TITUS
Pahlavi Translation of the Avesta: Yasna (Old Avestan)
Part No. 2
Previous part

Chapter: 29    Link to avesta Link to yasna
Paragraph: 1    Link to avesta Link to yasna
Verse: a    ō ašmā [amahraspandān] gōšurun garzīd [ast kē ēdōn gōwēd ay xwadāyīh-iš guft ō Ohrmazd-rōn] kū ō kē man brēhēnīd hom [pad xwardan ud dāštan] ō kē man tāšīd hom [kū ō kē dād hom].
Verse: b    ān man ān ī xēšm [kē-m pad xēšm zanēd] stahmag [kū-m be āzarēd] ī rēškēn [kū-m apaymān kušēd] ā-m āhōgēnēd pad hamāg abāz darrīdār-iz [kū-m bōdōzed be kunēd] ud truftār-iz [kū-m be duzēd]
Verse: c    nē man wāsnīdār any az ašmā [kū kas-ē nē dānom kē-m nēkīh ēdōn aziš ciyōn az ašmā] ēdōn man rāy sāzēd ān ī weh wāstar

Paragraph: 2    Link to avesta Link to yasna
Verse: a    ēdōn ān ī gōspand tāšīdar [Ohrmazd] pursīd kū ašwahišt kē tō gōspand rad [kū-t ēn dādestān ciyōn kū-t rad ī gōspandān]
Verse: b    kē ēn dād pādixšāyīh [xwardan ud dāštan] kē-š ast dahēd wāstar ud ān-iz ī gōspandān dahišn tušāg [kū-š wāstar dahēd u-š pasuš hurw-ē az ān paydāgēnēd kē gōspand be abzāyēnēd]
Verse: c    kē ōy pad nēkīh xwadāy [ka-š parwardišn nē kunēd ā-z pādixšāy xwardan] kē ōy druwand ī xēšmen [anēr] wānišn dahēd [ēn passōx kū-š stō kunēd]

Paragraph: 3    Link to avesta Link to yasna
Verse: a    ōy kē ān ī gōspand tan sālārīh nē pad abēšīdārīh [cē-š pad bēšīdārīh] ašwahišt passox guft [kū-š pādifrāh kunēd]
Verse: b    awēšān nē āgāh hēnd ān ī āštīh ud rōšn rāst [ awēšān druwand pādifrāh ī pad ruwān cē ud cand kunišn nē dānēd]
Verse: c    az astān ān ōzōmanddar [kū ōz ī ān ī ōy kārdar] kē ō ān pad xwānišn rasēd ō kardārīh [kū ka-š xwānēnd kū kār ud kirbarg kunēnd]

Paragraph: 4    Link to avesta Link to yasna
Verse: a    Ohrmazd saxwan āmārēnīdār [kū pad wināh ud kirbag āmār kunēd] kē-šān warzīd pēš-iz
Verse: b    dēwān ud mardōmān ud kē-z warzēnd pad
Verse: c    ān be wizīdār xwadāy [kū kār ud dādestān be wizīnēd] ēdōn amā hēm ciyōn ōy kāmag [kū amā-z ī abāyist ān ī ōy]

Paragraph: 5    Link to avesta Link to yasna
Verse: a    ēdōn az ašmā [amahraspandān] pad ustān axwīh [menišnīg] ustān dastīh [tuxšāgīhā] franāmom ō ohrmazd [kū az amahraspandān ō tis ī ohrmazd wēš franāmom ud tis ī ohrmazd wēš kunom]
Verse: b    kū ān ī man ruwān gāw ī az [abāg bawād kū-m ruwān mizd dahānd] ō ohrmazd ān ī pad gumānīg hampursēnd [kū ān ī gumānīg bawānd ā-m az ohrmazd abāg tuwān bawād pursīdan]
Verse: c    nē ō rāst zīwišn frāz abesīhinišnīh [kū kē pad rāstīh zīwēd ā-š abesīhišnīh ī pad ruwān nē bawēd] nē ōy ī fšōnēnīdār [kū ōy ī fšōnēnīdār kē tis pad frārōnīdār kē tis pad frārōnīh dārēd nē ēdōn ciyōn] bē az ōy ī druwand [cē ōy ī druwand ōh bawēd]

