TITUS
Dadestan-i denig
Part No. 5
Previous part

Chapter: 4  
Paragraph: 1     4-om pursišn ān ī pursīd kū ēn zaxm ud tars ī-mān az āwām pādixšāyān ud abārīg anāgīh ud āhōg ī weh-dēnīg *kār hamē rasēd u-š dādestān čē ēwēnag bawēd? u-mān pad mēnōgān weh-dādestānīh ast ayāb nē?
Page of ed.: 50 
Paragraph: 2     pāsox ēd kū andar dēn ī māzdēsnān guft ēstēd kū rāh-bandīh kē-š pad ahlāyīh bēš čiyōnīh ēn wizārišn ast kū ān saxtīh ud andōh ī duš-xwārag ī pad kirbag rawāgēnīd rāy rasēd nē pad saxtīh ud ranj ud duš-xwārag ī was abāyēd hangārd.
Paragraph: 3     ī ka nē pad andōh ud saxtīh abāyēd hangārd ēg-iš az-iš paydāgīhēd kū pad ān pādāšn ān and āsānīh ud rāmišn be ō ruwān rasēd čiyōn nē kas az ān saxtīh ud duš-xwārīh ī-š pad hāwand ī ān kirbag abar mad az ān čiyōn dēn ī weh ōstīgān dāštan menēd stāyēd u-š pad-iš ēstēd ēwar kū kirbag andar kirbagān mādayān.
Paragraph: 4     ān har(w) tars ud *wišayg ud duš-xwārīh ī-mān im weh-dēn dāštan rāy az hamēstārān ī dēn abar rasēd mihr ī dēn rāy be gugārēm ud az dēn *wardišnīh andar yazdān a-burd-šnōhr nē bawēm. ēg-imān hāwandīh [ī] spās passazagīhā rasēd az yazdān ō ruwān: šnāyišn <ī> urwāhm āsānīh ud xwārīh.

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.