TITUS
Dadestan-i denig
Part No. 36
Previous part

Chapter: 35  
Paragraph: 1     35-om pursišn ān ī pursīd kū awēšān kē andar fraš-kardārīh andar abāyēnd kē hēnd kē bawēnd čiyōn hēnd?
Paragraph: 2     pāsox ēd kū abāyišnīgān ī pad ān ī pāšom kār gōkānī[g] ōšmurd drāz čē gayōmart jamšēd ud zardušt spītāmān ašōān rad ud wasān wuzurg spāsān abzār ī fraš(a)gird frazāmēnīd rāy brēhēnē[n]d. azišān wuzurg abd ud a-wizīrišnīg rāyēnīdārīh abar raft ī ō kardan ī fraš(a)gird kunēd.
Paragraph: 3     pad-iz ān ī fraš(a)gird nazdīkīh sāmān kersāsp kē dahāk wānēd ud kay xusrō kē wāy ī dagrand-xwadāy *widārīhēd ud tūs ud wēw abāg ān abārīg čand wuzurg kunišnān ayār hēnd fraš-kardārīh.
Paragraph: 4     be ān ī wāspuhragānīgtar fraš(a)gird kardār guft ēstēd ī-šān nām rōšnčašm xwarčašm *frādat-xwarrah wīdat-xwarrh ud kāmag-nyāyišn kāmag-sūd ud sōšāns.
Paragraph: 5     čiyōn guft ēstēd kū andar 57 sāl ī rist-āxēzišnīh zamānag rōšnčašm pad arzah ud xwarčašm pad sawah frādat-xwarrah pad Page of ed.: 108  fradadafš ud wīdat-xwarrah pad wīdadafš kāmag-nyāyišn pad wōrūbaršt ud kāmag-sūd pad wōrūjaršt ud sōšāns pad xwanirah ī bāmīg abēzag.
Paragraph: 6     paywast-axwīh bowandag-ham-wēnišnīh spurīgīhā-dānišnīh ud purr-xwarrahīh ī ān haftān fraš(a)gird-kardārān ēdōn abd kū az kišwar be ō kišwar har(w) ēk ō 6 āgenēn ēdōn ham-pursēnd čiyōn nūn mardōm ō ham-wēnišnīh ham-gōwišnīh ud ham-kunišnīh pad uzwān ēk ō did saxwan gōwēnd ud ham-pursagīh kunēnd.
Paragraph: 7     ham pāšom-kunišnān pad 6 sāl andar 6 kišwar pad 50 sāl andar xwanirah [ī] bāmīg a-margīh win(n)ārēnd hamē-zīndagīh ud hamē-sūdīh rawāgēnēnd pad ayārīh zōr [ud] xwarrah ī wisp-āgāh spenāg mēnōg dādār ohrmazd.

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.