Paragraph: 6    Link to avesta Link to yasna
Verse: a    ēdōn-iš pad dahān guft ohrmazd āgāhīhā wišōbišn wizārišn [kū-š dānišnīg guft kū anāgīh az gannāg mēnōg cārag ast]
Verse: b    nē ēdōn axwīgīh windišn [kū ān ī pad gyāg cārag kardan nē šāyēd ēd rāy cē xwadāy pad xwadāy nē dārēnd] ud nē dahišn ī radīh az ahlāyīh cegām-iz-ē [kū dastwar-iz ēdōn ciyōn dāštan nē dārēnd]
Verse: c    ēdōn tō ō ōy fšōnēnīdār ud warzīdār brēhēnīd hē ud tāšīd hē [kū ō ōy ī tuxšāg ud paymānīg dād hē]

Paragraph: 7    Link to avesta Link to yasna
Verse: a    ān ī abzōnīgīh pad mānsar ohrmazd ō ōy ī tāšīdār kē pad ahlāyīh hamdōšišnīh [kū ān mizd az mānsar paydāg ō ōy dahēnd kē kār ud kirbag kunēd]
Verse: b    ohrmazd gōspand waxšēnēd [kū-š be abzāyēnēd] ān xwardārān [kū pad paymān xwarēd] ī ōy abzōnīg [ohrmazd] hammōxt [pad sēnag masāy ud bāzā masāy]
Verse: c    kē tō ēd wahman [kū ēd ī-t ōh ānayēd] kē pad ān ī harw dō [abestāg ud zand] dahān dahēd ō ōšmurdārān [hērbedān]

Paragraph: 8    Link to avesta Link to yasna
Verse: a    ēd man dahišn niwist [kū-m ān ēdōn ēd ēwag niwist] ō ān ī amā hammōxtišn ēd ēwag kē niyōšāg
Verse: b    zardušt ī spitāmān ōy ān ī amā ohrmazd kāmag ahlāyīh-iz [kū abāyist ō kār ud kirbag bowandag]
Verse: c    cārag-kardārīh-iz srāyēd [kū cārag ī druz ī andar gēhān be gōwēd] kē ō ōy hamgōwišnīh dahēd pad gōwišn [kū gōwišn ī frārōn rāy ōh gōwēd ā-š ānōh pad mēnōg gāh ī nēk dahēnd]

Paragraph: 9    Link to avesta Link to yasna
Verse: a    ēdōn-iz gōšurun garzīd kū ōy axwāstār rāy [ī atuwān zardušt] ā-m bawēd ašād menišnīh pad ān ī arād dahišnīh [ka-š bowandag abar be nē rādēnēnd]
Verse: b    gōwišn-iz ī ō mardān anabzārīh rāy [ka dēn bowandag nē rawāg] kē-m awēšān kāmag xwāhišn ī ō xwadāyīh [kū-m awēšān rāy mowbedān mowdedīh abāyēd]
Verse: c    ciyōn hargiz ān dahišn ast [kū ān zaman hargiz rasēd] ka ō ōy dahīhēd pad tuwān xwāhišnīh ayārīh [ō ōy zardušt].

Paragraph: 10    Link to avesta Link to yasna
Verse: a    ašmā ō awēšān ohrmazd ayārīh dahēd ašwahišt ud šahrewar [kū zardušt ud hāwištān ī zardušt nēkīh padiš kunēnd].
Verse: b    ēdōn-iz wahman kē humānišnīh [gāh ī ānōh] rāmišn-iz ā-š dahād
Verse: c    az-iz ōy ohrmazd [ōy zardušt] ā-š az tō menom fradom windišn [kū-š fradom nēkīh az tō bawēd]

Paragraph: 11    Link to avesta Link to yasna
Verse: a    kū dahišn ī ašwahišt ud wahman ud šahrewar kē ēdōn ō man rasēnēd [kū ān ī mizd kū gyān ēstēd]
Verse: b    ašmā-m ohrmazd was pad ēd meh magīh pādāšnēnēd [kū-m pad ēd abēzag wehīh pādāšn kunēd]
Verse: c    ohrmazd nūn amā kāmag ān ī ō amā rādīh ī az ašmā [nūn ka abdīh ī ašmā wēš dānom ā-m nēkīh az ašmā kāmagdar būd kē gōwēd ay nūn ka dēn rawāg be būd man ud hāwištān ī man mizd az tō kāmag]


Next part


This text is part of the TITUS edition of Pahlavi Translation of the Avesta: Yasna (Old Avestan).

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.