TITUS
Avestan Corpus
Part No. 168
Previous part

Book: AZ 
Afrīn-ī Zardušt

On the basis of the edition N.L. Westergaard, Copenhagen 1852-54, 300 ff. (Yt. 23)


Paragraph: 1 
Verse: a    dahmō. ahmi. āfrī.vacā̊.1
Verse: b    xvarənaŋhā̊.1 me. saδaiiehi.2
Verse: c    āat̰. aoxta. zaraϑuštrō.
Verse: d          kauuōiš. vīštāspahe.3
Verse: e       āfrīnāmi. tauua.4 nara. daŋ́hu.paiti.
Verse: f          vohu.jīti.5 us.jīti. darəγəm.jīti.5
Verse: g       jaite. te.6 narąm.
Verse: h       jaite. te.6 nāirikąm.
Verse: i       jaite. te.6 puϑra.
Verse: j       us.zaiiā̊ṇte.7 tanu.kərəta.

Paragraph: 2 
Verse: a    aēuua. te.1 bauuāhi.2
Verse: b       yaϑa. jāmāspō.
Verse: c    uta. āfrīnəm. kərənauuāt̰.3
Verse: d       yaϑa. daŋ́hə̄uš. vīštāspāi.4
Verse: e    səuuištō. bauuāhi.
Verse: f       yaϑa. mazdā̊. vərəϑrajā̊.
Verse: g       yaϑa. ϑraētaonō. amauua.5
Verse: h       yaϑa. jāmāspō. aš.varəcā̊.
Verse: i       yaϑa. kauua. usa.6 pouru.jirō.
Verse: j       yaϑa. aošnarō.7
Verse: k    zə̄naŋhutəm.8 bauuāhi.
Verse: l       yaϑa. taxmō. urupa.9

Paragraph: 3 
Verse: a    1xvarənaŋhuṇtəm. bauuāhi.
Verse: b       yaϑa. yō. yimō. xṣ̌aētō. huuąϑβō.
Verse: c    hazaŋra.yaoxštiiō.2 bauuāhi.
Verse: d       yaϑa. ažōiš. dahākāi. aγa.daēna.3
Verse: e    uγrəm. aojištəm. bauuāhi.
Verse: f       yaϑa. kərəsāspəm. huδāŋəhəm.
Verse: g    viiāxnəm. bauuāhi.
Verse: h       yaϑa. uruuāxšahe.3 srīrəm. kəhrpəm.
Verse: i    anāstrauuanəm.4 bauuāhi.
Verse: j       yaϑa. kauua. siiāuuaršānō.5

Paragraph: 4 
Verse: a    pouru.gō.1 bauuāhi.
Verse: b       yaϑa. āϑβiiānōiš.2
Verse: c    pouru.aspəm. bauuāhi.
Verse: d       yaϑa. pourušaspəm.3
Verse: e    aṣ̌auua. bauuāhi.
Verse: f       yaϑa. zaraϑuštrō. spitāmō.
Verse: g    raŋhąm. dūraē.pārąm.4 bauuāhi.
Verse: h       yaϑa. yō. vafrō.5 nauuāzō.
Verse: i    uruuaϑō.6 bauuāhi. yazatanąm.
Verse: j       yaϑa. zarōnəm.7 maṣ̌iiānąm.

Paragraph: 5 
Verse: a    zaiiā̊ṇte.1 haca. vō. dasa. puϑra.
Verse: b    ϑrāiiō. bauuāhi.
Verse: c       yaϑa. aϑaurunō.
Verse: d    ϑrāiiō. bauuāhi.
Verse: e       yaϑa. raϑaēštārahe.
Verse: f    ϑrāiiō. bauuāhi.
Verse: g       yaϑa. vāstriiehe. fṣ̌uiiaṇtō.
Verse: h    aēuua. te. bauuāhi.
Verse: i       yaϑa. 2vīštāspāi.

Paragraph: 6 
Verse: a    auruuat̰.aspəm. bauuāhi.
Verse: b       yaϑa. huuarə.
Verse: c    raocinauuaṇtəm. bauuāhi.
Verse: d       yaϑa. mā̊ŋhəm.
Verse: e    saocinauuaṇtəm. bauuāhi.
Verse: f       yaϑa. ātarəm.
Verse: g    tižinauuaṇtəm.1 bauuāhi.
Verse: h       yaϑa. miϑrəm. huraoδəm.
Verse: i    vərəϑrājanəm. bauuāhi.
Verse: j       yaϑa. sraoṣ̌əm. aṣ̌īm.2

Paragraph: 7 
Verse: a    arš.t̰kaēṣ̌əm.1 bauuāhi.
Verse: b       yaϑa. raṣ̌nuš.2
Verse: c    dušmainiiū.jaiiaṇtəm.3 bauuāhi.
Verse: d       yaϑa. vərəϑraγnəm. ahuraδātəm.
Verse: e    pouru.xvāϑrəm. bauuāhi.
Verse: f       yaϑa. rāmanō. xvāstrahe. aiiaskəm.4
Verse: g    amahrkəm.5 bauuāhi.
Verse: h       yaϑa. kauua. husrauua.

Paragraph: 8 
Verse: a    pasca. āfrīnəm.1 aipi.jasaiti.2
Verse: b       vahištəm. ahūm. aṣ̌aonąm.
Verse: c       raocaŋhəm. vīspō.xvāϑrəm.

Verse: Q1a    aϑa. jamiiāt̰. yaϑa. āfrīnāmi.

{= Y. 35,2}
Verse: Q2a       humatanąm. hūxtanąm. huuarštanąm.
Verse: Q2b          iiadacā. aniiadacā.
Verse: Q2c       vərəziiamnanąmcā. vāuuərəzananąmcā.
Verse: Q2d    mahī. aidī.jarətārō.
Verse: Q2e       +naē-naēstārō.
Verse: Q2f          +yaϑənā. vohunąm. mahī.::3

{= Y. 27,13}
Verse: Q3a    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q3b    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q3c    xšaϑrəmcā. ahurāi.ā.   yim. drigubiiō. dadat̰. vāstārəm.::

{= Y. 27,14}
Verse: Q4a    aṣ̌əm. vohū. vahištəm. astī::
Verse: Q4b    uštā. astī. uštā. ahmāi.
Verse: Q4c    hiiat̰. aṣ̌āi. vahištāi. aṣ̌əm.::

{~ Y. 72,9 / 68,11}
Verse: Q5a    ahmāi. raēšca.1 xvarənasca.
Verse: Q5b       ahmāi. tanuuō. druuatātəm.
Verse: Q5c       ahmāi. tanuuō. vazduuarə.
Verse: Q5d       ahmāi. tanuuō. vərəϑrəm.
Verse: Q5e       ahmāi. īštīm. pouruš.xvāϑrąm.
Verse: Q5f       ahmāi. āsnąmcit̰. frazaṇtīm.
Verse: Q5g       ahmāi. darəγąm. darəγō.jītīm.
Verse: Q5h       ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm:




Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.