TITUS
Pahlavi Translation of the Avesta: Young Avestan
Part No. 11
Previous part

Book: Vn 
Vaēϑā Nask Link to avesta


Chapter: _ 
Paragraph: 1    āgāhīh pad dēn ī weh māzdēsn ohrmazd guft [kū āgāhīh kū andar dēn ī weh māzdēsn guft ast]

Paragraph: 2    ēdōn ān mard ahlaw ast [kū mard weh mard ast]

Paragraph: 3    mard pad fradom frāz dranǰēnēd humat ud hūxt ud huwaršt [kū andar dēn ī māzdēsn humat ud hūxt ud huwaršt frāz xwānēd]

Paragraph: 4    pas az abardar kunišn nēk warzēnēd [kirbag nēk kunēd]

Paragraph: 5    ka mard ayāb nāyrīg ayāb pus bē widerēd [kū bē mīrēd andar mān ī māzdēsn]

Paragraph: 6    abāg ristag pāy sagān kadār-iz-ē xnišast kunēd [kū sag ī pasušharw ud wišharw ud wohunazg ud draxt-hunar ud zard čahār-čašmag ud tarunag ud dālman ud rōbāh ud sārīgar ud raspūg-iz]

Paragraph: 7    az ān az-aš nasuš rāy zad bawēd

Paragraph: 8    pas az ān rist rāy dō mard xwēš-wistarag xwēš-bālišn dahēd

Paragraph: 9    pas kē ān rist rāy abar daxmag bē barēnd [awēšān kē māzdēsn hēnd kū gāh ī gumbat bē gīrēnd]

Paragraph: 10    awēšān-iz pas ristag ruwān rāy srōš ahlaw yōǰdāsrag [kū pāk] kirrēnēd [kū xšnūman ī srōš ahlaw kū yazišn ī srōš ahlaw sē rōzag ud sē šabag kardan]

Paragraph: 11    pad ān az ān ī ruwān taristag ī ciyān-widarag bē widāram ān ī ruwān pahlom axw bē wizāram man kē ohrmazd ham [ān ruwān āsāntar bē kunam]

Paragraph: 12    ān andar pahlom axw ān andar pahlom ahlāyīh ān andar pahlom xrōšnīh u-š bē baram [kū ān ruwān <ud> gyān xpāsbānīh kunam kū dast srōš ahlaw bē gīrēd]

Paragraph: 13    kū ān āz ān ī āz kirrēnēd mayānag amā wastarag bawād

Paragraph: 14    mā ān az awēšān zanēnēnd

Paragraph: 15    ǰādūgōmand āzēnēnd abar mard-aš ēdōn būd

Paragraph: 16    abar gīrēd [abar ēn zamīgēn nē bē gīrēd]

Paragraph: 17    u-š guft ohrmazd spitāmān zarduxšt

Paragraph: 18    gōwišn mardōm

Paragraph: 19    driyōš hammōxtan

Paragraph: 20    frāz dān az-aš wehān čīyōn kē dahmān gōwišnīh guftar ān andar tan xōšōmand ān ruwān-iz

Paragraph: 21    tāg dagr gāh ayār hēnd

Paragraph: 22    kē kard dārišn ēwgad abar dazēd

Paragraph: 23    ēg ān pursīd zarduxšt az ohrmazd

Paragraph: 24    agar ān dēn ī mazdēsnān mard ast [kū mard weh mard ast andar ān māzdēsnān]

Paragraph: 25    ān ī dudīgar dādestān nāyrīg abar šusr frāz xhilēd [ān mard kū abar xgāyišn bawēd kū abar ān ǰud-dēn nāyrīg gāyēd wināh frāz kard bawēd kū mard druwand būd hē]

Paragraph: 26    kū az ān pus bē zāyēd [kū paydāg bawēd]

Paragraph: 27    agar ān ī mard nē dahēd

Paragraph: 28    ēg abar guft ohrmazd

Paragraph: 29    agar ān dēn xmāzdēsnān mard ast [kū mard weh mard ast]

Paragraph: 30    ān mard dudīgar dādestān nāyrīg abar šusr frāz hilēd [ān mard kū xgāyišn bawēd]

Paragraph: 31    ka az ān pus bē zāyēd [nāyrīg kū frazand paydāg bawēd] nē ān gyān zanēd [kū pad any bē parwarēd]

Paragraph: 32    agar ān pus zanēd [kū zanēd]

Paragraph: 33    ēdōn ān mard āstārīd bawēd čīyōn tanāpuhlagān [kū margarzān bawēd wināh dudīgar kard bawēd gyān]

Paragraph: 34    ēdōn ān mard dudīgar dādestān bawēd [kū druwand xbūd hē]

Paragraph: 35    [ān mard rāy] nē ān ī man taristag čiyān-widarag abar bē widāram man kē ohrmazd ham [kū ān ruwān pad puhl nē wizāram]

Paragraph: 36    agar ān ī mard rāy xwāstag ast [kū mīrās ud drahm ast]

Paragraph: 37    nēm-bahr ī ān pus bē dahēd xud nēm-bahr ī ān dudīgar dādestān nāyrīg bē dahēd

