TITUS
Dadestan-i denig
Part No. 63
Previous part

Chapter: 62  
Paragraph: 1     62-om pursišn ud pāsox ān ī pursēd kū az anērān ud ag-dēnān tis-iz xwāstag dastwarīhā barēnd ayāb nē
Paragraph: 2     pāsox ēd kū xwāstag ud xīr ud tis ī anērān dārēnd u-šān az wehān pad stahm burd ēstēd ud dādestānōmandihā abāz nē dahēnd ka šāyēd pad any ēwēnag ī weh šāyēd stānēnd az anērān tā ān ka-š xwadāywand ayābēd xīr framān ī dādīg pādixšāy ud rāst wizīrgar frārōnīhā dāštan xwad rāy sūd ī paristišn pad-iš xwāst dastwarīhā
Paragraph: 3     bē pad ān ī awēšān pad dādestānōmandīh rawēnd abāg awēšān pad dādestānōmandīh raftan ud madan abāg-išān nē druxtan nē ag-dēn ud nē anēr
Page of ed.: 68 
Paragraph: 4     margīh-iz-išān ud rištagīh az suy ud tišn ud sarmāg ud garmāg aziš abāz-dārišnīh rāy ka-š niyāz mad ēstēd xwarišn ud wastarag ud darmān dādan ēwēn
Paragraph: 5     bē xīr ud asp ud zēn-abzār ud may ud zamīg be ō anērān ud dēwēsnān dād nē dastwarīhā guft ēstēd

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.