TITUS
Avestan Corpus
Part No. 169
Previous part

Book: Vyt 
Chapter: 1 
Vištāsp-Yašt

On the basis of the edition N.L. Westergaard, Copenhagen 1852-54, 302 ff. (Yt. 24)



Paragraph: 1  {~ AZ 1}
Verse: a    dahmi.2 ahmi. āfri.vacā̊.
Verse: b    paiti.aoxta. zaraϑuštra.3
Verse: c          puϑra. kauua. vīštāspa.
Verse: d    xvarənaŋhā̊. me. sadaiieiti.
Verse: e          zaraϑuštra. puϑra. kauua. vīštāspa.
Verse: f       vohū.jīti. us.jīti. darəγəm.jīti.4
Verse: g    jivaiti.5 narąm. jiviti.6 nāirikąm.
Verse: h       jiuuaiti.5 puϑrō.7
Verse: i    zaiiā̊ṇte.8 tanu.kəhrpa.9
Verse: j       kəhrpa. xaiiə̄uš.10

Paragraph: 2  {~ AZ 4}
Verse: a    aṣ̌auua.
Verse: b       yaϑa. zaraϑuštrō.1 paouru.gāuuō.
Verse: c       yaϑa. āϑβiiānōiš.2 paouru.aspō.
Verse: d       yaϑa. paourušaspahe. aṣ̌əm.mərəṇcō.3
Verse: e       yaϑa. kauua. husrauua.4
Verse: f          araŋhąm. dūre.paitinąm.5 amauuā̊.
Verse: g       yaϑa. vafrō. nauuāzō.6

Paragraph: 3  {~ AZ 5}
Verse: a    zaiiā̊ṇte. tanu.kəhrpa.
Verse: b          dasa. puϑra. ϑrāiiō.
Verse: c       yaϑa. aϑaurunō. ϑrāiiō.
Verse: d       yaϑa. raϑaēštārahe.1 ϑrāiiō.
Verse: e       yaϑa. vāstriiehe.2 fṣ̌uiiaṇtō.
Verse: f    aēuua. te. puϑrō. jāmāspō.
Verse: g       āfrin.3 kərənauuāhi.4
Verse: h          vaŋhīš. vahištā̊.5

Paragraph: 4 
Verse: a    aiiaska. amahrka. bauuāhi.1 {~ AZ 5}
Verse: b       yaϑa. pəṣ̌ō.tanuš.2 tižuuaṇtəm.3 bauuāt̰.4
Verse: c       yaϑa. miϑrəm. saokauuaṇtəm. bauuāhi.1
Verse: d       yaϑa. mā̊ŋhəm. raoxšnəm. auuāhi.1
Verse: e       yaϑa. āϑrəm.4 zaranumaṇtəm.5 bauuāhi.6
Verse: f       yaϑa.
Verse: g          yat̰. asti. zaranumatō.5 mašiiānahe.4

Paragraph: 5 
Verse: a    pasca. araitiiā̊tō.1
Verse: b       yaϑa.
Verse: c          yat̰. hazaŋrəm. yārəm. vahištəm. ahūm.
Verse: d             aṣ̌aonąm. raocaŋhəm. vīspō.xvāϑrəm.

Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::

Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.