TITUS
Dadestan-i denig
Part No. 6
Previous part

Chapter: 5  
Paragraph: 1     5-om ān ī pursīd kū čē rāy wehān anāgīh wēš hamē rasēd kū ō wattarān?
Paragraph: 2     pāsox ēd kū nē har(w) hangām ud har(w) gāh nē har(w) wehān anāgīh wēš rasēd čē mēnōgīg wēš nēkīh ī wehān ēwar be gētīgīg ud abērtar andar *wad-zamānīh amaragānīhā anāgīh ud bēš abar wehān wēš paydāgtar.
Paragraph: 3     u-š čim was ēk ī hangirdīg ēn-iz kū dar [ud] wihān ī rasišn wēš čē rasišn ī anāgīh az dō dar abērtar: az dēwān ī anāgīh baxtārān ēk az wattarān [ī] anāgīh-kardārān ēk.
Paragraph: 4     ud agar ōh-iz jahišnīg wattarīh wattarān bēš dārēnd pas-iz amaragānīhā anāgīh ī ō wattarān az dēwān ud ān ī ō wehān az dēwān ud az wattarān-iz rasēd u-š pad im rāh ī rasišn ēwēnag be gāh dō.
Page of ed.: 52 
Paragraph: 5     ēn-iz abērtar ēdōn čiyōn pēšēnīgān guft kū weh kār ranj abērtar pad gētīg u-šān mizd pādāšn ī ēwarīgtar pad mēnōg ud wattarān āsānīh ud rāmišn pad gētīg wēš u-šān dard ud pādifrāh ī pad mēnāg garāntar.
Paragraph: 6     ud ēn-iz ast kū wehān tars ī az dard ud pādifrāh ī az dušox rāy āsānīh ud xwārīh ī pad gētīg hilēnd. čiš-iz abārōnīh nē menē[n]d ud gōwē[n]d ud kunēnd ēmēd ī ō ān ī āsānīh ud rāmišn pad wahišt rāy was ranj ud tars ī pad frārōn warzīdārīh ī pad menišn gōwišn ud kunišn kāmagīhā ō grīw padīrēnd.
Paragraph: 7     ud wattarān ruzdīh ī pad rāmišn ī zamānīg rāy ān-iz rāmišn ī abārōnīhā ī-š *padisārīg dušox ast ēg-iš xwēš-tan zamānīgīhā pad-iš rāmēnēnd ud waranīgīh ud xwad-dōšagīh rāy ān-iz kār kē-š rāh ī ō wahišt pad-iš šāyēd būdan xwēš-tan pad-iš nē ranjēnd.
Paragraph: 8     ud pad ēd rāh andar gētīg wattarān āsānīh [ud] rāmišn frāy ud wehān andōh ud bēš ud zarīg ud anāgīh wēš bawēd dīdār[ī]g paydāg čim.

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.