Paragraph: 38    nē ān ī awēšān xwēšīhā ī mardōm bē griftād [kū mardōm ī xwēš awēšān drahm nē nihēd]

Paragraph: 39    čīyōn ān kē mard ēg ān andar druwandān xbūd xhē [xēg ān mard andar dēn nē bawēd andar druwandān wināhgārān bawēd]

Paragraph: 40    kē andar dēn ī māzdēsnān kadār-iz-ē mard-iz ayāb nāyrīg-iz hē

Paragraph: 41    andar ān dādestān ayāb andar ān ǰud-dādestān kas abar ān šusr nē frāz hilēd [xkū mard abāg har kas-ē rāy xāyōxtan kū gāyēd wināh frāz kard bawēd kirbag nē ēstēd ān kirbag kard xdahišn wattar bawēd]

Paragraph: 42    nē frāz brēhēnīd ēstēd [kū abar har kas šusr hilišn nē kunēd]

Paragraph: 43    ēg ān xwēš tan ayōǰdāsrag xkirrēnēd tāg ō hamāg hamāg rawišnīh [kū apāk]

Paragraph: 44    u-š ān ī tōzišn nē pad xbrēhēnīd ēstēd

Paragraph: 45    [agar ān gōwēd xkū] petīt xnazdīk ī rad bawišn [kū pēš rad]

Paragraph: 46    ān āb abar zamīg tazēnānd

Paragraph: 47    haft hēnd hāmīn xmāh ud panǰ zamestān ān kirrēnīd

Paragraph: 48    ēdōn-iz hēnd sardagān čand ān zamān mēnēd

Paragraph: 49    stī ahlaw xdād ā-š būd

Paragraph: 50    u-š ān barišn ēw-tāg kē ān ristag

Paragraph: 51    nē ān ī xmaxš burd

Paragraph: 52    kē xwēzēd ēdōn awēšān zōhrag ō ātaxš ān frāz barēd čīyōn mard wad-zarmān ud zamān

Paragraph: 53    xwēš mīrēd ān ī u-š xēw-tag

Paragraph: 54    kē ēn zamīg kanēnānd

Paragraph: 55    kē ān ī mard ahlaw

Paragraph: 56    ān ī ristag az andar zamīg kirbag bē kanēnēd

Paragraph: 57    abar kadār-iz-ē ān mard

Paragraph: 58    nē ān parštom tūiriiÀm az ān deh azānwar

Paragraph: 59    widest frāz-ird awēšān-iz narān

Paragraph: 60    ān ī sāl-drahnā harwispān hamāg-sardagān

Paragraph: 61    awēšān-iz narān bē widerēd fradom sag wēnēd ud ān ī nē xdīd ast mā kas barād ēw-tāg

Paragraph: 62    čīyōn pēš guft ast

Paragraph: 63    āškārāg ahlaw bawēd harwisp-iz ēdōn abar frāz warzēnēd dušmat-iz ud dušhūxt-iz <ud> dušxwaršt-iz warzēnānd čīyōn mard ahlaw ahlaw būd

Paragraph: 64    ēdōn ān mard ast kē ahlāyīh andar tan menēd kē ān andar tan sahēd kū abāz rānēnēd

Paragraph: 65    kē ān nasāōmand āb zōhrag frāz rasēd

Paragraph: 66    ēdōn ān az kunišn tanāpuhlagān [kū margarzān tāg] ō hamāg hamāg rawišn ayōǰdāsrag bawēd [wināhgārag xwad bawēd kirbag nē ēstēd xdahišn wattar bawēd]

Paragraph: 67    ān ī rawišn garā bawēd

Paragraph: 68    ān ī abar gāh ud rōz-ē ayāb wīr rasēd ayāb bāδaištəmca abāg bē gīrēd ud ān ī tan mehēnānd az-iš

Paragraph: 69    mā xawēšān wīr [mā wīr] zanēd mā awēšān sag zanēd

Paragraph: 70    nas dēwān ud druz frāz dād

Paragraph: 71    kē andar mān ī māzdēsnān bē widerēd u-š ān rōz ī čahārom

Paragraph: 72    ān ī ōy mān mizd dahēd gōšt ud may kirrēnēd [kū xūbtar kardan abāyēd]

Paragraph: 73    ēdōn-iz hēnd mizd hudāg urwarān sardagān [kū xtōxmagān] frāz yazēd ud wāstar-iz frāz yazēd

Paragraph: 74    barsom abar barēd abāg zōhrag kū yašt frāz barēd

Paragraph: 75    xwarrahōmand amahraspandān frāz barēd xud ān ī aršwang weh frāz barēd u-š humat ud hūxt ud huwaršt

Paragraph: 76    mihr ī frāx-gōyōd dēn ī māzdēsnān xud srōš kē ān ī ahlaw pērōzgar ohrmazd-dād and pārand sūr harwisp-iz dēn ī māzdēsn

Paragraph: 77    pursīd zarduxšt az ohrmazd [kū ān ī ahlaw]

