haṇkərəϑiiąm.3
Verse: g          hacat̰.aēṣ̌ąm.4 frādat̰.gaēϑąm.
Verse: h          sraota.gaoṣ̌ąm. vouru.rafnahīm.
Verse: i             narąm. aṣ̌aonąm.
Verse: j       nipāϑrīm.5 narąm. aṣ̌aonąm.
Verse: k       nišaŋharəϑrīm.6 narąm. aṣ̌aonąm.

Paragraph: 15 
Verse: a       yā. haca.taēca. aṣ̌ā.
Verse: b          viδiiaca.1 aṣ̌əm.
Verse: c          frāδatica.2 aṣ̌ahe. gaēϑā̊.3
Verse: d       naēδaca. narəm. aṣ̌auuanəm.
Verse: e          vīδuš.aṣ̌əm.4 saoṣ̌iiaṇtəm. ϑβā.
Verse: f             paiti.irite.
Verse: g          vīspō. hāuuanānō.5 vīspō. ātarəuuaxṣ̌ahe.
Verse: h          vīspō. frabarətaš.6 vīspō. ābərətō.
Verse: i          vīspō. āsnāϑrō.7 vīspō. raϑβiškarahe.8
Verse: j          vīspō. sraoṣ̌āuuarəzahe.

Paragraph: 16 
Verse: a          vīspō. aϑaurunō. vīspō. raϑaēštārahe.1
Verse: b          vīspō. vāstriiehe.2 fṣ̌uiiaṇtō.
Verse: c          vīspō. nmānahe. nmānō.patōiš.3
Verse: d          vīspō. vīsō. vīspatōiš.
Verse: e          vīspō. zaṇtə̄uš. zaṇtupatōiš.
Verse: f          vīspō. daŋ́hə̄uš. daŋ́hupatōiš.

Paragraph: 17 
Verse: a          vīspō. yūnō. humanaŋhō. {~ H. 2,18}
Verse: b             huvacaŋhō. huš́iiaoϑanahe.1 hudaēnahe.
Verse: c          vīspō. yūnō. uxδa.vacaŋhō.
Verse: d          vīspō. xvaētuuadaϑahe.2
Verse: e          vīspō. daŋ́hāuruuaēsahe.3
Verse: f          vīspō. humāiiehe. pairijaϑnō.4
Verse: g          vīspō. nmānahe. nmānō.paϑniiā̊.

Paragraph: 18 
Verse: a       vīspe. ā. te. ā. ϑātuš. te. ā. ratūš.1
Verse: b          yōi.2 həṇti. aṣ̌ahe. ratauuō. {~ Y. 1,10 u.ö.}
Verse: c             ϑriiasca.3 ϑrisąsca.
Verse: d       nazdišta. pairiš.hāuuanaiiō.
Verse: e          yōi. həṇti. aṣ̌ahe. ratauuō.
Verse: f             ϑrātōtəmō.1

Paragraph: 19 
Verse: a                te.
Verse: b                   puϑra. kauua. vīštāspa.
Verse: c          paiti. saδre.1 hamaraϑanąm.
Verse: d             aouruuatanąm. t̰bišaētąm.2
Verse: e                satāiš. satōtəmō.sata.3
Verse: f                hazaŋrāi. hazaŋrōtəmō.hazaŋra.
Verse: g                baēuuarāi. baēuuarōtəmō.baēuuara.4
Verse: h                ahąxštaγnāi. ahąxštōtəmō.ahąxšta.5

Paragraph: 20 
Verse: a    imat̰. uxδəm. vacō. frauuaocāt̰.
Verse: b          yaϑa. yat̰. te. frauuaocāma.1
Verse: c       dātō. vaŋhən.2 ahura. mazda. {~ Vd. 19,17}
Verse: d    azəm. ϑβā. yasna. yazāne.3
Verse: e    azəm. ϑβā. yasna. frāiiazāne.3
Verse: f       imat̰. dąma. yat̰. ahurahe. mazdā̊.

Paragraph: 21 
Verse: a    paiti. dim. pərəsat̰.1
Verse: b          puϑrō. kauua. vīšspatā.
Verse: c       kana. ϑβā. azəm. yazāne.2 {~ Vd. 19,17}
Verse: d       kana. yasna. frāiiazāne.3
Verse: e          imat̰. dąma. yat̰. ahurahe. mazdā̊.

Paragraph: 22 
Verse: a    āat̰. mraot̰. zaraϑuštrō.
Verse: b       upa. ϑβā. kā̊ŋhāmaide.
Verse: c       tūm. ahi.1 puϑrō. kauua. vīštāspāi.2
Verse: d    uruuaranąm. uruϑmiianąm.3 jasāi. {~ Vd. 19,18}
Verse: e       srīra. urusta. amauuaiti.
Verse: f       aētat̰. uxδəm. vacō. frauuaocāi.
Verse: g          nəmō. uruuaire. vaŋuhi.
Verse: h             mazdaδāte.4 aṣ̌aone.

Verse: Q1a    aṣ̌əm. vohū.5 vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::

Paragraph: 23 
Verse: a    barəsmana.1 he. uzbāraiiat̰.2
Verse: b       paoiriiō. vā. bitiiō. vā. ϑritiiō. vā.
Verse: c    upa. tū. nō.3 aiṣ̌iiāsta.
Verse: d       barəsma. aṣ̌aiia. frastarətəm.
Verse: e          aṣ̌aiia. aiṣ̌iiāstəm.
Verse: f          anabdātəm.4 auuō.dātəm.
Verse: g          nitəmanąmcit̰.5 vasō.vatəm.
Verse: h          nitəmanąmca.6 vasō.jąn.nāirīm. xṣ̌aiiaṇtəm.

Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.