TITUS
Dadestan-i denig
Part No. 62
Previous part

Chapter: 61  
Paragraph: 1     61-om pursišn ud pāsox ān ī pursēd kū baxšišn ī mayān ī weh-dēnān pad xwāstag ī mīrāt čēōn ēstēd u-šān čēōn pad-iš abāyēd ēstādan
Paragraph: 2     pāsox ēd kū xwāstag pad xwāstag-dārīh azabar azēr ēdōn rasēd čēōn āb ka pad ǰōy pad nišēb šawēd bē ka ō frōd widarag bandīhēd ud pad frāz abāz šawēd ēnyā ō pas nē šawēd
Paragraph: 3     ka handarz ud any tis andar nēst xwāstag be ō zan ud duxt ud pus ī pādixšāyīhā rasēd harw duxt-ē kē zīndag ī pid šōy kard bē agar-iš pad handarz tis-ē dahēd ēnyā-š awiš nē ayābēd
Paragraph: 4     ān kē-š nē kard bahr-ē pus rāy harw ēk hāwand ud zan ī pādixšāyīhā dō hāwand ī pusarān ud zan-iz ud pus-ē ud duxt-ē ān kē pad harw dō čašm kūr ayāb pad harw dō pāy armēšt ayāb-iš harw dō dast abēkār dō and čand ān ī drust bahr niyābag
Page of ed.: 67 
Paragraph: 5     ān kē-š pid pad sālārīh būd čēōn ka pid ayāb mād zarmān ud čagar ayāb a-parwarišn ī ǰud az ōy a-sālār ayāb-iš brād ayāb xwāh a-burnāy mard ī tuwān passazag ī sālārīh ud pānagīh ud parwarišn frēzwānīg būd frāz az ōy xwāstag-dārān ī ōy kē xwāstag grift ēdōn frēzwānīg čēōn ōy frēzwānīg būd
Paragraph: 6     agar ān mard pus nē bē-š duxt ayāb zan ast ud agar az ān mard čēōn zan pad sālārīh nē šāyēnd dūdag-sālār abāyēd gumārdan ud agar-iš zan-iz ud duxtar nēst stūr abāyēd gumārdan ēd kū ka dūdag-sālār abāyēd gumārdan kē sazāgtar ka stūr abāyēd gumārdan čē sazāgtar pad dar ī pursišn nibišt

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.