TITUS
Avestan Corpus
Part No. 170
Previous part

Chapter: 2 
Paragraph: 6  {~ Ny. 3,10}
Verse: a       dasta. aməm. vərəϑraγnəmca.
Verse: b       dasta. gə̄uš. xvāϑrō.nahīm.2
Verse: c    paiti.aoxta. zaraϑuštrō.3
Verse: d          puϑra. kauua. vīštāspa.
Verse: e       dasta. narąm. paouruuatātəm.
Verse: f          4stāhiianąm. viiāxnanąm.
Verse: g          vanatąm. auuanəmnanąm.
Verse: h          vanatąm. hamartə̄.
Verse: i             stē.rapaṇtąm. ciϑra.vaŋ́hąm.5
Verse: j          vanatąm. dušmainiiuš.
Verse: k             stē.rapaṇtąm. ciϑra.vaŋhąm.

Paragraph: 7  {~ Ny. 3,11}
Verse: a       yazata. paouru.xvarənaŋhō.
Verse: b       yazata. paouru.baēṣ̌azō.
Verse: c          ciϑra. vō. buiiāriš. masąnā̊.1

Paragraph: 8  {~ Yt. 10,66}
Verse: a    āat̰. paiti.aoxta.1 zaraϑuštra.
Verse: b          puϑra. kauua. vīštāspa.
Verse: c       masānā̊. zauuanō.sauuō.
Verse: d          ciϑrəm. vō. bauuā̊. yūžəm. cit̰.
Verse: e       xvarənō. baxṣ̌aiiata.2 āpa.
Verse: f       dasta. nō. təm. yānəm.3
Verse: g       jaiδiiata. aṣ̌iš. vaŋuhi.
Verse: h       rātāca. vouru.dōiϑra.
Verse: i       hacatu. pāraṇdica.4 raoraϑa.

Paragraph: 9 
Verse: a    ciϑrəm. buiiā̊. tūmcit̰.
Verse: b       yaϑa. he. puϑra. kauua. vīštāspa.
Verse: c    pōiϑβəm. buiiā̊. imat̰. nmānəm.
Verse: d       bərəzi.stūnəm.1 gaosūrəm.
Verse: e          aiiasaŋha.
Verse: f    paiti. tarō.piϑβəm. daiϑiiāt̰.
Verse: g       yaϑa. āϑrauua. hąmō.nāfō.2

Paragraph: 10 
Verse: a          raṣ̌uuatąmca.
Verse: b    paiti.aoxta. zaraϑuštra.
Verse: c          puϑra. kauua. vīštāspa.
Verse: d       daēnaiiā̊sca. māzdaiiasnōiš.
Verse: e    yaϑa. brāϑrəm. vā. brāta. vā.1
Verse: f          haxaiia.2 vā.
Verse: g       daēnąmca. ācikatōišca.3
Verse: h    bauuat̰. yō. haxaδra. hauuara.4 {~ Vyt. 4,43}
Verse: i       yim. aiβi.vinat̰.5 ...6
Verse: j          yō. aṣ̌auua.7 zaraϑuštrō.

Paragraph: 11 
Verse: a    aojīta.1 zī. zaraϑuštra.2
Verse: b       fraṣ̌aoštraēibiia. jāmāspaēibiia.
Verse: c          aṣ̌aiiata. vāstriiaϑa.3
Verse: d             puϑra. fraṣ̌aoštra.
Verse: e       uiti. mraot̰. ahurō. mazdā̊.
Verse: f          āi. aṣ̌āum. zaraϑuštra.

Paragraph: 12 
Verse: a    paiti.aoxta. zaraϑuštra.
Verse: b          puϑra. kauua. vīštāspa.
Verse: c       mā. xviiāϑa. dužzaotārō.
Verse: d          mā. afriiō.zaotārō.
Verse: e       dužzaotārō. zī. ahmāt̰. afriiō.zaotārō.
Verse: f          narō. paouru. raxsąm.1
Verse: g             yaϑa. yōi. aiiazəmna. aməṣ̌ə̄. spəṇtə̄.
Verse: h             yaϑa. tūm. išaēta.2

Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::

Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.