Paragraph: 78    agar ān ī dudīgar dādestān mard-ē kū druwand hē

Paragraph: 79    xud ān ī mard dēn ī weh xsahist kard bawēd

Paragraph: 80    ān ī ēn ǰud-dēw kū ohrmazd dādestān bē gīrēnd ayāb nē gīrēnd [kū andar dēn rawēd kū kē nē az-iš]

Paragraph: 81    u-š guft ohrmazd

Paragraph: 82    agar ān ī dudīgar dādestān mard hē kū druwand hē

Paragraph: 83    ān mard kū weh dēn ī māzdēsn abar sahēd

Paragraph: 84    ān ī ōy ēn ǰud az dēw ī andar ohrmazd dādestān āstawānīg bē gīrēnd [kū kāmag weh dēn āwārēd]

Paragraph: 85    awēšān-iz mard bē padīrēnd ān ī abardar humat ud hūxt ud huwaršt

Paragraph: 86    ān pad xgāhān srāyišn xwānēd [kū sraw azbāyēd]

Paragraph: 87    nē ān mard pad dušgōwišn warzēd

Paragraph: 88    hē ān awēšān mardān pēš harwisp duškunišn warzēd [kū pēš harwisp wināh kard ast]

Paragraph: 89    ān wināh frāz abganēd weh dēn ī māzdēsnān harwisp duškunišn [kū wināh xwār dārēd]

Paragraph: 90    xēdōn ān mard andar weh dēn bawēd

Paragraph: 91    čīyōn ān pēš dēn ast [kū fradom dēn rawāg kard hē]

Paragraph: 92    homānāg ī ōy čīyōn awēšān mardān ahlaw būd hād spitāmān zarduxšt [kū weh dēn andar xāmad hē]

Paragraph: 93    ēdōn ān ī kē xmard xandar weh dēn xāmad xhād

Paragraph: 94    ēdōn ān mard gāhān sraw dranǰēnēd [kū bē gōwēd]

Paragraph: 95    ēdōn awēšān kē harwisp yazdān bē sahēd [kū bē srāyēd]

Paragraph: 96    pad pas-iz xwarišn poxt xwarēd gōšt-iz poxt xwarēd [kū bē xwarēd]

Paragraph: 97    ēdōn ān ī mard pas kē xwarēd kū xward ēstēd pas az gāhān yazēd čīyōn zafar bē hilēd [kū bē kušāyēd]

Paragraph: 98    ēdōn ān mard weh dēn būd hē [kū māzdēsn]

Paragraph: 99    har rōz panǰ gāh gāhān srāyēnēd [kū sraw ī gāhān guftan]

Paragraph: 100    asnē ī ahlāyīh rad hāwan abar gāh mihr <ī> frāx-gōyōd yazēd [kū gāh ī mihr xbē ē gōwēd]

Paragraph: 101    ān ī abar gāh xwaršēd ud mihr-iz niyāyišn bē kunēd [kū <namāz> farz bē wizārēd]

Paragraph: 102    rapihwinīg abar gāh ahlāyīh pahlom <yazēd> [kū gāh ī ašwahišt gōwēd]

Paragraph: 103    ud ō ān xwaršēd mihr-iz niyāyišn bē kunēd [kū namāz farz bē wizārēd]

Paragraph: 104    uzērinīg abar gāh burz yazd yazēd [kū gāh ī uzērinīg bē gōwēd]

Paragraph: 105    <ud> ō ān niyāyišn xwaršēd ud mihr-iz niyāyišn bē kunēd [kū namāz farz <bē> wizārēd]

Paragraph: 106    ēbsrūsrim ī ēbgāyīg abar gāh ahlawān frawahr yazēd [kū gāh ī ēbsrūsrim bē xē gōwēd]

Paragraph: 107    srōš ahlaw-iz weh yazēd

Paragraph: 108    ušahin abar gāh srōš ahlaw abāg kadār-iz dranǰēnēd [kū ōšmārēd]

Paragraph: 109    mā kas dēwān dranǰēnēd ān ī xōy kas-ē mard xdēwēsn xwānēd

Paragraph: 110    ān ī ōy mard rāy axw sēzōmand bē abganam man kē ohrmazd ham [kū andar dar dušox rawēd az wināhgārīhā rawēd]

Paragraph: 111    awēšān-iz mardān mēšag ē gōmēzēnd [kū mēz bē kunēnd]

Paragraph: 112    škastag kun ān ī ōy gannāg mēnōg druwand [dēwān zanēd]

Paragraph: 113    ān mard ēk ahunawar frāz xwānēd [kū bē xwānēd] abar zafar bē bandēd [kū bē bandēd]

Paragraph: 114    pas az gōmēzag kardan [kū bē kard hād]

Paragraph: 115    pas humat gāhān bē xwānēd

Paragraph: 116    ān ī ōy ašemwohū ud dō humatanām sē huxšatrōtemāy čahār ahunawar frāz xxwānēd [kū frāz bē xwānēd]

This text is part of the TITUS edition of Pahlavi Translation of the Avesta: Young Avestan.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.