TITUS
Dadestan-i denig
Part No. 53
Previous part

Chapter: 52  
Paragraph: 1     52-om pursišn ud pāsox ān ī pursēd kū andar šahr ud bē šahr mardōm ī weh-dēn xrīd-ud-frōxt ī pad gōspand abāg ǰud-dēnān ud *nakkīrāyān kunēnd ud ō awēšān frōšēnd ēg-iš dādestān čē ka weh-\dēn Page of ed.: 58  nē mad ēstēd pad arz nē xrīnēd ud be ō *nakkīrāyān ī ǰud-dēnān frōšēd ēg-iš dādestān čē ān kē-š zīyišn az ēn ēg-iš dādestān čē
Paragraph: 2     pāsox ēd kū abēr garān wināh ud was-wināhīhā ud wad-pēš<ag>īhā pad čār ud tuwān āōn kār kardan pad āōn sūd xwāstan nē dastwarīhā bē agar ān weh-dēn kē nibišt kū zīyišn az ēn kār pad any-iz ēč kār ī frārōn pēšag ī az ēn kam-wināhtar zīyišn xwāstan nē tuwān purr-xrīdār ī weh-dēn ayāftan be ō weh-dēnān frōšēnd čēōn-iš kam-wināhtar tuwān az ham-kār zīyišn xwāstan pādixšāy
Paragraph: 3     čē ēk-iz mard ī ahlaw abāg ahlawān ī-š andar sālārīh zīwistan ēdōn tuwān ka gōspand be ō ōzanišn ud anērān-xwarišnīh frōšēd was gōspand be ō kōxšišn ud anērān dārišn mad xwārtar kū mard ī ahlaw pad an-ayābišnīh ī zīyišn pad marg bīm ōzad

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.